محمد الطويان
09-19-2005, 08:12 PM
الفحل النادر / بندر بن سرور القساّمي الروقي العتيبي
أشهر من نار على علم يرحمه الله
كان شاعرا مرحليا وأحدث نقله في لغة ومفردة القصيده
أختصر وأجد شخصيا إن أجمل ماقد نصف بندر به هو
إنه إبتكر شكلا وصوره جديده لشعر الموقف والحكمه ،
قوي السبك يقول الشعر بروح مشتعله ،
صاحب أكبر عدد من ( الفلاشات ) إن جاز التعبير
بين الشعراء في دوائره ،
أترككم مع هذه المختارات من أشعاره يرحمه الله ويسكنه الجنه
هي من الذاكره إعذروني إن حدث سهوا هنا أو هناك وتفضلوا :
لا صار ماللشيخ بالسيف برهان = إترك رجال ٍ باللوازم تجيله
*
*
أخاف لي من مجلس ٍ مايذرّي = في جانبه بوم ٍ حساسه صليبه
سوالفه مابين تجحد تقرّي؟ = يجرح فوادي عيّة ٍ وأبتلي به
الله خلق فالكون ثلثين بري = يكفن عن ثلث البحر ويش ليبه
وإليا نويت الدرب ماني بطرّي = أمّسْ للفرجه حبال النجيبه
*
*
يارب أنا لي حاجة ٍ صكّت القوع = بأقصى بحر تسعين صكّة بحرها
أصعب على الرديْان من حبة الكوع = وإلا على الطيّب بسيط ٍ ( بحرها )
كم واحد ٍ جت له بساتين وزروع = تراه مايدري من اللي بذرها
إبن الهليم مشارك الكلب بطبوع = عينه على حرمة قصيره دورَها
مادارها خوف ٍ عليها من الجوع = خوف ٍ تفوته غرّة ٍ ماسبرها
*
*
لا والله إلا طولّن بالوقوفي = عيّا يحمّلهن خبيث التجاره
بفلوسنا ياعبيد ماش معروفي = متى نجي ( ياعبيد* ) مع خشم ( صاره *)
وياراكب ٍ من فوق صاف البلوفي = مقعد إنبير الزيت نيم الحراره
فراّق مابين القلوب الولوفي = فرت ٍ كما وبل السحايب غباره
*
*
من بلاد الشام جينا بالمكينه = فوق هدس ٍ ماتخثّع بالطماني
يحتدي مثل الجمل تسمع رطينه = مع طمان القاع مثل الثعلباني
الشفير من المدارس مطلعينه = ( أرمني ٍ ) يجدعه جدع الحصاني
قذلة الطربوش ناطلها يمينه = عن ظلام الليل شبْ الكرهباني
يوم قال إله الخوي عاشت يمينه = شدْ رجله ( للدبل ) واحد وثاني
كل ماجاء التل يلعن والدينه = باليمين اللي على كل اليماني
يوم ينِزل موخره قوْ المكينه = يرتفع صدره وأنا الشاور غشاني
*
*
الله على اللي يوم يفتل عموده = يظهر ثرى أرض ٍ بعّد القيض ماها
لا أونس ثقيل الترس يرخي عضوده = شيهانة ٍ ترخي المتون لعشاها
*
*
من يسب الهاف جعله فدوة ٍ له = جعل يفدنّه غنادير البناتي
لا نهمت الهاف جاك الهاف كله = تقل يشرب من غراش المسكراتي
0
أبرق الكبريت لازم يسهج ٍ لّه = يسهج ٍ لّه فاضيات محملاّتي
الخفَر ياكم شراع ٍ قطع ٍ لّه = قطّع ٍ لّه والتواير مسرعاتي
*
*
ياراكب ٍ من فوق زين المداقير = قطعْ الحديد اللي عريض ٍ مقاسه
ماعارضوه الشرطه اللي على السير= لأجل إن رقمه دارسينه دراسه
عليه من ديوان زايد فواتير = مرهق سلاطين الدول بالسياسه
*
*
ياشيخ أنا حملي ثمانين قنطار = عجزت والله ماقويته لحالي
شلْ عنّي الحمل الذي فيه محتار = تلقى جزاها عند منشيْ الخيالي
*
*
الله على اللي يهيض القلب منهاجه = من مصنع البيت الابيض ورّده زيني*
إليا عوتْ قربته عقب إرتفع تاجه* = ماعاد أبا اللي مع الطرقه يسليني
*
*
ياهل الونيت اللي يبا مشتل البيب = مادق صدره بالخطوط الغزيره
لاتجربونه مايبا الفرت تجريب = قِد جرّبه بالبيت الابيض خبيره
يوم إيتخثّع مع محيل الاداعيب = يشدى تخثّع جادل ٍ في حريره
