السلام عليكم ورحمة الله وبركاته
كل عام وانتم بخير / وجميع اوقاتكــم سعادة وشعر
هنا ستكون نصوص الشعراء المشاركين في المرحلة الاولى لمسابقة شبكة ذوق الرمضانية
الاولى للشعر الشعبي
وهنا سيكون التصويت العلني امام الجميع..
[blink]وسوف يستمر التصويت لمدة 24 ساعة لكل مجموعه من بداية طرح المشاركات نظراً لضيق الوقت[/blink]
نتمنى لكم قضاء اوقات ممتعه مع الشعر واهل الشعر..
كما نتمنى أن يكون التصويت للشعر فقط
ونذكر بأنه لايحق للشعراء المشاركين في المسابقة التصويت...
كما نقــدم إعتذارنا للشاعر محمد سعيد حيث تــم إستبعاده من المنافسه
نظراً لعدم بعث مشاركته حتى هذا الوقت
وهذا يعتبر مخالف لألية المسابقة المعلن عنها..
إليكم النصوص وموضوعها (
العتق .. أو بمعنى أخر العفو عند المقدرة)
النص رقم (1)
العفو والاصلاح منهج هل الدين=اوصابه الخالق بمحكم كتابه
اقرب دليل آيه اثنينه وعشرين=اول آيات النور للي قرابه
يحثنا الخالق على الصفح واللين=وعلى التسامح والتعامل بآدابه
من يعفو ويصلح خلافات ويعين=جزاه عند الله ويلقى ثوابه
تنازل اهل الحق للمستحقين=إيثار للآجل بحسم الطلابه
من فاز به يزداد عزه وتمكين=يصير محشوم وعزيزٍجنابه
مايقدره كود الرجال الكريمين=طبع الكرام اللي تريد إحتسابه
ويبقى العفو دايم شعار التقيين=من يفعله مأجور واللي سعابه
النص رقــم ( 2 )
النار دار أهل الكفر و الفسق و العصيان = عيشة شقى نعوذبك يا الله من الشاقين
يا اللي بيدك العفو فرصه غالية الاثمان = العتق خله لك وقايه كنك الواقين
عتق رقبه و العاقبه عتق(ن) من النيران = و الفوز في جنة عدن لا لتفت الساقين
العفو عند المقدره شعار للشجعان = ويا محيي النفس أعلم أنك محيي الباقين
الدم يا اللي تغسله با الدم لا غلطان = أطلق سراح المعتقل ترقى مع الراقين
فضايل العتق أنزلت يا ناس في قرآن = أخبر بها الرحمن عالم هقوة الهاقين
ويا مفرج الكربه لوجه الله عظيم الشان = تبشر بها و الطاق يرجع يا الشلي طاقين
النص رقــم ( 3 )
العفو لأهل العفو يااهل المواقيف=وأصحابه اللي ماتشح بعطاها
العفو يمضي مثل مايمضي السيف=يحيي نفوس ٍ ممحله من بلاها
العفو ياتيبه قوي التصاريف=إبـ .. حزة ٍ فيها النظر جف ماها
أحد ٍ تجيه الخلق صوبه مناكيف=وتروح منه غيض مما عطاها
وأحد ٍ يبي عفو الولي كم لا كيف=ماهو يدور حاجة ٍ من وراها
مايقدره غير الرجال العواريف=واللي قدر ماهو يساوم علاها
اللي عفى .. وأصلح .. ولا قيل له حيف=وأجره على الله وأحتسب وأحتساها
هذا العفو يااهل العفو والمواقيف=والرابح اللي بيعته من شراها .!
النص رقــم ( 4 )
يقول منهو لا نوى صرف الأمثال=ياخذ من جزال العلوم ثمرتها
منقيّته وضحٍ من الزّود تختال=من طيب بدْنتها تزين شعرتها
يوم المزاين تنفرد ما لها أشكال=ما احتارت اللجنة ولا حيّرتها
والمعرفة نارٍ على روس الأقذال=تبين لا ساد الظّلام سفرتها
ترى الكريم إن جاه ما كدّر البال=واحتدّته بقعا و حاله برتها
ثم قام و أشعلها على راس من عال=والمعتدي شاف البلا فآخرتها
من عقب زومه حلّ حالٍ بدل حال=والنفس هانت و السّلامه شرتها
فالعفو من عادة كريمين الأسبال=يامن بها من لاذ تحت شجرتها
النص رقــم ( 5 )
ياصاح ياللي مخوتك غطت اساطير الوفا=جيتك وانا قصدي اعتذر ان كان لي بالمعذره
مشهود لك ياصاحبي انك تواصل من جفا =وان جاك من فعل الحقود اللي يغرك تزجره
هذاك طبعي في الملا أشفي وقلبي ماشفى=أشكي عذاب الموبقات اللي ظلمني مااعسره
جيت أعتذر لك عن خطا والشوق بعيوني رفا =لين القصيد اليوم ذاب وجف دمع المحبره
انا هقيتك يالخوي ترحم اذا جيتك حفا =لكن لقيتك بالظنون تعوف وصلي وتكسره
وانا هقيتك بالجروح تناول عيوني الدفى = والا على جرح السنين تشوف جرحي وتجبره
ياصاح من غدر الجروح اليوم قلبي مااكتفى =ودي تسامحني قبل أحزان عمري تنحره
جيتك وانا ارجوا السماح وبارك الله من عفا= قد قالت العربان قبلي العفو عند المقدره
قالوا عدوك تحذره مره ولو عنك خفا = لكن رفيجك يا خويي الف مره تحذره
النص رقـــم ( 6 )
مكارم الاخلاق ورث ٍ لأقوامها = والعفو عند المقدره هو سنامها
وشخوصها قصور ٍ تزيّن إوطانها = وشموسها اللي ساطعٍ ٍ به كِرامها
من أي جنس ٍ للبريّات ينتسب = يزود من فعل المكارم مقامها
قريبين للحسنى بعيدين عن الدنّس= معين عدّ ٍ لالظوامي أدامها
لوهو فقير الحال للخير يهتويّ = يربى بنفسه للمكارم إقدامها
غدالنا من سيرته مايحثنا = يجمع مسار جموعنا إلتزامها
سِْيد المكارم والشهامات والعلا= من صلب آدم لين يوم زدحامها
عليه ماتشرق شوارق شموسها = صلاة مع تسليم حتى قيامها
تفضلوا صوتو ونتمنى للجميع التوفيق
