مشاهدة النسخة كاملة : ديوان ذوق للأشعار المنقولة
ولد الشاعر عبدالله الفيصل في مدينة الرياض في الخامس عشر من شهر ذي القعده سنة 1341هجرية الموافق 1922ميلادية والشاعر من الاسرة السعودية الحاكمة فهو الابن الاكبر للملك الشهيد فيصل ابن عبدالعزيز دراســـــــــــة الشاعر التحق عبدالله الفيصل باحدى الـمدارس الابتدائيه في مكة , و كــــان التعليم آ نذاك في طوره الأول فحصل على الشهادة الابتـدائيه التي كــــــانت من اعلى الشهادات آنذاك في المملكه ولـــــكن الشاعر لم يكتف بشهادته المتواضعه فانــــــكب على التحصيل والمطــــــالعه وكان ميله إلى الشعر واضــــــــحا ً
الاوسمة والجوائز
منح الدكتوارة الفخرية في العلوم الانسانية بقرار من مجلس أمناء (( أكاديمية العلوم الثقافيه )) المتفرعة عن ((مؤتمر الشعراء العالمين )) الذي انعقد في مدينة سان فرانسيسكو بالولايات المتحده الامريكيه عام 1981م فاز بجائزة (( سولاتراز )) الثقافية الفرنسية وهي الجائزة الدولية الكبرى للشعر الاجنبي والتي تمنح كل عام لأحد كبار الشعراء غير الفرنسين في العالم حصل على اللوحة الالفية لمدينة باريس من السيد جاك شيراك رئيس عمدة باريس وقتذاك في عام 1985 م الموافق 1405 هجرية وهي تمنح عادة لروساء الدول أو رؤساء الحكومات أو لرجالات الفكر والانجازات العلميه من جامعة السوربون حصل على جائزة الدولة التقديرية بالمملكة العربية السعودية لعام 1405 هجرية رئيس وفد المملكة العربية السعودية لمجتمع الادباء والشعراء في المربد 1985 م منحة الملك الحسن الثاني عاهل المغرب رحمة الله العضوية في الأكاديميه الملكية المغربية عام 1986 م كواحد من أبرز الشعراء والأدباء العرب منح درجة الدكتوراة الفخرية من جامعة شادالأمريكية عام 1409 هجرية في مجال الأدب ، بامر من ولي العهد الامير عبدالله بن عبدالعزيز تم اطلاق مسمى أستادالأمير عبدالله الفيصل بجده بدلا ً من استاد جده عام 1421أختارت اللجنة الاولمبية السعودية في تاريخ 1 محرم عام 1421هجرية
وهنا الكثير من القطوف الشعرية لسموه
الا واشيب عيني
الا واشيب عيني يوم قالوا لي فمان الله
وتحققت انهم من عقب جمعاهم مقفين
تغايا لي خيال الموت يومه مد لي يمناه
ولد بعينه الخرسا عقب ماقفى يراعيني
نهت وقلت مماجال بالصندوق واعزاه
سراب اللال باكر يطرد مابينه وبيني
حلفت برب خلقه لو يطول البعد انا منساه
انا وشلون ابيع اللي من العربان شاريني
تصبر ياخفوق صار داه اليوم وسط ارداه
على رجوى ان رب العرش يدنيهم ويدنيني
مثل ماخذت قلبي المحبوب عطني اياه
على شان انتساوى في المحبة بالموازين
ايلا قارنت غيرك بك خجلت وقلت:وانقصاه
انا وشلون اقارن كامل الاوصاف بالشين
ولو هو في حلى يوسف كسف لي بنت نور اضياه
وختم القول رب بك تبلاني يقويني
يتبع //
لاتحاول كل شي انتهى
حبنا الي فات لايمكن يعود
حبك ،الي كان في قلبي فها
ويش اسوي صاب عاطفتي برود
مالقى قلبي بقربك ماشتهى
