سلطاااااانياااااات

[سلطان الدوسري]

السلام عليكم ...
ومساكم طيييييييييب و دخوووووون ..
قصائد بعضها لم تُنشر .. وبعضها نُشر في موضوع كان مطلوباً
هكذا ... أو في استدعاء لـ شاعر ..
والأغلب لم تنشر ... لعلّها تطرب ذوائقكم ..
ونستفتح بها هذا الذووووق الهاديء .
.
.
.
" call me "


بنت الحمايل طلبتك ارفقي فيني=واللي خلقني تراني واصل(ن) حدّي
بقعا وصكّاتها في جبهتي شيني=مدمي جبيني وانا توّي على العدّي
واليا طلبتك ب " call " وربي ابكيني=تدمع عيوني لأني جدّ منحدّي
شوق(ن) ذبحني عليك وقلت مافيني=عادي تنازل وقل دقّي على جدّي
كله عشانك ورب الكون ياعيني=والا تراني على الموضوع ماودّي
فيني شموخ(ن) قسم بالله يشقيني=يقطع يدينه .. اذا مدّيت انا يدّي
واليا قطعها خلاص العلم يحريني=الموت الاجلد ثيابي ماتجي قدّي

................

" hotmail "


صعبه ايميلي يضمّ رسالتك " جنكَه "=لو يلتغي " هوت ميل " بكبره وكوووبه
تبقى مراسيلي لقلبك .. على بنكَه=فيها اعتمادي .. ويصرف لو على دوووبه
والشوق الى من حداني جتني الضنكَه=اذكر بعادك .. واقول لقلبي التووووبه
مااقدر على شوق(ن) إلك انت وبعد منكَه=ويلي عليك وعلى ضمّك ولو نووبه
بحكي حكايه .. عن الضمّه وبالحنكَه=عمداً بطوّل .. بسرد الشرح وبثووووبه
وان شاقني شي(ن) آخر .. لمعة الزنكَه=ضاعت علوم وقوافي فيك مندوووبه
من خمّتك انصرف من بنكي فرنكَه=صار اعتمادك يهبّل .. ياااه يااسلووووبه
عيني بعينك واقاوم .. وانصرف عنكَه=وارجع اقاوم .. واعيد الكرّه بحوووبه

................

" انثبر فيني "


ماقلت لك مرّه اسكت وانثبر فيني ؟؟=لاتسمع الهرج ثم تضيع في طوشه
اقسم احبّك دليلي واضح بعيني=ناظر عيوني عليك بسبّتك هوشه
عين(ن) تراقب على المنظر تبي تيني= وعين(ن) تعاند تبي توته من الروشه
كله عشانك تحاسد فيني اثنيني=والعاشق المغرم الثالث على النوشه
قلبي تمتّع بحبّك وانتثر شيني=حبر(ن) رسمني على تجويفك بكوشه
لو قلت احبك ظلمت .. وقالها الفيني=ماعاد تنفع احبّك صايره دوشه
امشي تعالي بقول ان انتي الجيني=يعني وراثه واشيل اجيالك الخوشه
يعني نكرر غرام(ن) ماضي بليني=مابين جيلي وجيلك مايجي بوشه
شفتي حياتي اموت بوسطي وفيني ؟؟=لنّك بوسطي اساساً ضايع بطوشه

....................


