مقتطفات..!!

[نجم العبدالله]

بسم من علم بالقلم خير بدايه وخير نهايه

فللمكان هنا إرتياح بنزف جراح ٍ مباح

لانريد له العلاج أحياناً

حتى وإن قيل أن للشعر معنى فمن الأفضل الا تستخرجه كله!!!

ولكن كما قال ( شيللي )

فهو سجل لأروع الدقائق وأسعدها في أسعد العقول وأروعها

غير أنه نسي أتعس اللحظات وأضيقها !!!

نعم فهو متسع نظام بمتقلبات ِ إحساس ٍهو المتحكمة بأبجدياته

ولكنه الأجمل بجميع أحواله

فـ / راق لي ان أضع هنا مقتطفات لبعض ما كتبت كتسجيل دخول

وكلي أمل بأن تنال إعجابكم..

[نجم العبدالله]

نَاحَتْ أَسْـرَابَ الْقُلُـوبْ الْمَيِّتَـهْ وَالْحَيَّـهْ=وَايْقِضَتْ صَمْتَ الْحَنِينْ وْحَرْفَهَ الْمِتْهَاوِيْ !!
إإإيْه شُـوفْ الْحَنِيـنْ وْضِيقِتِـي مِـنْ نَيَّـهْ=يامِعَنِّينِي عَلَى حَـدَّ السَّهَـرْ وِشْ نَـاوِيْ ؟؟
دَامْ لِـكْ قَلْـبٍ مَلَكْنِـي وِاسْتَهَـانْ الْكَيَّـهْ=قِصَّةَ الرَّاوِي تِجَدِّدهَا حُـرُوفْ الـرَّاوِيْ !!!

[نجم العبدالله]

يَامِضَيِّرْ هَالْمَعَاني هَاتْ قِلِّـي وِشْ تِضَيِّـرْ=وَاللَّهْ إِنَّكْ لَوْ تُوَرِّدَهَا عَلَى بَطَنَ الْمَعَاصِرْ
مَاتِثِيرْ / وْلاتُثُورْ / وْلاتِجِيرْ / وْلاتِجَيِّـرْ=غِيرْ هَزْلاتَ الْقِصَايِدْ يُومْ كَفِّينِكْ قُوُاصِرْ
وَاضِحَهْ كِلْ الْوُضُوحْ وْحَايِرَهْ لَوْمَاتِحَيِّرْ=بينْ شَبْرَي بَالْكُفُوفْ وْبِينْ شَبْرَكْ بَالْخَنَاصِرْ
مَادريت إِنَّ الْمَعَانِي طَايِلَهْ وَالْفِكْرْ نيِّـرْ!!=مَاخِذ ٍ دُورَ الْقُوَافِي مِثْل دُوْرَك بالْبُوَاصِرْ
وِشْ يِجِيبَ اللِّي تِوَجَّدْ فِي وِلِيفَهْ يَاصِغَيِّرْ!!=يَمْ بَيَّاعَ الْشعور اللِّي عَلَى النِّيَّهْ يِبَاصِرْ!!

[نجم العبدالله]

إيْوَاللَّهْ إنِّي سِعِيـدْ وْطَيِّبَـهْ حَالِـي=أحْيَانْ أَهِيجِنْ فِضَا وَاحْيَانْ ليْ طَرْبَـهْ
لَو جِيتْ صُوبَ النَّهَرْ وَارْكِيت تِمْثَالِـي=مَاجِيتْ أَدَوِّجْ ظُمَا وَارْكِض وَرَا شَرْبَهْ
لَكِنْ تَعَالْ إْسْتِمِعْ مَادَنْ فِـي بَالِـي=وِاتْرِكْ سْهَامَ الْهَوَا وَالرُّمْحْ وَالْحَرْبَـهْ
هِي كِلْمِة ٍ حَايِرَهْ فِي مِجْمَلَ أحْوَالِى=وخِذْ مِنَّهَا مَاتِبَـا واحْذِفْـه لَلتُّرْبَـهْ
حَيْيَّت يُومَ الْغَـرَامْ الْعَـفْ حَيَّالِـي=وَانْكَفْت يُومْ إِخْتَلَطْ جَمْعَه عَلَى ضَرْبَهْ
هَذِي حْروفَ الْغَلا لا شِلْـتْ مَوَّالِـي=لافَرَّجَ اللَّهْ عَلِي لَوْ فَرَّجَتْ كَرْبَـهْ

[نجم العبدالله]

يَاخَالِدَ الْوَقْتْ لَوْ ضَيَّعْ مِفَاتِيحَهْ =مَاضَاعْ مِنْ خَاطِرِي/ وَالشُّوقْ مِفْتَاحَهْ
يُومَ الْحَنِينَ الْغَبَرْ لاهَبِّنِي فِيحَهْ=أُومِي بْكَفَّ الْوَلَهْ / وَاذِبْ مِلْوَاحَهْ
اللهْ يِسَامِحْ غَلَاهْ الْعَفْ وِيْبِيحَهْ =مَافِيهْ عِرْقٍ بِوَسْطَ الرُّوحْ مَااجْتَاحَهْ
يَالِيتْ كَفْ الزِّمَنْ يَذْرِيهْ مَعْ رِيحَهْ =وَلا سَلَبْنِي الْفَرَحْ وَالنُّومْ وَالرَّاحَهْ
تِعِبْتْ أرَدَّ الْغَلَا وَاثْنِيهْ وَآزِيحَهْ =كِنِّي ضِرِير ٍ تِعِبْ يَلْظُمْ بِمِسْبَاحَه
لاهَزْغِصْنَ التَّعَبْ واقْفَى بْتَلْوِيحَهْ=هَزِّيتْ غِصْنَ الْعَتَبْ /وِتْطِيحْ تُفَاحَهْ!!!

[نجم العبدالله]

يَامْصَعِّرْ خَدِّكْ لْصَفْقَ الْهَبُـوبْ=يَاذِكِي كَمْ قِلْتَهَا لِكْ حِسْ حِسْ
لاتِذِمَّ الشَّمْسْ وِتْعِيبَ الْغُرُوبْ=ولاتنَادِي بَالنَّقَا وِانْتَ الأَخَسْ
(الذِّكَاء لوينلِبِسْ لِكْ لِبْسِ ثُوبْ)=كَانْ تَدْرِي الْحَرْفِ مَاهُو لَكْ يِمَسْ
يَاذِكِي مدْرِي مِتَى وِدَّكْ تُتُوبْ=وكِلِّ لِعْبَهْ بَعْدَهَا يِنْقَـالْ بَـسْ

[نجم العبدالله]

مِشْتَاقْ!! لا قُولِي عَهَدْ مَيِّتٍ شُوقْ=مَخْنُوقْ!! أَدْرِي وِشْ وَرَا الهَّمْ ؟ضِيقَهْ
هَذَا وَانَا لِي عَنْكْ يُومِينْ!! مَحْرُوقْ=أمْسِي بِهَمِّكْ وَاصْطِبِحْ فِي شِقِيقَهْ
فِكِّي لِي الضِّيقَهْ أَبَا أسْمَعْكْ وَآرُوقْ=دَامْ الزَّهَرْ مَاحَرَّمْ اللَّهْ رِحِيقَهْ
مَانِيبْ لاطِرْقِيْ وَلاجِيتْ مَطْفُوقْ=وَلاارْقَبْتَ آخَايِلْ باَلسَّحَابْ وْعَلِيقَهْ
جَيتِك سِمَا قَلْبٍ مِنْ الْفَقْدْ /مَفْتُوقْ=وْجِيتِي دُوَا لِجْرُوِحِي الْمِسْتِفِيقَهْ !!!
يَعْنِي عَلَى مَاقِيلْ شَرْهَاتْ وَحْقُوقْ=ظَامِي وِصَالِك جَرَّحْ الْوَجْدْ رِيقَهْ
قُولِي أَحِبَّكْ بَارْتِوِي مِنْكْ مَنْطُوقْ=أَقِدِّ لِكْ صَدْرِكْ عَشَانَ اسْتِرِيقَهْ ؟
تَدْرِينْ !! خَلِّيَهَا مَعَ الصِّبْحْ بِرْفُووووقَ=لاطَاحَتْ غْصُونْ الْعِشِيقْ إل/عَشِيقَهْ

[نجم العبدالله]

أحِبَّهْ وَابَا احْبَّهْ وَلَو حَالِ دُونَهْ حَالْ=فَلا بِرْتِ فِي وَصْلَهْ وَلا بَارِ بُوصَالَهْ
أجَاذِبْ سَنَا حُبَّهْ وَغَنِّي عَلَى الاطْلالْ=وْيَاكَمْ شِلْتْ مَوَّالِي عَلَى دَمْعْ مَوَّالَهْ
فَلانِي بِعَايِلْ لاوَلانِي قِصِيرَ أحْبَالْ=تَرَفَّعْتِ عَنْ عَمَّ الرِّدِيَّهْ وِعَنْ خَالَهْ
كِمِيتَ الْعِلُومْ وْقِلْتِ يَِاتِي لَهَا حَلالْ=بَعِدْ طَالَتْ الْقَالَهْ وَسِطْ سُوقِ دَلالَهْ
عسَى مِنْ يِخُونَ الْعَهْدْ للْهَمِّ وَالسَّلالْ=يِصَبِّحْ عَلَى هَمَّهْ وِيَمْسِي بِسَلالَهْ

[نجم العبدالله]

خَبِّرُوهَا قَبْلْ تَرْحَـلْ والخِطَـى مَدْمِيَّـهْ=كَانْ فَاضَتْ مِنْ عُيونِه دَمْعِة ٍ مَسْكُوبَـهْ
يِعْلَمْ اللَّهْ مَامِشَتْ رِجْلِـي دُرُوبٍ غَيَّـهْ=وْوَاللَّهْ إنِّي يُومْ جِيتِهْ جَيِّتِـي مَحْسُوبَـهْ
فَاتِحٍ لِهْ بَابْ رُوحِي مِنْ صِفَـات النِّيـهْ=يُومْ قَلْبِي دُونْ غِيـرِهْ مَقْفَـلات ٍ بُوبَـهْ
كَمْ تِثَنَّى قِـدْم عِينِـي فُلَّـهْ وْجُورِيَّـهْ=وْلاتِمَلَّكْنِي شِذَاهْ / وْلاقِطَفْـتْ ذْنُوبَـهْ
أنْثِرَ (أَحْلَامَ السِّنِينْ) وْضِيقِـة ٍمَكْمِيَّـهْ=وارْسِمْ الْبَسْمَه وَلَوهِي مِنْ زِمِنْ مَسْلُوبَـهْ
لَوْ سَعِيتْ لْضِيقِتَهْ يُومَهْ تِزِيدْ الْكَيَّهْ=كَانْ لاهَبَّ الْهَوَا جَيتَهْ عَلَى مَسْحُوبَهْ
وَآشِمٍ خَمْسَة حْرُوفَهْ دَاخِلِي مِنْ نَيِّهْ=وْكِلْ حَرْفٍ مَاكِتِبْ لِهْ وَاضِح ٍ عُذْرُوبَهْ
أدْرِي إِنِّي يوًمْ أَشُوفِهْ كِـلْ عِـرْق ٍفِيَّـهْ=يِرْتِجِفْ لِهْ / بَسْ قَلْبَي مَاجَهَلْ مَطْلُوبَـهْ
إيْه أَحِبَّهْ / أَعْشَقَهْ / أهْوَا شَهَدْ طَارِيَّهْ=لَوْغَدَتْ كَفْ الْوِفَا / فِي مَقْصَلَهْ مَصْلُوبَهْ

[نجم العبدالله]

لابَارَكْ اللَّهْ بَاليِّدِينْ الْجِرَّدْ=الْقَاصِرَاتْ إ/عْنَ اللِّقَا الْهَدَادَهْ
يُومِنْ نَعَّاقَ الْرِّدَا مَافَرَّدْ=لَلِّطِيرَ لَفَّاحَـهْ وِلَـهْ صَيَّـادَهْ
وَاللَّهْ يَالُولا مِكْرْمِيـنَ الْمِرَّدْ=السَّابِقَاتَ الظَّافِرَهْ الْوَرَادَهْ
السَّابِحَاتَ الضَّامِرَاتَ الْفِرَّدْ=اللِّي مُوَارِيدَ النِّقَا مِيرَادَهْ
إنِّي لَوَرِّدْهَا الْمِتُـونَ الْعِـرَّدْ=يُومَ الْحِدَا بَالرَّاغِيَهْ وِشْـدَادَهْ
مِيرَ إنَّهَا بَعْضَ السُّوَالِفْ حِـرَّدْ=وحَشَّمْةِ نَبَاحَ الْعَرَبْ ٍلاسْيَـادَهْ
وَالْيُومْ ياَحَزْمَ الظُّمَا وِانْ غَـرَّدْ=فوُقِكْ مْجَاذِبْتَ الْهَوَا نَشَّـادَهْ
بَالْجَامِرَاتَ الصَّادِرَاتَ الْـوُرَّدْ=اللَّي عَلَى كَبْدَ الزِّمِنْ لَهَّـادَهْ
قِلَّهْ عَهَدْ فِي ذِمِّتِي لَـوْ ثَـرَّدْ=قَلْبِي تِنَهَّاتَ الْحَنِيـنُ وبْـاَدَهْ
مَاعَادْ لَهْ لَوْ كَانْ كُبْرَ الْخِـرَّدْ=إلا بِقَايَـا جَفْلِتَهْ وِعْنَـادَهْ
مَعْ كِلْمِتِين ٍ بَالضُّلُوعَ الهِـرَّدْ=تلْبَسْ عَلَى مَتْنَ الْوِصَالْ حْدَادَهْ

[نجم العبدالله]

السلام عليكم ورحمة الله وبركاته
قال تعالى ( وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهم
أو كلاهما فلا تقل لهما أف ولا تنهرهما وقل لهما قولا كريما واخفض لهما جناح الذل من
الرحمة وقل رب ارحمهما كما ربياني صغيرا )..
،،،
مشاركة كانت عن عقوق الوالدين عسى الله ان ينفع بها ، فاحببت أن تكون بلسان الأب .
نسأل الله أن يجعلنا من البارين بوالديهم ، وان يصلح الذرية لنا جميعَا..

وآحر قلبي عليـك وْمِنْـك وآحرَّه=والعين نوم العرب ماصاحب أهدابـه
أسرح مع الوقت من خيـرعلى شـرَّه=وارفع كفوف الدِعَاء من وسط محرابه
يالله ياللـي تعافي العبـد واتضـرَّه=من عق في والـده لاترحـم ترابـه
ماكني اللي لاهي مره ولا مره=يوم انت توِّك ولاتدري وش اشقابـه
أمسي على بَحْرَها واصبح على بـرَّه=أدوِّر الرزق مـع ذيبـه ومـع دابـه
أتعب ورا المال واشقـى فيـه وآذرَّه=من فوق متنك ولاحسبـت لحسابـه
أبيك تخلـف تعـب وّالِـدْكْ وتبـرَّه=إن طاب وجه الزمان أو كشـر بنابـه
ولا شفت غير الجفا والكبد مجمره=فتحت قبري قبل لاينفتح بابه
لاعاد تاتي على قبري ولاتمره=تعال شف عقرتك بالصدر مضرابه
لكنْ وانا ابوك أقضب علمي وصرَّه=وصيتي لـك قبـل لاابـوك يسرابـه
من بر فـي والديـه الخالـق يبـرَّه=يَرْزِقْهْ مـن يعقبه وثيابـه ثيابـه
واللي عصى والده يِرزَقْ على الجرَّه=دينٍ تبـي تاخـذه مايقصـر نصابه
لابـد ماتفهم المـوال واتـجـرَّه=شيء ذكره الولي فـي محكم كتابه

[نجم العبدالله]

سَحَابْ صِيفْ وْمِعْتِرِضْ بَرَّاقَهَن بَطْـنَ السِّمَـا=وَالنَّاسْ بِينْ مْهَلِّلِينْ وْبِيـنْ مَـنْ يَرْجِـي نُمُـو
مِتْرَادِمَهْ كِنَّ الْبَرَدْ يُومَ أَرْزِمَتْ فُـوقَ الْجِمَـا=بِشَايِرَ اللَّي مِنْ ثِمَانِ سْنِينْ عَـنْ رَبْعَـهْ دُمُـو
تِحَيزمُوا وَارْكُوا وَهَدْهُمْ فِـي رِكَايِبْهُـمْ ظُمَـا=مَاعَادِ تَفْرِقْ صَاحِبَ الْمَحْدُودْ مِنْ صَاحِبْ سُمُو

[نجم العبدالله]

وقفة جادة !!


حكومه بلا ورق



نعم الخالق سبحانه وتعالى على عباده نعم لا تعد ولا تحصى ومن هذه النعم التي حبانا بها ربنا سبحانه وتعالى نعمة العلم والمعرفة. هذه النعمة التي قادتنا
الى الرفعة والعلو.
ومن العلوم النافعة التي وصل إليها العالم الحديث علم التقنية والحاسب الآلي والذي حول معه هذا الكون الى قرية صغيرة سكانها سكان العالم ويزداد
عددهم كل يوم نحو عشرة آلاف نسمة ولا تزال تتسع لهم ولأكثر منهم بكثير. فأصبحت شعوب الكرة الأرضية بمختلف أديانها وأطيافها متصلة ببعضها
البعض فكريا وثقافياً واقتصادياً وسياسياً من خلال هذا المخترع الصغير في حجمه والكبير في محتواه وهذا ما يسمى في عصرنا الحديث بالعولمة.
هذا التقدم والتطور المتسارع في مجال التقنية قاد العديد من دول العالم الى التسابق والتزاحم على تحويل أنظمتها وتعاملاتها من ورقية الى الكترونية
منسجمة ومتناغمة مع ما يشهده العالم الحديث من حراك تقني حتى تمخض عن هذا الحراك ما يسمى بالحكومة الالكترونية.
ومع الحكومة الالكترونية يمكن أن يقوم المواطن بإنهاء كافة إجراءاته الأولية من خلال الحاسب والانترنت .وعلى سبيل المثال يمكن للمواطن عمل جميع
الإجراءات اللازمة لاستخراج رخصة القيادة عن طريق الحكومة الالكترونية وكذلك بطاقة الأحوال وهذه على سبيل المثال وليس الحصر.
ويمكن القول بأن الهدف الرئيس والأساسي للحكومة الالكترونية هو خدمة المراجع من بيته ودون أن يكون هناك حاجة إلى تكدس المراجعين في
الإدارات الحكومية والذين يمكنهم إنهاء تعاملاتهم دون مراجعة ودون الوقوف في طوابير طويلة مهدرين الوقت والجهد.
هناك عدة عوامل تلعب الدور الكبير والأساسي في نجاح تجربة الحكومة الالكترونية. منها ما يتعلق بالجهة الحكومية ومنها ما يتعلق بالمراجعين أنفسهم .
فالجهة الحكومية مطلوب منها إنشاء وتصميم مواقع على الشبكة العنكبوتية عالية الكفاءة والدقة والحماية وتتوفر فيها جميع الخدمات وان تكون سهلة
المتابعة لجميع فئات المجتمع مع التأكيد على توفير الكادر الفني والتقني المدرب والمؤهل لقيادة هذه المواقع وتلقي طلبات المواطنين ومراجعتها
وتنفيذها أولاً بأول.
أما ما يتعلق بالمراجعين أنفسهم فيجب أن يكون لديهم المعرفة والدراية الكاملة بطريقة استخدام البوابة الالكترونية للجهة الحكومية ومحاولة تطوير ذاتهم
للاندماج مع هذه التجربة الفريدة. ولعل برنامج التعليم المتطور والذي تطبقه وزارة التربية والتعليم على بعض المدارس يكون نواة للعمل الالكتروني الجاد
حيث يتم التواصل بين الأستاذ وطلابه من خلال الحاسب الآلي ونأمل في أن تضع الوزارة ثقلها الكامل في مواصلة تبني مثل هذه البرامج.
وحتى تتضح الصورة تماماً فإننا يجب علينا التنويه إلى أن القطاعات البنكية خطت خطوات واسعة للغاية في العمل الالكتروني حيث أن العميل الآن أصبح
بإمكانه إيداع النقد وسحبه وتحويله وسداد الفواتير الخدمية ومراجعة حساباته وتنفيذ جميع عملياته من خلال التعاملات الالكترونية.
من كل ما ذكر يتضح لنا وبجلاء واضح حاجة جميع الدول في عالمنا الحديث إلى أن تحول حكوماتها إلى الكترونية وهو ما بدأت بتنفيذه الدولة من خلال
البدء بتنفيذ الخطط والبرامج التي تدعم العمل الحكومي الالكتروني .وحري بالقول أن هناك بعض الإدارات الحكومية تسير بخطى خجولة باتجاه تطبيق
التعاملات الالكترونية فيها والسبب يرجع إلى عدم الرغبة الجادة من قبل رؤساء تلك الأجهزة الحكومية لتطبيقها إما لعجز عن التطبيق أو لرهبة نفسيه
داخل رؤساء تلك الأجهزة وخوف من التطبيق لأنه سيظهر بعض جوانب القصور لديهم.
وأخيرا وليس آخرا نوجه النداء إلى جميع إداراتنا الحكومية للسير قدما مع توجهات الدولة في مجال الحكومة الالكترونية وتحويل تعاملاتها إلى الكترونية
والاستغناء عن الاستخدام الزائد والغير مبرر للورقيات , كما ونوجه النداء إلى المواطنين لتوسيع مداركنا التقنية والتعامل مع التجربة بجدية وان نقلل
من التزاحم على شبابيك المراجعين من خلال محاولة انجاز ما يمكن انجاز من خلال البوابات الالكترونية.


وفق الله الجميع لما يحب ويرضى،،،
.