عدوّه لأبن حزام سيْد اللواعيب = لعاّب زينات البيوت العسيره
0
ياما رميت الكيس بين الشواريب = واليوم أدوّج مالقيت ( إ) تعميره
*
*
يوم إن خلاّن الرخا همّلوني = ركبت وأركبت المغربل من الناس
من فوق فرت ٍ يوم يرخي المتوني = جول القطا اللي وارد ٍ عقب مرواس
من مصدره ياعبيد شابن عيوني = ومن مارده ياعبيد شاب أسود الراس
كان الرجال اللي مضوا يصدقوني = وحدك ولا خوّة مغاريف الانجاس
طوال الظهور مخيبيّن الظنوني = سراّية الطرقه سرابيل الاكياس
البوم بيت البوم مايفلحوني = ماطلّعت سود التنك فضْ ونحاس
*
*
هات القلم وإكتب يمين وشمالي = ثمْ طوّل التاريخ وإكتب منيره
وإكتب (000 ) بالشرق مابه رجالي = إلا الحسَد ومغامز ٍ بالقصيره
*
*
هات الربابه وإحكر الشاي يالثور = أنته حشرك بليس وآنا هواوي
مقيالنا في سدرة ٍ دورها دور = تسوى حياة اللاش كلب القهاوي
*
*
إرمْ البكت والكبريت يالريمي = تطري ومما طرالي زدّتني ونه
الله يجازيك تصحيني وأنا نيمي = مانته بلاعوب عطني وألعب الشنّه
*
*
قم سوْ براّد ٍ ترى الشاي لبتون = والماء الشريعه والهواء مستهيدي
مجلاسنا في سدرة ٍ فيّها دون = تسوى حياة اللاش كلب الجليدي
تسوى حياة اللي سوات التلفون = من شبّته بين العجايز بريدي
راع البلد ياميّت النار مغبون = إضرب تهاتيه الخلا تستفيدي
*
*
ماني وأنا بندر براع ٍ ولد راع = أنا الحصان اللي طوال ٍ حباله
أنا سلايل خير من سار بالقاع = المصطفى الهادي وديع الرساله
*
*
إنحاس بالي يامحمد وصديت = من طوّل الصداّت قلّت شطونه
ماني وأنا بندر بهيت ٍ ولد هيت = هيت ٍ يجامل خمّة ٍ يكرهونه
من كثر ماجرّبت وأقبلت وأقفيت = قولة هلا من لا يودّك مهونه
*
*
لا وأهني اللي تمرجل بصك تراب = يالولا لجنة الترسيم ماعاش مع غيره
وأنا كل ديره جيتها وأدرك الاسباب = أدوّر نصيب ٍ بذْ رجلي بتدويره
وألاَ ياوجودي وجدْ من صكْ دونه باب = بقفل أعجمي ٍ مغلقات ٍ مظابيره
معه فرت خمس َ طن ياخذ ميةْ ركاّب = من المال ( عيّن ) ينقلنّه تغاييره
عدوبه على اللي كنّه النسر بالمرقاب = على الجمس الاصفر كاملات ٍ شراشيره
ودخل هو وحمله للحكومه بدون حساب = وراعيه عشر سنين ويعاد تقريره
على اللي كواني كيّة العظم بالمشهاب = على أقصى عظام الساق مركي ٍ مناشيره
عشير ٍ من ورى ( الكوده ) وأنا من ورى ( مشعاب ) = بعيد ٍ عليْ تعيب ياهون تيسيره
ولا ياصله ياكود فرت ٍ عليه إصطاب = ليا حاسبْ السواّق تقدح مواخيره
صنايع بياطير الكفر لابسين الكاب = عصاة اليهود اللي مشاريبه البيره
ورايه للعب القاف ناس ٍ وأنا لعاّب = ليا ماصخرته نقدّوني صواخيره
*
*
وأنا الذي ماقول في نجد شعاّر = وإن كان به شعاّر ماحد ٍ حكالي
*
*
يابنت أنا جنّي طويلات الاشبار = حر ٍ سلايل حر ماني بمجنون
يوم أسجد الغفلات خوفي من النار = اللي عيال البوم فيها يطيحون
*
*
1 / عبيد / عبيد بن زايد الفريدي الحربي ( يقطن بريده )
2 / خشم صاره / ( ظهره أو جال متوسط ) قريب من عيون الجواء بالقصيم
3 / زيني / شركة أبار وزيني أيامها كان وكيل ( فرد ) بالمملكه
4 / تاجه / تمثال الفرد الموجود كعلامه على ( الكبوت ) كان على شكل ( تاج )
*
الشيخ المخاطب أعلاه / زايد ال نهيان يرحمه الله
*