مالقيت الا المذله والجحود
اشهد انك فقت جيلك بالبها
ون زينك طاغي ماله حدود
مير عيبك ياجذ وان المها
ميت الاحساس ياوردي الخدود
ون عرضك لاهي به من لهى
ون عقلك ناقص مافيه زود
يتبع //
لاتكحل .. مايزينك الكحل
الكحل خله لمن .. زينه عوارى
واطيٍ فوق العذارى ..بالرجل
ماحد لك بالبها منهم يجارى
من بغى ينكر جمالك يالنجل
الحظه مثلي وخله لاتدارى
انت تذكر يوم .. تنطحي عجل
يوم تحظني بعينك .. وانت سارى
إبتعد عني ماحبك وش تبيبي
قدرك العالي رميته في الثرى
واحسايف قوليتي لك ياحبيبي
يوم قلبي مولع بك مادرى
إنك الغادر وقصدك تلتهي بي
ون عاطفتك تباع وتشترى
إنس وقت فات مالك به نصيب
لاتذكر ،لاتذكر ماجرى
يوم هفت شمس حبك للمغيب
استرحت وعاد لي طيف الكرى
يتبع //
ليتني ماشفت في عينك دموع
منظر الدمعه على خدك هلاك
يامضوي في دجى عمري شموع
الحزن ماخلق لعيون الملاك
اتحمل عنك كل امر يروع
خذ هنا قلبي ,وخلف لي عناك
واتقدم لك بقلبي في خضوع
ضح به في هيكل الحب لهواك
او تلطف به وضمه في الضلوع
علها تورق غصونه في حماك
من سهومك ماحمى قلبي دروع
والشفا ياروح روحي في شفاك
يتبع //
مبارك آل عمار الدوسري
04-02-2005, 01:30 AM
لاهنتي يانجمه
جهود تشكرين عليها
وذلك لاعطاء متذوقي الشعر اختصارات لما يبحثوا عنه من اعذب الشعر
لكبار الشعراء والمتميزين
كل التقدير لك
سعود الخويطري
04-04-2005, 07:41 AM
فكرة رائعة جدا
كل مدة نجعل ديوان خاص لكبار الشعراء
شكرا لك يـ نجمة
تقبلي سلامي
مشرفنا الفاضل
لقدومك رائحة الغار
وحروفك عبق النرجس والجلنار
لك كل الشكر والتقدير لمرورك
خالص مودتي
سعود الخويطري
بالغ شكري وتقديري لثناؤك الكريم
مرورك الغالي
ارق تحية لك
قرب الرحيل ... وخاطري منك ماطاب
ياواحد عندك .. حياتي رهانه
تدري .. بعله واحدٍ منك..منصاب
اللي بقلبه لك .. يقوله لسانه
بك طيب لو ماحط بك .. زين الاطياب
ياغصن بانٍ ناعمٍ به .. ليانه
ياليتهم .. سموك يازين معطاب
حيث ان حبك .. بالضماير ..مكانه
كلن عذلني فيك عدوان.. واصحاب
واقول خلوني وكلن وشانه
وان قيل ..الابدل احباب باحباب
قلت آه .. لكن من يسد بمكانه
انا وياك يالحرمان في الدنيا غدينا اخوان** مسيرتنا سوا في كل حاضرنا وماضينا
مشينا فوق درب السهد والآلام ولأحزان** حيارا في خضم التيه ماترسي مراسينا
تباشير السعادة عن نظرنا لفها النسيان** وفوق اهدابنا ماتت من الحسرة امانينا
على درب الالم تمشي مواطينا على النيران** ظلام الياس ينشرنا على حبله ويطوينا
ترانيم الهنا في يوم مولدنا غدت صلبان** صلبنا فوقها من غير ماتجني ايادينا
تعوضنا عن البلبل وشدوه نعقه الغربان** وعن غصن الزهر غصن بعكف الشوك يدمينا
هلا باللي يبي ينظر بعينه قوة الانسان** يجي ينظر تجسدها بكل اطوارها فينا
رضيت لي ... هون القدر والمذله
وارخصتني ... وانا مع الناس مغليك
وطاوعت في اربوع قل لي ... وقل لهعدوانى اللي طايلتهم حسانيك
