المساعد الشخصي الرقمي

مشاهدة النسخة كاملة : الشاعر المُجدد / عبدالله العليوي

فهد الدباسي
10-12-2005, 10:51 PM
فجع الشعر و أهله بـ فقد من هيمن على الكلمة

و فرض نفسه بـ كل ثقة على الساحة الشعبية


استطاع أن يرغم الجميع بـ قبول ذلك التجديد الذي أتى به من كوامنه إلى أهل الشعر و الأدب

هو الشاعر الكبير / عبد الله بن عبدالعزيز العليوي

ولد في مدينة عنيزه عام 1373هـ

و حصل على الشهادة الثانوية و قد أقام أمسيتين في حياته

و استطاع أن يفوز ببطولة المملكة لـ القصة القصيرة في التسعينات الهجرية و جاءت بـ عنوان (( لمحة وفاء ))

هو شاعر شعبي وأديب ندر تواجد أمثاله في زمن الإعلام المبتذل

شاعر استطاع خلال 25 سنةأن يصور الآلام و أن يرسم أحزان الآخرين رغم عدم استطاعته النهوض من ثقل الأحزان التي فوق كتفيه لـ يرسم لنا الإبداع و الجمال


عمل مشرفا ثقافيا في النادي العربي بعنيزه و كان شعلة من النشاط

فـ حقق النادي في ذلك الوقت العديد من الإنجازات الثقافية

سواء داخل القصيم أو خارجه


صدر له ديوان مطبوع جاء بعنوان (( بقايا شوق )) ضم اكثر من 72 قصيدة و كان الإهداء إلى والدته


طويت بـ وفاته صفحة من أهم الصفحات في تاريخ الشعر الحديث



توفي رحمه الله يوم الخميس الموافق2/11/1424هـ و صلي عليه بـ جامع الضليعيه في مدينة عنيزه

