عامر النتيفي
06-21-2005, 03:09 AM
كثرت الآسئلة لماذا انت شحيح في قصيد الغزل
.
فجاوبت بهذه الابيات
تارك شعر الغزل جنب لو لي شـف فيـه=تاركه مجبور من شان اريـح واستريـح
ماتركته من هوايـه وهجسـي يهتويـه=لكن اوضـاع حدتنـي وخلتنـي شحيـح
كنت مخفيها عن الناس والمقصـد نزيـه=وسط جوفي وتعبتني وتقـدح بـه قديـح
كم وكم شخص نشدني وكثـر ليـه ليـه=والعذر مافاد معهم وانـا رجـل صريـح
قلت ابيح السـر ووضحـه للـي يبيـه=والصراحه ذكرها راحـة قـول صحيـح
من تمعن في قصيد الغـزل فكـره يتيـه=كل شاعر صار مغرم ومن خلـه جريـح
الولد والعود والبنت والشخـص السفيـه=وسط بحر الحـب غرقانـة كـل يصيـح
ذا ذبحه الخـل والعـود نـاره تكتويـه=وذيك تشكي لوعة الحب والتالي طريـح
وصفوا خلانهـم وصـف لايعلـى عليـه=وصف نابع من خيال ومن هجس فسيـح
كن خل الشخص قدمه وواقف بين يديـه=وكن مافي الكون من وصفهم شخص قبيح
كل منهم جور الاحبـاب دايـم يشتكيـه=في مجلات الشعر والجرايـد بـه تبيـح
ومن سمع بشكية البعض واللي تحتويـه=قال عزيلـه وهـو دالـه سالـي يسيـح
ياكل ويشـرب ويرقـد وهمـه مايجيـه=من حبيبه غير لا شبـع يذكـره وينيـح
والمصيبه بعضهم ترحمه تعطـف اليـه=من كبر جسمه وممشاه يمشي بالفحيـح
والامر من المصيبـه بعضهـم يشتريـه=يشتري شعر الغزل هم خلـه بـه يزيـح
ياعسى الاسباب بانـت بموجـز مقتفيـه=شرح بالتفصيل ليصار بـه وقـت يتيـح
ولا في القلب الوقيده ونومي مـا اهتنيـه=في خيالي صـورة ماتبـي منـي مديـح
يختفي منها القمـر مالهـا شـي شبيـه=يصعب التوصيف أقله رياحييـن وشيـح
اشهد انها راحتي نور عيني ضـي فيـه=لاتبسـم كـل شـي قـدم عينـي مليـح
.
فجاوبت بهذه الابيات
تارك شعر الغزل جنب لو لي شـف فيـه=تاركه مجبور من شان اريـح واستريـح
ماتركته من هوايـه وهجسـي يهتويـه=لكن اوضـاع حدتنـي وخلتنـي شحيـح
كنت مخفيها عن الناس والمقصـد نزيـه=وسط جوفي وتعبتني وتقـدح بـه قديـح
كم وكم شخص نشدني وكثـر ليـه ليـه=والعذر مافاد معهم وانـا رجـل صريـح
قلت ابيح السـر ووضحـه للـي يبيـه=والصراحه ذكرها راحـة قـول صحيـح
من تمعن في قصيد الغـزل فكـره يتيـه=كل شاعر صار مغرم ومن خلـه جريـح
الولد والعود والبنت والشخـص السفيـه=وسط بحر الحـب غرقانـة كـل يصيـح
ذا ذبحه الخـل والعـود نـاره تكتويـه=وذيك تشكي لوعة الحب والتالي طريـح
وصفوا خلانهـم وصـف لايعلـى عليـه=وصف نابع من خيال ومن هجس فسيـح
كن خل الشخص قدمه وواقف بين يديـه=وكن مافي الكون من وصفهم شخص قبيح
كل منهم جور الاحبـاب دايـم يشتكيـه=في مجلات الشعر والجرايـد بـه تبيـح
ومن سمع بشكية البعض واللي تحتويـه=قال عزيلـه وهـو دالـه سالـي يسيـح
ياكل ويشـرب ويرقـد وهمـه مايجيـه=من حبيبه غير لا شبـع يذكـره وينيـح
والمصيبه بعضهم ترحمه تعطـف اليـه=من كبر جسمه وممشاه يمشي بالفحيـح
والامر من المصيبـه بعضهـم يشتريـه=يشتري شعر الغزل هم خلـه بـه يزيـح
ياعسى الاسباب بانـت بموجـز مقتفيـه=شرح بالتفصيل ليصار بـه وقـت يتيـح
ولا في القلب الوقيده ونومي مـا اهتنيـه=في خيالي صـورة ماتبـي منـي مديـح
يختفي منها القمـر مالهـا شـي شبيـه=يصعب التوصيف أقله رياحييـن وشيـح
اشهد انها راحتي نور عيني ضـي فيـه=لاتبسـم كـل شـي قـدم عينـي مليـح