مبنى الغرام اللي ... نعمنا بظله
من عشرة اعوامٍ هدمته بياديك
قمت تعاتبني على غير ... زله
ومن اول حبي عن العيب ... معميك
سيف الجفا يبرق بيمناك ... سله
تهوبني به يوم ... كثرت طواريك
خلك بعيد هو لك الكل كله
حسيبك ... اللي بالفعايل يجازيك
يـاطول حرماني .. عيوني تراعيك
وعـن مـاتريد الروح تقصر يديني
حتى الحكي ما اقدر مع الناس احاكيك
مـع حـالو الـحساد بـينك وبيني
مـايتركونك لـحظة لي وانا..اجيك
وابـدي لـك الـخافي وابيح كنيني
وادري بهاجس خاطري ويش طاريك
هـو انـت تـكره شوفتي او تبيني
هـو انـت مـثلي هايمات ظواميك
عـلى حـياضي غـادي لك حنيني
او ان قـلبك مـع حـبيب مـهاويك
يـسقيك خـمر الـحب يانور عيني
امـا قـصرت ارشاي ماعاد لي فيك
والـباس فـي الدنيا حدى الرحتيني
والا وردت ودسـت بالرجل حاميك
والـصادق الـلي بس دونك يجيني
اشتقت لك يا فرحة العمر وين انت
يا للي عيوني منك ينبع ضيــاها
لولاك بالغايه بدنياي .. مـا كنت
اشفق على ايامي يطول مداهــا
سرقتني مثل الكرى لي تمكنـت
من مهجةٍ مــا قبلك أحد غشاها
أشوف حسنٍ كل شئ تحـاسنت
لو به ذهاب النفس أشوفه مناهـا
ما خبر يوم في منامي تطـامنت
إلا أن بعثت الطيف لي في دجاها
أهين نفسي لك بمرضـاك لاهنت
واتبع هواك بعسرها عن هواهـا
رجلي تيامن غصب كانك تيامنت
وان خذت باليسرى تياسر اخطاها
كلٍ بعينه زين ويــــلا تبينت
كلٍ زهد في خلقته مـــا بغاها
لوفات لك تسعين بالعمر ما شنت
في عين نفسٍ علقت بك رجاهـا
آمنت بك في عـالم الحب آمنت
يا متلفٍ روح العنا يــا دواها
حبيبي ... الغالي تجرعت فرقاه
بالله وش خليت لي يازماني
مالي جدأ الا اتبع الاه .... بالآآآه
ماهيب من حلقي ..من اقصي المحاني
نار سرت بالدم ... والعظم تصلاه
عن وصفها ياناس ... يعجز لساني
لاعاد يوم ... مد لي فيه يمناه
واقفي ...ووقف ولد .... بالعين ثاني
الصاحب ... اللي ماتعدد ... مزاياه
عديم وصف ... وكامل ٍ بالمعاني
خليت روحي ... اغبر القلب تقفاه
ترعي حبيبي عن عوادي زماني
دام التراب تراب .... ما والله انساه
على هداه مقيم .... هذا مكاني
يامالك الروح أنا .. ودي
بـمواصلك يابعد روحي
من شوفتي خدك الوردي
وأنا من الحب مجروحي
الـحقتني بـالقصا حدي
لاشـك يازين مسموحي
نامت عيوني على سدي
أجاوب الورق بالنوحي
وامـا انتكرمت بالردي
مـافات يازين مدموحي
اشبع وشبعني ... من الوصل يازين
خل نرتوى من سلافة هنانا
ننسي جميع الناس ... ونعيش ياثنين
الحب غايتنا ... الى منتهانا
في زورق الاحلام ... نشوي ولاهين
والعطف والتحنان ... عمدة غذانا
نحيا بدال العمر ... يازين عمرين
حياتنا والعمر الآخر ... صدانا
قبل الفراق اللي يغيض ... المحبين
لاينتبه ثمٍ يباعد ... خطانا
بالك ... يفوت الوقت ... مناب دارين
ونموت مانلنا ...الوطر من صفانا
عطني وعــد واخلف ولاتودع الياس
يقضي على نفســــي بقطعت رجــاها
يامــن ملــكني قبــل زينه بالاحساس
ورجــــل عــن النـقود تقصر خطاها