أتمنى أن تكونوا قد وجدتوا بين حروف هذا النادر مايسركم ،
وأجمل تحيه ،
أشهر من نار على علم يرحمه الله
كان شاعرا مرحليا وأحدث نقله في لغة ومفردة القصيده
أختصر وأجد شخصيا إن أجمل ماقد نصف بندر به هو
إنه إبتكر شكلا وصوره جديده لشعر الموقف والحكمه ،
قوي السبك يقول الشعر بروح مشتعله ،
صاحب أكبر عدد من ( الفلاشات ) إن جاز التعبير
بين الشعراء في دوائره ،
أترككم مع هذه المختارات من أشعاره يرحمه الله ويسكنه الجنه
هي من الذاكره إعذروني إن حدث سهوا هنا أو هناك وتفضلوا :
لا صار ماللشيخ بالسيف برهان = إترك رجال ٍ باللوازم تجيله
*
*
أخاف لي من مجلس ٍ مايذرّي = في جانبه بوم ٍ حساسه صليبه
سوالفه مابين تجحد تقرّي؟ = يجرح فوادي عيّة ٍ وأبتلي به
الله خلق فالكون ثلثين بري = يكفن عن ثلث البحر ويش ليبه
وإليا نويت الدرب ماني بطرّي = أمّسْ للفرجه حبال النجيبه
*
*
يارب أنا لي حاجة ٍ صكّت القوع = بأقصى بحر تسعين صكّة بحرها
أصعب على الرديْان من حبة الكوع = وإلا على الطيّب بسيط ٍ ( بحرها )
كم واحد ٍ جت له بساتين وزروع = تراه مايدري من اللي بذرها
إبن الهليم مشارك الكلب بطبوع = عينه على حرمة قصيره دورَها
مادارها خوف ٍ عليها من الجوع = خوف ٍ تفوته غرّة ٍ ماسبرها
*
*
لا والله إلا طولّن بالوقوفي = عيّا يحمّلهن خبيث التجاره
بفلوسنا ياعبيد ماش معروفي = متى نجي ( ياعبيد* ) مع خشم ( صاره *)
وياراكب ٍ من فوق صاف البلوفي = مقعد إنبير الزيت نيم الحراره
فراّق مابين القلوب الولوفي = فرت ٍ كما وبل السحايب غباره
*
*
من بلاد الشام جينا بالمكينه = فوق هدس ٍ ماتخثّع بالطماني
يحتدي مثل الجمل تسمع رطينه = مع طمان القاع مثل الثعلباني
الشفير من المدارس مطلعينه = ( أرمني ٍ ) يجدعه جدع الحصاني
قذلة الطربوش ناطلها يمينه = عن ظلام الليل شبْ الكرهباني
يوم قال إله الخوي عاشت يمينه = شدْ رجله ( للدبل ) واحد وثاني
كل ماجاء التل يلعن والدينه = باليمين اللي على كل اليماني
يوم ينِزل موخره قوْ المكينه = يرتفع صدره وأنا الشاور غشاني
*
*
الله على اللي يوم يفتل عموده = يظهر ثرى أرض ٍ بعّد القيض ماها
لا أونس ثقيل الترس يرخي عضوده = شيهانة ٍ ترخي المتون لعشاها
*
*
من يسب الهاف جعله فدوة ٍ له = جعل يفدنّه غنادير البناتي
لا نهمت الهاف جاك الهاف كله = تقل يشرب من غراش المسكراتي
0
أبرق الكبريت لازم يسهج ٍ لّه = يسهج ٍ لّه فاضيات محملاّتي
الخفَر ياكم شراع ٍ قطع ٍ لّه = قطّع ٍ لّه والتواير مسرعاتي
*
*
ياراكب ٍ من فوق زين المداقير = قطعْ الحديد اللي عريض ٍ مقاسه
ماعارضوه الشرطه اللي على السير= لأجل إن رقمه دارسينه دراسه
عليه من ديوان زايد فواتير = مرهق سلاطين الدول بالسياسه
*
*
ياشيخ أنا حملي ثمانين قنطار = عجزت والله ماقويته لحالي
شلْ عنّي الحمل الذي فيه محتار = تلقى جزاها عند منشيْ الخيالي
*
*
الله على اللي يهيض القلب منهاجه = من مصنع البيت الابيض ورّده زيني*
إليا عوتْ قربته عقب إرتفع تاجه* = ماعاد أبا اللي مع الطرقه يسليني
*
*
ياهل الونيت اللي يبا مشتل البيب = مادق صدره بالخطوط الغزيره
لاتجربونه مايبا الفرت تجريب = قِد جرّبه بالبيت الابيض خبيره
يوم إيتخثّع مع محيل الاداعيب = يشدى تخثّع جادل ٍ في حريره