[نجم العبدالله]

http://www.almlf.com/get-5-2011-almlf_com_tppy8ezr.jpg (http://[URL]http://www.almlf.com)

اللَّهْ أَكْبَرْ / وَالحِسِنْ فِي رَآسْ مَفْهُوقَ الْحُنُوكْ=أَمْلِس ٍ خَدَّهْ وِفَكَّهْ مَااخْتَلَطْ فِيهْ لْحَمَهْ
ضَايِلَ أَرْبَعْ وَالْفَنَادِي وَسْطِ زُورَهْ وَالْوُرُوكْ=يِعْجِزَ الشِّعْنَانْ وِإنْ قَامْ إ/يْتَبَخْتَرْ بِقْدِمَهْ
لاعُضُوضْ وْلاقُمُوصْ وْلاحَرَونْ وْلاصُكُوكْ=مِنْ بَنَاتَ الرِّيحْ يُومَ الرِّيحْ مِعْطِيهَا سِمَهْ
مِنْوَةَ الْهَاوِي إِلْيَا دَكَّتْ ثَرَى الْقَلْبَ الدُّكُوكْ=لإمْتِطَى مِنْ فُوقْ مَتْنَهْ فَكْ ضِيقَاتِ إ/نْسَمَهْ

[نجم العبدالله]

صَبَاحَ الْخِيرْ وِإنْ غَرَّدْ عَلَى ذِيكَ السُّوَاقِي طِيرْ=صُبَاحَهْ وَالضُّمَا وَالْجُوعْ تِلاعِبْ غَفْلِة السَّاقِي
مَادَامِكْ مِلْهِمِي يِسْعِدْ صُبَاحْ ٍالصَّد وَالتَّقْصِيرْ=صِبَاح الْبُعْدْ وِإنْ حَرَّكْ حَنِينْ أَعْمَاقِكْ أَعْمَاقِيْ
صِبَاح ٍ تِزْهِرْ أَوْرَاقَهْ عَلَى غِصْنَ الْعَتَبْ نُوِّيـرْ=يِبَللهَا نِدَى هَمْسْ الْقُلُوبْ وْطِيفِـكْ الْبَاقِـيْ
تمَرْ بْخِيرْ هَالضِّيقَهْ مِنَ الْخَاطِـر تِمَـرْ بْخِيـرْ=تِغِيبْ الشَّمْس وِيْغِيبَ الْحَنِينُ وْتَسْكِنَ أَوْرَاقِي

[نجم العبدالله]

يَاوِضِيعَ النَّفْـسِ مَاوَاللَّـهْ تِتُـوبْ=لاعِب ٍ فِيكَ الْجَهَلْ وَالرُّوحِ دَنْقَـهْ
غِيرْ َذا سَيِّدْ وِرَيِّسْ لَلذُّنُـوبْ=وَآرِد ٍ وِرْدَ الْخَنَا وَاصْبَحْت كِنْقَهْ
فِي دَهَالِيسَ الرِّدَى تَمْشِي تِجُـوبْ=بِيتْ بِيتْ ودَارْ دَارْ وزَنْقَهْ زَنْقَهْ

[نجم العبدالله]

فِي ذِكْرِ تَوْدِيـع ٍوَدَمْعَـةَ نَاظِـرٍ=وَحَنِينَ خَفَّاق ٍ بِقَلْب مَاأتُّجِـرْ
جَاذَبْتَ أَنْفَاسَ السَّعِيرَ بِفَقْدِهَـا=وَزَفْرْتَ مِنْ ضِيق ٍ بِصَدْر ٍ قَدْ بُجِرْ
شِعْرًا وَنَثْرًا / وَاسْتَثَـارَ قَرِيحَتِـي=نَظْمَ الْفَصِيحِ / وَمَالْفَصِيحُ إِذَا سُجِرْ !!
جَلاَّبَ هَم ٍ فِي مَرَاكِبِ عَاشِـق ٍ=إِنْ كَانَ لَيْلُ الْوَصْلِ حَبْلٌ مُنْدَجِرْ

[نجم العبدالله]

المختلف والمبدع / خالد البقمي

مَطَارْ هِيثْرُو . جَاكْ طِيـرًا مْهَاجِـرْ=مِنْ نَجْد لَو دَقَّقَـتْ نَقْشِـةْ جَنَاحَـهْ
خَجُولْ بَالْفِطْرَهْ . رِقِيـقَ الْمَحَاجِـرْ=حَرْصٍ عَلَي الاخْلاقْ بَارْضَ السِّياحَهٍ
مَاانْغَرْ وَاصْبَحْ فِي جِمَالَـهْ يِتَاجِـرْ=كَانْ الْحَلا نِعْمَهْ . تَرَا الْعَقْلْ رَاحَـهْ
يِشِيلْ لَهْ لِيلٍ مِـنَ الْغَـرْب دَاجِـرْ=يَضْوِي عَلَي شَرْقاً تِجَـلا صِبَاحَـهْ
تَنْطِقْ عِيُونَهْ وَقْتْ صَمْتَ الْحَنَاجِـرْ=وَالْكِحْلْ بِرْمُوشَهْ . دِلِيلَ الصَّرَاحَـهْ
حَلَمْتْ بَالشَّبْكَـهْ وْطقْـمَ الْبَنَاجِـرْ=وْصَحَّانِي الْفَارِسْ بْزَرْقَـةْ رْمَاحَـهْ
أَجْرِي وَرَى الاوْهَامْ وَالْوَقْتْ فَاجِـرْ=ذِقْتَ الضُّمَاء قَبْلَ الْغَدِيـرَ وْقَرَاحَـهْ
وْعَوّدْتْ فِي قَلْبِـي ثَلاثَـةْ خَنَاجِـرْ=وَلْو صَابَهْ الرَّابِعْ يِزِيـدَهْ سِمَاحَـهْ
مَفْتُونْ مَالَهْ عَـنْ مِنَاجَـاكْ زَاجِـرْ=لا تِعْبْ فِيكَ أكْثَـرْ تَحَقَّـقْ نِجَاحَـهْ
لَوْ أقْطَعَهْ قَطْعَ الْخَشَـبْ فَالْمَنَاجِـرْ=وَارْمِيهْ مِنْ صَدْرِي نِبَتْ فَالْبَرَاحَـهْ
دَونَهْ بَحَرْ يَاقَلْـبْ . تَبْغِيـهْ هَاجِـرْ=حَوِّلْ عَنَ الْمَرْكَبْ . وْاخِذْهَا سِبَاحَهْ

نجم العبدالله ..

اللَّهْ عَلَى نَو ٍ مِنَ الغِيمْ سَاجِـر=سَحَابِة ٍ فِي وَسْطْ رُوحِي مِطَاحَهْ
مَرَّتْ وْقَرَّتْ بَالضُّلُوعَ الْمِشَاجِرْ=يَاكِنَّهَا طَبْ الْهَوَا وِانْشِرَاحَهْ
أَرْوِيتَ بَهْ صَدْر ٍ مْنَ الضِّيقْ بَاجِرْ=أَقْرَأ وابَسْمِلْ وَازْفِرَ الْهَمْ رَاحَـهْ
زَفْرَةْ وَهَمْ لُو صَدر الأيامْ ضَاجِـرْ=لَوْ نِرْسِمَ الْبَسْمَهْ هَوَتْ مِنْ جْرَاحَـهْ
عَامِينْ أَمِسْ الْوَصْل وِيْعُودْ دَاجِرْ=عِجِزْتَ أَمَيِّزْ حِرْمِتَهْ مِنْ بُوُاحَـهْ
وَاقَلْبِي اللِّي مِنْ طَنَا الْبُعْدِ عَاجِـرْ=أَرْبَعْ لِيَالِي / نَافِـر ٍ مِـنْ مَرَاحَـهْ
طِفْلَه تِمِرَّ الـرُّوحْ مَرَّ الشِّوَاجِرْ=تَلْعَبْ طَرَبْ وَانَا آتِلَقَّـى رِمَاحَـهْ
أعْطِيتَهَا / كَفْ / وْضِمِيرْ / وْمَحَاجِرْ=وَاعْطَتْ لْطَـرَّادْ الْفَرِايِدَ صُبَاحَـهْ
لَوْ ِجيتْ لَهْ نَاصِحْ فَلا جِيتْ حَاجِـرْ=رَاحَتْ !! وِلَكِنْ سَهَّلْ اللَّهْ رُوَاحَـهْ
رُوحَةْ وِفِا / مَاهِي بْرُوحَةْ هَوَاجِرْ=لِعْيُونْ مِنْ مَرَّ الْحَشَى وِاسْتِبَاحَهْ
وَآدَعْتَهَا مِيرْ إنَّهَا يَالْمِسَاجِرْ=تَلَّتْ مَعَالِيقِي مَعَهْ مِنْ صِيَاحَهْ

[نجم العبدالله]

مَالُومْ صِبْحَ الْوِفَا لَوْ ضَاقْ مِـنْ دُونَـهْ=أَنَامْ وَاصْحِي عَلَى عُصْفُورَةَ أشْجَانَـهْ
لاذَبْ تَرْنِيمِتَهْ فِـي عَالِـي غْصُونَـهْ=أَرُوحْ!! وابْعِدْ!! واجِي!! / مَعْ جَرِّةَ ألْحَانَهْ
مَجْنُونْ سَاقَ الْعُمُرْ لِعْيُـونْ مَجْنُونَهْ=مَوَّات فِي غِيبِتِي !! / وِإنْ مِتِّ مِنْ شَانَهْ

[نجم العبدالله]

http://www.dubaieyes.net/gallery/data/media/217/hx-6-1-8.jpg

مَاجِيتْ أغَنِّيهَا طَرَبْ جِيتْ أَكْسِرْ لْعِينَه عْنَادِي=وَانَا الِّذَِي مِنْ غِيبْتَه جَرْدَ الْمِشَاعِرْ وِا/مْتَـرَدِّيْ
الْبَارِحَهْ وَضِيقِ حَالِي وَالْبَـلا دُونَ الثَّنَـادِي=وِينَ الْعِتِيبِي عَلِّمُوهْ إنْ مَاقَرَا بَالْعِيـنْ رَدِّيْ
أَنَا اشْهَدِ إنِّي مِنْ عِيُونَ الْمِلْهِمَهْ رَوَّحْتِ غَادِي=لَوْ قِلْتْ عَدَّتْ سَالِمَهْ / وِشْلُونْ أخَلِيهَا تِعَدِّيْ
مِتْخَالِفَهْ لَوْ يِجْتِمِعْ مُوجَ الْبَحَرْ بَـهْ يَاسِنَـادِي=مَالُوم مُوجَ الْخَادِرَاتْ اللِّي سِبَنْ جَزْرِي وِمَدَّيْ
الأوِلَهْ (مَابَهْ خَفَا) تَسْرِي مَعَهْ فِي كِـلْ وَادِي=وَالثَّانِيَهْ لَوْ هِي خَذَت مِنْ بُوحنَا لْه مَاتِقَـدِّيْ
اللَّهْ لايِجْزَى مِشَاعِرْ يُومْ قَامَتْ بَـهْ تِنَـادِي=إلا بِخِيرْ وْعَافِيهْ / لَوْ بَيَّحَتْ سَدَّكْ وِسَـدِّيْ

[نجم العبدالله]

وقفه !!!

انفلونزا العقول ‏(Brains Flu (B-F :confused:

:)

راجت في الآونة الأخيرة ومع التغيرات الحيوية والفسيولوجية الكونية العديد من الأمراض والأوبئة.
إلا أن ما يلفت الأنظار حديثاً ظهور مرض الأنفلونزا لدى الحيوانات والتي باتت الوباء الأشد والأقوى وطأة
والتي ما إن حلت في نوع من أنواع الحيوانات إلا وسببت الهلاك
فمن أنفلونزا الطيور
إلى أنفلونزا الخنازير.
وقد يكون العلاج الناجع والجذري لهذه الأوبئة قتل الحيوانات المصابة حتى لا تنتشر العدوى لباقي الحيوانات.
إلا أن هناك في عالمنا المعاصر أنفلونزا من نوع مختلف جداً يعجز العلم الحديث مع ما وصل إليه من تقدم من القضاء عليها وعلاجها،
ألا وهي أنفلونزا العقول.نعم قد يكون الكثير منا لم يسمع عن هذا المرض العضال والداء المدمر للفرد والمجتمع كون هذا المرض يتغلغل في عقل الإنسان
فلا يكاد العلم يصل إلى نقطة وجود هذا المرض داخل العقل البشرية لعلاجها.
وبطبيعة الحال فلا يمكن قتل الإنسان مهما كان نوع الوباء الذي يحمله وهنا تكمن المشكلة وإلا لاستطعنا القضاء على أكثر الأوبئة فتكاً بالبشر.
دائما ما نسمع بالمثل القائل
\"أصحاب العقول في نعمة\"
وهذا المثل يقودنا إلى التفكير في أن هناك من هم ليسوا أصحاب عقول أو على أقل تقدير يحملون عقولاً مريضة مصابة إصابة شديدة وتحتاج منا إلى وقفة.
إن عصرنا الحديث بمتغيراته العلمية والتقنية والتكنولوجية قد أفرز لنا وبكل أسف عينات من أفراد المجتمع لم تعي ما يحتم عليها هذا العصر عمله ولم تسعفها عقولها الضحلة
إلى الاستخدام الأمثل والراجح للمتغيرات العلمية من حولنا. فتجد بعض أفراد المجتمع يسرحون بفكرهم وعقولهم باتجاه معاكس تماما مع المبادئ والقيم والمثل،
فتجد منهم من يكذب ومنهم من يخادع ومنهم من يداهن ومنهم من ينافق ومنهم من يحسد ومنهم من يرى الحسنة سيئة والسيئة حسنة ومنهم الساعي بالنميمة
بين الناس ومنهم الساعي بالفتن وتأجيجها. ويطول الحديث كثيراً لو حاولنا الحديث عن هذه الخصال وأصحابها بالتفصيل.
ولكن يكفينا القول بأن هؤلاء وبكل أمانة مصابون بمرض أنفلونزا العقول
ومحرومون من النعمة وهم والعياذ بالله شر الدواب عند الله حيث وصفهم الله سبحانه وتعالى في محكم آياته بقوله
\"إن شر الدواب عند الله الصم البكم الذين لا يعقلون\" صدق الله العظيم (آيه 22 سورة الأنفال).
وليس المقصود هنا بالصم البكم معناها الحسي وإنما معناها المجازي.
دائما ما نواجه في حياتنا اليومية مرضى أنفلونزا العقول وهم يصولون ويجولون ضاربين بقيم المجتمع عرض الحائط مستهترين بعقول البشر غير مبالين بتبعات الأمور،
وهذا المشهد اليومي أصبح وبكل أسف من المشاهد المألوفة في حياتنا .
إلا أن الغير مألوف في هذا الجانب هو ما نفعله بقصد أو بدون قصد من مجاملة لمرضى العقول وهذه المجاملة وبكل أسف هي التي أوصلتهم إلى ما وصلوا إليه.
ولو أن كل منا تعامل مع هذه الفئة المريضة كما يجب لاستطعنا القضاء عليهم وقطع دابرهم وتنظيف المجتمع من براثنهم.
نسأل الله لنا ولجميع المسلين الهداية وإتباع هدي ونهج أفضل البشر ومعلمهم نبينا محمد صلى الله عليه وسلم.
إنه هو القادر على ذلك سبحانه.


ك / نجم بن عبدالله العتيبي..

.

[نجم العبدالله]

مِنْ ضَافْ فِي صَكَّاتْ بَقْعَا وَالشِّقَى زَادُ وْشَرَابْ=تَجْـزِلْ عَطَـايَا سِفْـرِتَهْ وَالْكَـسْب مِنْ غَنَايِمَهْ
يَجْرَعْ مَرَارَتْ الْغِيَابْ وْذَنْب تَجْدِيدَ الْمِصَابْ=مِتْوَسِّدٍ فِيحَ السَّهَرْ يُومْ إِلْتَحَفْ نِسَايِمَـهْ

[نجم العبدالله]

تَبْتْ يِدِينْ النَّاقِصَهْ ثُمْ تَبَّتْ إ/يْدِينَ الْجُحُـودْ=الْطَعْنَه اللِّي كَانْ طَاشَتْ مِنْ يِدِينِكْ مَاتِطِيشْ
يَاخِي إِذَا تَبْيَ الْكَلامْ الْمُخُتَصَرْ مِنْ ُدونْ زُودْ=وَلَاتِكَدِّرْ خَاطِرِكْ مَابِينْ لِييييييهْ وْبِينْ لِييييـشْ
وَرَّدْتِكَ الْعَدَّ الْقَرَاحْ وْسِقْتِ لِي غَثَّ الْعُدُودْ=وَالْحِينْ جَايْ بْكِلْمِتِينْ وْضِحْكِتِين وماعليش!!!

[نجم العبدالله]

الجنون اللي بلغ حد الهيام

دائما ً مانقرأ بعض القصائد لبعض المبدعين ممن أمتلكوا سعة الخيال الخصب في تقديمهم
مما يجعلنا نبحر معهم بلا وعي منا لجمال تلك النصوص
وهذا النص أحد تلك النصوص للشاعر القدير وصديقي الغالي / نومان سحل العنزي
فأحببت التطرق لبيت القصيدة في الابيات والتي قد أثارت الدهشة عند الكثير لمجرد القراءة فكيف لو أرتشفوا
الجمال والخيال في هذه الابيات

عنوان القصيدة

داء العصر .. وسرطان الامه .

الجنون اللي بلغ حـد الهيـام=صمته أرعن يختزن مليون صوت
وإن تفجّر مابقى فيهـا مـلام=يكتسح بعض الأسامي والنعوت
مثل ما بالإزمنة لحظـة وعـام=يجتمع بك يالبحر دودة وحوت
والفضاء يجمع شياهين وحمـام=والبشر من بعضها تقتات قوت
بالمفيد المختصر مامـن سـلام=والأمان يعم بيـت العنكبـوت
الأماني حدها ضـل الحسـام=عمرها ماوصّلت حد البخـوت
في جحيم الملحمة عندي كلام=ذكره بذهن الليالـي مايفـوت
الرضيع اللي هلك قبل الفطـام=من سمح لأمه قبل يفطم تموت ؟
أسألة في نظرت الجاهل حـرام=مالنا في ردّها غيـر السكـوت
ما رضينا العيش في ظل الخيـام=يا نحـرر شعبنـا والاّ نمـوت

عودة لهذا الجمال ولن أطيل الإسهاب كثيرا ً حتى لانخدش هذا الجمال في هذا المتصفح .
بداية ليس لي الحديث عن الابيات الاولى في القصيده والتي جمعت مابالبحر من دود وحوت كما قال الشاعر فالقادم شارح.
كون لكل شاعر مقتدر كالشاعر نومان الحق في ذلك فبعض الأسماء تلغي وتبقي الكثير من ورائها.
فالسر بالالم والهوان هو الأهم ..
ولعل النصيب الأكبر في تسليط الضوء على المحتوى هو ماكان معنونٌ في أعلى النص..
(داء العصر ... وسرطان الأمه )
فجرائم الحروب والمآسي كفيلة بأن تجعلنا نتوقف عند كل كلمة تذكرنا بذلك
فمن وجة نظري المتواضعة أن كلمة السر ومفتاح النص هي كلمة (لامه) في قول شاعر الفكر نومان

الرضيع اللي هلك قبل الفطام=من سمح لأمه قبل يفطم تموت ؟

فأعتقد أن كلمة (أمه) في هذا البيت جاءت شكلا ًومضمونا ً من كلمة (الأمه) وهكذا هي طريقة فكر المبدعين في إستعمال المفردة .
فلا بد للخيال الخصب أن يتوقف عند بعض المفرادات فيبحر بها إما بالتجزئة أو بالتشكيل اللغوي
او بكثير من الامور التي يستطيع الفكر أن يسقط عليها ماهو موجود بالأصل في اللغة كما فعل شاعرنا
المبدع.
ولكن إذا كان ماأشرت اليه صحيحا ً في كلمة أمة ، فليس لي إلا أن أتوقف وافتح المجال للبقية المبدعين
ليبحر من شاء مع هذا النص الذي حمل فلسفة فكر ٍرائع..
بأن أعيد طرح السؤال نفسه :
من سمح وساعد على موت هذه الأمة التي هي أم ٌ لطفلها ( العراق ) ومن كمم الأفواه في ذلك ؟؟؟
حتى وإن كنا جازمين أن

بالمفيد المختصر مامن سلام=والأمان يعم بيت العنكبوت

نعم فهي نقطة سوداء في بيت تلك العنكبوت التي تدعي ببياض بيتها وخيوطها الممتدة وتردد ذلك ألسنة
الببغاوات!!
تقديري للجميع مع شكري للغائب الحاضر شاعرنا / نومان سحل بأن منحتنا معانقة هذا الفكر / الشعر..

.

[نجم العبدالله]

قبل البدأ بالقراءة أهنئ نفسي أولا ً كمتلقي بمعانقة هذا النص للشاعرة شماليه .
وسأكون على وضوح تام قبل البدء بذلك بالحديث عن نقطة مهمه في قراءة النصوص بشكل عام.
فتلك القراءة تحتاج إلى كثير من المقومات كداعم يُتكأ عليه في إراد معاويل القراءة والنقد الصحيح.
ولعل الأهم من تلك المقومات العامل النفسي ، فالثقة بالنفس والدراية التامة بما سبق هما المتحكمان
بارتفاع منسوب العامل النفسي من عدمه وخاصة في القصائد الرمزيه التي تحتمل أكثر من تأويل .
( شلفا القصيد )
وهذا العنوان الرائع الذي دفعني للقراءة قبل الوقوف على القصيدة المتقنة والتي كانت محط تخمين من الكثير .
نص رائع جمع الإزدواجية الإبداعية بإبداعٍ لغوي أكثر من رائع
ولكن سأكتفي بجرة القلم والتعريف بذلك فقط...
القصيده

يامن عرف حبـر القلـم بالجـره=ياليت يفتي وش لقـى بسطـوره
هـو مـن مـداد بنيـةٍ مغتـره=ماهمها ..تبغـى تجـي بالصـوره
تفشل..وإذا طاحت..تعيد الكـره=يمكن تُخلد..كنهـا ..اسطـوره
ولا مــدادٍ شامخٍ..بـالـمـره=تجيبـه اللـي دارهـا معمـوره
ترمي... تصيب....وصيدها..تجتره=شلفـا القصيد..بكفهـا مأمـوره
ولامـداد الحـزن لاجـاء مـره=ينبش جروحٍ..بالحشـاء مثبـوره
تجيبه اللـي لـو صلاهـا حـره=تصبر على ظلم الزمـان وجـوره
ولا مداد الامس...واللـي بـره=لو الزمـن طفـى عليهـا نـوره
الماضي اللـي صبتـه فـي جـره=ترمي حجارة حرفهـا فـي زوره
ولا مدادٍ..حطتـه فـي صــره=من خوف تقلبهـا عليهم..ثـوره
واوجد حالـي وجـد منهـو ذره=من فوق رجمٍ.(.وقفت به نـوره)

فمن وجة نظري المتواضعه وكقراءة مبسطة عن جرة القلم
أن الانطلاقة كانت بداية الابداع في توظيف المفردة الدالة على الضمير الماضي ...
حين قالت :

يامن عرف حبر القلم بالجـره=ياليت يفتي وش لقى بسطوره .

فلو كان هذا البيت في نهاية القصيدة لقلنا بان الاستفهام عن (جرة القلم) ماهي الا لحظية تدور داخل القصيدة.
ولكن حين جاء كمطلع ٍ للنص كان كالدالِّ على أن جرة القلم وتساؤل الشاعرة عن ذلك
مع العلم المسبق ماهو إلا في الماضي .
كون لكل مداد بيت يليه يوضح هذا المداد الشعري وهي على الشكل التالي :
يامن عرف ؟ ( ياليت يفتي وش لقى )
هل هو من / مداد بنية مغتره
شرح المداد : تفشـل..وإذا طاحت..تعيـد الكـره ...
أو / مداد ٍ شامخ ٍ بالمره
شرح المداد : ترمي... تصيب....وصيدها..تجتـره ....
أو / مداد الحزن
الشرح : تجيبـه اللـي لـو صلاهـا حــره ...
أو / مداد الأمس
الشرح : الماضـي اللـي صبتـه فـي جــره ...
أو / مداد ٍ حطته في صره
الشرح : واوجـد حالـي وجـد منهـو ذره ...
وماهي بالحقيقة إلا وقفات على مداد الشاعرة في الشعر وتوضيح لكل مداد بنرة حزن
في كتاباتها في مجال الشعر منذ أول بيت ٍ شعري ٍ قامت بكتابته في الماضي الى هذه اللحظه .
المداد الاول

هو مـن مـداد بنيـةٍ مغتـره=ماهمها ..تبغى تجـي بالصـوره
تفشل..وإذا طاحت..تعيد الكره=يمكن تُخلد..كنها ..اسطـوره

فكان البيت الثاني والثالث على الرغم من الشموخ مع قوة الإصرار والعزيمة في البديات في الشعر إلا أن الظهور لم يكن هو الهم الشاغل والهاجس للشاعره،
ولكن هي كأي أسطورة تعيد الكرة فيشار لها بالبنان إعجابا ً وذهول ، فهو حق مكتسب وباقتدار ولايستدعي الإنكار.
المداد الثاني
ولكن قبل أن ننتقل للمداد الثاني لنلاحظ النقلة الرائعة باستعمال حرف الواو كرابط بين كل مداد وسالِفِه بإنسياب دون أن يشعربه القارئ ، فلم يكن تكرار الواو إلا خادما ً للنص .