ياقـــبلة القــلب الـمعنى مــع الـناس
لاجيت اديره حاص غصب ونـصاها
حــــبك نشـــعني من مواطي للراس
يامـــصدر الشــــكوى و يامنتــهاها
جري مــجاري الدم من غير مقياس
مـــا بـاقي بــي جـارحــه مـامــلاها
خـفيف روح ولـو عـلى زبدةٍ داس
قـدمك سـلمت وكن عرشـك عداها
الاوشيب عيني .. يوم قالوا لي فمان الله
وحققت انهم من عقب ... جمعاهم مقفيني
تغايالي .. خيال الموت يومه مد لي يمناه
ولد بعينه الخرسا .. عقب ماقفى يراعيني
نهت وقلت مما جال بالصندوق ..وعزاه
سراب اللآ باكر ..يطرد مابينه وبيني
حلفت برب خلقه .. لو يطول البعد انا منساه
انا وشلون ابيع اللي .. من العربان شاريني
تصبر .. ياخفوقٍ صار داه اليوم .. وسط ارداه
على رجوى ان رب العرش .. يدنيهم ويدنيني
مثل ماخذت قلبي ..قلبي المحبوب .. عطنى اياه
على شان انتساوى في المحبه والموازيني
الى قارنت غيرك بك خجلت .. وقلت ونقصاه
انا وشلون اقارن .. كامل الاوصاف بالشيني
ولو هو في حلى يوسف .. كسف لي بنت نور اضياه
وختم القول رب بك ... تبلاني ... يقويني
سلى القلب عنكم .. وانت ماتحسبه يسلى
الى شاف ماعافه .. سلى حب ..خلانه
قليته بنار الغدر وتحرك المقلى
تلذذ بشوفه ..يحترق .. فوق نيرانه
سنين وانا مخلص .. ودورت لك لك بدلا
ودادٍ مضى ملكتني به بريعانه
تجرعت كاس الصبر مرٍ .. على مهلا
لعل الصبر يوريك .. خطتك غلطانه
خلافي معك ابيك .. تعلي عن السفلي
وأبي سيرتك في الناس .. بالحمد مليانه
الى شفت مارجي فيك .. من سيرة مثلي
تقلب طعم الموت والنفس فرحانه
ولك وياللهول .. ارخصت مايغلي
بذلي .. وذلي .. دست حبك على شأنه
ترفعت عن ماردك .. مااعاد لي مدلي
اعاف القراح الي ..سفى فيه معطانه
مثيلك يعيش بخير ... مع لابةٍ خبلي
موازينهم بالعرف .. تشبه لميزانه
تحسف الي ماذقت ما انت .. له اهلا
يجي يومك اللي .. ماتحسب ... حسبانه
جلسةٍ ماهو معي .. ماعليها خانه
كيف ابستانس وهو ماتشوفه عيني
مير هلي الدمع .. ياعيني الولهانه
يوم حال اللآل .. بين الحبيب وبيني
الليالي طبعها دايمٍ ... خوانه
عادة الايام تفريقه الاثنيني
عفت كل البيض .. والسمر انا من شانه
والبلى كانه عقب ... غيبتي ناسيني
رميص بن سعد
04-06-2005, 11:37 AM
الله عليك يانجمة
فكرة رائدة ......... واختيار مميز للقصائد
و دمتي مبدعة
سلم لنا نبضك الشاعري
وسلم حسك النابض
مودتي لك
الكايد
04-12-2005, 03:13 PM
هلا والله نجمة
اشكرك اختي على الفكرة الجميلة
وعلى الاختيارا لاجمل
موفقه عزيزتي
تحياتي
ياهلا بطلة البهاء
الكايد 00
اشكر حضورك البهي
وتقبل مني كل التقدير
امسح الدمعه ترى ضعفك قوي
أنهزم قدام ضعفك يا غلاي
امسح الدمعه بعمري لـو تبي
عطني احزنك وخذ مني هناي
امسح الدمعه قبل تقضي علي
دمعتك تغرق صباحي في مساي
لا تروع مثــل روعات الظبي
روعتك ياروعة ايامي بلاي
كل ليـــل مع نهارك ينجلي
يابدايات الهوى يا منتهاي
ياوطن قلبـي وغربة ناظري
يااحتياري يا صوابي ياخطاي
