دعوه للهيجنه / وكل عام والجميع بخير

[دانة الجوف]

أحبتي أهل الذوق

كل عام وأنتم بخير / وأيامكم كلها اعياد ومسرات إنشاءالله

من طاب له القاف و وزنه فــليهيّجن معــنــــا
.
.
.


حنّيت كفٍ تبي يمناه =وشبّيت للشعر قنديلي
كلٍ يغني على ليلاه= وانا بغني على ليلي


مع العلم انه لايُشترط التسلسل أو توحيد الفكره/ المعنى

(وكلٍ يغني على ليلاه )

نشترط فقط عدم تكرار القوافي

ودمت على الحب

وكل عام وانتم بألف خييير

[مبروك بن ماضي]

اختي الفاضله / دانة الجوف
كل عام وانتي واهل الذوق بخــير
يسرني المشاركه في هذا الموضوع الجميل
بهذين البيتين التي أتمنى ان تحوز على اعجابكم

أعجبت في ماورد أعلاه
وغنيت لجله مواويلي
***
وسجلت حرفي لكم أدناه
والشعر وإنْ غاب ياوي لي :)

[متعب الحشيان]

كل عام وانتي بخير ..

واستلمي ..

***
يادانة الجوف عذبة ماه

اهديتك الورد وأكليلي

***

ورد الوصل لأجلك أهديناه

ياحكاية الشعر في جيلي

***

لك مني كل الود ..

[عيسى الحربي]

متـــابع


بصمت

[محمد الفرحان]

.

.

شاعرتنا القديره

و

مشرفتنا المميزه

دانة الجوف

.

.

من العايدين

و

كل عام وانتِ بخير

.

.

حضرت لتقديم الشكر لكِ على ماتقدميه

لخدمة هذا الصرح وعلى تقديمك لهذه

العيديه / الهديه / المساحه لأعضاء

منتديات ذوق الشعر . .

وسيكون لي عوده ان شاء الله

.

.

تقبلي فائق تقديري واحترامي

[عويد المغيليث]

اختي الفاضله / دانة الجوف
كل عام وانتي واهل الذوق بخــير
يسرني المشاركه في هذا الموضوع الجميل
بهذين البيتين التي أتمنى ان تحوز على اعجابكم



يازين طاروقك ويامحلاه =والشعر بالحال يطري لي
ماكل شخص ينول مناه = واللي قرى الخط يدعي لي
قلبي مريض ولالقيت دواه=والدمع غرق مناديلي

والعذر والسموحه من القصور
وكل عام وانتم بالف خير
اخوكم المغيليث

[راعية العليـا]

دانة الجوف

اتحفتي الذوق بجمالك وروعة حضورك

شكراً لهذا البهاء

وكل عام وانتِ بخير
يافارس الشعر يامعــنـاه = طلبتك ارجوك لبيّ لي
سمّعني صوتك ابي أحيــاه = ياسيّد الحرف غنيّ لي

[عمرالبايح]

هلا والله بالدانه وكل عام وانتى والاخوان بالف خير

يا دانة ٍ والشعر يازهاه
ـــــ ياهوه والشعر يبكى لى
القلب يشكى على مشكاه
ـــــ نور السنين المقابيلى
متى يعود وانا القاه
ـــــ يازهرة العمر قولى لى

[عادل الغدير]

الرد جبته على مغزاه=واللي يبي الشعر يصغي لي
الكل منا لنا مبداه= وماعاش من راد تظليلي

[سعد العصيمي]

مرحباااااااااااااااا
شاعرتناا لمتألقه
كل عام وانتي بخير وسعادة



مجرد محاوله فقط لاغير :)



شعر النبط زان الي مبداه = واسرجت مع طرقته خيلي
الكيف كيفي وانا ملفاه =متعب ولا اخسر معاديلي
واعذريني على القصور

تحياااتي

اخوك

[دانة الجوف]

مبروك بن ماضي

متعب الحشيان

عويد المغيليث

راعية العليا

عمر البايح

عادل الغدير

سعد العصيمي


شموع ورديه

تضيف للشعر سمواً حرفياً


صحّت ألسنتكم جميعاً /ولاهنتم على التفاعل


عيسى الحربي / الصمت حلو لكن الهيجنّه أحلى :)

اشكر المرور والحضور وكلي امتنان

محمد الفرحان شكراً لهذا المرور المفعم بالوفاء وسعيدة بهذا الكرم البالغ منك
انتظر عودتك

