احلام شاعر ..

[عبدالرحمن الربيّع]

السلام عليكم ورحمة الله

المدونه حسب معرفتي المتواضعه تكون تنفيس للشخص عن ما يدور في فكره وما يتناسق مع احداثه اليوميه او اذا حس اانه في رغبه للبوح ..

وانا هنا بتكلم وبصراحه عن كل شي قدم جديد اي شي وحسب النفسيه والمزاج يارايق او مو متعكر ..

اهم شي لا احد يواخذنا على ما يطرح لانه تناج يومي ومثل ما قلت حسب الاحداث وتحملونا :)

[عبدالرحمن الربيّع]

بدايه :

مرت سنين وسنين على اول موضوع او اول قصيده او اول رد وضعته في النت وطبعا الزمن بعييييد جدا يصل لاكثر من عشر سنوات ..

وبالطبع في هالمشوار الطويل تتعرف على ناس وتفقد ناس منهم اللي انتقل لجوار ربه رحمة الله عليه ومنهم اللي راح وراحت به ظروفه وايامه ومنهم من مازال موجود ولا هو موجود ..

وهذا مجتمع النت العالم الافتراضي ان صح القول مع اني ارفض هالتسميه لسبب انه واقع والاشخاص حقيقيه ولها تاثير كبير جدا في حياة كل كاتب وشاعر ومتذوق وقارىء عادي ..

اذا عالم النت لا يختلف عن عالمنا الحقيقي بكل ما فيه من افراح واحزان ومشاكل وهموم وانجازات شخصيه واهم شي المكاسب الحقيقيه وهي الصداقات والاشخاص اللي لهم تاثير كبير في حياتك وبالتاكيد بالايجاب ماهو بالسلب ..

هناك الاوفياء وهناك الانقياء وهناك العكس تماما ولكن ودي اترك الجانب السلبي بعيد واتذكر الجوانب الايجابيه في هذا المشوار الطويل اللي استفدت منه الكثير وترك اثر كبير في حياتي ولا ينسى ابدا .

وللحديث بقيه :)

[عبدالرحمن الربيّع]

يجول في خاطري افكار كثيره وزحمة حروف وقصص واحاديث وهذا انا في كل مره ابدا فيها بالحديث ..

ولان طبعي الوضوح والصراحه احيان احس ودي اقول كل شي ..

ولكن مثل ما يقولون كل شي بوقته حلو ياحلو ..

لذا ببدا من جانب مهم وهو الذكريات الجميله وهي زاد كل اانسان متفائل وعنده احلام يمتنى تتحقق او يتحقق جزء منها على الاقل ..

بس هل تحقق شيء اول لا هذا المهم ولكن الحمد لله على كل حال وحتى لو ما تحقق شيء اقول كل شيء مكتوب وبيد رب العالمين ..

ونرجع للذكريات الجميله وعام الـ 2001م ويااااااه كم كانت جميله بحلوها ومرها واتذكر او لمره دخلت النت في احد المنتديات الكبيره وفيه من الكتاب واالشعراء المميزين والكبار في العمر والخبره والقدر حسيت برهبه كبيره وخفت من جد من هذا المجتمع وبديت اقرأ واتصفح ابي افهم وش السالفه اسأل نفسي اسئله كثيره ؟؟
كيف تجمعوا هنا وكيف تعرفوا على بعض وكيف هي علاقتهم ووش هو المنتدى هذا وليه سموه منتدى ..
يعني استفساراتي تدور في فلك النت وطبيعيه جدا ..
ومع الوقت بديت افهم واعرف كل شي وجت لحظه المشاركه وكانت اصعب لحظه بالنسبه لي ..
مجرد شعور داخلي لا علاقه له بالثقه بالنفس بشكل كبير ولكن تقريبا خوف من عدم التقبل او الانتقاد اللاذع مع ان عندي حصانه لاني سبق ونشرت قصايدي في الجرايد والمجلات ولكن الاختلاف هنا ان المواجهه مباشره والردود صريحه لعدم معرفتهم بي شخصيا وما اطرحه وما فيه مجال للمجامله لو على حسب اعتقادي وقتها ولكن الحمد لله كانت المشاركه مرحب بها والاشادات موجوده وكانت دافع كبير للاستمرار والتقدم للامام والاستفاده من كل نقد وتوجيه من اي شخص كان ويمكن يكون احد اسباب النجاح لاي انسان عنده قابليه والتعلم .

وللحديث بقيه :)

[عبدالرحمن الربيّع]

يقولون بكره مكمل لشهر شعبان وبعد بكره يبدا شهر رمضان الفضيل جعله الله شهر خير ومغفره وعتق من النار لكل المسلمين في كل ارض وتحت كل سماء وكل عام والجميع بخير ..

ونكمل حديثنا عن البدايات وانتهينا بمرحله جميله من بدايه موفقه مع هالناس اللي قابلتهم وقتها وتركو اثر كبير وذكريات لا يمحاها الزمن ..