يابنات الفكـر غني وارقصي
عند خلي وانشدي له من غناي
وسعي صـدر الحبيب واطربي
طريتي له كلما ذعذع هواي
لا تـعتــذر ياهـوى البـــال
مانيــــب احـب المعاذيــر
يـوم إنــها لـي بالاقبـــال
ما قد جـرى منـك تقصيــر
واليـوم يــوم الهــوى مــال
يـاعلهــــا لك مسافيــر
الكـسر فـي بعض الاحــوال
ما يـنفع الكســر تجبيـر
ما قــد بـقـى شـي مـا زال
ولا كــل فرقــى مخاسيــر
ولاكـــل حــال مثـل حــال
في مــر الايــام تغييـــر
خالد الفيصل
لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب وملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدر ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحته يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى
خالد الفيصل
سـريت لـيل الهوى لين انبلج نوره
امشي على الجدي وتسامرني القمرا
طـعس وغدير وقمر ونجوم منثوره
انـفاس نـجد بها جرح الدهر يبرا
يا نجد الاحباب لك حدر القمر صوره
طـفلة هلال وبنت اربع عشر بدرا
حـبيبتي نـجد عـيني فيك معذوره
مـعشوقة الـقلب فيها للنظر سحرا
فـضة شعاع القمر في نجد مسحوره
مـن شـاف لمع قمر في خدة سمرا
قالت من أنت؟وقلت مجموعة انسان
من كل ضد وضد تــلقيــــن فيـني
فيـني نهـار وليــــــل وافـراح واحـزان
أضحك ودمعي حايـــر وسـط عيني
وفينـي بــدايه وقـت ونـهـايـــه ازمـان
أشتاق باكر واعطي أمسي حنيني
واسـقي قلوب الناس عشق وظميان
واهدي حيـارى الدرب واحتــار ويني
واحاوم صـقــــــور الهوا حـــوم نشوان
واسـيـــل الوديــــــان دمـــــع حـزين
في عيني اليمني من الورد بستان
وفي عيني اليسري عجاج السنين
تهزمني الـــنجــلا وانـا نـد فرســان
واخــــفي طعــــوني والـمحبه تـبين
امــــــا عرفتـنـي فلانــــي بـزعــلان
حتــى انــا تـــــراني احتــــرت فيني
لـيالى نـجد مـامثلك ليالي
غلاك اول وزاد الحب غالي
لـيالي نجد للمحبوب طيبي
امـانه نـور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والـى من الزمان اشتد حره
لقيت بقرب مظنوني ظلالي
عـفا الله عنه مما جاني اول
غـسل حبه جميع الهم تالي
ايوه قلبى عليك التاع
مايحتمل غيبتك ليله
عساه عساه مايرتاع
عليك يانافل ٍ جيله
غنيت يابو عيون وساع
من غيرك اقصد واغنى له
معذور لو صرت بك طماع
من حبكم مالنا حيله
القلب من يمكم نزاع
لوحاولو صعب تحويله
مانيب من عاذلى سماع
والله ماقطع مواصيله
من لام راعى الهوى خداع
سيور الايام تبدى له
ماضاع عمرى معك لو ضاع
ماضيه والا مقابيله
سلمت لك خافق ٍ جزاع
عساك يازين تاوي له
لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع
أنـا والصحـاري والمطـر والفـرس والطيــر
ونبــت الخـزامى والظبـي والشـعر خـلان
بنيـت البيـوت من الشعـر والــشعـر تعبيـر
عن المـاضي الحاضر وعـما يكـون وكــان
أحـب القنـص بـارضٍ قفـر ماوطاهـا الغــير
وصهـوة فـرس كـل الكرامـه لها ميــدان
ومنظــر غديـر ترتعـش فيـه شمـس عصيـر