" ام كلثوم "


(أغداً القاكَ) ؟؟ قُل لي زادَ شوقي إشتيـاق=(أنتَ عمري) في كيان ٍ (أقبـلَ الليـلُ) مَعَهْ
(دارت الأيام ُ) حتّى فاقَ منّي مااستفاق=(قصة ُ الأمس ِ) أثارت (ثورة ُ الشك ِ ) .. جَعَهْ
إنْ يكُن (حُلُمُ الأملْ) منْ (أجل ِ عينيك ِ ) أراق=فأحسُب ِ ( تاريخَ ) وقت ٍ قدْ يكُنْ في معمعَه
فأنظُري ( أهلُ الهوى ) قالوا على ( الآهات ِ ) باق=ذاكَ سهمٌ في ( حَديث ِ الروح ِ ) دومَاً نسمعَه
( الزَهرُ في الروض ِ إبتسمْ ) من قِصّة ٍ تُروي مَذاق=( سِيرةُ الحُب ِ ) رَوَتْ ( طَابَ النسيمُ ) مهجَعَه
فأمر ِ .. ( قولي لطيفُك ِينثني ) .. للإعتناق=قدْ تُنَادي .. هذه ( الأطلالُ ) يوماً نطمَعَه

..................
" كحل العيون "


ياكحلة(ن) في جفونك سالت ومنّـي=من نظرة عيوني لعينـك تناظرهـا
ولامن رمشتي اضيع ويركبن جنّـي=جنّت جنوني .. وجن الكحل يدمرها
خوذي جنوني وردّي كل شي عنّـي=قولي جنونه يجنن .. بس انا اشكرها
حتى القواعد ضميرك مستتر .. فِنّي=افصح ضميرك / اقدّر ما أغامرهـا
اقرا حروفي بعينك .. بؤبؤك بُنّـي=والثلج حوله وكاسي قال : اكابرهـا
تلميذك انجب من اللي بالهوى أنّـي=هاتي سؤالك مشاعر كنت شااعرها
اثني غصونك عشان اقطفك متهنّـي=واعاند التـوت بالقطفـه واقامرهـا
توتك طبيعي .. حَمَاره أرعد وشنّي=بعثر شفايف طبيعي صرت عاصرها
لكن سؤالك ذبحنـي ليـه ياننّـي؟؟=اقسم احبك .. واموت بيوم تذكرهـا
مابين رمشك وعينك مقعـدي لنّـي=حارس عيونك و اوقّف من يغامرها
سيفي رموشك احارب كل متجنّـي=وابارز عيون من نظرات " اخزّرها "
عيني بعينك تعالـي شوفـي ودنّـي=انتي بعيني وانا بالـ" ننّ " اشاطرها


.............................


مطلع من قصيدة الشاعر العلم / سعد بن جدلان الاكلبي :

خلوني اسج عن موضوعه احسن لي=والا الغلا والله ان يبطي وهو غالي

وبنيت عليه التالي :


(( خلوني اسج عن موضوعه احسن لي=والا الغلا والله ان يبطي وهو غالي ))
حتى الغلا لو سألته قال لي والّلي=واللي خلقني اساسي موقعه عالي
تكفون خلّوه فيني داخلي كلّي=وانا بعد داخله والشوق لي قالي :
اشتقت له معْك وخذني دقّي بجلّي=الشوق من غيره اصلاً ماله حبالي
خذني معَ ذا الغلا ثم بيّح بحلّي=لو مات شوق البشر .. شوقي غدا هبالي
اشتقت لك يالغلا برفعك ثم فِلّي=قصة جبينك على ذاك الشبه حالي
حيّ الشبه والحلا والزين والفُلّي=حيّ الورود ابجفونك تنبت بجالي
عطني يمينك بحطّك فوق ياخلّي=فوق الكواكب عشان اشوفك لحالي
طبعاً اغار وطبيعي غصب عن من ملّي=وشلون احبّك أجل لاصرت انا التالي
لازم انا أوّلك وآخرك " بالملّي "=ماتنقص " القفله " بحبّك وانا الغالي

........................

