السلام عليكم ..
وصباحكم هيل وزعفران ..
السااالفه : كُنا في مجلس ( 8 اشخاص ) سوالف ومناقشات في جميع المجالات ..
شعرية .. رياضية .. وضحك وسوالف .. واذا بورقه تأتيني من احدهم وهو
الشاعر / محمد العمري " حبر العيون " ... ومعها القلم وقد كتب بيت واحد ,
واخذت الورقه ولم اكلمه وكتبت بيت بعد بيته وارجعت الورقة له .. ونحن
مستمرين في سوالفنا مع الشباب .. ولم نتكلم حول هذه القصيدة ..
فقط يكتب بيت ( ويدف ) الورقه والقلم لي .. وعلى هذا الحال الى ان خرجت هذه القصيدة .. فهي مرقمه ( الرقم الفردي له .. والرقم الزوجي لي )
هو بدأها وان ختمتها .. تعالوا نرى هذه القصيدة ..
ياشفاة الرمل كفّي عن وجـن إبـن السحـاب=خلّي انفـاس التلاقـي تلقـى زفـره مثمـره
اقطفيها من عناقيـد السمـا والتـووت طـاب=قدميها فـي كفوفـك واعـرف انـك مبهـره
قدميها للمدينه .. فـوق صـدر إبـن الكتـاب=واجمعيها في قصايد مـن شعـور(ن) ينثـره
احضنيهـا بالحنايـا .. مايجيهـا الإكتئـاااب=ماتموت اشواق حـرف وهالقصايـد مسهـره
واستغيثي بالفراشه فـوق صفحـات إغتـراب=وانسخي صوره بعينك بيـن جفنـك واشعـره
انظر بعينك اشوف السُنـدس ايـدوّر ثيـااب=يحضن استبرق رموشك .. راح يمّ المنظـره
لااستدار البدر الاسود وامتطى خيـل الشهـاب=وافزعت له كلّ نجمـه ,, إلا نجمـه منكـره
ينزوي هالليل يخضع .. مايطاوع .. بس يهاب=يجبره غصب(ن) عليه ايبـوس ايـده يشكـره
غاية اسهيل اليماني من جدي صـدق انجـذاب=واستفاق العمق موج(ن) بيـن شطّـه وابحـره
التقى فيها البحر .. لامس سماهـا والعبـااااب=واختلط موج البحر ويّـا السحـاب الممطـره