وطعسٍ حمر عقـب الـمطر ما مشـاه إنسـان
وشــوف القطــا سربٍ تواقـع وسربٍ يطيــر
وفزة ظــبي حـذر بـها غـافـل الغــزلان
شمـسٍ مضـت بـدرٍ ظهــر والنجـوم تسيــر
وريح النـفل هيض شـجــوني وانا ولهـان
وبالليـل أشب الضـو مـع ضيــفي التفكـيــر
وبالفـكر تـقدح لمـعة النجـــم والضيــان
أقـلـب جـمـر ضـوي وبـي مثلهـا تجميــر
شــــرار وشـرار ولـيل ومولـعٍ حيــران
لو يبور الملأ ما أحسب حبيبي يبور
وأحـسب اني أموت ولايموت الوفا
وأحـسب انه على هاك المودة غيور
مـا احسب ان الشعاع اللي بقلبه طفا
كـيف يانور عينى وانت للعين نور
يـختفي نـور وصلك في ظلام الجفا
اثـر قلبك على فرقا الولايف جسور
واثـر طرفك اليا سهرت عيوني غفا
ويـن هاك الونين اللي يشق الصدور
ويـن هـاك الدموع اللي تشق الصفا
كـل حـي ٍ الـيادارت لياليه يدور
كـل قـلب الـيا عفت جروحه عفا
ويل قلب توالت فوق جروحه كسور
كـل جـرح الهوي ياصاحبي ماكفا
التمس لك عذر لو كان ما أنت معذور
وان جـحدت الـموده بان لك ماخفا
انتشى حرفي على المعنى وغرد
والقوافي ناغمت بيت القصيدة
والزمان اللي مضى للشعر وعود
من رياض الفكر نستلهم جديدة
كل غصن مورق بالحـب ورد
والشذا عطر بساتينــه وبيده
والهوى المحبوس في صدري تمرد
وانطلق شدي كما الطير تغريدة
شاقني شعر تمثل في محمد
كل طرق من ولد راشد يجيدة
من خليج دبي للمغرب تردد
قوله إللي كل مااشتقنا نعيدة
والشعر سيد الفنون إلى تسيد
في مسا ذا الليل يامحمد نريده
نقطف النجمات شعر ونتقلد
من قلايدها مصابيح فريدة
والشعر طب القلوب اللي تجلد
من بلاويها طبايعها عنيدة
والشعر توهيمة فواد توجد
لو وجوده في وجوده مايفيدة
والشعر بوح العيون إلى تسهد
شوفها تسري به نجوم بعيده
والشعر للناس تـاريخ يخلد
للعرب والشعر وقفات مجيده
يوم قالوا موعد الليلة تحدد
صابني شوق محبتكم تزيدة
من معرفتكم تراني بالتزود
مايكفي في محبتكم قصيدة
اون وريـــــــاح الــلــيـالـي تـــونِـــي
والـبرد فـي جـوفي كـما الغار خاوي
مــاكـن لـــي عــقـل ولا قـلـب كـنـي
جــذعٍ وقـف فـي وجـه الأيـام ذاوي
وبـــي عــبـرة مـحـبـوسةٍ تـمـتـحني
وفي عيني وحلقي وصدري شكاوي
وبــي مـن قـديم الـوقت جـرحٍ مـكني
وبـي مـن جـديد ايـام وقـتي مـكاوي
إن قـلـت زانــت خـالـف الـوقت ظـني
وإن قـلـت هـانـت عـاجـلتني بــلاوي
أجـــامـــل ايـــامـــي ولا جــامــلـنـي
هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي
والـحـزن مـا بـين الـضلوع مـتلاوي
أون وكــــلٍ يــحـسـب انــــي اغــنـي
عـلـيل وكــلٍ يـحـسب انــي مــداوي
لك حق تزعل ثم لك حق نرضيك
ما اقوى زعل حبيب قلبي وعيني
ما دام قلبي يا اريش العين مغليك
اطلب ولك روحي وما في يديــني
لا تـنـشـغل مالك وزينٍ يــضـاهــيك
ابـيــك أنا لـو كان غـــــيرك يبيني
يوم الله احسن صورتك خصني فيك
فـيك الجـمال وصــادق الــود فيني
شعري يزين بوصف زينك وطاريك
