نعير بن شلوان
03-17-2005, 02:05 AM
أخواني وخواتي الأعزاء أسعد الله مساكم
لقد أهداء إلي أخي العزيز الشاعر \\ دغش بن بطي الدوسري
بيتين ينسبها للأكلبي حسب معرفته
وهذا من معزّة دغش لي وتقديره والبيتين المهداه هي :
الطيب لاتستغربه من أهل الطيب = اللي لهم في منهج الطيب خبره
أوسع على الاجواد من فيضة شعيب = وأضوق على الانذال من ثقب الابرة
ومن معزتي وتقديري لأبو بطي بنيت على هذا الطاروق قصيدة مهداه لأبو بطي ويستاهل كل طيب
وعسى أن تحوز على رضى الجميع
البارحة سهران وأكتب مكاتيب = ولأنتهى لي فكرةٍ جات فكره
ما أمسيت ليلي واجتلد كني الذيب = وعلى القصيدة جرّني سلك مكره
واجب علي أرتب القاف ترتيب = دام القلم يكتب ورعّاف حبره
هاجوس فكري مايهيب الأصاعيب = وليا حظر بالليل ما قلت بكره
واتعب على الطاروق بأحسن الأساليب = وافرح اليا شفت المناهيج عسره
يابن بطي راعى الوفا والتراحيب = مثلك عسى المولى يطوّل بعمره
دغش دغش يا منبع العز والطيب = شرواك عندي فالصدر بان قدره
مايلحقك شكٍ ولا يلحقك ريب = شاعر وعندك في الطواريق خبره
هديّتك يا كاسبٍ شمّخ النيب = تسوى من أغلى الذود خمسين بكره
سيفٍ مجرّب من سيوفٍ محاديب = خويّكم ما بيّح الهم صبره
من لابةٍ للجار تاسم مشاعيب = دخيلكم ما ضيّق الخصم صدره
أهل الدلال الصفر وأهل المواجيب = والعود الأزرق يطّبخ فوق جمره
للطيب كسّابه نهار المكاسيب = كم خايعٍ ما ديس ترعون قفره
يابو بطي طيبك بروس المراقيب = والرابح اللي يمّدح عند ذكره
وافي مع الوافين ما بك عذاريب = الطيب دايم في مماشيك فطره
عون الضعيف اللي همومه محاضيب = مشهور طيبك بين الأجواد شهره
تو الخصيم تصير نار و لواهيب = حرٍ مخاليبك على الخصم جسره
طير السعد شرواك عطب المضاريب = حرٍ جبل سنجار ساسه ووكره
يقولها اللي لاهقى ظنه يصيب = شاعر مع الشعّار ماأحتار بامره
يابو بطي يا شوق سيد الرعابيب = هيضتني ثم جات عشره وعشره
وسلامنكم
الشاعر أخوك المخلص
نعير بن شلوان
-----------------------
وهذا رد / دغش على قصيدتي
-----------------------
السلام عليكم ورحمة الله وبركاته ،،،،،،،،
أعزائي منسوبي منتدى ..... مشرفين وأعضاء وشعار وشاعرات وزائرين ،،
أسعد الله مسائكم بالخير والمسرات جميعأ
أقدم لكم هذه القصيدة الارتجالية وهي مجاراة لقصيدة الشاعر العزيز والغالي نعير بن شلوان واللتي أسندها لي
ونشرت أمس ومازالت في المنتدى وهي بعنوان ( ياأبو بطي ....) وأرجو بأن ترقى لذائقتكم ولو بالشيء
اليسير وأرجو من الجميع أن يعذرني لانها أرتجالية ومتسرعة ، أليكم والحكم لكم تفضلو :
(( يانعير بن شلوان ياماكر الطيب ))
يالله ياللي تعلم السر والغيب=ياواحد (ن) دورات الايام بأمره
أنك تجنبنا عن الشر تجنيب=وأنك تدبرنا على خير دبره
فهات القلم ياكاتبين المكاتيب=وأليا نقص حبر القلم زيد حبره
ودي نجاري ناطحين المواجيب=اللي على كسب النواميس شطره
لو كان مالي من وراهم مطاليب=لاشك سايقني على الرد حشره
كسبت من دنياي بعض التجاريب=وأخذيت من الايام درس وعبره
توي صغير وكاسي(ن) راسي الشيب=من جور وقت شفت حلوه وغدره
فترى الزمن يمضي بدنيا التعاجيب=وترى البحر ماينقصه غرف ٌقطره
ويانعير بن شلوان ياماكر الطيب=شرواك عندي يرفع الراس ذكره
هديتك لي ياعطيب المضاريب=عندي كما الجاوي أليا فاح عطره
لبيت ثم فزيت شفق (ن) بترحيب=لباي من يقرن الحجة بعمره
يالشاعر الوافي حسين الاساليب=يامنهل (ن) يروي أليا سال قطره
من لابة لاجاء اللقاء تشبع الذيب=لامن أرتكز بارودها عج كدره
خيالة السمراء طوال الاشانيب=كم شيخ قوم زارهم زار قبره
عدوهم يسقوه كدر المشاريب=وصديقهم محشوم لو طال عمره
هذا وسامحني عن النقص ياأديب=جاتك تحياتي وردي وشكره