ولا مــدادٍ شامخٍ..بـالـمـره=تجيبـه اللـي دارهـا معمـوره
ترمي... تصيب....وصيدها..تجتره=شلفـا القصيد..بكفهـا مأمـوره

ففي ذلك قمة الشموخ الإعتزاز والثقة من قدرتها الشعرية (ترمي..تصيب..) من النوادر بأقتناص للفكرة والمفردة لا أقتصاص فتجتر
لنا هذا العنفوان الشعري الذي أخذ من البحر عمق ومن النهر عذوبة ومن الزهر عبير فنُحِتَ على صخر ذاكرة الشعر.
المداد الثالث

ولامداد الحزن لاجـاء مـره=ينبش جروحٍ..بالحشاء مثبوره
تجيبه اللي لو صلاهـا حـره=تصبر على ظلم الزمان وجوره

فللحزن نصيب من مداد الشاعرة شمالية ، بظروف الحياة ومايتخللها من أحداث لايخلو منها الفرد،فان تكالبت الظروف وجار الوقت ليس هناك إلا الصبر إيمانا ً واحتسابا ً.
ولعل فراق الاحباب هو من أشد مايدمي الجراح فحزنه حزن والمه ألم .
المداد الرابع

ولا مداد الامس...واللي بره=لو الزمن طفى عليها نـوره
الماضي اللي صبته في جـره=ترمي حجارة حرفها في زوره

إلا أن هذا المداد هو الأقسى ألماً مع سالِفِهِ الخامس ، فعلى الرغم من مرارة الزمن وعتمته الموحشة إلا أن أكرام الأمس من نفس مخلصة
جاء مبرة ً لاهوان بحروف الوجد والالم والحنين التي صُبَّت في جرة الماضي .
حتى وإن كانت سببا ً بنزف الشعور شعرًا حين ضاقت جرة الماضي بحجارة الحرف..
ففي ذلك إستدارة بإستذكار لسنوات لاتزال عالقة بالذاكره
المداد الخامس

ولا مدادٍ..حطتـه فـي صـره=من خوف تقلبها عليهم..ثـوره
واوجد حالي وجد منهـو ذره=من فوق رجمٍ.(.وقفت به نوره)

ذكرى لعزة موروثة بثورة غاضبة أخمدت نار هذه الثورة بالصمت فأكتفت
بالحروف المبهمة بإحاء فهمه من فهم وجهله من جهل
همسه :
كانت القراءة لـ ( جرة القلم ) فقط ،

صدى / نجم العبدالله
.

لِـلـه درك يالسـحـاب ودرَّه=والاالشهاده من زمن منحـوره
ماسر ضر / وماظهر وش سرَّه=نور ٍتهادى واعتلـى ديجـوره
بآفك لك صدر الهدف وازتـرَّه=يوم المعاني الخافيهْ مسبـوره
حرايِرٍ مـن وقتهـا مِضمـرَّه=أَرداهن اللَّـي سيـدة طابـوره
والا الهزال / النَّاشفه / المقفرَّه=ماني بمن ناسـه ولاجمهـوره
ماني بمن يلهث يبـا المجتـرَّه=ولاني ببياع الشِّعِر وشعوره !!!
لو رفِّ كفي له طرب لو مرَّه!!=ياجعلها مـن متنهـا مبتـوره
يوم الوحش في طلعته ماضـرَّه=صفق الهوا يالشَّاعره في زوره
من مدِّتَه بعض الجِمَـا مفتـرَّه=بين المعاني الغافيه بسطـوره
(الشِّعر وافي والحقايـق مـرَّه=وكل ٍ يدرِّجها علـى مقـدوره)
ولولاالتِّباين بالعُمَـل يالحـرَّه!!=يمدي تساوي فلسها مع يـوره
لِـلـه درك يالسـحـاب ودرَّه=والاالشَّهاده من زمن منحـوره

.

[نجم العبدالله]

مَاتَتْ أَحْلامَ السِّنِيـنْ وْبَاقِـي أَيَّامَـهْ تِشَابَـهْ=وَآعَذَابِي لاذِكَرْتَـهْ وِاسْتِـَدَارَتْ لِـي هَبُوبَـهْ
أَحْبِسَ الدَّمْعَهْ وَهلِّي وَابْتِسِـمْ لاقَالْ يَآبَهْ=أبْتِسِمْ لَـهْ وَاكْتَـمْ الْعَبْـرَهْ / وَرَدِّدْ يَاغُرُوبَـهْ
يَاغُرُوبْ أَجْمَلْ تَعَابِيرَ الصِّغِيرْإليَـا حَكَـى بَـهْ=تَاهَتْ أَقْدَامَهْ وَمَاتَتْ بَسْمَتَـهْ بَـأوَّلْ دُرُوبَـهْ
مَاعَرَفْ مَعْنَى الْغِيَابْ وْجُورْ وَقْتُ وْجَرْحْ نَابَـهْ=وْلاذَرَفْ لِيلْ الْمُوَادَعْ دَمْعِتَـهْ سَاعِـةْ سَرُوا بَـهْ
جِيتْ لَهْ !!! مَاجِيتَهْ إلا جُورْ وَقْتَهْ هُو لِفَى بَـهْ=مِحْتِسِيهْ الْوَاقِعَ اللـي مِكْتِسِيـهْ الْفَقْـد ثُوبَـهْ
أَجْمَعَ أَحْزَانَهْ وَالَمْلِمْ بَعْثَـرَةْ ذَنْـبُ وْمُصَابَـهْ=وَارْسِم الْبَسْمَهْ وَهَدْهِدْ عَبْرِتَهْ لاجَـاتْ صُوبَـهْ
لِينْ نَادَى بَالْفُرَاقْ وْشَالْ مِـنْ رُوحِـي ثُوَابَـهْ=صَارْ لِي أَكْبَـرْ ذِنُوبِـي لاغَفَـرْ رَبِّـي ذِنُوبَـهْ
كِنْت أَحَسْبْ إِنَّ الشُّعُورْ اللي تَلَبَّسْنِي سَرَابَهْ=أَصْدَقَ أْحْلامَهْ !! وَانَا اللي أَرْسِمْ بْزِيفَهْ عُذُوبَهْ
مَادَرِيتْ إِنَّ الظَّلامَ اللي غَشَـى لِيلَـهْ نِشَابَـهْ=وْلادَرَيتْ بْنِيِّتِينَـهْ يُومْ مَاخَـافَ الْعُقُوبَـهْ ؟
سَوَّدَ اللَّهْ وَجْه لِيلَهْ مِنْ حُضُـورَهْ لَـيْ غِيَابَـهْ=وْبَيَّضَ اللَّهْ وَجْه لِيلِـي كِـلْ مَابانَتْ عِيُوبَـهْ
آه مِنْ بَعْضَ الْحَقَايِقْ وْآه مِنْ جُوفِـي وِمَابَـهْ=وَآه مِنْ لِيلْ الْمِفَارَقْ كِـلْ مَاشَبَّـتْ شُبُوبَـهْ

[نجم العبدالله]

لاتِنْحِنِي لَلْوَرْد يَااحْلَى مِنِ الْـوَرْد=أمُوتْ لَوْ لآمَسْ شِذَا أَطْرَافْ كُمِّكْ
أَخَافْ يَلْعَبْ لِعْبَةْ الْكَـفْ بَالنَّـرْد=لامَالَتْ غْصُونِكْ تِمَايَلْ وِضَمِّـكْ
يِمِيلْ لآمَالَتْ عَلَى سِحْـرَهْ الْغِـرْد=مِتْحَايِل ٍ بَعْثَرْ خَفُوقِـكْ وِلَمِّـكْ
لاتِلْتِفِتْ / وِإلَّا النَّحَلْ لَآبَغَى يَـرْد=يَجْنِي شَهَدْ ثَغْرِكْ وِعِنَّـابْ فَمِّـكْ
لآصَدَّرَتْ طَرْدَ الْمَنَاحِلْ سَرَى طَرْد=حَايِرْ يِضِيعْ الْوَرْد لآجَـا يِلِمِّـكْ
عَلِيكْ مِنْ رَبِّي وُصُوفْ الْمَهَا الشَّرْد=إِنْ دِلِّلَتْ تَلْعَبْ عَلَى خِفْ دَمِّـكْ

[نجم العبدالله]

يَالِيْتَهَا يَالِيتْ صُولَهْ وِجُولَهْ=مَاكَانْ شِفْتْ مْنَ الْعَنَا شَيء وِشْوَيْ
لَكِنَّهَا حِلْمَ الْعُمُرْ وَالطُّفُولَهْ=رَاحَتْ وَانَا وَالْهَمْ وِجْرُوحِي إ/هْنِيْ
يَامِيرْ مَارَاحَتْ عَلَى بْسُهُولَهْ=وَلاذَرَفْتَ الدَّمْعْ فِي وَاحِد ٍ حَيْ

[نجم العبدالله]

http://www.youtube.com/watch?v=FRCu0fmSsZg&feature=player_embedded

دَنْ مِنْ وَبْلَ الْقِرِيحَهْ يُـومْ مَـادِنِّ إ/ بْنِذِيـرْ=وْجَادْ بِهْ فِيضَ الْمِشَاعِرْ يُومْ سَمَّى وِاسْتَلاذْ
فِي وَسِطْ عُوجَ الْحَنَايَا يُومْ مَالاذَهْ خَشِيـرْ=غِيرْ مِنْ زَانَتْ مَرَابِيعَـهْ وَعَجَّـل بَالْجِـذَاذْ
يَابُورَامِي وَآعَذَابَ الْقَلْبْ لاهَبَّتْ عْصِيـرْ=وِارْتِسِمْ لِي مِنْ خَيَالِي مَاتِسَلَّـلْ بِـي وْلاذْ
الْغِيَاب اللِّي طُوَانِي مَاطُوَى حَالِـي بِخِيـرْ=كِلْ شًوق فِي غِيَابَهْ لَهْ وَسِطْ رُوحِي نَفَـاذْ
اللَّهْ اللِّي سَاقِنِي لَـه بِيـنْ نِـارْ وْزَمْهَرِيـرْ=لاانِتثَرْ حِزْنَهْ هَجِيرْ / وْلاابْتِسَمْ ثَغْـرَهْ رِذَاذْ
كِنْ قَلْبِي لَاذِكَرْته مِنْ عَلَى حَـدَّ الشِّطِيـرْ=جَذْ رُوحِي مِن مَعَالِيقَهْ مَنَ الْبُعْـدَ إجْتِـذَاذْ
يَانِدِيمَ الْحَرْفْ وَانْفَاسَ الْقِصَايِـدْ وَالْعَبِيـرْ=عَنْ بِقَايَا الامْسْ وَالْحَاضِرْ وْشُوقِي وَالْمَـلاذْ
مَاعَرَفْتَ إنَّ الْحَنِينْ أَقْسَى مْنَ أَحْضَانَ السِّعِيرْ=لِينْ مَلْعُونَ الصَّلايِبْ دَاخِلَ أَعْمَاقِي إِسْتَحاذ
سَامَحَ اللَّهْ غِيبِتَه كَانَـهْ تِسَـاوَى بَالنِّظِيـرْ=طَلْبِتَ اللِّي كِلْ مَاضَاقَتْ مِنَ الْهَمَّ إسْتَعَـاذْ

[نجم العبدالله]

صوت المختلف / خالد البقمي.
بَطلقْ اسْرَ الْقَلْبْ وَالْحِقَهَ الْعِنَانْ=وِانْ لِقِيتْ الْقَلْبْ قِلَّهْ وِيـنْ كِنْتْ
مَابِقِي لَلْحِزْنْ فِـي قَلْبِي مَكَانْ=شَايِل ٍ هَمَّ الْفُرَاقْ وْهَمَّـْك إنْـتْ
إنْ كَتَمْتَ الْحِزْنَ سَبَّبْ لِي جِنَانْ=وِانْ شِكِيتَ الْحِزْن قَالَوْا لَجْل بِنْتْ
إنْتِظِرْكْ إمْنَ السَّفَر لِي فِيكْ شَانْ=وَْبَعْد جِيتُو زَانَتْ عْلُومَكْ وْزِنْتْ
تِلْ شَعْـرَةْ شَارِبِي تَلَّةْ هَوَانْ=كَانْ لَدِيتَ الْعِيُونْ وْكَانْ لِنْتْ
قَلْبِي اللِّي كَانْ مِطْرَقْ خَيزَرَانْ=مِنْ حَجَرْ بَبْنِيهْ وِالا مِنْ سِمِنْتَ
الضُّمَاء عِنْدِي وَلا نَهْرَ الْحَنَانْ=كَانْ لَرْوِيتَ الْعَطَشْ مَنْ مَاهْ خِنْتْ
وِانْتَ أبَدْ مِثْلَ الامَانَهْ فَالزَّمَانْ=يَاوِدِيعَ الْعَاطِفَهْ مَايُومْ هِنْتْ
وِشْ لِقِيت بْعَالِمِي غِيرَالامَانْ=يَالْوِحِيدَ اللِّي عَلَي الْخَفَّاقْ مِنْتْ


صدى / نجم العبدالله.
الْجِزَالْ / النِّدَّرْ / الْبِيضَ / السِّمَانْ=مَرْحَبَا بَهْ كِلْ مَابَانِنْ وِبِنْتْ
مَايَوَفِّي حَقِّهِنْ صَحَّ اللِّسَانْ=يِعْلَمَ اللَّهْ يَانِدِيَّ الْكَفْ / كِنْتْ !!
مَاعِرفْ وِشْ كِنْتْ لَكِنَّكْ مِدَانْ=جِبْتْ عَذْبَاتْ النُّوَادِرْ وِامْتَحَنْتْ
خَافِقٍ لَهْ قَطْعَةَ أَيَّامْ وْثِمَانْ=بِينْ زَفْرَاتْ الْوَهَنْ وَالضِّيقْ عَنْتْ
أَشْهَدْ إنَّهْ مَاعَلَى رُوحِي ضُمَانْ=إِنْ كِتَمْتَ الْحِزْنْ بَعْدَهْ أَوْعَلَنْتْ
إنْ ضَحَكْ لِي ضِحْكَتْ الدِّنْيَا عَلانْ=وِانْ حِزِنْ يَالِعْنِبُوحَيَّهْ حِزِنْتْ
كِنْ قَلْبِي فِي يِدِينَهْ صُولَجَانْ=وْفِي غِيَابَهْ غَيرْ هَمِّي وِشْ ضُمَنتْ
لِيتْ لَوْ خَانَ الْعَهَدْ / اقُولْ خَانْ=لَاجْل أَقُولْ إنِّي لْحِبَّهْ قِدْ دِفَنْتْ
الْبَلا وَالْمُوتْ مِنْ سِحْرَ الْبِيَانْ=سَاكِن ٍ قَلْبِي وَانَا أدْرِي بَهْ سِكَنْتْ

[نجم العبدالله]

مَاجِيتْ أنَا(إبن ام عَبدْ1) أوْ جِيتْ فِي دُورَ(الْعَتِيقْ 2)=وَلاتِمَثْنِيتْ الْعَرَبْ ثُمْ صِحْتَ أنَـا (فَارُوقَهَـا3)
مِسْلِمْ وَاصَلِّي وَاعْبِدَ الرَّحْمَنْ وَحْدَهْ وَاسْتِرِيـقْ=عَذْبَ الْمَعَانِي مِنْ مِفِيضْ الْمِلْهِمَهْ وْصَنْدُوقَهَـا
لَكِنْ عَلِيكْ الَّلهْ تَعَالْ وْقَـرِّبْ شْوَيَّـهْ ووِيـقْ=وْنَاظِرْ حَنَايَا خَافِقِي مِنْ غِيْبِتَـه وِشْ ضُوقَهَـا
بَانَتْ بِقَايَا حَسْرِتِينْ..وْدَمْعِتِينْ..وْنَشْـف رِيـق=يسِرِي عَلِيهَا خَافِقِي يُومَهْ سَرَى لِـي شُوقَهَـا
يَاللَّهْ عَسَاهَا هَالْعُيُونْ إِنْ مَاوِفَتْ لَـهْ مَاتِفِيـقْ=أَوْ لِيتْ جَلَّابَ السَّهَرْ يِبَـاتْ دَاخِـلْ مُوقَهَـا
مَاتِهْتْْ أَعَايِـنْ لَلنَّعَايِـمْ وَالثِّرَيَّـا وَاسْتِفِيـقْ=وِإلا عَلَى سَفْوَ الشِّجِرْ وَالشَّمْسْ حِينْ شْرُوقَهَا
نَمْشِي عَلَى وَضْحَ النِّقَا يَاصَاحِبِي بَاوَّلْ طِرِيـقْ=وِإلا الليَالِي لَوْ قِسَتْ نَلْعَبْ عَلَـى طَارُوقَهَـا




1 / إبن أمُّ عَبْدْ : هُوَ الصَّحَابِيُّ الْجَلِيلْ عَبْدُاللَّهْ بْنِ مَسْعُودٍ رَضِي اللَّهْ عَنْهُ
وَهُوَ أَوَّلَ مَنْ جَهَرَ بَالْقُرْآنِ الْكَرِيمْ.
2 / الْعَتِيقْ : هُوَ أَبُو بِكْرٍ الصِّدِّيقِ رَضَيَ اللَّهُ عَنْه.
3 / الْفَارُوقْ : هُوَ عُمَرُ بْنُ الْخَطَّابِ رَضِيَ اللَّهُ عَنْه.
.

[نجم العبدالله]

صوت / نجم العبدالله.

لِكَ الْبِقَاء وَالْحِر...نَاهِي...إلَيَا فَـزْ=حِرْش ٍ كْفُوفَه... بَالثَّنَادِي... مِجَزهْ
مِطْلَقْ عَمَدْ...ضَافِي شِلِيلَهْ...مْجَهَّزْ=خَاِلي دْعُوجْ...وْوَافِي ٍ ..فِي مَـرَزْهْ
كَاشِفْ.. وَحَشْ ..مَاتِلْ سِبْقَه وْلاكِزْ=(عَدِيم) فِي وَصْفَ.. النُّوادِرْ..مَنَـزْهْ
وِإلا إنْت.. يَالْحِر النِّدَاوِي..عَلَى الْعِزْ=مَالاعَبَ...الْمِلْوَاحْ...رَآسِكْ وْهَزَّهْ
حِر ٍ..بَنَاء لَلطِّيبْ بَالطِّيـبْ مَرْكَـزْ=مَصْقُور ..بِكْفُوفْ الْمِكَارِمْ..وِعِـزَّهْ
حِر ٍ طِلِبْ حِر ٍ طَلَبْ مَاكَـرَهْ عِـزْ=مِنْ رَآسْ.. عُودٍ..نَادِر ٍ ..فِي مِفَـزَّهْ



صدى الشاعر/ خالد البقمي.

يَامَرْحَبًا يَافَـارِسٍ بَالسِّبَـقْ لَـزْ=يَامِرْتِدِي مِنْ غَالِي الْجُوخْ بَـزَّهْ
يَانَجْم صَارْ الْحِرْ فِي خَانَةَ الْوَزْ=يِرْبِضْ بِبَطْنَ الارْض وِانْثَـاهْ وَزَّهْ
يَانَجْم لُونَلْبَسْ حَرِيرٍ مْنَ الْقَـزْ=غثْنا طِفِلْ بَغْدَادْ وَاطْفَالْ غَـزَّهْ
مَاكَانْ دَاوَمْنَا عَلَى كَبْسَةَ الـرّزْ=ومْشَاهَدَ الْكُورَهْ عَلَي كِلْ حَزَّهْ
قَالْ الْعَدُو فوْجِيهْ كِلَّ الْعَربْ طِزْ=وْعَوَّدْ عَلَى الْغَلْيُونْ الاسْوَدْ وْمَزَّهْ
لِيتَكْ قَرِيتْ اللَّي كِتَبْ عَنْهْ مَايِلْزْ=اللِّي لِنَا مِنْ بَعْـد مَانْهَـاهْ دَزَّهْ

[نجم العبدالله]

فَاقَتْ تُوَاصِيفَ الْغَلا مَاادْرِيْ غَلاهَا فَاقَهْ=مَاأدْرِيْ الْمُهِمْ أنِّي مَعَاهَا حَايِر ٍ لِي مِدَّهْ
مِتْغَطْرِسِهْ بِنْتَ الْحَلالْ وْعِيبَهَا / سَرَاقَهْ=تَسْرِيْ بِقَلْبَ الآدِمِي خِلْسَهْ وَتَنْهَـبْ وِدَّهْ
لَكِنَّ أَنَا / وَاقُولْ أَنَا / وَاقُولْ أَنَا / مِنْ سَاقَهْ=تَشْرِفْ عَلَى ضِلْعَ الْهَوَا / تَرْقَا تِبَيِّحْ سَدَّهْ
مَاتَدْرِي إِنِّي مِنْ زِمَنْ مِيِّتْ وَلَهْ لِعْنَاقَهْ!!=يُومَ الْخَفُوقْ بْدَاخِلِي يَكْفَخْ لَها / وَآرِدَّهْ

[نجم العبدالله]

مِنْ يِرِدَّ الشَّادِي اللي شَادِنِـي؟
ومِنْ يِرَدَّ النَّبْع وِحْرُوفَهْ قَـرَاحْ ؟

جِيتْ أَقُودْ الْحَرْف لامَاقَادِنِـي
وَالْوِي ذْرَاعْ الْغِيَابْ إِنْ كَانْ لاحْ

مِنْ مِدَادَي جِيتْ أهِيلْ الرَّادِنِـي
فُوقْ كَفَّه يُومْ كَفِّي لِي وْشَـاحْ

حَيْ مِنْ عَادْ الْقِصِيـدْ وْعَادِنِـي
وحَي سُلافْ النُّوادِرْ يُومْ فَـاحْ

[نجم العبدالله]

حَيْ مِنْهُو من مـداده زَادِنـي
جَادْ لَهْ فِيضَ الْقِرِيحَهْ يُومْ نَـاحْ

إِسْتِقَامَ الْقَـافْ ثِـمَّ إِعْتَادِنِـي
جُورْ وَقْتْ وْهَمْ لِيلْ وْفِكِرْ طَاحْ

مِنْ عَلَى سُورْ الْمَحَانِي رَادِنِـي
طَارِي الْفَرْقَا عَسَى مَالَهْ مْـرَاحْ

قَادِ لِي حِزْنَهْ عَلَـى وِاقْتَادِنِـي
لِينْ سَرَّانِي عَلَى ذِيكَ الرِّمَـاحْ

[نجم العبدالله]

http://www.almlf.com/get-4-2011-almlf_com_nt0u7hp4.jpg (http://[URL]http://www.almlf.com)

أَصْصْصْصْ وَاضِحْ لاتِسُولِفْ يُومْ هَالدَّمْعَهْ حَكَتْكْ=خلااااص لا تَطْرِي الْغِيَابْ وْنَاااااامْ بِسْمِ اللَّهْ عَلِيكْ
مَاقِلْتْ تِفْدَاكَ الْعُيُونَ اللِّي مِنَ الْفَرْقَا بِكَتْكْ ؟=لاعَادْ رِيِّحْ لِي عُيُونِكْ يَرْحَمْ اللَّهْ وَالِدِيكْ
تَشْكِي وْنَزْعَاتَ الْحَنِينَ إ/بْجُوفْ صَدْرِكْ هَالِكَتْكْ=مَاكِنْ لِكْ بِينَ الْحَنَايَا نَبْضْ مَعْ رُوحِي شِرِيـكْ !!