والأرض مــن مـمشـاك فيها تزيني
اول غــناتي صوت الأشـواق يدعيك
واخــر غــناتي شـق صدري حنيني
الله اكـبـر كـيـف يـجرحن الـعيون
كـيف مـا يـبرى صويب العين ابد
احسب ان الرمش لا سلهم حنون
اثـر رمـش الـعين مـا يـاوي لاحد
يـوم روّح لـي نـظر بـعينه بهون
فــز لــه قـلـبي وصـفـق وارتـعـد
لـفـني مـثـل الـسـحايب والـمزون
فــي عـيوني بـرق وبـقلبي رعـد
نـقض جـروحي وجدّد بي طعون
قـلـت : يـكـفي قـالت عـيونه بـعد
وانعطف هاك الشعر فوق المتون
وانـثـنـى عــوده وقـفـى وابـتـعد
اشـغـلتني نـظـرة الـعـين الـفـتون
حــيـرتـنـي بــالـتـوعـد والــوعــد
هـي تـمون الـعين والا مـا تـمون
لــى خـذت قـلبي وقـفت يـا سـعد
يـــالـــمــعــرفــه يــــــامــــــا ســــعــــيــــت
ادّورك وانـــــــــــــــــــت شــــــــــــــــــرود
امشي واصوت بالحياة ... يامن لقيت الذاهبه
دخـــــــلــــــت ادور كــــــــــــل بــــــيــــــت
وظـــــــــهــــــــرت ادّوج بــــالــــنّــــفــــود
واسـأل مـراكيب الزّمان ... الشارقه والغاربه
ولــــــســـــاري الـــنّـــجـــمــه ســـــريـــــت
لـــــــعــــــل نــــجـــمـــاتـــي تـــــــجــــــودْ
يـا شـاهدةْ سرّ الزمان ... عطيني سرّ الغايبه
ســــــافــــــرت لـــلـــبـــعــد ومــــشــــيـــت
اتــــــبــــــع فــــوانــــيــــس الــــــوجـــــود
وازور واحـات الـقلم ... عـند العجم والعاربه
عـــــــــــوّدت لــــلــــحـــرف وقــــــريـــــت
أبــــــــــــي مــــــــــــن الـــكـــلـــمـــه ردود
لـقـيت كـتّـاب الـفـلاه ... تـطـرد نـياقٍ هـاربه
يـــالـــمــعــرفــه دونـــــــــــك غــــــديـــــت
والـــــحــــد مــــــــن فــــوقــــه حــــــــدود
والـمدّعين الـمعرفه ... أجـهل من اللي طالبه
أبـــــعــــد مـــــــــن أيــــامــــي مـــشـــيــت
والــــحــــمــــل بـــالـــكـــاهِــل يـــــــــــزودْ
رِجـلٍ تـورّدني خـطر ... ورِجـلٍ تـأخر هـايبه
لـــــــلــــــه تـــــوجّــــهــــت ودْعــــــيــــــت
الــــخــــالــــق الــــــفــــــرد الــــــــــــودود
يـدّلـني درْب الـرشـاد ... درْب الـعباد الـتايبه
الـحزن فـي صـونك ازعـج ساكني
لـين صار الكون من حولي حزين
غـصب عـني حـزن صوتك هاجني
لـيـن خـلَّـى عـاصي الـمعنى يـلين
وامـتـثل حــرف الـقصيد وعـادني
وانسكب حزنك على شِعري حنين
شِـلت أنـا صـوتك وحـزنك شـالني
أكْـتـم الـصـرخه ويـنـساب الأنـين
شِـفت حـزنك كـيف حـزنك شـافني
كـيف داهـم خـلوتي فـي لـحظتين
طـيـر أنــا مـثـلك زمـانـي ضـامني
جـرّحـتني مـثـلك سـيوف الـسنين
صـابـك الـلـى مــن زمــانٍ صـابني
فـي مـعاليق الـحشا جـرحه دفـين
الــفـرح عــقـب الـصـداقه هـابـني
خـافت الـبسمه عـلى وجهي تبين
طـير يـا اللّي صوت حْزنك هاضني
الله الــلــي يـنـتـصـر لـلـصـابـرين