رحم الله الفقيد فـ قد كان من أعمدة الشعر الشعبي المُجدد


و هذه بعض قصائد الراحل
فهد الدباسي
10-12-2005, 10:53 PM
منك انهتينا يا مخيـب رجانـا=الصبر طال وعذبتنا المشاويـر
في موت حبك يجبر الله عزانـا=بيدك رميته لا تقول المقاديـر
لـولاك حنـا ماتبـدل غلانـا=كل الوفا منا ولا منـك تقديـر
قلنا سحابه صيف تعبر سمانـا=وتزول ماله في سما الحب تأثير
غدرك على نسيان حبك حدانـا=هذي سواتك ما تفيد المعاذيـر
عفناك واللي عالم فـي خفانـا=البعد عنك ارحم وقلبك مع الغير
تبيعنـا واليـوم تبكـي هوانـا=لايا عديم القلب فرقاك لي خير
فهد الدباسي
10-12-2005, 10:54 PM
ياللي نسيت الحب مثلك نسينـاه=جرحي يهون لا ومذلة خضوعي
قصرك بقلبي طاح ونهد مبنـاه=لاتنتظر مني لحبـك رجوعـي
من عافنا ننسى غرامه وذكـراه=لا واحسايف في غيابك دموعي
الغدر في نظراتك اليوم شفنـاه=اليوم نظراتك لقلبـي تروعـي
مليت حب ضاع عمري برجواه=وهديت من زود الغرابيل روعي
يا من قطع حبل الرجاوي بيمناه=من دمعتك اشعلت طافي شموعي
فهد الدباسي
10-12-2005, 10:55 PM
شفتك مع اللي صار عقبي حبيبك=واحتارت العبره بعيني وصديت
مدري هي الصدفه لدربي تجيبك=مدري انا اللي في دروبك تحريت
ملكتني واقفيـت ربـي حسيبـك=ما تعرف الرحمه بقلب توليـت
يا قلب جرحك سبته من طبيبـك=يا قلب ليتك بالوفاء ما تما ديـت
من حبنا كل السعـاده نصيبـك=يا فاقد الاحساس عنـي تخليـت
وش فايده لا قلت عنـي حبيبـك=وانت بحياتك يوم ماظن حبيـت
فهد الدباسي
10-12-2005, 10:56 PM
لولا غيابك ياهوى النفس ما ضـاق=صدري ولا بانت بنظراتي الشـوق
لي قلب مثلك واسهر الليل واشتـاق=غيرك فـلا والله تمنيـت مخلـوق
بيني وبينك خطوة الرجـل تنعـاق=حسبي على اللي صار من بيننا عوق
اجرح وقلبي لك على الطول منساق=رمشك ملكني وساقني للهوى سـوق
كمّل جمالك والي العـرش بأخـلاق=حتى الجروح اللي تجي منك له ذوق
كيف انتهت ذيك المشاوير با فـراق=العام الاول كا نت احلامنـا فـوق
فهد الدباسي
10-12-2005, 10:57 PM
خلاص لاترجـع ترانـا سلينـا=ما كنت اصدق يوم انـي ابنسـاك
في بعدكـم يامـا عليكـم بكينـا=واليوم ما تطري على البال طرياك
وانا ادري انك رغم صدك تبينـا=لاشك ناس ضدنا تقصر اخطـاك
خل الـذي غيـر حنانـك علينـا=يعطيك من قلبه ربع ما عطينـاك
وشعاد لا صـار السـلام بيدينـا=قلبي وقلبك بينهـا درات افـلاك
ودعت ما ضـي حبنـا وانتهينـا=وقلب نسيته يـوم لابـد ينسـاك
من سكرة الحب الصناعي صحينا=حتى المجالس عفتها خوف ذكراك
حـب جديـد غيـر حبـك لقينـا=حديتنـي جعـل الليالـي تحـداك
فهد الدباسي
10-12-2005, 10:57 PM
انا تقبلت العزاء بك مـن العـام=كن العزاءفي موت حبـك تهانـي
ياما سهرت الليل لا غبت ما انـام=ترقد وانا ازرع في رجاك الاماني
واثر السعاده في رجاء حبك اوهام=لاطاب جرح صابني منك ثانـي
جارت على قلبي شقا ذيك الايـام=اشكيك للي في غـلاك ابتلانـي
سهرت على عيون ماظـن تنـلام=ذاك امس والا اليوم ماجاء كفاني
افرح بطيشـك والغرابيـل قـدام=ياطاك من وقتك مثل ما وطانـي
فهد الدباسي
10-12-2005, 10:58 PM
ماجيت حب لك ولا نيب راجيك=ماجيت يمك في رجاء مد يمناك
جيتك مثل غيري بنفسك اعزيك=مالك وجود اليوم مت ودفنـاك
شربت منك المر واكتم واداريك=حتى عدوي ما يسوي سوايـاك
الشاهد الله ما خبر جبت طاريك=وان جالك الطاري بخير ذكرناك
عين بكت لك ما تلد النظر فيـك=غصب ٍ علينا من سواياك عفناك
عواذلي قامت تبيعك وتشريـك=ارجوك تبعد عيدنا يوم فرقـاك
فهد الدباسي
10-12-2005, 10:59 PM
طبعك تحب بكل جرح التمـادي=توي دريت امسح دموع التماسيح
اول جروحك زارني قلت عادي=سحابة هلت وزلت مـع الريـح
تذلني بالحب وين انـت غـادي=عند المذله نرفع الراس ونشيـح
ليت الزمن بيني وبينك حيـادي=حتى الزمن وياك والله ما اطيح
يموت حب ولاتمـوت المبـادي=ابختنق في عبرتي بس ما اصيح
مع اللبن حنا شربنـا العنـادي=ياليت تبعد كان ترتاح وتريـح
فهد الدباسي
10-12-2005, 11:00 PM
ماجيت دربك راضي باختيـاري=لك خطوتي تنقاد لا عني ابطيـت
ابعد عن الي لك يجيبون طـاري=وان زارني طيفك لزولك تمنيـت
لانت بعيد ولا طفت منك نـاري=فيك الامل لاهوب حي ولا ميـت
تخطي واقدم عن خطاك اعتذاري=حتى خطاك انساه ما كنك اخطيت
بين الرجا والياس طال انتظاري=والياس رحمه ياشقى من توليـت
اعلنت بالفرقى عليك انتصـاري=بالقلب اشوفك مثل غيرك تساويت
فهد الدباسي
10-12-2005, 11:02 PM
قلي على الله وابتعد عنك وارتـاح=قلي على الله بس من غير تجريـح
من شب نار الشوق ياشوق ماصاح=واللي وطاها يشرح الجيب ويصيح
لولا الغلا ما هانت النفس ياصـاح=محبتي لك مـا وراهـا مصاليـح
وشلون تنسى يالغضي كل مـا راح=مركب غرامك سار مع وجهة الريح
القلب في يمناك ياعزوتـي طـاح=وحنا على شط الامل بك مجاريـح
جرحتني واحسبك للقلـب جـراح=اشوف بعيونك على الصـد تلميـح
فهد الدباسي
10-12-2005, 11:03 PM
مابي حياتي لا خلت منك تنعاف=وش الليالي لاخلت مـن قمرهـا
جرحتني واليوم ما عاد تنشـاف=عيني تمنـى شوفتـك يانظرهـا
ياصاحبي قلبي على جال ميهاف=الروح يالغالـي تزايـد خطرهـا
ماترحم اللي للشقا صار ميـلاف=لك فرحة الدنيـا وحنـا كدرهـا
تبكي عليك الدار يازين الاوصاف=ليت النهايه مـا تبيـن خبرهـا
ايام قربك يالغضي مابي خـلاف=راحـت ليالـي حبنـا ياقمرهـا
فهد الدباسي
10-12-2005, 11:05 PM
مرثية الشاعر / سليمان السلامة