[نجم العبدالله]

هي الجاذبية


دائما ً ماتكون السبب في سقوط مانَملِك

فقد تحدث البعض عن الجاذبية وسر التجاذب بتجارب .

ودونها الكثير بين المصير واللامصير

بقصص وروايات ، وسرد حكايات..

تجاذب وتقارب أم تقارب وتجاذب ؟؟


فما بين الجاذبية الإرضية

والجاذبية لبعض القلوب النقية ..

مابين الوعي والاوعي ..!



فمن منها من يسير الشعور بلا شعور

فيكون السبب في سقوط مانملِكْ


فيستحق منا




ذاك المسمى...!!
.

[نجم العبدالله]

نِجَِّظَّ الْبُعْدْ وَالْعَبْرَه بِكَتْ بِصْدُورَنَا تَلْعِيـكْ=وتَنُوحِكْ عَبْرِة ٍمَاهِي لِخَلْقَ الله مَسْمُوعَـهْ
أَشُوفَ الليْل لآخَيَّمْ ظَلَامَهْ / كِنَّهْ يْحَاكِيـكْ=وَألا يَالِيتْ مَدْمَعْنَا يِـرَدْ الْبُعْـد مَنْفُوعَـهْ
خذَتْك أقْدَارْ هالدِّنْيَا وَلابَاقِي بَهَا تَشْكِيكْ=وَلَو لِي حِيلَة ٍ فِيهَا صُرُوفْ الْوَقْتْ مَصْفُوعَهْ
تَعَالْ وْقَلِّبَ الْمَاضِي تِعِبْ قَلْبَ الشِّقَا يَنْعِيكْ=وِدَوِّرْ عَنْ سِبَبْ حِزْنَهْ وِشِفْ لي شَكْلَهْ وِنُوعَـهْ
تَعَالْ وْرَاجِع َالذِّكْرَى سِنِينِي..حَاضِرِكْ..مَاضِيكْ=وِقَلِّبْ صَفْحَةَ أَيَّامِي وِلِيـل ٍ مُوجِـعِ هْجُوعَـهْ
سِنِينْ وْضَاعِتْ سنينِي سَرَتْ لَكِنْ عِجِزْ يَسْرِيكْ=وِجَعْ ذَاكَ الْفُرَاقْ اللي وَطَا فِي قَلْبِـي فْرُوعَـهْ
لِكَ اللَّهْ وِشْ بِقَا فِي صَفْحِتِي وَاللِّيلْ مَايَدْعِيك=وِلِكَ اللَّهْ مَابَقَا شُوق ٍ عَلَى مَافَاضْ يُنْبُوعَهْ
نِحَاوِلْ نِرْسِمَ الْبَسْمَهْ وْيُعُودَ إِ/بْنَا الْزِمَنْ تَبْرِيـكْ=عَلَى لِيلْ الْوِدَاعْ اللِّي سَرَقْ مِنْ وَقْتِنـا مْتُوعَـهْ
يِرَاوِدْنِي حَنَينْ الأمْس وَارَدِّدْ حَظَنَا يَكْفِييييكْ=طِفَى أَمْسَ الْغَرَامّ اللي ضُوَيتْ بْدَمِّي شْمُوعَهْ!!!
تمَنِّيْنَا مَسَرَّاتْ الْحَيَـاهْ الْفَانِيَـهْ وِتْحِيـكْ=خُيُوطَهْ !!! لِينْ جَلَّادْ الْعَمَارْ وْهَمْهَمَةْ جُوعَهْ

[نجم العبدالله]

ثَهْلانْ يُومِنَ الْعَرَبْ مِتْوَارِثِينْ وْصُوفَهْ=مِنْ عِذْرُهُمْ لَوْقَلِّدَوا صَلْفَ الرِّجَالْ بْوَصْفَهْ
اللِّي يِدَاحِمْ مِنْ طَغَى فِي مِنْحَرَهْ وِكْتُوفَـهْ=وْلاذَيَّرَهْ يُومَ الْوَغَى جَدْعَ الرِّقَابْ وْقَصْفَهْ

[نجم العبدالله]

إِحْتَرْتْ بِينَ الْجِفَا وَالْوَصْـل وَغْيَابِـكْ=أرُوحْ..وَابْعِدْ..وَاجِي..وِيبَـانْ تَأثِيـرِكْ
عِجِزْتَ أمَيِّـزْ غَـلَاك وْنَبْـرِةِ عْتَابِـكْ=أوْدَعْتِنِي فِي مَهَـبَّ أقْسَـى تَعَابِيـرِكْ
كَمْ لِي وَانَا لِكْ وَطَنْ لِمْعَانَق أسْرَابِـك=يُومَكْ تِجِينِي ظُمَا .. وَآرَدْ عَلَى بِيـرِكْ
يَالِيتْ رِبْعَ الْغَلا اللي جَابِنِي جَابِكْ=حَتَّى تَعَرْف َ الْوَفَا وِتْعَـرْف تَقْصِيـرِكْ

[نجم العبدالله]

إسْتِجَـدْ الشُّـوقْ يّاللَّـه لاتِعِـيْـدَهْ=وَاسْتِدَارْ بوَسْطْ جُوفْ ووَسْـطْ هَامَـهْ
سَامَـحَ اللَّـه مِـنْ تِسَبَّـبْ بِتْغَرِيـدَهْ=وَالسَّلامَـهْ مَابَقَـى فِيهَـا سَلامَـهْ !!
آهْ مِنْ هَمْ الْخَفُوقْ وصَمْت بِيدَهْ=وآهْ مِنْ جُـورْ السِّنِيـنْ ويَاظَلامَـهْ؟؟
مِنْ تِفَيَّا فِـي هَنَـاهْ ووَسْـط غِيـدَهْ=مَاشِكَى لَيـلْ الْمِفَـارَقْ واحْتِدَامَـهْ!!!

[نجم العبدالله]

جِيتْ أَسُولِفْ لَلْغِيَابْ وعَنَّه الْخَافق ثَنَانِي=لِينْ خَلَّفْ فِي ضُلُوعِي... مِنْ سُمُومْ الْبُعْد عِلَّهْ
سَامَـحَ اللهْ خَاطِـرِي وَاللهْ غَفُـور ٍ يَالْسَـانِـي=وَسَامَحَهْ رَبِّـي وْسَامَـحْ غِيِبَتَـهْ لَـوْ مَاتِحَلَّـهْ

[نجم العبدالله]

يَامِنَادِي بَالْقِصِيدْ بوَجْد رُوحْ وْقَلْـب عَانِـي=مَاخَبَرتْ الشُّوقْ يَلْعَـبْ بَالْحَشَـى دُونَ الادِلَّـهْ
الْغَـلا يَاسَيِّـدَةْ هَـاكْ الْغَـلا لَوْ مَادَعَانِي=مَانِزَفْ حِبْرَ الْقَلَمْ دَمْعَ الْمُوَادِعْ فِي سِجِلَّهْ

[نجم العبدالله]

نجم العبدالله

يَابُورَامِي لِيتْ قَلْبِي (عَيِّلٍ) كَانْ إ/يْتَـرَدَّدْ=حُولْ بِيتَهْ يَابُورَامِي ضَايِع ٍ وَقْتَهْ وِغَـادِيْ
ذَاكْ طِيفَهْ كِلِّ مَاقَلْتَ آتِغَاضَى وَآتِصَـدَّدْ=زَارِنِي فِي عِزْ نُومِي لِينْ يَحْرِمْنِي هَجَادِيْ
جَادِل ٍيُومْ إ/يْتِثَنَّى عُوْدَهَا لِـي وِإ/تَّلَـدَّدْ=تِخْلِفْ أَحْكَامَ الْمِبَادِي عِنْدِ رَاعِينَ الْمِبَادِيْ
مِنْ غِيَابَهْ يَابُورَامِي كِلْ عِرْقٍ بِي تِقَدَّدْ=أَرْكَتِ رْمَاحَ الْمُوَادِعْ فُوقْ صَدْرِي بَالثَّنَادِيْ


المختلف / خالد البقمي

الليَالِي تِنْفـِرِجْ وَالْهَـمْ بَالصَّبْـرِ ايْتِبَـدَّدْ=مَاظَهَرْ حِسْنَ الْبِيَاضَ إلا عَلَي كَفْ السُّوَادِيْ
إنْتْ خَيَّالَ السِّبِقْ مِيرَ الْهَـوَاء مَايِنْتَحَـدَّدْ=يِتْعِبَ الْفَارِسْ مَعَ الْبِيدَا عَلَي ظَهْرَ الْجُوادِيْ
وِانْت أعَرْفَكْ تِعْشَقْ الِّلي مَطْلَبَهْ مِنْكَ التُّوِدِّدْ=جَافِلٍ . وَالرِّيمْ غِيرَهْ رَاتِعٍ فِـي كِـلْ وَادِيْ
وَاللْه إنِّي لِكْ ذِخِيرَهْ وِانْتْ قُمْ قَارِبْ وْسَـدِّدْ=الاشَارَه ْمِنْكْ تَكْفِينِي بِـدُونْ إنِّـكْ تِنَـادِيْ

[نجم العبدالله]

http://www.almlf.com/get-4-2011-almlf_com_lnh0ddyb.jpg (http://[URL]http://www.almlf.com)

ألا يَاسْرَاجْ مَاطِبَّكْ بِطِبِّي=خَذُوكْ / وْلاخَذُوكْ الا لِسَلْوَهْ
تِشِبَّ النَّارْ فِي جُوفِكْ وَانَا اللِّي=سَرَتْ فِي دَاخِلِي سَاعَاتْ خَلْوَهْ
خَذَانِي وِارْتِوَانِي كِيفْ مَاادْرِي=نِزِلْ قَلْبِي وِغِيرَهْ (مَانِزَلْوَهْ)
هَذَاكْ إنْ هَبِّنِي نِسْنَاسْ طِيفَـهْ=أغَرْفَ الشِّعْرْ وَآصِبَّهْ لِدَلْوَهْ
أوَرِّدْهَا كَمَا وِرْدَ الأصَايِلْ=مَرَابِطْ نِعْقِبَ الْمُهْرَهْ بِفِلْوَهْ
فَلا دَامْ الْبِقَا لِه كَانْ مَاهِي=تِشَرِّفْ مِقْدِمَهْ سَاعِةْ (خَذَلْوَهْ)

[نجم العبدالله]

من سجن القوافي
..

الشاعر الشيخ : زيد بن راجح

ياالربع يوم الهواوي جتني ابياته=فتحت قلبي لهـن حتـى يخشنـي
عساه يلقي رفيقه عنـد هقواتـه=وان ظن فيه الوفاء ماخاب له ظني
راعي ضريه بعيـدات مسافاته=لكن نفحات جـود الشيـخ مرنـي
مع كل ربعه ركز للطيـب راياتـه=مكرم ضيوفه حليف الهيل والبنـي
وجهه عليه الرضى في كل حزاته=يضحك ويرشد ويكتب شعر ويغني
يا طالبين المراجل سووا اسواتـه=اللي عن الواجبه ما هوب متونـي


.

الشاعر الشيخ : ناصر الهواوي

الله على اللي تشوق القلب فزاته=منوة غريبٍ طرت له داره وحني
عامين بالسجن ليل الناس ما باته=يقضي جزاء ما اقترف بالقيد متثني
واجهد بحفظ الكتاب وردد آياته=وعليه اعانه عظيم الفضل والمني
وحفظ وطاحت عنه باقي عقوباته=واخلوا سبيله وهو من قبل ماظني
عدا يبا النقل لكن باصهم فاته=وبيض الليموزين من قدمه يمرني
والاجر غالي وهو عدمت امكاناته=ولا عاد ينظر بهن راحن ولو جني
خمسة وعشرين باقيةٍ بمخباته=ولايعرفه بالبلد هنة ولا هني
وفطن له اللي ذرا المضهود فزعاته=شروى شيوخٍ جمايلهم يشوقني
ويانجم قافٍ شعت هجسي عباراته=(يضحك ويرشد ويكتب شعر ويغني)
يضحك لشوف الرفاقة من حسن ذاته=ولو كشّرت شفتي لأوطيتها سني
ويرشد يبي رحمة المولى ومرضاته=وله قدوةٍ في نذير الأنس والجني
ويكتب شعر لو طرا للقلب مافاته=ويهيضنه قوافي زيد ويغني
يا نجم هجسي خذلني في مجاراته=ان كان هجسك يطيعك جاوبه عني

.

نجم العبدالله

حي الله اللي يسوق العلـم باثباتـه=لوكان ماهو مـع الطـاروق متعنـي
عريب جد وعلى الجـزلات هَدَّاتـه=هذاك لنَّه / ولو ماقلـت أنـا لنَّـي
من فوق صلب الصخر جا ينحت إبياته=ياكم وياكـم وياكم فوقهـن دنـي
كن البحـر منهلـه والغيـم يقتاتـه=وانا على قولت الرَّوَّاي ليت إنـي
أما أنت يامسندي فالـروح موَّاتـه=دونك ودون الخوي والديـن لكنـي
من يوم طاحت عيوني قل على ايَّاته؟=طاحت على قولتك (لاوطيتها سنـي)
أخلفت علمي معه واخلفـت مَدَّاتـه=كـف ٍ يالو قصـرت قصيتهـا منـي
لكـن يالقـرم رد العلم أو هاتـه=لوجيت أحث القلم ماجيت أبا اثنـي
إلا اني اطرد هوا بالـي ومشهاتـه=وآسج معك القدم من ويـن ودنـي
شيخ ٍ تضيع المكارم في مداراته=مدَّات كفك على النمرود والسني

[نجم العبدالله]

هَذَا الْبَلا وِإنْ دَقْ ذِكْرِه بَالْحَنَايَا وِارْتِزَمْ=مَاغِيرْ أَجَاوِبْه الْغِنَا بِحْرُوفِي الْمِتْهَايِلَـهْ
رِاحْتِ وَلا بَاقِي بَهَا..لا..لا أَوْبَسْ أَوْ نَعَمْ=وَانَا عَلَى جَمْرَ الْوَلَهْ / مَلْعُونْ أَبُو سَلايْلَهْ

[نجم العبدالله]

ألف /لام /وْهَاء/ نُونْ /وْوَاوْ /وَالفَاءْ إرْتِكَـاءَهْ=مِنْهَا ثَلاثَه هِي تَرَكَّتْ وَسْطْ جُوفِي مِـنْ هِنَيَّـا
النُّونَ يَانُورَ الْعِيُـونْ وِوَاوَهَـا وَآخِـرْهْ فَـاءَهْ=طِفْلَهْ خَذَتْ نَبْضَ الشُّعُورْ وْدَاخِلَ أَعْمَاقِي تِفَيَّـا
وْلَو سَألْتِينِي لِمَا ؟ يَاشَاعِـرَةْ خَـطِّ اسْتِـوَاءَهْ=هَزِّيتْ كَتْفِي لَكْ وَانَا ادْرِي وِشْ سِبِبْ سِكْنَاه فِيَّا
إيْوَاللَّه أنْقَى مَنْ بياض الْكُونْ مِـنْ ألْفَـهْ لْيَـاءَهْ=وْاعَفْ يَارُوحَ الْعَفَافْ اللِّي رقـى فُـوقَ الثِّرَيَّـا




لِكَلْ مّنْ مَرَّ مِنْ هُنَا إحْتِرَامِي وَجُلَّ تَقْدِيرِي

عَلَى أَنْ نَرَاكُمْ عَلَى خِير ٍ قَرِيبًا إِنْ كَانَ بِالْعُمْرِ بَقِيَّهْ

أخُوكُمْ ..
.

[نجم العبدالله]

غَايِبْ وَلا غَابَـتْ طُوَارِيـه لَلْحِيـنْ=أَهِيمْ بَه وَأخْشَى مِنِ السَّاكِنْ حْـرَاكْ
أَجْمَعْ شِتَاتْ الْحَرْفْ وَالَمْلِمَـهْ لَيـنْ=يُورِقْ زَهَرْ عُمْرِي عَلَى ذِيكْ الاشْوَاكْ

[نجم العبدالله]

وقفة..!!

و

( سحر وساحر )


قال تعالى: {أَفَلا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا }[محمد:24]
إن أعظم ماينبغى علينا فعله في هذه الحياة المليئة بالمتغيرات السير والعمل بكتاب الله عز وجل وسنة نبيه صلوات الله وسلامه عليه، باتباع كل ماأمر به هذا الدين الحق وأجتناب مانهى عنه،فلا معنى لواقع أيا ً كان من غير أصول وقواعد وأسس نهجٍ ٍللسير في هذا
الواقع المتغير بتغيرات هذا العصر.
وإن للمتدبر لما نزل من الحق سبحانه وتعالى وما جاء به أفضل الخلق ومعلمهم من الأحاديث النبوية الشريفة المتعلقة بالسحر والسحرة خير دليل لبيان حكم وعقوبة مثل هذه الأفعال.
فتحريم السحر ومانزل في شأن السحر والسحرة يوجب الإبتعاد تماما ً عن مثل هذه الأفعال ، لذلك جاءت الأدلة من الكتاب والسنة بوضوح ٍ على تحريم السحر وكفر من عمل أو صدق به.
حيث قال الله في محكم آياته
{واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما أنزل على الملكين ببابل هاروت وماروت وما يعلمان من أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزوجه وما هم
بضارين به من أحد إلا بإذن الله ويتعلمون ما يضرهم ولا ينفعهم ولقد علموا لمن اشتراه ما له في الآخرة من خلاق ولبئس ما شروا به
أنفسهم لو كانوا يعلمون}....[البقرة:102].
وكذلك ماورد في الصحيحين عن أبي هريرة رضي الله عنه أن النبي صلى الله عليه وسلم قال
«اجتنبوا السبع الموبقات: قالوا: يارسول الله وماهن؟ قال: الشرك بالله، والسحر، وقتل النفس التي حرم الله الا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات».
وهذا دليل واضح وجلي ٌ على عظم مثل هذه الأفعال بلاٍ جدالٍ أو سؤال، فلاشك في ذلك إلا عند من شُكَّ بضلالٍ في عقله وإدراكه.
فالنهي يوجب الأخذ بالضد في كثير من المسائل والامور.
إلا أن هناك سحر مباح للمتدبر المتأمل لأعظم دستور وأصدق كلام نفخر به كمسلمين منتمين مطبقين لما جاء به هذا الدين الحق، فكلما ازداد العبد تأملاً بآيات الله عز وجل وماجاء به الصادق المصدوق إزداد علما ً ومعرفة بهذا السحر وكيفية الوصول والحصول على عوامل ومسببات إتقانه،فالقرآن يمثل القيم والمبادئ الإنسانية التي تجري وفق الاخلاق الحميدة ليكون مدرسة للبشرية كافه .
ولكن الحديث عن هذه العوامل وتلك الأسباب موضوع طويل مستعرض الجوانب إن أردنا الإستراط في ذلك.
ولكن يكفينا القول إن للمعاملة الحسنه والحب والأخاء في الله ولله خير سحر أحله الله سبحانه وتعالى وحث عليه خير من يمثل أخلاق القران نبينا محمد صلى الله عليه وسلم ، ففي هذا النهج مفتاح القلوب وسر قبولها.
فلنا في رسول الله أسوة حسنه فقد أسر قلوب ملايين البشر وأبهر العقول بالمنقول فضرب لنا المثل والقدوة في ذلك، فقد كان أجدر الناس وأقدرهم على المعاملة الحسنة بحسن خلقه صلوات الله وسلامه عليه ، فلم تقم تلك الدعوة إلا بعظيم ما منحه الله من حسن
الخلق وطيب النفس وكلنا يعلم قصته مع جاره اليهودي وكيف كان للمعاملة الطيبة وحسن الخلق الأثر في ذلك .
فقد كان صلى الله عليه وسلم أعمق الناس أثرا ًفي نفوس من عايشوه وتبعوه ، بل وفي نفس كل من سمع عنه دون أن يراه فهوأعظم
شخصية عرفها التاريخ.
قال رسول الله صلى الله عليه وسلم قال : " اتق الله حيثما كنت ، وأَتْبِعِ السَّيئةَ الحسنةَ تَمْحُها ، وخالقِ الناسَ بخُلُقٍ حسنٍ.
((بأبي أنت وأمي يا رسول الله))
فنقول أن للعواطف والمشاعر والأحاسيس دور أساسي عميق في هندسة أواصل المحبة والإخاء وبناء العلاقات الإنسانية الطيبة بالمعاملة الحسنه ، فبها سحر القلوب المرغوب والوصول من خلاله لقلوب الآخرين بيسر وسهوله وسحرها والتأثير فيها.
فكلما نمت قدرة الإنسان على التعامل مع هذه العواطف والمشاعر والأحاسيس فالله ولله كان كما قال النبي صلى الله عليه وسلم:
"إن الله تبارك وتعالى إذا أحب عبدا ً نادى جبريل: إن الله قد أحب فلاناً فأحِبَّه، فيُحِبُّه جبريل، ثم ينادي جبريل في السماء: إنَّ الله قد أحب فلاناً فأحِبُّوه، فيُحِبُّه أهل السماء، ويوضع له القبول في أهل الأرض" .

هذا غيض من فيض من باب سحر القلوب المحبب والمرغوب بلا معاصي أو ذنوب وهذا هو الواجب والمطلوب.
سائلا ً الله تعالى أن يمن علينا مع إشراقة كل يوم جديد بهذا السحر وأن يكون نقطة تحول على طريق الحب في الله لقلوبنا جميعا ً.
وأن نكون مقدِّرين مقدَّرين كي نحِب ونحَب في الله في هذا الملتقى الطيب وفي كل مكان
إنه هو القادر على ذلك وهو العظيم المنان .

.