والعذر والسموحة من الجميع
أخوكم دغش بطي الدوسري
لقد أهداء إلي أخي العزيز الشاعر \\ دغش بن بطي الدوسري
بيتين ينسبها للأكلبي حسب معرفته
وهذا من معزّة دغش لي وتقديره والبيتين المهداه هي :
الطيب لاتستغربه من أهل الطيب = اللي لهم في منهج الطيب خبره
أوسع على الاجواد من فيضة شعيب = وأضوق على الانذال من ثقب الابرة
ومن معزتي وتقديري لأبو بطي بنيت على هذا الطاروق قصيدة مهداه لأبو بطي ويستاهل كل طيب
وعسى أن تحوز على رضى الجميع
البارحة سهران وأكتب مكاتيب = ولأنتهى لي فكرةٍ جات فكره
ما أمسيت ليلي واجتلد كني الذيب = وعلى القصيدة جرّني سلك مكره
واجب علي أرتب القاف ترتيب = دام القلم يكتب ورعّاف حبره
هاجوس فكري مايهيب الأصاعيب = وليا حظر بالليل ما قلت بكره
واتعب على الطاروق بأحسن الأساليب = وافرح اليا شفت المناهيج عسره
يابن بطي راعى الوفا والتراحيب = مثلك عسى المولى يطوّل بعمره
دغش دغش يا منبع العز والطيب = شرواك عندي فالصدر بان قدره
مايلحقك شكٍ ولا يلحقك ريب = شاعر وعندك في الطواريق خبره
هديّتك يا كاسبٍ شمّخ النيب = تسوى من أغلى الذود خمسين بكره
سيفٍ مجرّب من سيوفٍ محاديب = خويّكم ما بيّح الهم صبره
من لابةٍ للجار تاسم مشاعيب = دخيلكم ما ضيّق الخصم صدره
أهل الدلال الصفر وأهل المواجيب = والعود الأزرق يطّبخ فوق جمره
للطيب كسّابه نهار المكاسيب = كم خايعٍ ما ديس ترعون قفره
يابو بطي طيبك بروس المراقيب = والرابح اللي يمّدح عند ذكره
وافي مع الوافين ما بك عذاريب = الطيب دايم في مماشيك فطره
عون الضعيف اللي همومه محاضيب = مشهور طيبك بين الأجواد شهره
تو الخصيم تصير نار و لواهيب = حرٍ مخاليبك على الخصم جسره
طير السعد شرواك عطب المضاريب = حرٍ جبل سنجار ساسه ووكره
يقولها اللي لاهقى ظنه يصيب = شاعر مع الشعّار ماأحتار بامره
يابو بطي يا شوق سيد الرعابيب = هيضتني ثم جات عشره وعشره
وسلامنكم
الشاعر أخوك المخلص
نعير بن شلوان
-----------------------
وهذا رد / دغش على قصيدتي
-----------------------
السلام عليكم ورحمة الله وبركاته ،،،،،،،،
أعزائي منسوبي منتدى ..... مشرفين وأعضاء وشعار وشاعرات وزائرين ،،
أسعد الله مسائكم بالخير والمسرات جميعأ
أقدم لكم هذه القصيدة الارتجالية وهي مجاراة لقصيدة الشاعر العزيز والغالي نعير بن شلوان واللتي أسندها لي
ونشرت أمس ومازالت في المنتدى وهي بعنوان ( ياأبو بطي ....) وأرجو بأن ترقى لذائقتكم ولو بالشيء
اليسير وأرجو من الجميع أن يعذرني لانها أرتجالية ومتسرعة ، أليكم والحكم لكم تفضلو :
(( يانعير بن شلوان ياماكر الطيب ))
يالله ياللي تعلم السر والغيب=ياواحد (ن) دورات الايام بأمره
أنك تجنبنا عن الشر تجنيب=وأنك تدبرنا على خير دبره
فهات القلم ياكاتبين المكاتيب=وأليا نقص حبر القلم زيد حبره
ودي نجاري ناطحين المواجيب=اللي على كسب النواميس شطره
لو كان مالي من وراهم مطاليب=لاشك سايقني على الرد حشره
كسبت من دنياي بعض التجاريب=وأخذيت من الايام درس وعبره
توي صغير وكاسي(ن) راسي الشيب=من جور وقت شفت حلوه وغدره
فترى الزمن يمضي بدنيا التعاجيب=وترى البحر ماينقصه غرف ٌقطره
ويانعير بن شلوان ياماكر الطيب=شرواك عندي يرفع الراس ذكره
هديتك لي ياعطيب المضاريب=عندي كما الجاوي أليا فاح عطره
لبيت ثم فزيت شفق (ن) بترحيب=لباي من يقرن الحجة بعمره
يالشاعر الوافي حسين الاساليب=يامنهل (ن) يروي أليا سال قطره
من لابة لاجاء اللقاء تشبع الذيب=لامن أرتكز بارودها عج كدره
خيالة السمراء طوال الاشانيب=كم شيخ قوم زارهم زار قبره
عدوهم يسقوه كدر المشاريب=وصديقهم محشوم لو طال عمره
هذا وسامحني عن النقص ياأديب=جاتك تحياتي وردي وشكره
والعذر والسموحة من الجميع
أخوكم دغش بطي الدوسري