مبارك بن مسفر
07-10-2005, 11:01 AM
احبابي الكرام ادارة واعضاء وزوار منتديات ذوق..
اهدي لكم هذه القصيده عسى ان تنال استحسانكم
ياهيبة السلطان ياروح التحدي والصمود = يانظرة الشيخ الكبير وهمة امال الشباب
يااخر محطات العمر والعمر تاليه اللحود = يانشوة العشاق في وقت اللقا بعد الغياب
يااجمل مناويخ التعب يااثمن مكاسيب الجهود= يااقسى معاناة الظما واحلى قراطيع الشراب
يااشرف مفاهيم الشرف ياانفس مراصيع العقود = يااسعد متاهات الشقا يااصدق مراويح السحاب
ياافرح تباشير المطر يااحفظ ملازيم السدود = يااجفل مشاريد الظبا يااقرب مطاريد السراب
ياابعد دياجير الجفا يااكذب مراسيل الجحود = ياابرز نباريس العلا يااعلى طويلات الهضاب
يااقدم غلا واحدث غلا واكبر غلا ماله حدود = ياابهى مساحات الامل ياازهى جميلات الثياب
تبغى شديد المختصر وصفك على مدحي يزود = من دون ابالغ .كيف لا . وانت العجب وانت العجاب
علمتني كيف التسامح طب لجروح الكبود = وعلمتني كيف التسامي عند غلطات العتاب
وعلمتني الاصرار لاصار الهدف دربه سنود = وعلمتني كيف اتلذذ بالمتاعب والصعاب
وعلمتني فن الاثاره عند طغيان الركود = وعلمتني كيف التجاوز والتغاضي بالحساب
وعلمتني كيف اتحمل للتجاهل والصدود = وعلمتني كيف اتفاءل عند لحظات الذهاب
وعلمتني كيف المطر يتبع ترازيم الرعود = وعلمتني فن البلاغه والتلطف بالخطاب
وانا بعلمك الوفا وشلون توفي بالعهود = واعلمك حث الخطا واعلمك حدي الركاب
واعلمك عند التلاقي فن تنسيق الورود = واعلمك رسم الزهور البيض في ريش الغراب
واعلمك كيف الحكيم بموقف الفتنه يسود = واعلمك كيف الثقه بالذات هي عين الصواب
والحين انا بودعك وان قدر المولى بعود = لو طالت الغيبه لابد اعود يادمث الجناب
ودعتك الله والوفا نبراس تحقيق الوعود = ودعتك الله وانتظرني لو تحت روس الحراب
خل الامل رمز اللقا مادمت حيٍ في الوجود = وان مت لاتنسى تزاورني وانا تحت التراب
وان قدر الله ذات يوم اعود رغم انف الحسود = ويعسعس الليل البهيم ويبهت النور الضباب
واعانق السلطان ويذوب التحدي والصمود = في نشوة شعور التلاقي والتباهي بالشباب
القصيدة للشاعر/هادي الشهراني {ابو عبدالله }
فائق احترامي وتقديري،،
اهدي لكم هذه القصيده عسى ان تنال استحسانكم
ياهيبة السلطان ياروح التحدي والصمود = يانظرة الشيخ الكبير وهمة امال الشباب
يااخر محطات العمر والعمر تاليه اللحود = يانشوة العشاق في وقت اللقا بعد الغياب
يااجمل مناويخ التعب يااثمن مكاسيب الجهود= يااقسى معاناة الظما واحلى قراطيع الشراب
يااشرف مفاهيم الشرف ياانفس مراصيع العقود = يااسعد متاهات الشقا يااصدق مراويح السحاب
ياافرح تباشير المطر يااحفظ ملازيم السدود = يااجفل مشاريد الظبا يااقرب مطاريد السراب
ياابعد دياجير الجفا يااكذب مراسيل الجحود = ياابرز نباريس العلا يااعلى طويلات الهضاب
يااقدم غلا واحدث غلا واكبر غلا ماله حدود = ياابهى مساحات الامل ياازهى جميلات الثياب
تبغى شديد المختصر وصفك على مدحي يزود = من دون ابالغ .كيف لا . وانت العجب وانت العجاب
علمتني كيف التسامح طب لجروح الكبود = وعلمتني كيف التسامي عند غلطات العتاب
وعلمتني الاصرار لاصار الهدف دربه سنود = وعلمتني كيف اتلذذ بالمتاعب والصعاب
وعلمتني فن الاثاره عند طغيان الركود = وعلمتني كيف التجاوز والتغاضي بالحساب
وعلمتني كيف اتحمل للتجاهل والصدود = وعلمتني كيف اتفاءل عند لحظات الذهاب
وعلمتني كيف المطر يتبع ترازيم الرعود = وعلمتني فن البلاغه والتلطف بالخطاب
وانا بعلمك الوفا وشلون توفي بالعهود = واعلمك حث الخطا واعلمك حدي الركاب
واعلمك عند التلاقي فن تنسيق الورود = واعلمك رسم الزهور البيض في ريش الغراب
واعلمك كيف الحكيم بموقف الفتنه يسود = واعلمك كيف الثقه بالذات هي عين الصواب
والحين انا بودعك وان قدر المولى بعود = لو طالت الغيبه لابد اعود يادمث الجناب
ودعتك الله والوفا نبراس تحقيق الوعود = ودعتك الله وانتظرني لو تحت روس الحراب
خل الامل رمز اللقا مادمت حيٍ في الوجود = وان مت لاتنسى تزاورني وانا تحت التراب
وان قدر الله ذات يوم اعود رغم انف الحسود = ويعسعس الليل البهيم ويبهت النور الضباب
واعانق السلطان ويذوب التحدي والصمود = في نشوة شعور التلاقي والتباهي بالشباب
القصيدة للشاعر/هادي الشهراني {ابو عبدالله }
فائق احترامي وتقديري،،