[نجم العبدالله]

زَفُّوا التَّهَانِي وُافْرِشُوا لَهْ وَرْد وَالْكَادِي طِرِيقْ=وَانَا عَلَي لِعْيُونَهَا تَـاجَ الْقِصَيـدْ وْطُوقَهَـا
أجِيهْ فِي عَذْبَ الْقِصَايِدْ لاجْلِ عِينَهْ وَاسْتِرِيقْ=أَجْمَلْ تَعَابِيرَ الْفَرَحْ مِنْ مِهْجِتِي وْصَنْدُوقَهَـا
مِنْ شَانْ لامِنْ جِيتْ أَقَدِّمْهَا / أَقَدِّمْهَا رِحِيقْ=مِنْ قَدَّهَا لَوتَطْلِبَ النَّجْمَاتْ جِيتْ آسُوقَهَـا

[نجم العبدالله]

إيهْ لاجْلَهْ مِنْ عِيُونِي يَاعِيُونِي يُومْ طَاحَتْ=دَمْعِة ٍ كَـــانَتْ بِعِيــنِي مِنْ قَبَلْ مُوتَهْ ثِمِيـنَهْ
بَدِّدَتْ كِلَّ الْجُرُوحْ اللِّي بِقَلْبِي وِاسْتَرَاحَتْ=مِنْ عَلَى كَفْ السِّنِينْ / لْشُوقْ طَارِيهْ وْحَنِينَهْ
آه مِنْ لِيلَ الْمُوَادَعْ / سِقْم حَالَي يُومْ رَاحَتْ=لِيتْ لِي رُوح ٍ ثَرَاهَا فِي ثَرَى قَبْرَه دِفِينَهْ

[نجم العبدالله]

أعْتَلَى صُوتَ الْبِشَايِرْ بَالْبِكَـا لِيلَـةْ مِجِيَّـهْ=لِيلِة ٍ غَنَّتْ تِبَاشِيرَ الْفَرَحْ صِيحَـةْ حْضُـورَهْ
لِيلِة ٍ كِنَّ الْبِشَايِـرْ يُـومْ غَنَّـتْ بَـهْ يِدَيَّـهْ=عَطَّرَتْ صَادِقْ سَحَايِبْ مِقْدِمَهْ فِي بِيضْ بُورَهْ
مِنْ خَيَال ٍ مَاوَقَفْ حَدَّهْ عَلَـى بَابَـهْ هْنَيَّـهْ=مِرْتِوِي عِذْقَ الْخَيَال بْغِيمْ وَسْمِيَّـةْ سْطُـورَهْ
يَاعَبِيرْ الْوَرْد وَالْكَـادِي وْرَيْحَانَـهْ وْفَيَّـهْ=سَيِّرِي نَبْضَ الْخَفُوق وْسَطِّرِي صَادِقْ شُعُورَهْ
ألْفْ مِنْ عَرْشَ الْحَنَايَـا بَالتَّهَانِـي وَالتِّحِيَّـهْ=مَازَهَتْ رِيضَانْ قَفْر ٍ خَالِيَات ٍ مِـنْ زُهُـورَهْ
جِعْل رَبِّي يِحْفَظَهْ مِـنْ شَـرْ دِنْيَانَـا وْغَيِّـه=يِجْعَلَهْ قِرَّةْ عِيُونْ أَمَّه وَأبُـوه وْضَـي نُـورَهْ
أَشْهَدِ إنَّهْ مِنْ سَنَامَ الطِّيـبْ وَالْعِـزَّهْ سِمِيِّـهْ=زِينَةَ الدِّنْيَـا ثَلاثَـهْ كَانَهَـا غَنَّـتْ طْيُـورَهْ
سِرْبْ مَال وْسِرْب جَاهْ وْسِربْ مِنْ صَفْوَة نِبِيَّهْ=سِيفْ عِزْ مْوَرِّثِينَهْ مِنْ رِقَوا فِي رَآسْ طُـورَهْ
شَيِّدَوا مَجْد ٍ جِمَعْ أَغْبَرْ فِقِيـرَهْ مَـعْ غَنِيَّـهْ=مَاحَمُوا ظَهْرَ الْكِبِير وْصَفِّقُوا لَهْ فِي فُجُـورَه
بَالْمَهَدْ أرْكُوا حَنَاجِرْهُمْ عَلَى حُوضَ الْمِنِيَّـهْ=إرْتِفَعْ طِيرَ السَّلامْ وْرُوِّضَتْ هَيجَـا نْمُـورَهْ
جِعْلَنَا وَاطْفَالَنَا فِدْوَةْ سَنَـا مَجْـدَهْ سِوِيَّـهْ=عَلَّهَا تِرْجَعْ كَرَامَـهْ غَارِقَـهْ غِبَّـتْ بْحُـورَهْ

[نجم العبدالله]

وآقَلْبِي اللي ظُـمَا مِنْ وَاقِــعْ أَحْلاَمِي=لاَجَـالْ فِي خَاطِـرِي صَيْحَاتْ مِلْتَثْمَهْ
تَايِهْ وَتَاااهَتْ خِطَىْ وَالَّدرْب قِدَامِي=أَحْنِي خَفُـــوقِي أَجَـرْ وِيْزُورِنِـي إثْمَــه

[نجم العبدالله]

كِيفْ أَنَادِي نُورْ عُمْرِي وَادْرِي إِنَّ الْعُمْر فَانِي=وْكِيفْ أَنَادِي لِكْ حَيَاتِي وَادْرِي إِنْ الْمُوتْ آيَهْ
لِيهْ قَلْبِي وَادْرِي إنَّـهْ نَبْـضْ دَقَّاتَـهْ ثُوَانِـي=دَامْ عِينِي لَوْ هَدِيتِكْ مَاهَقِيـتْ إِنَّـهْ كِفَايَـهْ
لِيتَهَا..يَالِيتْ..لَكِنْ..بَسْ !!! مَاهِي بِالامَانِـي=لِيتْ قَامُوسْ الْمَعَانِي مَاوَصَـلْ حَـدْ وْنِهَايَـهْ

[نجم العبدالله]

وَيْنْ قَلْبِكْ يُومْ أجِرْ الصُّوتْ ياَرُوحِي وَنَادِي=وِينْ!!يَانَبْضْ الْخَفُـوقْ اللي تَغَنَّتْ لِـكْ سِنِينَهْ
يَعْنِي عَادِي هَالْغِيَابْ..وْحِيرِتِي..وَالصَّمْت عَادَيْ=يَاثِقِـل دَمَّ الْحَنِيـنْ اللـي بِقَلْبِـكْ تَحْمِلِينَـهْ
دُوكْ قَلْبِي وَالطُّعُـونْ الْغُبْـر مِـنْ دُونْ الثَّنَـادِي=هَدْهِدَيهْ إلِينْ تْغَفِي قَسْـوِةَ الْحَـظُّ وْحَنِينَـهْ
سِقْم حَالِي وَاعَذَابْ الْقَلْب مِـنْ جُـورَ التِّمَـادِي=كِيفْ تَسْقِينِي جِفَاكْ وْاذْكِرَكْ وَآقُـولْ وِينَـهْ؟

[نجم العبدالله]

تِبْغَى تَعَرْفَ الْغَلا وِيشْ آخِرَ أوْضَاعَه ؟=يُومَ الْمِشَاعِرْ بِوَسْطَ الرُّوحْ مِجْتَمْعَهْ ؟
قَلَّبْتْ صَفْحِةْ هَجِيرَ الْوَقْتْ مِنْ سَاعَـهْ=وْذِكَرْتْ لِيلي مِعِكْ ثُمْ طَاحَتْ الدَّمْعَهْ
اللَّهْ مِنْ غِيبِتِكْ وَالْبِعْدْ وَاوْجَاعَهْ=وَاللَّهْ عَلَى لِيلِتِكْ يَالِيلِةَ الْجُمْعَهْ

[نجم العبدالله]

http://files.mothhelah.com/img/h0X41565.jpg (http://files.mothhelah.com/)

الصُّفَاءْ وِالا النَّقَاءْ وِالا الْعُذُوبَهْ يَاصِغَيِّرْ=وِشْ ِتِسَاوِي لُوْ تِجَمَّعْ كِلَّهَا فِي رُوحْ قَاصِرْ؟
وَاللَّهْ إِنْ الْفَرْقْ وَاضِحْ وَالْمَلامِحْ مَاتِحَيِّرْ=مَاخِذَ ٍ مِنْك الطَّهَارَهْ وْمَاخِذه مِنْهِ الْعَنَاصِرْ!!

[نجم العبدالله]

سَجِّلْ شعورِكْ وَانَا بَاسَجِّلْ إ/شْعُورِي=وْكِل ٍ عَلَى نَبْرَةَ الْخَفَّاقْ بِيتِلَّـهْ
بِسْ إسْمَعْ /إسْمَعْ وَلانِي فَارِض ٍ شُورِي=أبْيَاتْ مَاتِشْفِي الْمَكْنُونْ بِـي/ خَلَّـهْ
أبَا أخْتِصِرْهَا !!! تِبِيهَا !!! نَاظِرْ لْزُورِي=وِاسْمَـعْ لْدَمَّامَهَـا وِبْتَعْرِفَـهْ كِلَّـهْ

[نجم العبدالله]

يَاوِضِيعَ النَّفْسِ مَاوَاللَّـهْ تِتُـوبْ=لاعِب ٍ فِيكَ الْجَهَلْ وَاصْبَحْت كِنْقَـهْ
غِيرْ َذا شَايبْ / وِرَيِّسْ / لَلذُّنُـوبْ=وَآرِد ٍ وِرْدَ الْخَنَا / وَالـرُّوحِ دَنْقَـهْ
كَمْ صِغِيرٍ جَاك عَنْ (بَيَّهْ) تُنُوبْ=وِانْتْ ذَابِحْكَ الْغَرَامْ وْطُولْ عِنْقَه
فِي دَهَالِيسَ الرِّدَى تَمْشِي تِجُوبْ=بِيتْ بِيتْ / وْدَارْ دَارْ / وْزَنْقَهْ زَنْقَهْ

[نجم العبدالله]

تِبَلْسَمْتَ الْحُرُوفْ لِضِحْكَتَكْ وَالدَّمْع يُومَ آجِيكْ=وَانَا آشُوفَكْ سِمَا حِلْمِي وِانِا لِكْ صَادِقْ حْلُومَكْ
أجِيلَكْ مِحْتِوِي وَارْمِي خَفُوقِي فِي مَحَطِّ إ/ يْدِيـكْ=عَلَى نَفْسَ الْمِكَانَ اللي نِثَرْ عِطْرَكْ وِيَشْمُومَكْ

[نجم العبدالله]

هَذِي الْمِشَاعِرْ هِي تِجِي فِيكْ بِالدُّورْ=نِفْرَحْ وْنَحْزَنْ ثُمْ نِشْتَـاقْ يَاهِـي!!!
رِحْلِةْ وَهَمْ وَاحْلامَنَا حِلْم عِصْفُورْ=بِينَ الْهَجِيرْ وْبِينْ مِنْ يَرْجِي الْفِـي؟؟

[نجم العبدالله]

http://www.almlf.com/get-7-2011-almlf_com_2v5pxyyf.jpg (http://[URL]http://www.almlf.com)

تِدَلَّلْ يَاسِمِي الشِّيخْ وِلَكْ نَظْمَ الْقِصِيـدْ أَلْـوَانْ=يِجُودْ الْوَصْف/يُومَ الْحَرْف/سَرَى فِي سَبْع مِتْغَانِي
سَرَى فِي غِبِّةَ أَعْمَاق ٍ غَرَق فِيهَا ضِعِيـفْ أَوْزَانْ=نِظَمْ عِقْدَالْهَنُوفْ اللي رُوَاهْ الْوَصْـف وَارْوَانِـي
تَرَوَّتْ مِنْ سَنَا غِيمْ الْخَيَالْ بْمِحْبَـرْهْ وِلْسَـانْ=سِقَتْ لِينَهْ رُوَتْ عِشْق ٍ طَغَى فِي صَفْحِةَ أْحْزَانِي
تِزِفْ الْعُودْ وَالْكَادِي تِسُوقَ الْـوَرْد وَالرِّيحَـانْ=إِذَا رَآسَ الْقَلَمْ غَنَّـى عَلَـى طَرْقِـي وِقِيفَانِـي
تِدَلَّلْ فِدْوِة عْيُون ٍ رِقَدْ فِي حِجْرَهَـا التِّحْنَـانْ=تِدَلَّلْ وِاقْطِفْ حْرُوف ٍ نِمَتْ فِي غِصْنَهَا الدَّانِـي
طُرُوقَ الشِّعْر وِشْ تَعْنِي!! فَلا دَامَـتْ إِذَا مَاكَـانْ=تَغَنَّتْ فِي عُيُونْ اللي سِكَنْ فِي وَسْطَ الاعْيَانِـي
عَزَفْ لَحْنَ الْحَيَاة وْشَالْ مِنْ صَدْرَ الزِّمَانْ أَحْزَانْ=فِدِيتْ أَحْلَى تَعَابِير ٍ عِجِزْ يَاصَـلْ لَهَـا لْسَانِـي

[نجم العبدالله]

قِلَّ لَلِّزمَنْ لَوْ عَظْ ضِرْسَـهْ وْنَابَـهْ=وَالليلْ طَالْ وْحَرَّمَ اللَّـهْ رْقُـودِي
حَتَّي وَلَو سِيفْ الْمَنَايَا تِشَابَـهْ!!!=وَالْوَقْت مَاغَنَّى عَلَى كِيفْ (مُودِي)
حِنَّا عَلَى الْبِيدَا سَرَاحِيـنْ غَابَـهْ=نَسْرِي مْعَشِّينَ الأسَدْ وَالْفُهُـودِي
حِنَّا كِـذَا مَاغِيـرْ حِنَّـا وَلابَـهْ=غِيْرَ التِّمِجِّدْ فِي فُعُولَ الْجُـدُودِي
قِلْ لَلشِّيوخْ أَهْلِينْ حَضْرَتْ جَنَابَـهْ=الْقِدسْ لِيهْ الْقِدْس بِيدَ الْيُهُـودِي؟
اللَّهْ مِنْ هَـمَّ الصُّـدُورْ وْمِصَابَـهْ=قَامَتْ تِسَاعَرْ مِنْ خَزَانَا الْكُبُـودْي

[نجم العبدالله]

كَانِي تِسَرْبَلْتَ الشُّمُوخْ بْدَاخِلِي مَانِي خَلِي=يَاعَنْكْ دَامِي لانِظَرْتَكْ قَلْتْ يَاللَّهْ يَاااااامِجِيرْ
إيوَاللَّهْ إِنَّ الشُّوقْ فِينِي لَوْ كِمِيتَه يِصْطِلِـي=لالافْ خَفَاقَ الْعَنَا جِيتْ أَسْألَهْ قَلْبِي؟ بِخِيرْ؟
لأنْ مَابَهْ غِيرْ مِنْ رَاحَتْ بِخِيرْ / وْجِيتْ لِي=حِلْمَ السِّنِينْ اللِّي رِسَمْتَهْ بين (فَيِّكْ وَالْهَجِيرْ)

[نجم العبدالله]

رَاحَتْ وِخَلَّتْ دَاخِلِي بَاقِي حُرُوفَهْ!! وِاعْتَصَرْ=قَلْبٍ سِمَا فِي ظَاهِرَهْ !! لَكِنْ هَتَفْ يُومْ إهْتِفَتْ
رَاحَتْ وَأنَا فِي كَفَّهَا بِينْ الْهَزَايِـمْ وِالنَّصَـرْ=نَامَتْ عِيُونَهْ مَادَرَتْ فِي عِينِي اللي مَاغَفَـتْ
وِشْ لِي بِطُولْ السَّالِفَهْ / بَسْ الْمُفِيدْ الَمُخْتَصَـرْ=مَافِيهْ عِرْق ٍ بَالْخَفَا مَايِرْتِجِفْ لِيمِنْ لِفَـتْ!!

[نجم العبدالله]

بَاعْتِرِفْ وِإنْ كَانَهَـا بِيـضَ النُّوَايَـا طَاوَعَنِّـي=بَاعْذَبِ حْرُوفْ الْقِصِيدْ اللِّي دَنَى وَازْرِيتْ أَكِنَّـهْ
بَاعْتِرِفْ لِكْ بَسْ لَحْظَه / إيْه لامِنْ جِيتْ كِنِّي=شَاعِـر ٍ حَـارَتْ حْرُوفَـهْ بَالْحَنَايَـا وَازْهَقَنَّـهْ
طَاوَلَنِّـي لِيـنْ مَاسَاقَـنْ غَثَاهِـنْ وَارْهَقَـنِّـي=في وسط غبة مِشِارِيهْ الْعَتَب يُوم َإزْفَرَنَّهْ
بِينْ كِتْمَانْ الْحَنِيـنْ وْبِيـنْ تَصْدِيقِـي وْظَنِّـي=وِشْ يِفِيدْ الْبُوحْ حَتَّى لَو زِفَـرْةَ الضِّيـقْ وَنَّـهْ
آهْ مِنْ هَمَّ الْفُرَاقْ اللِّي خَذَى هَالرُّوحْ مِنِّي=طَالْ مَوَّالْ الْغِيَـابْ وْزَفْرَةَ الشُّوقْ وْمَحَنَّهْ
وَاللَّهْ إنِّـي يَامْسَـاوِي لَلنَّظِـرْ إيواللَّـه إنِّـي=لَو تِقَلِّدْنِي جِحِيمْ الْحَرْف جَاكْ الْحَـرفْ جَنَّـهْ
أَسْتِقِيهَا مِنْ يَنَابِيعَ الْوِفَاء بِي لِيهْ لانِّي=مَاعَرَفْتْ آرَدْ هَمَاجْ وْوَارِثَ الْعِزْ وْمِجَنَّهْ
الْوِفَاء بِي بِنْك دَمْ وْوَارِدَهْ مِـنْ صِغْـر سِنِّـي=بَسْ لاعَادْ الْوصَـالْ وْسَاعِتَـه لَـو فِيـهْ مِنَّـهْ

[نجم العبدالله]

وقفة..!!

وغرَّد السرب


بداية وقبل الحديث لكل من مر من هنا مع قرب شهر الرحمة كل عام والجميع ( بخير وصحة وعافية) وهي كافيه
عبارة بسيطة في ظاهرها ولكن لها ميزان راجح فلا يعادلها لامال ولاجاه ولاسلطان أو مُلْكِ مَلَكْ..
نسأل الله أن يجعلنا من المقبولين في هذا الشهر الفضيل..
أحببت الحديث سريعا ً عن خطر ٍ عارم قد نكون نحن من ساعد في إستمراره، سائلا ً الله أن يجزينا بما إنتوينا من وراء هذا الحديث .
(القنوات المدللَّهُ وخطرها ومحاربة النافع لنا وللأجيال القادمه)
فكثير مانطرق هذا الباب ومحتواه حزنا ً وألما ً بدمٍ راكدٍ في ظاهره ،فيصل بنا التفكير والإتفاق اللحظي بأن مانراه واستهنا به ماهو إلا سبب من أسباب
الإنحراف وانه أخطر الخطر.
نسأل الله لنا جميعا ً السلامة والخلاص من ذلك ، فلله يد فوق أيديهم سبحانه .
فلا ننكر جميعا ًحقيقة ذلك وخطره على المجتمع بأكلمه !!
فقد كان لتلك القنوات رواج في السنوات الماضيه بشكل فضيع وملفت للإنتباه عند الجاهل كبر أم صغر فكيف هو حال العاقل.
حاربنا أنفسنا بإنفسنا بالإنجراف مع تيار الحضارة المزيف والذي لم نأخذ منه إلا مايجعلنا في آخر الركب ، سلَّمنا عقولنا
ومسامعنا بلا وعي منا حول الخطر الناجم من جراء ِ وقوعنا في مغبة مثل هذا العمل .
تغابينا وتغابا الكثير عن حقيقة أننا مستهدفون من وراءِ هذا العمل،ولكن لايختلف في ذلك إلا المختلف فكرا ًوثقافه ممن كان بمثابة الداعم
الأول لأكمال حرب ٍ فكرية ٍ وعقائدية شعرنا بها أم لم نشعر.
فالمستقل واضح ولايحتاج منا الدراسة والتعمق بالتفكير ، كون وجود هذا الأمر بمثابة وجود مدرسة لكل فساد ٍ ظهر وأنتشر بظهورهذه
الفضائحيات المدللـة على غيرها .
فإذا سيطر هذا التدبير على فئة الشباب تمت السيطرة على المجتمع بأكمله،كون فئة الشباب هي الركيزة الاساسية لِبناء أي مجتمع أيا ً كان ،
ولن يتم الصلاح لأي مجتمع إلا بصلاح تلك الفئه على الوجه المطلوب.
ففي ذلك تخطيط واضح للمستشعر ببناء مدراس قبح ٍمنتهجة على المدى البعيد على الرغم من ظهور بوادر نجاحها ومايصبوا إليه المنفذ من خلف الكواليس،
فقد نجحوا في تحقيق أول الأهداف وهوبالقبول قبل المثول والنهل من هذه المدرسة النتنه.
ناهيك عن برامج الاطفال وماتحتويه من فساد لفظ ٍ ومظهر ٍ كفيل ٍوكاف ٍ بأن يجعل هذا النشأ عارا ً عارٍ من جميع المبادئ والقيم الإسلاميه،
فأيُّ نشأ نريد له الإستقامه الصلاح وأي تنشأة ستكون في مثل هذا الواقع .
فمن الطبيعي أن يتقبل الطفل كل وارد بتلك القنوات بعد سنوات المشاهد دون الإستنكار والإنكارعليه مِنْ مَنْ هوالمسؤول والرقيب بعد الله ،
فلن يستغرب مانستغربه الآن . وقبل (فوات الأوان) إن كنا نعلم ونعيَّ ماتعنيه هذه العباره..
فلا نجاة بعد ذلك إن لم نجعل للعقول طريق التحكيم لتكون الفاصل في هذا الخزي ِّالحاصل من واقع تلك الفضائحيات..
فإما أن نقول لا من دون تردد ، أو أن يكون لنا ألسنة كألسنة الببغاوات نردد ماقيل وسيقال بأن هذا الأمر هو من يجعلنا
قادرين على مواكبة الحضاره، وليس لهذا الحد بل مسايرة ماجال وانتشر من دون تفكير أو تقرير مصير ، وذلك بالتقليد الأعمى دون النظر لسنوات ٍقاتمه.

نسأل الله لنا وللجميع الهدايه أنه ولي ذلك والقادر سبحانه.

.

[نجم العبدالله]

لَلشُّوقْ حَدْ / وْبَعَدْ لَلصَّبْـر يَالصَّابِـرْ=مِتْعِبْني الشُّوقْ / وَاتْعَبْنِـي مْنَاجَاتِـكْ
شِفْنِي أَجِي لك وْارَوِّحْ مِنْك يَالهَاجِرْ=أَشِيلْ هَمِّكْ وَنَاجِي الْحَرْف وِسْكَاتِكْ

[نجم العبدالله]

وَآقَلْبِي اللِّي مِنْ غَلاتك تِبَيَّنْ=شُوق..وْحَنِين..وْعَبْرِتِي وِاشْتِيَاقِي
أصْفِقْ عَلِيك الْخَمْسْ وَآقُولْ هَيِّنْ=مَابِي فَرَاقَك لا / وَلاابْغَى التَّلاقِي
أبِيك قَلْب..وْحِسْ طَاهِرْ..وِبَيِّنْ=كِلْ مَازِفَرْتَ الضِّيقْ تَبْرِي إِخْتِنَاقِي

[نجم العبدالله]

يُومْ إِنْبَلَجْ صِدْقَ الشُعُـورُ وْحَكَالِـي=وَارْخَى عَلَىَّ إ/مْنَ التَّنَاهِيتْ سَيُّـورْ
قَامَتْ تَلاعَجْ وَارْزَمَتْ وَاعْتَلَـى لِـي=مِزْنَ الْخَيَالْ وْوَابـل الْفِكْـر بِسْطُـورْ
أَرْكِيتَهَـا صَـدْرَ الْوِفَـاءْ وِارْتِكَالِـي=مَدَّاتْ كَف ٍ وَاقِفَـهْ وَسْـطْ حُنْجُـورْ
مِنْ ضَامِرِي لاسَاعَـدَ اللَّـه خَيَالِـي=يُومَ إرْتِمَى حِبْرَ الْقَلَمْ وَانْبَتَ الْبُـورْ
آرَد عَلَى الجَزْلَـه وَاكُـبُّ الْهِزَالِـي=وآهِيلْ مِنْ نَبْعَ الْوِفَاء وَابْدِي شْعُـورْ
مُبْطِي وِجَـوَّ الْمَلْعَبَـهْ شَـفْ بَالَـي=نَارَدْ نِقَا يُومْ الْعُمُرْ عَشْر وِشْهُورْ !!!
وَالْيُومْ أنَـا وَالْعُمْـر وَاللِّـي بِقَالِـي=فِدْوَةْ عُيونَك لُو بِقَـى دَاخِـلَ الـزُّورْ
طَعْنَاتَي الْخُضْـرَ النِّدِيَّـهْ بْحَالِـي=دِسْتُورْ لَكِنْ يَالِظَى الشُّوقْ دُسْتُـورْ!!!!