كان فيه حماس وحضور منقطع النظير وادمان مو طبيعي مع ان النت كان ضعيف جدا قبل الدي اس ال والسرعات وتطور الاجهزه وسرعتها في وقتنا الحاضر يعني كنت ترسل رد وتروح تنام وتشبع نوم ما نزل الرد هههههههههه
كان بطيء موووت ويعتمد على بطاقات الشحن وخط التلفون وتنقهر اذا احد فصل التلفون او رفع السماعه يبي يكلم ياليل الليل :)

لكن الحين اختلف الوضع حتى في الاسعار وكنا فين وصرنا فين :)

واجمل شي التدرج في ذيك الفتره وتعرفت على ناس بعضهم كانوا قريبين وحولي اقصد في نفس الحي او العمل خاصه للناس اللي يدخلون بيوزرات مستعاره يعتبرون مجهولين حتى تعرفهم عن قرب اما بالنسبه لي فماكنت افكر مجرد تفكير بالاسماء المستعاره ولا قد دخت باسم مستعار الا نادر واغير على طول للاسم الحقيقي حتى يومنا هذا وعلى فكره اكره الدخول بكذا اسم في اي منتدى الا للضروره القصوى وبعلم الاداره بالتاكيد ..

وللحديث بقيه :)

[عبدالرحمن الربيّع]

ومازال للحديث بقيه ..

وتمر السنوات ورى السنوات وانا عندي احلام ودي احققها على المستوى الشعري او في مجال الكتابه ومثل ما قلت انا استفدت كثير من الشعراء اللي زاملتهم سواء بالتوجيه والملاحظات وفيه نمقطه مهمه وهي ان كل شاعر او كاتب يجد في النت عالم متكامل كواقعه ويبدا تدريجيا في الدخول فيه بدون ما يشعر ووتنعكس احداثه عليه شخصيا ويبدا يكتب عنه بمما فيه من فرح وحزن واحداث يمر من خلالها مثل المناسبات او الاخبار او المتغيرات في العصر ..

وانا كتبت وقتها في الحب والحزن والغضب والعتاب والمدح وعن بعض القضايا مثل افغانستان وفلسطين والارهاب والكوارث والمناسبات الوطنيه يعني اغلب المواضيع منها تم استنباطها من المنتديات او النت بشكل عام وهذي فايده كبيره وعظيمه واضافت لي ولرصيدي الشعري الشي الكثير بلا شك ..

وهذي مقتطفات للمناسبات اللي كتبت عنها :-

وطنيه -

انا احس بقيميتي وبوجودي
............................واعتز لا قلت ان والله سعودي
سعودي اسمي والكرم رمز داري
..................... ويشهد لي التاريخ ماضي جدودي

الارهاب -
وش بعد باقي تبونه ياخفافيش الظلام
............................ما بقى الا الامن فينا ودكم لو تذبحونه
لو اقول من المشاعر بختصر كل الكلام
.......................... الوطن غالي وغالي ليتكم بس تعرفونه

الزملاء -
مشيت في درب المصاعب وتمتمت
........................... وسالت نفسي ويش معنى الزماله ؟
مدري انا في كل هذا توهمت
.................................. الظاهر اني ما فهمت الرساله

فلسطين -
دام ملّ الغمد من نوم الحسام
.................من يواجه هالحصار وهالجنود
ياعرب ما عاد ينفعنا الكلام
....................بالكلام القدس لا يمكن تعود

افغانستان -
اضربوا كابول ودكوا قندهار
...................... واتركوا شارون يفعل ما يريد
قدمو له لازعل كل اعتذار
.......................... قدمو له كل ما يبغى ويريد

تونس-
تونس كانك شمس تبدا بالاشراق
........................يجلي الظلام له سنين عديده
تونس ويا صرخه صداها بالاعماق
..........................تنشد تنادي للحياة الجديده

امطار جده-
بحر ياجده هذا او بقايا امطار
.........................كنتي غير وصرتي غير ياجده
من المسؤل حنا مانبي اعذار
........................مطرك العام تو ما صار له مده

الاخوه -
خوة وفاء ماهيب خوة رضاعه
......................... وما هيب خوة وقت في قضيِة لزوم
وش جاه مني غير سمعٍ وطاعه
................................ ولا لقيت الا المعاتب مع اللوم

الحب -
فماان الله ياحبٍ سكن في وسط وجداني
......................... سنين العمر مرت ما قدرت اصدق اللي صار
حنيني ليك يعذبني يذكرني بحرماني
................................... ولكن هذي الدنيا وهذي دبرة الاقدار

الام-
رحلت في صدري تناهيد واشواق
...........................في عيني امي بس ما هو بيديه
تضيق بي دنياي لو صدرها ضاق
...................................والله ماوفي حق امي عليه

عوة ابو متعب الى ارض الوطن -
لبيه ياطلق المحيا وحياك
............................لبيه يابو متعب ومرحبابك
الفَرْحْ ما ياسع قلوبٍ تحراك
.....................وعيون تبكي طول مدة غيابك
الحمد لله رب هالكون عافاك
........................والمملكه تباشرت ياهلابك
سلمت في حلك لنا طاب ملفاك
...............فرّحت شعبك واهتنى واحتفابك
ياسيد الطيبه والارواح تفداك
................ياللي ملكت قلوب شعبٍ وفابك
رد التحيه سيدي وهز يمناك
...................كل الوطن وقّف لحضرة جنابك


وللحديث بقيه :)