ماعابني دمعي على الخد لو جبـت=عليك دمع وسـم بخـدي أحـدود
ياللي عليك الدمع لو فاض ماعبـت=عيني ولكن الصبر طبـع محمـود
الموت ماغيبك عنـا ولـو غبـت=ذكرك على صفحات الابداع موجود
أرجي عسى ربي كثـر ماتعذبـت=يرحمك بالجنة عن ايامـك السـود
ماطابت الدنيا بعينـك ولا طبـت=مايوم في ساعة فرح كنت محسـود
اول حياتك في همومـك تغربـت=واخر حياتـك مابقـى للعنـا زود
دنيـا الشقـا ودعتهـا ماتطربـت=منها بغير الهم والحـزن مـردود
صديت عن قاصي وداني وجنبـت=وقتك معزة ماهو برغبـة صـدود
وتركت هالدنيا لغيـرك وغربـت=مالك محاسيـفٍ ولا شـئ مفقـود
عسى العوض ياللي من الهم شيبت=في جنة الرحمـن وبظـل ممـدود
بدر بن غازي
10-13-2005, 10:31 PM
ياسلام يافهد


اطربتنا بهذا الحضور المنير الشيق

هكذا يصبح الشعر والا فلا


حضور انيق وتواصل مع الحرف ذاته


جمع وتقديم من اجمل مارأيت

بالتأكيد في المفضله والقلب انت

تحيتي
نوض سدير
10-14-2005, 06:36 AM
فهد الدباسي

القلم يقف حائر أمام هذا الجمال والشاعر الرمز عبدالله العليوي

تم التثبيت ياشاعرنا

وستكون لي عودة بإذن الله بعد قراءة المتصفح بتمعن

تقديري لك

نوض سدير
عويد المغيليث
10-15-2005, 04:04 AM
الاخ العزيز فهد الدباسي
صح ذوقك ياالغالي ولاهنت على المجهود الرايع
والله يرحم الشاعر عبد الله العليوي
دمتم كما تحب
اخوك المغيليث
سلطان الدوسري
10-15-2005, 04:43 PM
الله يرحمه ويغفر له ويتجاوز عنّا وعنه ..