[نجم العبدالله]

أنَا لِيَا ضِمْيَتْ عُرُوقِي جِيتْ لِكْ وِآبِلَّهَا=إِلِينْ أَعَوِّدْهَا عَلَى رُوحِي وِهِي مِتْعَافِيهْ
مَاهُو بِمِنْ ضِيقَ الْمُوَارِدْ لا / وَلا مِنْ قِلَّهَا=لَكِنَّهَا مِنْ كَفِّ يِمْنَاكَ الْعَفِيفَهْ شَافِيهْ

[نجم العبدالله]

سَلِّمُوا لِيْ يَامِحَمَّدْ وِاقْرُوا الْغَايِبْ سَلامْ=وْقِولُوا إِنِّي فِي ثَرَى الوَادِي فَلانِي مِسْتِدِيمْ
لايِجِي بَعْضَ السِّوَالِفْ لاعِتَاب وْلامَلامْ=يُومَهَا مَاقَصَّرْتْ كَفَّ الْحَشِيمْ إ/عْنَ الْحَشِيمْ
إنْ تَلَحَّفْ للثِّرَيَّا/صِرْتِ لَهْ مِثْلَ الْغَمَامْ=وِإنْ تِوَسَّدْ للثَّرَى/سِيلٍ نِجِي لَهْ بَعْدِ دِيمْ
مَاهُوْ مِنْ بَابَ التِّبَاهِي يِعْلَمَ اللَّهْ/لاحَرَامْ=بَسْ لَنِّي جِيتَ أَبَا اشْرَحْ قُولِتْ (إِفْهَمْ يَافِهِيمْ)

[نجم العبدالله]

الَّليل رَاحْ وْرَوَّحَ الصِّبْحْ يَالرِّيـمْ=عَيَّا يِغَنِّي لِي مِـعَ الْغيِـمْ دِيمَـهْ
مَاغِيرْ أجَاوِبْ نَايِحَ الْوَرق وَآهِيمْ=يَومْ النُّوايَا صَافِيَـهْ بَـهْ سِلِيمَـهْ
قَلْبٍ سَعَى بَالظُّلْم وَادْمَى مِظَالِيمْ=وِشْ حِجِّتَهْ مَاكِنِّـي إلا غَرِيمَـهْ ؟
لِيتَهْ خَذَى مِنْ صَفْعِةَ الْوَقْتْ تَعْلِيمْ=مَاكَانْ سَاقْ الْهَيِّنَـهْ وَالْعَظِيمَـهْ
الشَّكْ وِهْرُوج غَدَتْ كِنَّهَا الْهِيمْ=لادَقَّهَا صَدْرَ النِّدِيـمْ إ/بْنِدِيمَـهْ
يَاحَظْ قَلْبِكْ يَالْغَـلا وَالْمِفَاهِيـمْ=طِفْلَةْ سَبِعْ وَالْعُمْر رَبِّـي يِدِيمَـهْ

[نجم العبدالله]

هَذَا الْغَلا مِنْ خَالِقَ الْخَلْـق تَقْسِيـمْ=أدْرِي !!وقَلْبِكْ جَاهِل وْلادِرِي بِـي
مَاعَلُّمُوكْ أنِّـي عَكَسْـتَ الْمِفَاهِيـمْ=يُومْ السُّوَالِفْ بِكْ تُرُوحْ وْتِجِـي بِـي
لاجِيتْ أَنَادِي يَافَخَر صِحْـتْ يَالرِّيـمْ=وِإنْ صِحْت ْ لَكْ رَدْ الْقُمَرْ وِشْ تَبِي بِي؟

[نجم العبدالله]

حي الْقَرَاحْ وْحي نَبْـعَ الْغَدِيـرِي=يَامِرْوِيَةْ عُوقْ الْحَنَايَـا الْمَهَالِيـكْ
رِفِّي عَسَى مَالْ لَلنُّوَايَـا مِطِيـرِي=مادام عِنْدِكْ هَالرِّكّايِـبْ مِبَارِيـكْ
مَاجِيتْ أَنَا وَالْحَرْفْ نَفَّاخْ كِيـرِي=وْلاجِيتْ فِي سُودْ النُّوَايَا الْمِشَاوِيكْ
آمِدِّ لِكْ مِسْكَ الْحُرُوفْ وْعَبِيـرِي=عَلَى النِّقَا حَيَّ اللقَا فِـي مُوَانِيـكْ

[نجم العبدالله]

بارَدْ عَلَـى بِيـرِكْ وَوَرِّدْكْ بِيـرِي=وَالشُّوقْ مَايَعْرِفْ شِيُوخْ وْمِمَالِيـكْ
هَذَا وَانَا لِكْ رُوحْ قَلْبُ وْنِظِيـرِي=هَاتِي وِخُوذِي ثُمْ هَاتِي وَانَا أَعْطِيـكْ
بَاقْنِبْ دِوَاءْ مَالاجْ بَاقْصَى ضِمِيـرِي=وَارْقَى عَلَى السَّبْعَ الْمِسَمَّاتْ وَادْعِيكْ
بَارْمِي عَلِيكْ أَرْبَعْ وْبَاقْصِرْ جِرِيـرِي=وَالْخَامِسَهْ لَوْ مَاسَرَى اللِّيلْ تَسْرِيـكْ
هِنْ خَمْسْ خَلَّنَّ الْمِفَتِّـحْ ضِرِيـرِي=بَسْ اللَّهَ اللَّـهْ لاتْطَـوِّلْ مِسَاعِيـكْ

[مبروك المنصوري]

انقلت شاعر قلت ياخوي بنواع...واخير نوع الي معاني بل الجزال
بمثال والحكمه يجي شعر ببداع..وعند الولي والناس هو صدق رجال

[نجم العبدالله]

لاهنت يامبروك ولاهي بالارباع=ولاهان راس ٍ ياابيض الوجه مامال
غير انها مابين جامح ومرياع=شيء ٍ يسام / وشيء ماسيم بريال






ياهلا ومية مرحبا وصح لسانك يالمنصوري

حضورك في هذا المتصفح فخر وانا أخوك

الف لاهنت ..


إحترامي وتقديري..
.

[نجم العبدالله]

الْحَرْف لَو هُو طَالْ/ مَاطَالْ مَعْرُوفْ=بَسْ الْحُرُوفْ الْخَافِيهْ مِـنْ دَرَابَـهْ
أَشِيلْ حَرْف وْنَاظِرَ الْحَرفْ مَكْفُوفْ=( 2 ) فِي ( 1 ) وْطِفْلُ وْسَرَابَـهْ
مَادَامْ أَنَا وَيَّاهْ وَالْحَـظْ وِظْـرُوفْ=مِتْشَابِهِينْ وْكِـلْ شَـيءٍ تِشَابَـهْ
دَنُّوا لِيَ الْمِصْحَفْ وَحُطُّوهْ بَالْجُوفْ=وْشِيلُوا الْقِصَايِدْ مِنْ خَفُوقِي وْمَابَهْ

[نجم العبدالله]

أَرْبَعْ أَبْيَات ٍ تَلاعَجْ بَالضِّمِيرْ وْدَوَّتْ=يُومْ نَزَاعَ الْحَنِينْ اللَّي كِمِيتَهْ دَاوِيْ
تِسْتِحِقْ اللَّي تِوَجَّدْ يُومْ فِينِي رَوَّتْ=كِلْ عِرْقٍ قَبْلَ أَعَرْفَهْ يَامَحَمَّدْ ذَاوِيْ

[نجم العبدالله]

بَيِّضَ اللَّهْ وَجْه مِنْ سَاقْ الشِّعِرْ وَاشْرَفْ بَـهْ=وْبَيِّضَ اللَّهْ وَجْه لِيلِي وِانْ بدَى فِـي رَيَّـهْ
كَمْ طُوَى شِعْرِي صَحَاصِيحْ الْفِضا وَاهْرَفْ بَهْ=وَاللَّهْ إنِي كِنْـتْ آخَبْـرَهْ وَآلِـمَ الْعَانِيَّـهْ
مَارْ وَاللَّهْ يَاعِيُونِي هَالزِّمَانْ أَنْكَـفْ بَـهْ=وَالصَّحَايِفْ كِلَّهَا مِـنْ خَاطِـرِي مَطْوِيَّـهْ

[نجم العبدالله]

جِعْلْ مِنْهُو يُلُومَ الْحَرْفْ سَاعِـةْ دَنَـا=حَايِرٍ دِونْ حَرْفِكْ مِعْجَب ٍ مِسْتِزِيـدْ
يِرْتِمِي فِي بَحَـرْكْ وْيِرْتِوِيهِـنْ طَنَـا=فِي قِدِيمَ الْقِصِيدْ وْبَالْقِصِيدَ الْجِدِيـدْ
مِثْلْ مَاذِقْتَ قَبْلَهْ مِنْ شَهَـدْكَ الْعَنَـا=يُومْ أنا آقُولْ هَانَتْ / قِلْتْ هَلْ مِنْ مَزِيدْ

[نجم العبدالله]

قُمْ جَاوِبَ الصُّوتِ يَارُوحِي وِيَامِنْ ِليْ=تَبَّتْ يِدِين الْوِفَا لاخَاب ْبَهْ ظَنِّكْ
إِمَّا تِضَمِّدْ جُرُوحْ الْمَاضِـي أَوعَلِّـىْ=ألِمْ جَرْحَ الزِّمَانَ اللِّي صَحَى مِنِّـكْ
أَقْبَلْت سَاِعةْ غَفَى مَاكَانْ حَاصِلْ ِلي=وَايْقَضْتِ بِاقْفَايِتِكْ مَافَـاتْ لَكِنِّـكْ
لاتِعْتِذِرْ وَالْعِذِرْ مِنْ قَبْل وَاصِلِّ لي=مَدِّيتْ كَفِّك وِفَا/ بَسْ إِنْت لِيتْ إنِّكْ
مِنْ قَبْـل لاتَنْوِي الْمِرْوَاحْ يَاخِلِّي=رَدِّيتْ رُوحِي عَلَى وَآرِدَّهَـا عَنِّـكْ
يَاتَلْ حَبْلَ الرِّجَا مِـنْ خَافِقِـي تَلِّـيْ=يَاكِيفْ سِقْتَ الْخِطَى ويَاكِيفْ رَدَّنْكْ

[نجم العبدالله]

نُورٍ شَهَرْ فِي نُورْ وَالْحَقْتَهْ بْنُورْ=وْصَدَّرْتَهَا يَمِّكْ غَمَامَهْ غَمَامَهْ
وِصِيِّة ٍ جَتْنِي مِنَ الْعُودْ بِسْطُورْ=يُومَ الثِّرَيَّا هِي غَطَاهْ وْمَنَامَهْ
اللِّي يِجِي مَقْبُورْ وِإنْ رَاحْ مَقْبُورْ=لَوْ حَرّمَوا دَمَّهْ حَرَام ٍ طَعَامَهْ

[نجم العبدالله]

يَاهَلاَ وَالْقَافْ لاجْلِكْ نِسْتِعِيدَهْ=مِنْ نِظَام ٍ مَاحَكَمْنَا فِي نِظَامَـهْ
لَو تَرَكْنَا هَالْقُوَافِي وَسْط قِيـدَهْ=نِسْتِحِثْ الْفِكْرْ مِنْ هَجْعَةْ مَنَامَـهْ
لاجْل مِنْ طِيبَهْ تِسَلْطَنْ فِي وِرِيدَهْ=شَاعِره تفْرَضْ عَلَى النَّاسْ إحْتِرَامَهْ
بِنْت شِيخْ وْسَيَّدَ السَّادَاتْ سِيدَهْ=مَاخَذَهَا بَالْـوَرَقْ إِلا بْحِسَامَـهْ
وِيشْ أَقُولْ وْيش أَخَلِّي ثُمْ أَعِيدَهْ=مِنْ مِقَرَّ الطِّيبْ هَاتُوا لَهْ وِسَامَـهْ
قَلِّدُوهَا نَجْمِتِين ٍ فُـوق جِيـدَهْ=والْبِسُوهَا تَاجْ يَزْهَى فِي مِقَامَـهْ

[نجم العبدالله]

كِثِيرَ آمَاااالْ / وَآلامْ الصُّدُورْ الطَّاهِرَهْ دَمْيَـا=بِقَايَا لِيلَهَا بَسْمَهْ وَلَوْ (سَيُّورَهَا) مِنْ هَـمْ !!
أهِيمْ بْوَصْلَهَا وَارْوِي عُرُوقْ مْنَ الْعَنَا ظَمْيَا=ألَمْلِمْ حِزْنَهَا لَكْنْ!! تِجَرِّعْنِي شِتَاتَـهْ سَـمْ

[نجم العبدالله]

يِزُورِنِي طِيفْ لَكِنْ!! طَمِّنِي طِيفِـي=عَنَ آخِرْ ظْرُوفْ وَقْتِكْ يَآاخِرِ ظْرُوفِيْ
بَعْدَهْ بِكِيفِكْ وَاناَ بَارْحَلْ عَلَى كِيفِي=مَعَ السَّلامَهْ..وِلَكِنْ إِسْمِعِي شُوفِـيْ
لَوْ حَنْ قَلْبِكْ وَنَادَى آهْ يَارِيفِي =رِدِّي حَنِينَهْ تَرَاهَا آخِـرِ حْرُوفِـيْ

[نجم العبدالله]

يَاسْعُودْ قِلَّ لْصَاحِبِي يَلْعَنْ إبْلِيسْ=لايِفْتِقْ جْرَوحْ الْهَوَا بَالتِّمِنِّي
إِمَّا يِجِينِي مِعْ هِبُوبْ النِّسَانِيسْ=وِإلا عَلَيهْ رْكْاَبْ شُوقِي سَرَنِّي
لَوْ كَانْ لاطْيَافْ الْهَوا فَنْ تَدْرِيسْ=مَانَاحْ لَلْفَرْقَا حَمَامَهْ وْحَنِّي

[نجم العبدالله]

يَاصَاحِبِي بَيَّنْتْ لَكْ مِنْ ضَامِرِي مَاقِدْ خَفَا=وْرَسَمْتْ بَكْ حِلْمَ السِّنِينْ الْمُورِقَهْ وْاعْجَافَهَا

[نجم العبدالله]

كَانْ حَبِّيتْ الْوِدَاعْ اللَّهْ يِسَهِّلْ لِكْ دُرُوبِكْ=حَارَتْ أَقْدَامْ الْبِدَايَهْ فِي مِتَاهَاتْ النِّهَايَـهْ
رِحْ وْبَبْقَى يَاعَسَاهْ يْهِبِّنِي صَادِقْ هَبُوبِـكْ=دَامْ لِي قَلْب ٍ عَزَفْ طِيفِكْ وِغَنَّى حِزِنْ نَايَهْ

[نجم العبدالله]

النُّورْ نُورِكْ وَالْبِقَـا فِـي نَـوَّكْ=وَالرُّوضْ رُوضِي وَالْحُلُومْ أَحْلامِي
يَعْنِي إذَا مَـالاحْ بَـارِقْ ضَـوَّكْ=فَكِّيتْ لَكْ صَدْرَ الْخَفُوقْ الظَّامِي

[نجم العبدالله]

مَاجِيتْ جَيَّتْ مِنْ ضِمِيرَهْ حَـوَّكْ=بَسْمَاتَهْ اللِّي مَاحَضَـتْ بِيَْهَامِـي
لَوْ شَافْ حِلْمْ وْجَا بِعِلْمْ وْلَـوَّكْ=ثَنِّيتَهَـا لَـهْ / بَصْمِـة ٍ بِبْهَامِـي
الا إنْت يَاعِينَ الْوَحَشْ بِي تَـوَّكْ=أرْوِيتِنِي هَمْسَ الْحُضُورَ السَّامِي

[نجم العبدالله]

اللَّهْ مِنْ هَمٍ سَـرَى وإ/مْتِوَاغِـلْ=بَوْسَطْ حَنَايَا خَافِقِي لاطَرِيتِـكْ
لارَوَّحَنْ مِنْ بَطْنْ ذِيكَ الْمِدَاغْلْ=زَفْرَاتَ الانْفِسْ بِينْ (لِيتَنْ/وِلِيتِكْ)
الْوَقْتْ وِظْرُوفِكْ وَانَا وَالْمِشَاغِلْ=أَرْبَعْ تْمَدِّ إ/خْطِيَّهَا كَانْ جِيْتِـكْ
يِقْطَعْكْ يَاصِبْحَ التَّنَاهِيتْ لاغِلْ=قَلْبِي / وَانَا اللِّي يَاهَوَايْ احْتَرِيتِكْ

[نجم العبدالله]

لكل من مر من هنا

كل عام وانتم بخير وعافية وشهر مبارك على الجميع

نسال الله ان يمن علينا بصيام وقيام هذا الشهر الفضيل

وان يجعلنا من المقبولين... آمين .


7
7
7


http://www.almlf.com/get-7-2011-almlf_com_sgpycpmy.gif (http://[URL]http://www.almlf.com)

[نجم العبدالله]

(بَعْضَ الْبِشَرْ حَظَّهْ تِصَدَّعْ لَهْ الْجَالْ=وْحَظِّي تِصَدَّعْ مِنَّهْ إ/عْرُوقْ رَآسِي)

[نجم العبدالله]

هَاكِ الحَقَايِق وِانْـت سَجِّـلْ يَاقَلَـمْ=عَهْدٍ عَلَى لاسَـمْ أ/رْقُبْـةَ الْحَايِلَـهْ
مَا لَلْبِقَـاء دُونَـهْ حَيَـاةُ وْلاطَعَـمْ=بَاكْتِبْ عَلَى هَمْسَ الْوَرَقْ شَكْوَاي لَهْ
إنْ رِحْت !! وِإلا جِيتْ !! بَاقِي بَالنِّسَمْ=يَاكِثْر حِبِّـي لَـهْ وْيَاغَـلااااايْ لَـهْ
يَاجِعْلِنِي فَـدْوَةْ عُيُونَـهْ مِـنْ رِسَـمْ=دَرْبَ السَّعَدْ فُوقْ الـدُّرُوبْ الْمَايِلَـهْ
وَاللِّي خَلَقْ رُوحِي وْرُوحَهْ مِنْ عَـدَمْ=إنِّـي عَلِيـهْ آحِـنْ لَـهْ وَآخَايِلَـهْ
أَمُـوتْ وَاحْيَابَـهْ وَغَنِّـي لَـهْ نَغَـمْ=وَايَّـام عُمْـرِي فِـي يِدِينَـهْ هَايِلَـهْ

[نجم العبدالله]

صباحيات بوح



مع نسائم هذا الصباح ومع فنجان قهوة وارتشافة نورٍ كنت أقرأ وأتحدث إلي ذاك قائلاً خلال حديث قد دار ودار
كثير مانواجه في حياتنا من أصحاب العقول النيرة الواعيه ممن حملوا المبادئ الساميه ولفظوا بها
على عكس من يدعي ذلك ويلفظ مايلفظه الرويبضه والغبي والاحمق ، ضحك فنظرت إليه مبتسمًا ثم قلت : أجل دعني أسمعك بعض ماقرأت.
نبدأ ؟ قال نبدأ فقلت :كثير من الناس يتعاملون مع حمقى ويحسبون أن الآخرين هم الحمقى ولقد استبان لى أن الفعل الأحمق غير الشخص الأحمق .
أما الفعل فيتجاوز عنه ويمر عليه العاقلون مرور الكرام وأحيانا بلا تعليق ولا رد فعل…
وإنما في موضع آخر يكون إشارة عابرة لبعضهم- من أولى العقل- لعل وعسى.
وأما الشخص الأحمق فالعاقل يتجنبه وكأن بشرا غير موجود أمامه..وإنه لإهمال عن فهم وعقل مبعثه قوله تعالى (وإذا خاطبهم الجاهلون قالوا سلاما).
قال أبو حاتم بن حيان الحافظ:علامة الأحمق
سرعة الجواب، والإفراط في الإنفعالات، وكثرة الالتفات، والوقيعة في الأخيار، والاختلاط بالأشرار… والأحمق إن أعرضت عنه اغتم،
وإن أقبلت عليه اغتر، وإن حلمت عنه جهل عليك، وإن جهلت عليه حلم عليك، وإن أحسنت إليه أساء إليك، وإن أسأت إليه أحسن إليك، وإذا ظلمته
أنصفت منه، ويظلمك إذا أنصفته…. فمن ابتلى بصحبة الأحمق فليكثر من حمد الله على ما وهب له مما حرمه ذاك.
قال الخليل بن أحمد: الناس أربعة:
رجل يدري ويدري أنه يدري، فذاك عالم فخذوا عنه، ورجل يدري وهو لا يدري أنه يدري، فذاك ناسٍ فذكروه، ورجل لا يدري وهو يدري أنه لا يدري،
فذاك طالب فعلموه، ورجل لا يدري ولا يدري أنه لا يدري فذاك أحمق فارفضوه.
وقال أيضاً: الناس أربعة، فكلم ثلاثة، ولا تكلم واحداً:
رجل يعلم ويعلم أنه يعلم فكلمه، ورجل يعلم ويرى أنه لا يعلم فكلمه،ورجل لا يعلم ويرى أنه لا يعلم فكلمه، ورجل لا يعلم ويرى أنه يعلم فلا تكلمه.
قال جعفر بن محمد: الرجال أربعة:
رجل يعلم ويعلم أنه يعلم فذاك عالم فتعلموا منه، ورجل يعلم ولا يعلم أنه يعلم فذاك نائم فأنبهوه، ورجل لا يعلم ويعلم أنه لا يعلم فذاك جاهل فعلموه،
ورجل لا يعلم ولا يعلم أنه لا يعلم فذاك أحمق فاجتنبوه.
مجالسة الأحمق
عن شعبة أنه قال: عقولنا قليلة، فإذا جلسنا مع من هو أقل عقلاً منا ذهب ذلك القليل،فإني لأرى الرجل يجلس مع من هو أقل عقلاً منه فأمقته.
قال بعض الحكماء: مؤنة العاقل على نفسه، ومؤنة الأحمق على الناس، ومن لا عقل له فلا دنيا له ولا آخرة.
قلت كيف إذاً يعامل الأحمق فأبتسم وابتسمت قائلاً
قال حكيم آخر: ليس كل أحد يحسن يعامل الأحمق وأنا أحسن أعامله، قيل له كيف؟
قال: أبخسه حتى يطلب الحق بعينه، إذ متى أعطيته حقه طلب ما هو أكثر منه.
والحق أن العاقلين يكادون يتفقون فى كتاباتهم ووفقا لتجاربهم على أن أفضل طريقة للتعامل مع الحمقى هى إهمالهم وترك مصاحبتهم والحديث معهم وترك مداخلتهم.
ومما جاء فى الحماقة من الشعر
قول أحمد محرم
أَصُدُّ بِوَجهي عَن كَثيرينَ إِنَّني***أرى المَرءَ تُرديهِ الحَماقَةُ وَالجَهلُ
وقول حنا الأسعد
من رام ما لا يستطاع فقل لهُ***اكفف فذاك حماقةٌ وجنونُ
إن ظلَّ في سُبلِ الحماقة طامعاً***دعهُ يحاور فالجنونُ فنونُ
وقول سبط بن التعاويذى
يا اِبنَ المُعَلِّمِ ما لِدائِكَ***في الحَماقَةِ مِن مُعالِج
وقول عبدالله الفاسى
أما الحماقةُ لا تقرَب لصاحِبها***وإن بليتَ فَعُذ بالله وابتهِل
شرُّ الطَّغامِ الذي يَنسى مبادئَه***ظنّاً بأنَّ أهالي العصرِ في غَفَل
نسأل الله العفو والعافية .
:zmnn201436:

[نجم العبدالله]

الْفِعْلْ لَلْعَبْرُودْ وَالرَّمْـي ذَبَّـاحْ=وَالصِّيتْ لَلْبَارُودْ / إضْبِطْ شُعُورِكْ
مَاجِيتْ أَدَرِّجْهَا عَلَى لاحْ يَـالاحْ=الشَّطْ شَطِّي / وَالْبَحَرْ مِنْ بُحُورِكْ
مِيرْ إنَّهَا تَصْعَبْ عَلَى مُوسْ جَرَّاحْ=لاتَلِّنِي مِنْ ظُلْمَةَ الْوَقْتْ نُورَكْ
مَاهُو خَطَأ يُوَمَ الْغَلا وَسْطَ الارْوَاحْ=حَرَامْ مَامَلَّتْ عُيُونِي سُطُورِكْ
وِإنْ عَوِّدَتْ مَابِينْ غَارَاتْ وِارْمَاحْ=عَزَّاللَّهْ إِنِّـي فِـدْوِة ٍ دُونْ زُورِكْ

[نجم العبدالله]

مَالُومْ صِبْحَ الْوِفَا لَوْ ضَاقْ مِنْ دُونَـهْ=أَنَامْ وَاصْحى عَلَى عُصْفُورَةَ أشْجَانَـهْ
لاذَبْ تَرْنِيمِتَهْ فِـي عَالِـي غْصُونَـهْ=أَرُوحْ / أبْعِدْ / أجِي/ مَعْ جَرِّةَ ألْحَانَهْ
مَجْنُونْ سَاقَ الْعُمُرْ لِعْيُـونْ مَجْنُونَـهْ=مَوَّات فِي غِيبِتِي / وِإنْ مِتِّ مِنْ شَانَـهْ

[نجم العبدالله]

فَاقَتْ تُوَاصِيفَ الْغَلا مَاادْرِيْ غَلاهَا فَاقَـهْ=مَاأدْرِيْ الْمُهِمْ أنِّي مَعَاهَا حَايِر ٍ لِـي مِـدَّهْ
مِتْغَطْرِسَهْ بِنْتَ الْحَلالْ وْعِيبَهَـا سَرَاقَـهْ=تَسْرِيْ بِقَلْبَ الآدِمِي خِلْسَهْ وَتَنْهَـبْ وِدَّهْ
لَكِنَّ أَنَا / وَاقُولْ أَنَا / وَاقُولْ أَنَا / مِنْ سَاقَهْ=تَشْرِفْ عَلَى رِجْمَ الْهَوَا / تَرْقَا ْتِبَيِّحْ سَـدَّهْ
مَاتَدْرِي إِنِّي مِنْ زِمَنْ مِيِّتْ وَلَـهْ لِعْنَاقَـهْ=يُومَ الْخَفُوقْ بْدَاخِلِي يَكْفَـخْ لَهَـا وَآرِدَّهْ

[نجم العبدالله]

يَاخِي عَلِيكَ اللَّهْ وَامَانَهْ /إذِا إنْتْ=تَذْبَحْ وَاشُوفِكْ بَوْسَطَ الْقَبْرْ نَاعِيْ
وِشْلُونْ أَبَا قَرْبَكْ بَعِدْ مَاتِيَقَنْـتْ=بانَّ النُّوَايَا غِير بِيضَ الْمِسَاعِـيْ

[نجم العبدالله]

يَاصِبْح يَاصبْحَ التَّنَاهِيتْ مَآجُـورْ=كَفْكِفْ عَزَاكْ وْكِلْ هَم ٍ شِبَرْنِـيْ
تِعِبْتَ أمِدَّ النُّورْ وِصْدُورُهُمْ بُـورْ=كَمْ لِي وَاهِدْ الْجَرْحْ لِينَهْ كِبَرْنِـي
دَامَ الْوفا فِي سِلْمِهَمْ شِيء مَحْظُورْ=بِاللَّهْ لَمْلِم مَابِقَا وِاحْتِضِرْنِـيْ

[نجم العبدالله]

قَبْلَ السَّفَرْ طَالِبْك لَحْظَـهْ شُوَيَّـهْ=خُوذِي مِعِكْ قَلْب ٍحَلَفْ مَايِخَلِّيكْ
خُوذِي مِعِكْ قَلْبِي حَيَاتِي هَدِيَّـهْ=وِشْ فَايِدَةْ نَبْضَهْ إلْيَا حَلْ طَارِيـكْ
دَامِي بِعِيدَ الـدَّارْ وَآنَتِـي هْنَيَّـهْ=سَمِّى بْرَبِّكْ ثُمْ شِدِّيـهْ بِيدِيـكْ

[نجم العبدالله]

يَامَرْحَبَا يُومَ الْحَرَارْ بْكَفْ رَاعِيهَـا تِصِيـحْ=نُوب ٍ يِقَضِّبْهَا الرِّسِنْ / نُوب ٍ يِتِلْ أرْقَابَهَـا
مِنْ شَانْ لامِنْ سَاقَهَا مِبْرَاكَهَا فِي رُوضْ شِيحْ=إِمَّا تِطَـاوِعْ لَلْرِسَـنْ وِإلا تُعُود إرْكَابَها
يَاصَاحِبِي رِدَّ الْحِدَا يُومْ الأُسُودْ إلْهَا ضِرِيحْ=لِينَ السُّوَالِفْ عِلْمَهَا يَسْرِي بَهَا طَلابَهَـا

[نجم العبدالله]

مَالِحِقْنِي شَكْ يَاتَاجَ النِّقَـا=والْمَعَانِي وَاضِحَهْ لَوْ مَاحَكِيت
الْبِقَا لِكْ كَـانْ بايَّامِـيْ بِقَـا=لايِجِي فِي بَالِكْ إِنَّي لَكْ نِسِيتْ

[نجم العبدالله]

يَاشموخ الْحَرْفْ وَاللَّهْ يُومْ بَالْكَفَ إرْتِسِمْ=نِزْفْ/رُوح ٍ/حِبْرَهَا/الْفَرْقَا/عَلَى/طَرْسَ/الظَّلامْ
وَاللَّهْ إِنِّي كِلْ مَاضَاقَتْ وْجَاذَبْتَ النِّسِـمْ=أَزْفِرَهْ دُونَ الْحَنَاجِرْ لِينَ أَوَصِّلْهَـا الْغَمَـام

[نجم العبدالله]

مَزَّقْتْ صَدْرَ اللِّيلْ فِي جَـرْ وَنَّـهْ=وْجَاذَبْتَهَا لِينْ إسْتَلَجَّـنْ طْعُونِـيْ
أوَّااهْ مِنْ هَمْسَ الْخَفُوقْ وْمَحَنَّهْ=فِي وَجْدْ مِنْ جَدَّد بْوَجْدَهْ شِجُونِيْ

[نجم العبدالله]

قَبْلَ الْوِدَاعْ وْقَبْل لاتَبْدِي الشُّعُورْ اللِّي لِفَى=أسْمَعْ وَبَاارْمِي لَكْ نِهَايَةْ حِيرِتِي وَاطْيَافَهَـا
أمَانَةَ اللَّه لاتِضِيقْ إنْ ضَاعْ حَرْفِي وِاخْتَفَى=بَاقِي وِتَبْقَا بَالضُّلُوع الطَّاهِرهْ وَاجْوَافَهَـا

[نجم العبدالله]

يَارَبْ تَدْمَحْ خَطَايْ وْتَغْفِرِ ذْنُوبِي
رِحْمَـاكْ يَاعَالِمٍ فِي كِـلْ زَلاتي


لادَنْ يُومِي وِلاصَارَالْكِفِنْ ثُوبِي
يَااللَّهْ لاتَجْزِيَ أعْمَالِي بْسَيَّاتِـيْ

[نجم العبدالله]

الْعَارِضَ اللِّي حَصَلْ لاتْعِيدْ طَارِيَّـه=لِيتْ السُّوَالِفْ تِجِي وِتْرَوحْ مِنْ دُونَهْ
لارِحْمَ أَبُو سَاعِتَهْ ولارِحْمَ أبُو حَيَّهْ=مَعْذُورْ قَلْبَ الشِّقا لُو زَادَت إ/ظْنُونَهْ
وِشْ عَادْ لُو يِنْقِطَعْ هَالْوَصْلْ يَاخَيِّـهْ=وَاقْفَتْ رِكَايِبْ غلاك وْقَفَّتْ ظِعُونَهْ
مَاهِي بْحَاجَةْ عَهَدْ / مَلْيُونْ بَالْمِيَّـهْ=إنِّي لَشِيلَ الْغَلا بَالصَّدْرْ وَاصُونَـهْ

[نجم العبدالله]

يِعْلَمْ اللَّهْ مَامِشَتْ رِجْلِي دُرُوبٍ غَيَّـهْ=وْوَاللَّهْ إنِّي يُومْ جِيتِهْ جَيِّتِـي مَحْسُوبَـهْ
فَاتِحٍ لِهْ بَابْ رُوحِي مِنْ صِفَات النِّيـهْ=يُومْ قَلْبِي دُونْ غِيرِهْ مَقْفَـلات ٍ بُوبَـهْ

[نجم العبدالله]

يَالِيلْ / قِرْبِكْ هَمْ وَآمَالِـكْ آلامْ=اللَّهْ عَلِيكْ بْكِلْ هَـم ٍ تِرِيقَـهْ
يَالِيلْ / لاتَشْقِي حَبِيبِي بَالاحْلامْ=إِهْمِسْ دِفَا لِيلَ الْوِفَا فِي طِرِيقَهْ
رِحْ لَهْ بَامَانْ وْهَدْهِدَهْ كِلْ مَانَامْ=دَامَ الْمِشَاعِرْ بَالْحَشَى مِسْتِفِيقَهْ

[نجم العبدالله]

لَبِّيهْ يَاذِيْكَ الْعُيُـونَ السُّوَاكِـنْ=لاسَلْهَمَنْ بِي ضِعْتْ بِينِي وِبِينِـيْ
لانَاظَرَنِّي وْفُوقْ خَـدَه تَراكَـنْ=قِمْتَ أَفْرِكَ الْيِسْرَي بْرَاحَتْ يِمِينِيْ
وِشْ عَادْ لُوذِبْلَنْ هِيَـامْ وْتِبَاكِـن=عَزَاللَّه إلا شِفْت مُوتِـي بِعِينِـيْ

[نجم العبدالله]

لاهِنْتْ يَاعَذْب َ الْمِشَاعِرْ وْلاهَـانْ=حَرْف ٍ نِشَا وَسْطَ السَّحَابَهْ إ/بْيِتِينْ
قَامَتْ تَلاعَجْ بَهْ بْرُوقَـهْ مْسَيَّـانْ=مِزْن ٍ تَرَزّمْ وِانْحَدَرْ بِينْ ضِلْعِيـنْ
تَسْقِي بَهَا جَزْلَ المَعَانِي وْقِيفَـانْ=وَتَشْلَعْ لْيَا عَايَنْت عُودَ النِّيَاشِيـنْ

[نجم العبدالله]

أجَلْ قِلْتِي مِنَ الْبَارِحْ وِعِينِكْ مَابَعَدْ نَامَـتْ؟=عَسَى اللِّي مِسْهِر ٍ عِينِكْ يِجِي عِينِي وِيَسْهِرْهَا

[نجم العبدالله]

كِفَايَهْ نِلْعَنْ اْلفِرْقَا جُرُوحْ وْهَمْهَمَاتُ وْنُوحْ=طَلَبْتِكْ لاِيزِيْد اْلجَرْح وَاسْرَارَهْ بِبَطْنَ الْحُوتْ
تِعِبْتُ وْتِعْبَتْ أَقْدَامِي وِلَكِنْ يَالْغَلا مَسْمَوحْ=أَنَا / وَالليلْ / يالسَّارِي..وِطِيفِكْ فِي وَسِطْ تَاُبوتْ

[نجم العبدالله]

يِسْعِدَ اللَّهْ صُبَاحَ الْمِلْهِمَهْ لُو تِكُونْ=دُونْ عَرْشَ الْمَحَانِي مَاانْثَنَى لِي جَلَدْ
مَادَرَتْ بَالْهَقَاوِي (فُوقْ مَايَعْلَمُونْ)=لَوْ عِيُونِي عَلَى الْمِيرَادْ نُوبٍ تِلِدْ
أشْهَد إنِّي كِفَرْتَ بْمِخْلِفَاتَ الظُّنُونْ=يُومَ قُولَتْ تِصَبَّرْ / غِيرْ خُوذِي وَلَدْ

[نجم العبدالله]

نادوا لي الغايب له أيـام مفقـود=أباه في ركني يجيني هنيَّـا
هذاك لوهو غاب بالقلب موجود=أسوق له عمري علـى ماتهيَّـا
لاهو بلا قايد ولا فك لي قيود=نادوه لايبطي واذا كان عيَّا
خلوه يترك خافقي يطرد النود=بملاعبة نجـم الجـدي والثريـا

[نجم العبدالله]

أبْعِدْ خِطَى وِيرِدِّنِي هَالدَّرْبْ وَآجِيلَكْ وَارُوحْ=مَاغِيرْ أَنَا / وَاللِّيلْ / وَاطْيَافِكْ / وِشُوقْ الْبَارِحَـهْ

[نجم العبدالله]

يَاجُرُوحِي وِطِبِّي لِيتِنِي مَاسَرَيتْ=لِينْ تَسْرِي ثُوَابِتْ لِيلَنَا يَابْعَدِيْ
نَآخِذَ اللِّيلْ كِلَّهْ دُونْ يِمْكِنْ وِلِيتْ=رَافِعِينْ الْكَلافَهْ / وَالْبِسَاطْ أحْمَدِيْ
مِدْ كَفِّ الْعَطَايَا هَاتَهَا بِيتْ / بٍيْتْ=وَاقْطِفْ أَزْهَارْ رُوحِي قَبْلْ مَدَّةْ يِدِيْ
مِدَّهَا لِي وِثَنَّهْ لاتِقُولْ إِرْتِوِيتْ=كَافِي إنِّي وَانَا عَاااامِينْ جَرْحِي نِدِيْ!!

[نجم العبدالله]

لحظه عساني مااعدمك لاهنت قبل إنك تنام=يوم الغلا لك والبقا لك والتوجد والوله
ماني ببياع الهوا / لاهل الهوا / لااا بالحرام=قلب ٍ نزلت بداخله ماوالله أحد بْينزله

[نجم العبدالله]

تدري بمان الله وخذها واضحه مسك وختام=حرف ٍ نشا في داخلي مرالخفوق وحمَّله
سلام ياطهر الحروف البيض والنيه سلام=والا الهروج الناقصه / عن كل حرف مجمَّله

[نجم العبدالله]

لبيه ياطفل الغرام اللي على الخافق عدا=ولبيه يادمع العيون وسحرها اللي محتويه
كن الزهر في وجنتينه يوم طاوله الندا=وانا معه مابين / شوق / وِّيل موق / وبين تيه
جيت اسكب الماضي وغني يوم حاديها حدا=نور ٍسحر بيض النوايا / الف بسم الله عليه
ماني / وانا ماني / وانا ماني / بهماز الردا=إن قلت يابيض الوجيه أو قلت ياسود الوجيه

[نجم العبدالله]

لفتة بسيطة وسريعة حول مداخلة أحد الاخوة حين أشكل عليه إقتران الجمع بالمفرد

يقول مشكورًا:

وش على هم الصدور وضيقته وجروحه
ووش على ليل ٍسريته في مغبِّ جْراحه

فكلمة ( الصدور ) جمع و( ضيقته ) مفرد

وكان لي مداخلة بالرد بيان مااراه من وجهة نظري وبحسب معرفتي المتواضعه وهو كالتالي :

لغتنا العربية رائعة وجميلة للغاية أن تعمق المحب لتلك اللغة والقادر على الارتشاف منها ، فيكون بذلك قادرًا على
واستعمال الالفاظ بالفطرة ومن دون إشكال او الحاجة للرجوع للاصل.

فلغتنا تجيز استعمال الحال المفردة كما في كلمة ( ضيقته ) على الجمع في كلمة ( الصدور ) .
ومما قيل عن التحولات بالضمائر والافعال واثرها فى الابداع الشعرى مايلي :

" إن استخدام أزمنة الأفعال بعلاقتها مع الضمائر يقدم للكاتب لعبة تحولات بالغة الغنى في المستويات اللغوية، تسمح له بتبديل الإضاءة
وهذا أحد المصادر الكبرى للتنوعات الأسلوبية "

يقول ابن الاثير في قوله:
" الحقيقة اللغوية هي حقيقة الألفاظ في دلالتها على المعاني، وليست بالحقيقة التى هي ذات الشيء أي نفسه وعينه.
فالحقيقة اللفظية إذن هي دلالة اللفظ على المعنى الموضوع له في أصل اللغة . والمجاز هو نقل المعنى عن اللفظ الموضوع له الى لفظ آخر غيره "

ويقول الدكتور مصطفى رجب
في أبواب الاتساع والمرونة في لغة العرب أن يأتي المفرد ويراد به الجمع .
وهي ثلاث أستعمالات والمهم في هذه المداخله
( ان يكون المفرد مضافًا )
أي أن يكون اللفظ مضافاً ويقصد به الجمع
كقوله تعالى { إن هؤلاء ضيفي } أي ضيوفي ،

وقد ورد في الشعر العربي القديم استخدام المفرد مقصوداً به الجمع
فمن ذلك قول علقمة بن عبدة :
بها جيف الحسرى ، فأما عظامها
فبِيضٌ ، وأما جلدها فصليب ُ
والمقصود : وأما جلودها فصليبة

وكذلك لابن كثير حديث في ذلك يطول شرحه

،،،،،

موضوع طويل مستعرض الجوانب حول الجمع مابين المفرد والجمع ومابين المؤنث والمذكر باللفظ
وهذا على سبيل المثال لا الحصر..
ولعل لنا حديث حول ذلك في هذه المدونة المتواضعه .


فإن أخطأنا فمن أنفسنا وإن أصبنا فمن الله تعالي ..


لكل من مر من هنا

http://www.almlf.com/get-7-2011-almlf_com_sgpycpmy.gif (http://[URL]http://www.almlf.com)
.

[نجم العبدالله]

أهيم في بعض الطواريق ساكن=وارواك حرف / بطرف لاحار سيني
حتى ولو صبحي من الوجد داكن=ماقلت لك خوذي وهاتي عطيني
ماهو كبر / الله ولا الكبر لكن!!=أخاف من حسرة رجا تعتريني

[نجم العبدالله]

ماثنيت النوايا / والوفا مايضيع=كان جف بْعروقك بي عهد ماذوى
رحت روحة مطاع وجيت جيَّت مطيع=الله اقوى ولله نية اللي نوى

[نجم العبدالله]

وآقلبي اللي من غلاك إ/متضايف=طعن الخناجر كانهم منك يدنون
تسري علي وآهيل فوقك ذرايف=لازارني طيفك مع الليل بسكون
ياوجد حالي وجدها وانت شايف=(همسة شفاتك كنها جرعة أفيون)

[نجم العبدالله]

دام المنابر غدت للشيخ والعابر=خلَّ القصايد تروِّي حرفي الساكت
أرمي عليه الطعون وحظي الغابر=وابري جروح ٍ معي في خاطري حاكت

[نجم العبدالله]

وش تقول الله عليك شْلون أباافهمها وعدي=يالله انك سامحه عن نيتـه / واعتـق يديـه
بس / لا لا / لا / ولا لا / كان تبغاها تحدي؟=بين من يرجي الوصال وبين من ينسى خويه ؟
والله اني يابعـد راسي / وياشوقي / وِوَدِّي=لو يشح الوصـل منـك / مانسيتـك للمنيـه

[نجم العبدالله]

إحلم وصدق هالحلوم الوارده=وْبَحلم ووثِّق حلمي اللي شارحه
دامه لفى طيفك باقوم آعايده=عيد السنين اللي بعيني لامحه

[نجم العبدالله]

تغابا ياشعوري واحسم الموقف بلا تصويت=عسى الله يزهر دروبه وقله إني الجاني
تغابا وارسم أطيافه على لوح الاماني بْ/ليت=كفاني لو يجي طيفه لفيت وجيت له داني
يمين الله لو يدري من فْراقه ياكم عانيت=فلا ساق العتب مره / ولاذاق التعب عاني
ثلاثه هي ثلاث حروف إذا مارحت والا جيت=أغنيها ورا الغايب وردِّدْها على لساني
رحل ؟ أدري ولكنه من أعماقي ورب البيت=خذا روحي واخذ مني بقايا نومي الهاني

[نجم العبدالله]

أعيش في هم الشعور ان ضاق خاطر بسببي=ترنيمة الصادق بليل بطيب نفس وطيب قول
قمنا إ/نتوضأ للخطأ مع هيمنة ليل وصبي=إذن بها ذاك الرجيم اللي دنا لكن ش/قول
ماضاع من طاع الولي ثم سار في نهج النبي=والا الحلول أرجى لنا في وقتنا نصف الحلول
إيه أقربي واروي ظماك إ/من الموارد واشربي=واروي ظما قلب ٍ غدا من قسوة الوقت إ/معلول

[نجم العبدالله]

طوينا ثلاث سنين طي الرشـا لخْـلاف=ولوغاب عن عيني فلا والله آخيلـه
سقينا الوفا لكن حسافه يروح عْجـاف=عطينا الأمـان وصيَّرونـا مقاتيلـه
عرفنا عفاف الحب يوم إستباح أجواف=ولكن معاني الحب هي ويش تعني له ؟
فلا أقسى من الواقع مَعَ لعبة العرَّاف=سوا طيحة الواثق إذا طاح من حيله

[نجم العبدالله]

تـوَّها عينـي تهنـت توَّهـا بالنومـه=وتو ماارتاح الضمير وصحصحن أحلامي
يابعد نبض الخفوق ورجفته وحلومه=ويابعد روحي وياعيني وفيض إلهامـي
جيت أرددها هيام ونيتي مرسومه=باعذب حروف القصيد ولاجرحت صيامي

[نجم العبدالله]

عزانا عن الماضي يدين الوفـيِّ نْظـاف=تمادى على غيَّه وانا اسرفـت تدليلـه
هذاك أنا أدرى به يالو في خيالي طـاف=تسابق علـى فقـده لعينـي هماليلـه
( فقدنا الامل لكن يكفي نموت أشراف)=ولو عـاد مـاوالله تسـره مقابيلـه

[نجم العبدالله]