عدوّه لأبن حزام سيْد اللواعيب = لعاّب زينات البيوت العسيره
0
ياما رميت الكيس بين الشواريب = واليوم أدوّج مالقيت ( إ) تعميره
*
*
يوم إن خلاّن الرخا همّلوني = ركبت وأركبت المغربل من الناس
من فوق فرت ٍ يوم يرخي المتوني = جول القطا اللي وارد ٍ عقب مرواس
من مصدره ياعبيد شابن عيوني = ومن مارده ياعبيد شاب أسود الراس
كان الرجال اللي مضوا يصدقوني = وحدك ولا خوّة مغاريف الانجاس
طوال الظهور مخيبيّن الظنوني = سراّية الطرقه سرابيل الاكياس
البوم بيت البوم مايفلحوني = ماطلّعت سود التنك فضْ ونحاس
*
*
هات القلم وإكتب يمين وشمالي = ثمْ طوّل التاريخ وإكتب منيره
وإكتب (000 ) بالشرق مابه رجالي = إلا الحسَد ومغامز ٍ بالقصيره
*
*
هات الربابه وإحكر الشاي يالثور = أنته حشرك بليس وآنا هواوي
مقيالنا في سدرة ٍ دورها دور = تسوى حياة اللاش كلب القهاوي
*
*
إرمْ البكت والكبريت يالريمي = تطري ومما طرالي زدّتني ونه
الله يجازيك تصحيني وأنا نيمي = مانته بلاعوب عطني وألعب الشنّه
*
*
قم سوْ براّد ٍ ترى الشاي لبتون = والماء الشريعه والهواء مستهيدي
مجلاسنا في سدرة ٍ فيّها دون = تسوى حياة اللاش كلب الجليدي
تسوى حياة اللي سوات التلفون = من شبّته بين العجايز بريدي
راع البلد ياميّت النار مغبون = إضرب تهاتيه الخلا تستفيدي
*
*
ماني وأنا بندر براع ٍ ولد راع = أنا الحصان اللي طوال ٍ حباله
أنا سلايل خير من سار بالقاع = المصطفى الهادي وديع الرساله
*
*
إنحاس بالي يامحمد وصديت = من طوّل الصداّت قلّت شطونه
ماني وأنا بندر بهيت ٍ ولد هيت = هيت ٍ يجامل خمّة ٍ يكرهونه
من كثر ماجرّبت وأقبلت وأقفيت = قولة هلا من لا يودّك مهونه
*
*
لا وأهني اللي تمرجل بصك تراب = يالولا لجنة الترسيم ماعاش مع غيره
وأنا كل ديره جيتها وأدرك الاسباب = أدوّر نصيب ٍ بذْ رجلي بتدويره
وألاَ ياوجودي وجدْ من صكْ دونه باب = بقفل أعجمي ٍ مغلقات ٍ مظابيره
معه فرت خمس َ طن ياخذ ميةْ ركاّب = من المال ( عيّن ) ينقلنّه تغاييره
عدوبه على اللي كنّه النسر بالمرقاب = على الجمس الاصفر كاملات ٍ شراشيره
ودخل هو وحمله للحكومه بدون حساب = وراعيه عشر سنين ويعاد تقريره
على اللي كواني كيّة العظم بالمشهاب = على أقصى عظام الساق مركي ٍ مناشيره
عشير ٍ من ورى ( الكوده ) وأنا من ورى ( مشعاب ) = بعيد ٍ عليْ تعيب ياهون تيسيره
ولا ياصله ياكود فرت ٍ عليه إصطاب = ليا حاسبْ السواّق تقدح مواخيره
صنايع بياطير الكفر لابسين الكاب = عصاة اليهود اللي مشاريبه البيره
ورايه للعب القاف ناس ٍ وأنا لعاّب = ليا ماصخرته نقدّوني صواخيره
*
*
وأنا الذي ماقول في نجد شعاّر = وإن كان به شعاّر ماحد ٍ حكالي
*
*
يابنت أنا جنّي طويلات الاشبار = حر ٍ سلايل حر ماني بمجنون
يوم أسجد الغفلات خوفي من النار = اللي عيال البوم فيها يطيحون
*
*
1 / عبيد / عبيد بن زايد الفريدي الحربي ( يقطن بريده )
2 / خشم صاره / ( ظهره أو جال متوسط ) قريب من عيون الجواء بالقصيم
3 / زيني / شركة أبار وزيني أيامها كان وكيل ( فرد ) بالمملكه
4 / تاجه / تمثال الفرد الموجود كعلامه على ( الكبوت ) كان على شكل ( تاج )
*
الشيخ المخاطب أعلاه / زايد ال نهيان يرحمه الله
*
أتمنى أن تكونوا قد وجدتوا بين حروف هذا النادر مايسركم ،
وأجمل تحيه ،