قصيدة طُلبت هكذا بـ خيانة حبّ .. في أحد المواقع ..
ولم تُنشر في سواه :


محكمه .. ثم تُفتح الجلسه ويُعدم هالقصيد=محكمه .. صوّت على الشاهد قضيّه مُعضِله
محكمه .. إقسم وقل واللَه اقول الحق سيد=ليه مانعدم قصيده .. والضحيّه مُهمِله ؟؟
تْحال " للمفتي " بأمر المحكمه هذا المُفيد=والإفاده في محاضر عشق عندي مُكمِله
حبّ مكتوب(ن) عليه الموت حتى لو يزيد=والوفا وسط المشاعر / يووه ياهي مُثقِله
والضحيّه قلب ينزف / موتته ماهي بعيد=آآه ياوقت(ن) هقيت ان الليالي مُسبِله
كنت احسب الوقت يضفي من ثيابه لي جديد=وكنت احسب / وكنت احسب / وهالهقاوي مُشكِله
آآه ياموت(ن) درقني / مادريت انه عنيد=هدّ لي حب(ن) بنيته .. يوم هبّت مُشمِله
ارعدت ثم ابرقت ثم امطرت راحت جميد=كنّها " لم تغنَ بالأمس " / وحصاد بمُقصِله
ولو زرعت فلا تعجّب لو طلع " رزّك " " سميد "=ولو خبزته ثم عجنته " قمحتك " ذي مُقبِله
فوق كبدك ماتحوّل / من خيانه بالأكيد=والأكيد ان الستاير .. فالنهايه مُسدِله

.....................

وهذي لها سالفه ..
كان الغالي شقران ضيفا على الدوسري بالرياض .. وكنّا حينها
نتابع أحد القنوات الغنائية ... وكان هناك عيووووووون ( مهيب صاحيه ) ..
قال شقران : سلطااااااااااااااان .. وش تقول بهالعيون هذي ؟؟؟
قلت مااقول الا ياسبيل الخير ههههههههه ..
قال شقران .. هذي وش تسمّى هالعيون ؟
قلت : هذي يقال لها العين الضحوك ..
قال شقران : وسلطان وش يبي يقول بالعين الضحوك ؟؟
وكتبت هذي :



ويلك امن الله تراني مااتحمل هالعيون=طالبك تكفى رموشك لاتسلهم به كذا
يووه ياشي(ن) لمحته كل عين(ن) به سكون=ساكنه متمكنه به غيم ضاحك رذرذا
نعنبو عينك ضحوكه ضحّكت بي هالجنون=ارتبشت ورحت فيها مااعيش إلا اذا
مااعيش إلا اذا رمش الهدب قوله تمون=ايه ياجدي اعيش وكل وردك لي شذا
مستحيل اني اعيش بدونك ومهما يكون=ماتهمن ذيك وهذي كيف وانته تُحتذى؟؟
انت كلي يابعدهم عارف انك ماتخون=دوك عهدي وافي(ن) لك صافي(ن) مابه وذى
دوك كلي خذ حنان وهاك حب وخذ جنون=تعرف انت العشق عندي عارم وطبعاً لِذا
انتبه لقليبي اللي ماتحمّل هالعيون=انتبه له نعنبو جد الرموش اللي كذا


...................

" ضفّ ثيابك "


وش بلى هالليل اشوفه في عيوني سرمدي=وش بلى هالليل احسه علّق ثيابه هنا
وش بلى هالهّم اشوفه كل ليله يبتدي=وش بلى هالغمّ أظنه ما لقى غيري دنى
اعطني حُريتي اطلق سوادك من يدي=حلّ قيدك هالسواد بمعصمي أدمى عنى
فكني.. كفك ابوسه خلني في مرقدي=فكني واللي خلقني فيه غيري مُحزنا
لا تجيب الحزن يمّي لاتجي في مسهدي=إسأل انجومك تعرف أن العدد عندي أنا
آه يا ليلي علامك كل ليله تعتدي=ليه تجحف في حقوقي ليه غيري له غنى
دندني يانجمة الصبح وتعالي نهتدي=شوفي الشمس بشعقها نوّرت لي بالهنا
اسّفرت ثم انّورت يازين نورك بددّي=علّمي هالليل يضفّ ثيابه اللي عندنا