فهد .. شكرا لك أيها الرائع ..
فقد سبق ان طلبت منك شيئاً من شعره ..
وهاهو أمامي .. فشكرا لك مره أخرى ..



دمت بخير
محمد الفرحان
10-19-2005, 03:40 AM
.

.

القلب

فهد الدباسي

.

.

رحم الله الشاعر عبدالله العليوي

وأسكنه فسيح جناته . .

.

.

وسيكون لي عوده ان شاء الله

.

.
سحايب دمع
10-21-2005, 02:38 AM
.
.


فهد الدباسي


متصفح يجبرنا على زيارته عدة مرات


جمع موفق لشاعر كبير


دام هذا الوفاء


ودمت بخير
فهد الدباسي
10-27-2005, 03:45 PM
بدر بن غازي



غالي بـ قلب أخوك يا بدر



حضورك شرف و رب البيت




لاهنت و لاهانت حروفك



تقبل تحياتي
فهد الدباسي
11-05-2005, 07:27 PM
نوض سدير


أنا من يقف حائراً أمام كريمِ أخلاقك



شكراً على هذا الحضور


و لا زلت انتظر حضورك التالي لـ ثقتي بـ أنه مختلف




تقبلي تحياتي
فهد الدباسي
11-05-2005, 07:28 PM
عويد المغيليث


صحيت كلك يا عويد



شاكر لك هذا الحضور


غفر الله له و لـ جميع المسلمين



تقبل تحياتي
فهد الدباسي
11-05-2005, 07:29 PM
سلطان الدوسري


أنا من يشكر لك هذا الحضور


و هذه المواضيع تبحث عن من هم مثلك



متذوق و متابع مختلف أنت



تقبل تحياتي
فهد الدباسي
11-05-2005, 07:30 PM
الروح

.

.

محمد الفرحان




لست أملك غير الصمت حين تحضر



اللهم آمين

و غفر الله لـ جميع المسلمين




سـ أنتظر عودتك بـ فارغ الصبر


تقبل تحياتي
فهد الدباسي
11-05-2005, 07:32 PM
سحايب دمع


أشكر لكِ هذا الحضور الجميل كـ عادتك



الوفاء لا يظهر إلا في عيون أهله



دمتي رمزاً لـ الوفاء


تقبلي تحياتي
سليمان السلامة
11-05-2005, 07:51 PM
أخي فهد الوفاء والذوق

يعجز اللسان عن شكرك لوقفة الوفاء هذه لشاعر ابدع رحمه الله
وترك بصمته على الشعر الشعبي ، مر كسحابة تركت لنا الزهور
في روضة الإبداع

الف شكر لك يا أخي فهد ودمت بحفظ الله

أخوك / سليمان عبدالله السلامة
محمد سعدون
11-18-2005, 11:59 PM
الله يرحمه ويغفر له ويتجاوز عنّا وعنه

لم اعلم يافهد عن خبر وفاته الا الان كنت اعلم انه مريض ويعاني من المرض

الله يرحمه واموات المسلمين اجمعين لا تعلم ماذا يعني لي هذا الرجل يعلم الله اني احبه في الله

ومن اشد المعجبين به ويكفي انه من استفز الشعر فيني بقصائده الرائعه لا زلت احفظ له الكثير الكثير

من شعره000 شاعر السهل الممتنع الاول في الخليج

عبدالله العليوي

شفتك مع اللي صار عقبي حبيبـك
واحتارت العبره بعينـي وصديـت
مدري هي الصدفه لدربي تجيبـك
مدري انا اللي في دروبك تحريت

الف شكر لك يا أخي فهد على ماقدمت عن هذا الشاعر العلم ويستحق منا اكثر من ذالك بكثير
الف شكر يافهد

اخوك محمد سعدون