اسـتـكثرك وقـتـي عـلـي وغــدا بــك=عـــادة زمــانـي كـلـمـا طــاب هــون
لــيـت الــذي وداك يــا زيــن جـابـك =تـشـوف عـقـبك كـيـف الايـام سـون
شرقٍ مشيت وغرب وقتي مشى بك =والـقـلـب مــالـه لايــمٍ فـيـك لــو وّن
عـقـب الـهنا بـك ذاق لـوعه عـذابك =تـــلـــونــت دنــــيــــاه ولا تــــلـــون
طـويـتني طــي الــورق فــي كـتـابك =حـتـى مـعـاليق الـحـشا لــك تـطـون
اشـتـقت لايــام الـهـوى فــي جـنابك =يـوم الـشموع بـليل الاحـباب ضـون
واشـتـقت اقـول لـهاتفك مـرحبا بـك =واشـتـقت لـغـيوم الـصحاري تـكون
عـود تـرى داعـي الـهوى عند بابك =واروِ الـقـلوب الـلـي بـعد مـا تـرون
غـنـيت لــك عـمري ولا جـا جـوابك =واسـمـي مــع مـجـنون لـيـلى تـدون
بنت الكحيله مهــرتي
وخيالتي من كل اصيل
ألقى عليها طربتي
بين المعنـــــــق والشلــــــــيل
صدر وقطاة فلـــوتي
العنــــق والســـــاق الطويــــــــــــل
وقع الحـــوافر نغــــــمتي
وحــــداتنا رجـــــــع الصهيـــــــل
أبوي وجدي قدوتي
لو ما لهــــم عنــــــــــدي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل
سافرت ..
خمسين عام من الزمان
هي عمر؟
ولا على هامش زمان ..
هي حقيقة علم ؟
ولا هي سراب
هي مواجيع الدهر ؟
ولا حنان
في عجاج أيامها دربي يذوب
تاهت الخطوة وضيّعت المكان
أنشغل عن عمري بعمر آخرين
وانتبه
في لحظة غياب الأوان
مرّت الدنيا وأنا أرسم لوحتي
أرسم الفكرة على صهوة حصان
مرّت الدنيا وأنا شعري طفل
ماعصرت الروح
في حرف البيان
مرّت الدنيا
وأنا حلمي سحاب
فوق سرج الريح
مطلوق العنان
مرّت الدنيا
ولا أدري وش قضيت
من حوايج خاطري
ذكر وعيان
العمر ينقص
وحاجاتي تزود
عقب ماهي أربعٍ
صارت ثمان
سافرت كن الصحاري ما ازهرت
والمطر ماكنه أنبت قحويان
سافرت .. كن الليالي ما اقمرت
ماتقل سامرت نجماتٍ حسان
وماتقل غنّت حمامه بالهديل
والهوا ماهز عود الخيزران
سافرت
كن الحوادث ماجرت
وأصبحت سوالفي كانت وكان
يازماني حاجتي في ركعتين
غير رب الوقت
مالي فيه شان
أكـاد أشـك في نفسي لأني = أكـاد أشـك فيك وأنت مني
يقول الناس إنك خنت عهدي = ولم تحفظ هواي ولم تصني
وأنت مناي أجمعها مشت بي = إليك خطى الشباب المطمئن
وقـد كان الشباب لغير عود = يـولي عن فتى في غير أمن
وهـا أنا فأتني القدر الموالي = بأحلام الـشباب ولم يفتني
كـان صـباي قد ردت رواه = عـلى جفني المسهد أو كأني
يـكذب فيك كل الناس قلبي = وتـسمع فيك كل الناس أذني
وكـم طافت علي ظلال شك = أقضت مضجعي واستبعدتني
كأني طاف بي ركب الليالي = يحدث عنك في الدنيا وعني
عـلي إني أغالط فيك سمعي = وتبصر فيك غير الشك عيني
ومـا أنا بالمصدق فيك قولا = ولـكني شقيت بحسن ظني
وبـي مـما يساورني كثير = من الشجن المورق لا تدعني
تعذب في لهيب الشك روحي = وتـشقي بـالظنون وبالتمني
أجبني إذ سالتك هل صحيح = حديث الناس خنت؟الم تخني
vBulletin® v3.8.4, Copyright ©2000-2012, TranZ by Almuhajir
diamond