المساعد الشخصي الرقمي

مشاهدة النسخة كاملة : لغز ياحلاله

محمد سعود
03-19-2005, 09:27 PM
حوووول شور يا مبارك


ونقلبها ساحة شريطيه هنيا

نسدح لكم لغز ونشوف

طبعاً الحل موجود من شاعره بعينه وعلمه

وبذكر اسم الشاعر لاحقاً

الهدف تحريك الذهن ومد مفاصل المخ شوي


انشدك يا متابـع تـراث الجزيـرة=يا ويش هالبنتين يا ويش رجال
جاهـم دخيـلٍ مـع خويـة بديـرة=وكلٍ على واجب دخيله لـه افعـال
بنـتٍ حمتـه اببيتهـا والاخـيـرة=بعيالها والا الرجـل بالخطـا عـال
محمد الفرحان
03-19-2005, 11:55 PM
.

ياهلا والله ومرحبا بك يابوسعود

والساعه المباركه تواجدك ومشاركتك معنا

ولغز طيب من وجه اطيب والظاهر اننا بنبطي

ماحليناه

بيكون لي رجعه بعد تفكير عميق مع هذا اللغز

المحير

وحتى عودتي نقبل فائق تقديري واحترامي
كحيلان
03-20-2005, 01:56 AM
يبي له تكفير


شكلي بحله بس انتظروني
وان طولت عليكم حلوه وعطوني خبر
مبارك آل عمار الدوسري
03-20-2005, 02:14 AM
شرايك يامحمد

نقلبها صحله هههههه
وكل منا يعلم الثاني
اكيد لي محاولات ولكن بعد ان اعود
دمت بود
سعود الخويطري
03-20-2005, 02:44 AM
لغز كايد وانت كـايد يـ محمد



لاهنت ولي عودة قبل الربع كلبيهم :)


تقبل سلامي واشواقي

الخويطري
محمد سعود
03-20-2005, 07:41 PM
مرحبا بالجميع



وانتظركم لا عدمتكم


ويالله يا مبارك ادفع زودك والا قول مبروك وعلمنا


لكم الود
مبارك آل عمار الدوسري
03-20-2005, 11:19 PM
هههههههههههههههههه

تبي الجد شكلي بدفع الزود بس لاتعلم احد


دوختني ولغزك يامحمد
محمد سعود
03-28-2005, 12:16 AM
هلا بالجميع


تم عقد الصفقه مع مبارك الدوسري


وهنا حل اللغز


البنتين:

العنكبوت
والحمامه

الرجال:

الداب اللي قرص ابو بكر في الغار

الدخيل:

الرسول صلى الله عليه وسلم

خويه:

ابو بكر رضى الله عنه

الديرة:

الغار اللي دخلوا فيه


الشاعر / ناصر بن سعد السهلي


ولكم الود
مبارك آل عمار الدوسري
03-28-2005, 04:04 AM
يووووووووووه يامحمد


تبي الجد اللغز محبووووووك صح

لكن صعب بالحيل

لاهنت على الايضاح واتمام الصفقه