[دانة الجوف]

اعتقد لامانع من العوده :)



عنّيت كيفي على مشهاه= وبهّرت دلة فناجيلي
العيد عيدي انا ويّاه= أعطيه وبالشوق يوفي لي

[عبدالله الرقاص]

شاعر يهيجن على مركاه=فنجاله البن والهيلي
طرق الهجيني سمر وياه =في ليلةٍٍ نجمها سهيلي

[رميص بن سعد]

دانة الجوف ،،،،،
كل عااااااااااااام وأنتي الذوق



الليل نااااااادى على مسراه
والصبح جاب التهاويلي
والحب ما حدٍ مشى برضاه
عزآه يا محتري السيلي


كل عام وأهل الذوق بخير


*************

[الصامته]

http://www.zahrah.com/zpix/wel213.gif
مشاركه راائعه دانة الجوف سلمتي لنا وكل عااام وانتي باالف خير ...عيد سعيد

[خليل المطيري]

بسم الله الرحمن الرحيم


مشكوره دانة الجوف على هذه المشاركه



بعض العرب مد لي شلفاه = من قبل يقرا غرابيلي
ما كل شرحٍ على معناه = واللي على الحق يدعي لي


خليل المطيري

[دانة الجوف]

وش رايكم نقلبها دحـّـه

<<< تنفع تكون حاشي :) ( بس مو الحاشي اللي تعرفونه)


عبدالله الرقاص

رميص بن سعد

خليل المطيري

تتقلد أبياتكم عقود اللؤلؤ لتصطف بين مثيلاتها السابقات

لتمتعنا بجزالتها .. ومعانيها

لله درّكم من مبدعين ورائعين


الصامته


ياهلا وغلا وحياااك ياغاليه

شكراً لبهاء وجمال الحضور وكل عام وانتِ بألف خير

[فهد الدباسي]

و الله الدحه مهيب شينة



بس تحتاج أجواء الشمال








متابع لكم


لـ الإستمتاع و التعلم






شكراً لـ روعتك يا دانة




تحياتي لـ كل من مرّ هنا

[الكايد]

هلاو الله دانه الجوووف
تسلمين على الفكر المتجدد والابداع المتواصل
فقط للمشاركة مع اخواني ولو اني ما تأكت بالضبط
من تكرار القافية ولكن لعلها بالفعل ماتكررت


الصدر يبدأ على آه آه
والعجز يختم على ايلي

طيب طيب
ـــــــــــــ

اللي عشقنا ودللناه
مافاد عشقي وتدليلي
برميه الى زان لي مرماه
رمية جزوم وحلحيلي





بالتوفيق للجميع


تحياتي

[محمد الفرحان]

.

.

يادانة الجوف يالمهاه

_ _ ياباشة الغيد أصغي لي

في ذوق جهدك ترى شفناه

_ _ قدمتي البن والهيلي

جبتي الهجيني على مبناه

_ _ وجبتي طروق ومواويلي

.

.

وعذرا ان كان هناك تكرار للقافيه

.

.

[مبارك آل عمار الدوسري]

:
:
دانة الجوف

كل عام وانتي بخير


كل الشكر لك لجهودك المبذوله
والتنويع بالمواضيع الجميله

لاهنتي على الحضور المتميز والتفاعل الدائم

هيجنه وتفاعل رائع وجميل

:
:

لي عودة لاعدمتك
:
:
تقديري لك

[بدر الدويش]

شكرآ لكِ يارائعه
.
.
فعلآ كلٍ يغني على ليلاه

وكل عام وانتي بخيرررر
والجميع بخيرررررررر
.
.

الشٍعر أشوفه كبر علبـاه
..... وما كبـّـره غيــر تهويلـــي
أستاهل إنـّـي رفعت إبناه
.... من طــُوب فكري وتحصــيلـي
..

[كديميس السيحاني]

طويق من هو يبي يرقاه = ما ياصله بارد الحيلي
والسيل حدّر مع المنحاه = واشتال زاهي الخلاخيلي
اما على ديننا برضاه = والا على على حكم الانجيلي




عذرا

ههههههههههههه

[وسميه]

غناتي

دانة الجوف


مشكوره على طرحك الجميل والمتميز


هيجنه وتجمه رائع

ولمسات جميله على صفحات منتدانا الرائع



تقبلي

تقديري

وسميه

[كحيلان]

اينك ايتها الدانه


انتي راااااااااائعه


هجينياتتت راااااائعه من مبدعين




تحياتي