.
.
.
يتبع .. على فترات ..
.
.
احتراماتي

[سلطان الدوسري]

قالت : اكيد انت ناوي قلبي بنيّه=قلت : الأكيد ان قلبي نيّته بيضا
قالت : غريبه مواري عشقك بليّه=قلت : المؤشر عجز يتحمّله ايضا
قالت : عجيبه ابد ماشفت انا زيّه=قلت : العجب لو يشوفك زاد به غيضا
قالت : تفلسف عشان انّي انا بنيّه=قلت : المشاعر عليها فلسفه فيضا
قالت : قصيدك احسّ اتوجهه ليّه=قلت : القصيده بدونك بارده قيضا
قالت : عيونك اشوف بوسطها شيّه=قلت : انتي ابها وتعكس صورتك ايضا
.
.
.
لنا لقااااااااء

[سلطان الدوسري]

استباح الحرف شي(ن) من خبايا خاطري=والغياب ان طال صعبه .. لاوربي مااكتمه
معادلتها انفجار .. الا جنون وحاذري=لو أمرتي مُقصِله .. اسبق قرار وأختمه
لجل عينك لو اكون المتّهم واتجاهري=اعلنيها في قصاصي قولي اني مااشتمه
ايه احبّه بس ودّي ذبحته في ناظري=وادفنه في ننّ عيني .. غصب حالاً احتمه
بس يكفي يابعدهم .. لا تعالي بادري=والصباح ان شق صدر الليل سالت اعتمه
.
.
.
احتراماتي

[سلطان الدوسري]

سكّريه " في حلاها .. وعنصر السكّر يذوب=لو نوى " قطمير " ذوبَه يوووه ياهي مُشكِله
ينتفي سكّر طبيعي .. من خجل لازم يتوب=يعترف .. يجحد " كرز " و " التوووت " ماهو مُعضِله
سكّريه .. سكّريه .. في نخلها هالطّروب=و" الخَرَاف " اليا لمسته .. عين عذق و مُسبِله
في شغاف القلب تقدع سكّريه .. ثم تجوب=كل عرق ايقول : هذي تمرتك وش مُذهِله ؟؟؟
.
.
.

[سلطان الدوسري]

.
.

والله ان الكون كلّه في غيابك مدلهم=والمجره بايعتها وين ذاك المشتري
البحر مدّه قصر في وسط جوفه معتصم=ينتظر من نوّ اشاره لو طلعتي يفتري.
.
.


قلت لك مليون مرّه .. ايه احبك لاتعدّ=وان نويت تعدّ .. احذر لاتلخبط في شعور
.
.
.

من يقول الحبّ ميّت من زمان ؟؟ يجيب نصّ=آل ايه ؟ الحبّ مات .. ويكذب اللي قال حبّ
مايموت الحب اصلاً .. لاامتلا باحساس خصّ=لو يجيه من العواصف ... يستميت وثمّ شبّ
وان سألت وقلت احبك ؟ .. قلت احبّك .. دوك وصّ=هالحنايا تستعدّ .. لأمر طاري بس عبّ
.
.
.

دوك المشاعر و دوك اشياء من بيني=بعضي .. وكلّي .. وبقايا عمر .. اتقّيها
حطّي يدينك .. وشيلي خنجر سنيني=وان ماقدرتي .. وصيّه زووود دقّيها
يمكن اموت بيدّينك .. آآآآآه ياعيني=موته بيدّك .. وموته فيك انقّيها
.
.
.

ولاقلت احبّك ؟؟؟ سكووووووت وأسمع لحبّي=والا انا ؟؟؟ ساكت وسامع لك منوّووول.
.
.
احتراماتي

[سلطان الدوسري]

حتّى عطرها غيييييييييييييير ..
.
.

بعض العطر لافاح ودّك تشمّه=وبعض العطر ماودّك يفوح مرّه
.
.