محمد الطويان
10-06-2005, 03:32 AM
الاحبه جميعا
السلام عليكم
رمضان كريم وقلت نسولف في بعض من
شطحات الشعر إن كان هنا مكان هكذا مواضيع
أو البارق النجدي مفوضه كالعاده .. المهم نريد
من الجميع المشاركه بشرط تكون المشاركات
من إرشيف الشاعر نفسه لا من المحفوظ .. إن كان ردا بإضافه .
البدايه من عندي تفضلوا :
*
هنيا مغير ( ديك ) في إستراحه وكنا مجموعه كبيره
وكل ماجاء دوري بالألقاء ( تسلّط ) حاجه غريبه لدرجة
إن الجميع وصل حد التشبع من الضحك ذلك المساء وأنا أولهم
والغريب إن الشعراء لأننا كنا على هامش أمسيه تقريبا
20 شاعر يتناوبون إلقاء القصائد ولا يصيح إلا بدوري
بجد ( إ رتبكت ) وصار موضوع الحضور ( لابارك الله فيه )
والليل بأوله 12 وشويه بمعنى ماهو توقيته يقولون كذا . أكيد إني
أطلت ولكن ( قسم بالله العظيم هذا ماحدث ) وهنا في هذا الصرح
من الاخوه من شهد الموقف ، وشعراء وصحفيين من الخليج عموما
لابارك الله فيه إذا بديت البيت بدا صياحه أسكت يسكت ، من القهر سرينا
عطيت ( البيه الحارس ) مبلغ ونخيته قلت ( تغدْ ) عليه لابوه لابو قطاش
وإن حصل فطور ، والحقيقه مدري وش صارت نهايته ( رجليك ) ماعاد نمر
مع شارع الاستراحه كله ، المهم إنه ماسكت لين عطيته البيتين الاتيه / :
بالله ياديك ( المسيكين ) بن هن = وش فيك طفيّت بمسانا سراجه
ياديك ياللي كا ما أبدا تأذن = مدري طرب وإلا تنادي دجاجه
أنا أشهد إنك ياللعين متمكّن = من هز عرفك والقلق واللجاجه
ياهووه وش عندك هنيا تدندن = أكيد لك عند ( المسيكين ) حاجه
رح وإطلبه خل الهواوي يدوزن = عوده تراه من امس خارب مزاجه
وهنيا واحد جمعتنا الظروف في طريق سفر
وأعتقد إنه ( ماعيّن خير ) تفضلوا
إليا إلتمس كهربك وأحرقت خطه = مايلتمس كهرب رجال المساري
شي ٍ تبا تبديه ياشين غطه = بالطرق عوج وبالدروب إنحداري
من حين شفتك بالعشا قلت قطه = وأنا بكل اللي تخفيّه داري
تفوح فوحة من غطس له بشطه = وإلا كما فوحة قدور البخاري
نزّل خشيمك يأسود الوجه وطه = خل العديم وروح تابع ( مكاري )
الحر بالمسرى لو النوم غطه = يضرب على الكايد وباريه باري
أوحيتني يالدب من نوع بطه = الحر حر ومدسم ٍ بالحباري
أشغلتنا في شيل هذا وحطه = ياهووه روّق لعن ابو هالعتاري
مسجّلين القول نلعب بخطه = وإلا أنت تلعب بس تاكل كباري
نط السطر بالله يالهيس نطه = وإلا الرجم مانط فوقه خكاري
وهنيا فاصل مع واحد تقوله ( أمامك قشر موز ) ويزلق
تفضلوا :
خذ راحتك وإكسر توازنك والياي = أقول تيس تقول ياحلو دره
ذكرّتني فلم الكراتين بباي = راع السبانخ ذاك لله دره
أتمنى أن لأكون قد أثقلت عليكم
شكرا
وأجمل تحيه
السلام عليكم
رمضان كريم وقلت نسولف في بعض من
شطحات الشعر إن كان هنا مكان هكذا مواضيع
أو البارق النجدي مفوضه كالعاده .. المهم نريد
من الجميع المشاركه بشرط تكون المشاركات
من إرشيف الشاعر نفسه لا من المحفوظ .. إن كان ردا بإضافه .
البدايه من عندي تفضلوا :
*
هنيا مغير ( ديك ) في إستراحه وكنا مجموعه كبيره
وكل ماجاء دوري بالألقاء ( تسلّط ) حاجه غريبه لدرجة
إن الجميع وصل حد التشبع من الضحك ذلك المساء وأنا أولهم
والغريب إن الشعراء لأننا كنا على هامش أمسيه تقريبا
20 شاعر يتناوبون إلقاء القصائد ولا يصيح إلا بدوري
بجد ( إ رتبكت ) وصار موضوع الحضور ( لابارك الله فيه )
والليل بأوله 12 وشويه بمعنى ماهو توقيته يقولون كذا . أكيد إني
أطلت ولكن ( قسم بالله العظيم هذا ماحدث ) وهنا في هذا الصرح
من الاخوه من شهد الموقف ، وشعراء وصحفيين من الخليج عموما
لابارك الله فيه إذا بديت البيت بدا صياحه أسكت يسكت ، من القهر سرينا
عطيت ( البيه الحارس ) مبلغ ونخيته قلت ( تغدْ ) عليه لابوه لابو قطاش
وإن حصل فطور ، والحقيقه مدري وش صارت نهايته ( رجليك ) ماعاد نمر
مع شارع الاستراحه كله ، المهم إنه ماسكت لين عطيته البيتين الاتيه / :
بالله ياديك ( المسيكين ) بن هن = وش فيك طفيّت بمسانا سراجه
ياديك ياللي كا ما أبدا تأذن = مدري طرب وإلا تنادي دجاجه
أنا أشهد إنك ياللعين متمكّن = من هز عرفك والقلق واللجاجه
ياهووه وش عندك هنيا تدندن = أكيد لك عند ( المسيكين ) حاجه
رح وإطلبه خل الهواوي يدوزن = عوده تراه من امس خارب مزاجه
وهنيا واحد جمعتنا الظروف في طريق سفر
وأعتقد إنه ( ماعيّن خير ) تفضلوا
إليا إلتمس كهربك وأحرقت خطه = مايلتمس كهرب رجال المساري
شي ٍ تبا تبديه ياشين غطه = بالطرق عوج وبالدروب إنحداري
من حين شفتك بالعشا قلت قطه = وأنا بكل اللي تخفيّه داري
تفوح فوحة من غطس له بشطه = وإلا كما فوحة قدور البخاري
نزّل خشيمك يأسود الوجه وطه = خل العديم وروح تابع ( مكاري )
الحر بالمسرى لو النوم غطه = يضرب على الكايد وباريه باري
أوحيتني يالدب من نوع بطه = الحر حر ومدسم ٍ بالحباري
أشغلتنا في شيل هذا وحطه = ياهووه روّق لعن ابو هالعتاري
مسجّلين القول نلعب بخطه = وإلا أنت تلعب بس تاكل كباري
نط السطر بالله يالهيس نطه = وإلا الرجم مانط فوقه خكاري
وهنيا فاصل مع واحد تقوله ( أمامك قشر موز ) ويزلق
تفضلوا :
خذ راحتك وإكسر توازنك والياي = أقول تيس تقول ياحلو دره
ذكرّتني فلم الكراتين بباي = راع السبانخ ذاك لله دره
أتمنى أن لأكون قد أثقلت عليكم
شكرا
وأجمل تحيه