هاك ماعندي وخلِّك يابحر بِسكوتـك=كم ولي وانا اتحرى جيِّتك هالساعـه
أذكر إنه يابحر يوم إرتمى بك حوتك=ضاع في مدك وجزرك والخطأ وانواعه
جعلها بعض النفوس الغافله من قوتك=من جهل غدر البحر حقه يموت بقاعه

[نجم العبدالله]

بكى صبح المشاعر لابيض النِّيات ضيق وَّن=يسولف عن مضامينه وينفث حلمه المـوّات
بكى وابكى عيوني يوم أنا أجرع سمها وأكن=تفاصيل السنين اللي غدت من بسمتي تقتات

[نجم العبدالله]

يموت الحلم ويكفيني أعيـش بْطيفهـا لادن=أنادِمْهَ الغرام العف أهيم بْهمسهـا بسكـات
هذيك اللي عليها / منها / فيها / خيال وجـن=سقتني من شهد ذاك الغرام اللي رحل مامات
تسامينا لْأسامينا من اجلـه بـس لا / ولـن=يميل الرآس لو مال الخفوق لحبها بالـذات

[نجم العبدالله]

موضوع رائع كتبه أخي وزميلي الغالي الشاعر / عبيدالله الحربي ..
فأحببت أن تنال هذه المدونه شرف حلول فخامة هذا المقال..
نشوة القصيد
من الحالات الشعرية التي تنتاب الشاعر اثناء نظم قصيدته
حالة أسميها نشوة القصيدة و هي باختصار حالة نفسية يرى الشاعر فيها جمال و روعة و ندرة أبياته
و هي سيف بحدين ؟؟؟؟
الحد الأول ربما هذه الحالة أدت و ساعدت على كثرة التدفق الشعري لدى الشاعر في حالة نشوته الشعرية
و هذا شيء جيد
فبفعل تدفق الادرينالين ذلك الهرمون الشبه سحري
في حالة تدفقه في جسد الشاعر بفعل الاثارة الشعرية
يصاب الشاعر بتلك النشوة و القوة الذهنية التي تعصف بفكرة و تساعده على صياغة الابيات
فيارى جماليات لم يسبق لها مثيل في ما يقوله
و الحد الأخر و
أنه في حالة النشوة الشعرية لا يستطيع التمّييز بين الغث و السمين و الجيد و الركيك
فيرى أن المتنبي بدا قزما بين ضخامة و عظمة ابياته حديثة الولادة
لذلك النشوة الشعرية اذا لم يستطيع الشاعر التحكم فيها و السيطرة عليها ربما تكون خطيرة جدا لدرجة القتل
و القتل شدة الاعجاب بالنفس
عندها
ما هو الواجب على الشاعر عند شعوره بهذه الحالة ؟؟؟؟
الواجب عليه أن يطلق عنان قوافيه و ينظم ابياته و يشعر بثمالته الشعرية حتى ينتهي تماما من القصيدة
ثم من بعد ذلك يتركها فترة زمنية
سؤال ؟؟؟
ما مدى تلك الفترة الزمنية ؟؟
حقيقة أنه لا يمكن تحديدها بالضبط
فبعض الاخوة الزملاء من الشعراء تستمر عنده النشوة الشعرية من باب الاعجاب بابياته فترة ليست بسيطه
و يستمر الاعجاب لديه بابياته ردحا من الزمن
و لن تزول تلك النظرة الاعجابية لا بعد تأليف قصيدة أخرى
عندها يجب على الشاعر ان يعيد النظر في قصيدته السابقه
و يبدأ بتنقيحها بالمشرط و السكين و الساطور
و يفضل في بعض الاحيان استخدام المنشار الكهربائي و تمزيق القصيدة بالكامل و إلقاءها ي اقرب سلة مهملات
و هذا شيء ملموس
فأننا نسمع في الواقع أو نقرأ قصائد حقيقة يخجل البعض ان يقول مثلها
طبعا مع الخبرة و كثرة الاطلاع و الممارسة نجد تطور لدى الشاعر
و التفكير و التمعن و استخدام عين عدم الرضى تعطي الشاعر مساحة كبيرة لنقد ذاته و اختيار افضل التراكيب الغير مسبوقه
و البشر بشكل عام في جميع الامور يمرون بمراحل
ضعف من بعده قوة من بعده ضعف
و على سبيل المثال فإن هذه حالة تنتباني
عند نظم ابيات جديدة
أجد أن افكارا لم تطرأ على بالي قط قد قفزت في مخيلتي
وأرى روعتها و حسنها الذي يسرق الألباب
فاتركها فترة من الزمن فاعود اليها و ارى انها جدا بسيطه و ربما كان اكثرها مسبوق
و اذكر أن أحد الأخوة الشعراء
قال لي : أنه عند نظم القصيدة يشعر كأن شيطانا يلقي في صدره الابيات المعجزة
و بعد فترة يقول صاحبنا : كيف استطعت أن أقول هذه القصيدة ؟
فقلت له : أرني بعض تلك الامثله
فأراني نصا
و هو بحق جميل و رائع
و لكن ليس لدرجة أن شيطانه الشعري كان له دورا كبيرا في نظم تلك القصيدة
فقلت له : أن ما تشعر به عبارة عن هذه نشوة القصيدة
و لفت انتباهه لبعض النقاط البسيطه جدا
و ابدى و جهة نظره

و للجميع أطيب التحايا..
.

[نجم العبدالله]

من أجمل ماقرأت فحق للشعر الفخر بهذا النقاء

فأحببت أن تكون خير ختام لهذه المدونه..



من كلمات الأخت المبدعه

لبوة الشعر /

تهاني بنت بن جريس





انـزح وراك ولا تعـدّا حــدك=لبيوتنـا حرمـه وعـز وهيبـه
صحيح نرطن فالشعـر ونغنـي=لكننـا نحـد الخطـا والعيـبـه
نسرح مساريح البدو والطفـره=ولا امسى لنا دم ٍ عليك إنجيبـه
وإن كان ما استهديت يرحمك الله=عز الله إنك رحت فـدوت ذيبـه
اللـي يخـور افشِقنـا ياويلـه=ندفن جسـده ولا حـدٍ يدريبـه
لاصار ماقيمت نفسـك عنـدي=طيرت لك راس ٍ غدى ودي بـه
ابـلا سبـب مطنوخنـا ميلهـا=وش عاد لوهي ثورته توجيبـه
الورع فينا دوم يضرب صـدره=لا سيّر إل جاره ولا حِيـي بـه
لا تندب حظوظـك ولا ترعبهـا=بعد الكلام اللـي تبـي تعريبـه
حنـا كـذا لا دارت الــدواره=ربي خلقنا للخسيـس إمصيبـه




أخيرًا للجميع

من إخوة وأخوات عرفناهم أنقياء ولازالوا

فكان لهم في النفس نفس ماأعطوا من ود وتقدير وإحترام

من القلب

كالشكر وعظيم الامتنان .


على أمل أن نعود إن كان بالعمر بقيه


وكل عام والجميع بخير وصحة وعافيه..


أخوكم...

[نجم العبدالله]

عوده من جديد والحمد لله على سلامتي

بسم الله نبدأ

( رايق الولد اليوم ) :)

المهم :rolleyes:



النور نورك والبقـا فـي نـوَّك=والروض روضي والحلوم أَحلامي
يعني إذا مـالاح بـارق ضـوَّكْ=فكيت لك صدر الحروف إلزامي
ماجيت جيَّت من ضميره حوَّك=بسماته اللِّي ماحضـت بِيْهامي
لوهو عرف جو الحروف وْجوِّك=يمديه يفهم وين رمي الرامي
هو شاف حلم وجا بعلـم ولـوَّك=وطاحت من الخافق لراس بْهامي
كلمه وجيت آقولهـا لـو شـوَّك=قلب ٍ يدوِّج فـي هيامـه ظامـي
لو نختلـف !! لامَفْترقنـا لـوِّك=في غفوتك قلت لعيونـي نامـي

[نجم العبدالله]

كيبورد


:(


ياصباح الهم من صبح الظنون وملتقاه=أشهد أني يوم أوردها على بيرك شقي
ماجحدنا كف رقَّاي الخفـوق اللـي رقـاه=ولاطعنـا فـي تراتيـل النقيـه والنـقـي
خذ من أولهن مع الثاني على الثالث نقـاه=من ضمير ٍ لوغرق في وسط غباتك تقـي
إنثره ثم اجمعه كـود آتبـرأ مـن شقـاه=واستمع لي لين ابيِّن لـك معالـم مابقـي
هرش ضاري للهدير وقام يغرش من لقـاه=يحسب إن البيد مابه غير مفـرود ولقـي
جاه ربـع الحايمـه والا هديـره ماوقـاه=غير رَجل ٍ داخلي عن كل عيـب ٍ متِّقـي
إن وِرِد وِرْد المكارم وان شِرِبْ شَرْبَ التقاه=عايم ٍغايـم وشايـم حايـم ٍ بـي مرتقـي
عن مطامين العقول وعن سقـاه ومستقـاه=ماطحنا في رحـاه ولاانكسـر بـه بيرقـي
ياصباح الهم من هم الصباح وملتقاه=أشهد أني يوم أوردها على بيرك شقي





رقَّاي الخفوق : من الرقيا وليس من الارتقاء

[نجم العبدالله]

قد يعتقد البعض بل يجهل بأن من كتب الغزل ماهو إلا إنسان عاطفي بالدرجة الأولى

ومن كتب الهجاء بالذود عن نفسه ماهو إلا بالعدواني

ومن أسرف في كتابة الرثاء إنسان يصعب عليه مواجهة النوائب

ولكن

من جمع بين اللين والقسوة والشدة والعاطفة هو من حمل معني (الانسان) ،

فالانسان الحق من كان في المواقف التي تتطلب منه الشدة قاس ٍ

وفي المواقف التي تتطلب منه اللين ليِّن هيِّن

ولنا في أسلافنا خير مثال

[نجم العبدالله]

وش يحجب القلب لاصار الهوا طارق=واشواق قلبي تبا تلعب على طرقـه
اسمع إ/بحر الهوا كم راح به غارق=واقول ياصاحبه لاهنت وش فرقـه؟
إلين مامرني مـع رمحـه الـزارق=واشوف روحي غدت بأقصاه مغترقه
نور ٍ وسحر النقا في مقدمه شارق=أرْقِب بْرجم الهـوا وآخايـل بْرقـه
غديت عنده أنا المحتال والسـارق=ماكني اللي وقع في مكـره وسرقـه
نهَّاب قلب وْيَمد إ/خطاه ويفـارق=وانا على نيِّتي والكبد محترقه

[نجم العبدالله]

الشاعر / جلال الاسعدي

يانجم بحرٍ مآلحٍ ثآيرأموآج=مآبه أمآن و مَركب الطيب شَآجب
آسف عن الإزعآج لوكنت محتآج=مآكنت أبرضى منه قسم الجَراجِب
صدقت فِيه الطَيب واحرجني إحراج=وارخيت له وألّينت مثل الروآجِب
ثوره طلع جسآس والشيخ خـُـفـَـآج=و(الكُّتَّع ُالحجاج ) في دور حآجب
سَّلمت وَابغى منك توصف لي علآج=سَلآم سُنه واخبر الردّ وآجِب




نجم العبدالله

لاهنت تسلم / والبقا بك متى ماج=وانا ومَمْلك في يمينك حواجب
أسطى مْن العبرود واقسى مْنَ الشاج=والْيَن من صدور الثمان النواجب
والا الردي لو تمنحه تسعة افواج=أجوف خفا لو ظاهر الصوت لاجب
خله وقفل ناظر العين بسياج=حتى يدرهم لابعد الناس راجب
دام النوايا بيض والكف هداج=ماضر زرعك ياليدين السناجب

[نجم العبدالله]

http://www.youtube.com/watch?v=WuT6ZiFBGUU&feature=player_embedded#!

[نجم العبدالله]

صباح البوح ياروح الغلا ياجـزره ومـدَّه=صباح البسمة اللي عوَّدت من دمعة الغِيَّاب
أناظر دمعة عيونه ومدَّ الحـرف وآشـده=أتمتم له وانا منه شبيه الواثق / المرتاب
سقاني لين مانبت الحنايـا المجدبـه ردَّه=بعد مامات من فاس الليالي في يد الحطاب
أمانه ياحمام الشوق إ/خذ مكتوبي وْوَدَّه=وقله ياعسى عمري فدا دمعاتـه السِّيَّـاب




http://www.almlf.com/get-7-2011-almlf_com_sgpycpmy.gif (http://[URL]http://www.almlf.com)

[نجم العبدالله]

آه من بعض الهجوس اللي تْدرِّج لافيه=والحقايق محتبسها داخلـي ومْطيِّـره
جابها جلابها ظمن الهـروج الهافيـه=يوم كل ٍ قام يشعب من ظمـاه بْعَيِّـره
يالله إني في ذرا كفك وهي لي كافيـه=كان دارت ياحليـم ويارحيـم تْحيِّـره

[نجم العبدالله]

(هو فيه أحد يقدر يغيّر منهجي
لاقال : أجي ؟

هو فيه أَحَد دايم يتمتم : وش تبي
لاقلت : أبي !!!

هو فيه أحد ينزل لي من أخر سماه
إن قلت : آه !

هو فيه أحد ؟

لا والذي لاوالدٍ له أو ولد

غيرك فلا به من أحد)

[نجم العبدالله]

لك اللَّه...والمشاعر صادقه ماتقبل التَّسويـر=حروف ٍ طاهره فاضت على دِجْلَتْكْ وفْرَاتِـك
صباح الخير أَو تدري!! أَشوفك يامساي إ/بخير=بمان اللَّه وانا كلَّي فدا حزنـك ودمعاتـك

[نجم العبدالله]

أنت ياللي سريت بْداخلي مع ثلاث=نبض روحي وتفكيري ومدَّت يدي
كان زاد الوله بك مايبي له حثاث=فك سِبْقَ اليدين وتلِّني من غدي

[نجم العبدالله]

كيف باصبر ودمعك مستبيح العيون=وكيف عيني تنام وهم قلبي بعد
كيف وانتي لعيني يانظرها سكون=وكل دمعه تطيح إ/طيح دونه بلد

[نجم العبدالله]

(إحترامك للأوادم يعني إنـك محتـرم=وإنتقاصك للأوادم يعني ناقصك إحترام)
واحد ٍ يجهل بْطن الارض ويروم الهـرم=لوتغنى بالنعايم / ماوصل طهر الغمـام
من قرن طير الهويدي فيك ياطير الحرم=باطنه فيح وسموم وظاهره برد وسلام
ماعرف أني اشوفك يالنقا في ذات أرم=لوتهادى!!ماتصاد ولاتساد ولاتسـام

[نجم العبدالله]

مالوم صدر الفضا لوضاق من دونه=أَنام واصحى على عصفورة أشجانه
لاذب ترنيمته في عالِـي غصونه=أَروح وابعد واجي مع جرِّة ألحانه
مجنون سَاق العمر لعيون مجنونه=موَّات في غيبتي وان مت من شانه

[نجم العبدالله]

بالله ياللي متى مامر توحونه=قولوا له انه طوى هالحلم بأكفانه
أما يسوق البقا ويسوق مضمونه=والا قطعت الرجا من سيف خذلانه
ولَّت سنين العمر ماطاحت مْزونه=واللي بقابه سوا لو شح هتَّانه

[نجم العبدالله]

أنت ياللي تجول بْداخلي مع ثلاث=نبض روحي وتفكيري ومدَّت يدي
الوله كان زارك مايبي له حثاث=فك سِبْقَ اليدين / وتلِّني يابعدي
من يدين السنين الباليات الرثاث=وقل لعينٍ بكتني آمني وارقدي
يعجزن الليالي فوق قاع أو دماث=والخطا به ثوابت بس أنا مقصدي
كل كف ٍ تشوفه دارجه للعباث=قلتها.. لا ..وربك والبلاد بْلدي
غير تِلد الاصايل من بطون الرغاث=وكل قرط ٍ يخايل!!يآرد الفرقدي
حينها ماتلام وكل نبض استغاث=قله انَّا افترقنا / لا وخنت وْعدي

[نجم العبدالله]

ياعيونٍ خذاني سحرها لين عاث=ياكفوف ٍحوتني بالضلـوع وْحـدي
وسط روح ٍ نقيه ماوطاهـا خَبَـاث=لاعيون الحقير ولايديـن الـردي
عطرها للخفوق وشوكهـا للغثـاث=سالفة عشق غنَّت للسحاب أبجدي
كاتبه مع شذاها السوسني ابتعاث=لاجمل ايام عمري معلنه مولدي

[نجم العبدالله]

سالفة عشق ٍ ولاهي بالخفا قامت تنظم=من على وضح النقا ماداست الرفه تنمَّر
يامحمد لونوصِّف ساحة البيت المعظم=قالوا أقصر وش لقيت بمدحك العاهل معمَّر
مالقينا خير في وقت ٍ به العاقل تقظم=وسط غيظه يوم غيره ماشغلنا لوتذمَّر

[نجم العبدالله]

تعال وحط لي راسك على قلب العنا من جاي=نبي نعرف فداك العمر من الهادم !! من الباني !!
فداك العمر وشوش لي وش اللي تسمعه جواي؟=من اللي يانظر عيني سرقني نومي الهاني؟



http://www.almlf.com/get-7-2011-almlf_com_sgpycpmy.gif (http://[URL]http://www.almlf.com)

[نجم العبدالله]

وين انت ياطير الخفوق اللي على عرشه تهاد=الله حسيبك كن مالك مع ثرا القلب دْوجه
ياخي اذا ماكان لك به من زمن شف وْمراد=وش لك بنكث جْروحه اللي غافيه وسط أدرجه

[نجم العبدالله]

يومين وجلاب السهر بالعين محرمني الرقاد=مامر طيف الا وتل الروح يمك وفلجه
شفني لفيت وحالفٍ لاغيب عن عين العباد=لوكمَّل الثالث من ايام الغياب المزعجه

[نجم العبدالله]

مع السلامه ولكن لو لحقني ملام=ابا اعترف لك وانا اللي مارجيت اعتراف
هن كلمتين ٍ وخذهن يالخوي بالتمام=ياواحد ٍ كنت أشوفه مثل غيره مناف

[نجم العبدالله]

الشاهـد الله ونيـات الخلايـق حْيـام=سحابتين ٍ وطاحن ثـم لفنِّـك خْفـاف
مالك بهن لامقـام وْلامحـط وْمنـام=طاحن بقفرٍ قفاه مْن الهبايب نِشاف

[نجم العبدالله]

زفوا التهاني وافرشوا له ورد والكادي طريق=وانا علي لعيونها تـاج القصيـد وطوقهـا
أجيه في عذب القصايد لاجل عينه واستريق=أَجمل تعابير الفرح من مهجتي وصندوقهـا
من شان لامن جيت أَقدمها / أقدمها رحيق=من قدها لوتطلب النجمات جيت آسوقهـا
تقول يفداك العمر ياضي عيني لاتضيق=واقول ياضي العمر ليت العيون بْموقها
تفقد نظرها كان أشوفك بين زفرات وشهيق=ولانذرت الروح روح لبسمتك وشروقها

[نجم العبدالله]

ماجيت أنا ابن ام عبد أو جيت في دورالعتيق=ولاتمثنيت العرب ثم صحت أنـا فاروقهـا
مسلم واصلي واعبد الرَّحمن سبحانه واريق=عذب المعاني من مفيض الملهمه وحقوقها
لكن عليك الله تعال وقـرِّب شويَّـه وويـق=وناظر حنايا خافقي من غيبتك وش ضوقها
بانت بقايا حسرتين ودمعتين ونشف ريق=شوق ٍيحايلنا يتل الروح من معلوقها
تدري!!عساها هالعيون إِن ماوفت لك ماتفيـق=أَو ليت جلاب السهر يبات داخل موقها
ماتهت أَعاين للنعايم والثِّريا واستفيـق=وإلا على سفو الشِّجر والشَّمس وقت فْلوقها
نمشي على وضح النقا ياصاحبي باول طريق=وإلا الليالي لو قست نلعب على طاروقها

[نجم العبدالله]

يلومني أحد الاخوة بإعجابي المفرط بأحد الشعراء المبدعين

فكان مني هذه الابيات مداعبة أخويه ...:)


يامضيِّر هالمعاني هات قلِّـي وش تضيِّـر=واللَّه إِنَّك لو تضيِّرها على بطن المعاصـر
ماتثير / ولاتثور / ولاتجيـر / ولاتجيِّـر=غير هزلات الْقصايد يوم كفِّينِـك قواصـر
واضحه كل الْوضوح وحايِـره لوماتحيِّـر=بين شبره بالكفوف وبين شبرك بالخناصر
مادريت إِنَّ المعاني طايله والفكـر نيِّـر=ماخذ ٍ دور القوافي مثل دورك بالبواصـر
وش يجيب اللِّي توَجَّد في وليفه ياصغيِّـر=يم بيَّاع الشعور اللي على النِّيَّـه يباصـر
ذاك لاهب الهوا غنى مع الغربي مطيَّر=من مشاعره الدفيَّه فوق مطوي الخواصر
مثل فعلك بالخفا ساعة تحايل بـه مسيِّـر=بس ماشابه وقوفك يالسوي يومك تناصـر
أوزن أهداف المعاني طهِّر النيـه وعيِّـر=واضبط أحكام المبادي قبل ضبطك للعناصر

[نجم العبدالله]

جيت طالب عذر والا مدور سماح = وكبرت الدمعه فعينك وهليتها
انت راع الخناجر وأنت راع الرماح=يوم قلبك عليّه ليه سليتها
خل عنك الكلافه وأنت عم الجراح=لاتهمك ضيوفي والحشا بيتها
والله أني ذراها عن هبوب الرياح=عنك حدب الظلوع حصون وصيّتها
دمها ما يضيع وسدها ما يباح=كل مانام طرف الليل سريَتها
الحنايا مفاليها وقلبي مراح=أقهر الها مع الغبشه وضويتها
لو حطب زلتك نارٍ ليا شب طاح=قلت جمره وبأطاها ودميتها
بس جرح الخيانه والعذر مايباح=الخيانه تبيد الارض وتميتها
رح بعين النقا وجروح قلبي سلاح=كل ما صاحت من الوجد لبيتها
إن سلمت الهجاد ابشر بها فالصباح=مقبلات الليال تجيك ما جيتها
ماغدالي حقوق ولا كسر لي جناح=وقوم تاطا طرف ظلي توطيتها
دام شلت السلاح ومنك شلت الجراح=ودع الله ضيوفي والحشا بيتها




رائعه من روائع ابن سرحان


فوجب علينا الوقوف اجلالاً واحترامًا لكل من يكتب الشعر بهذا الاتقان


الا ان اني اعتب عليه بعدم المشاركة بهذه الفرائد في قسم الشعر :)


مبدع للأمانه ويستحق المتابعه



7
7
7

http://www.thooq.com/vb/showthread.php?t=25171&page=2




..

[نجم العبدالله]

http://www.almlf.com/get-10-2011-almlf_com_3xegtwb6.amr



..

[نجم العبدالله]

وش على هم الصدور وضيقته وجروحه=ووش على ليل ٍسريته في مغبِّ جْراحه
نبتدي صفحه ونطوي صفحة مشروحه=والجروح اللِّي مـن أَوَّل باقيـه نيَّاحـه
وش خذيت وْوِش بقا ياطفلة المرجوحه=غير همٍ بالضلـوع وغيبتـك ورماحـه
كم وانا لي كم يانبض الغـلا ياروحـه=واعذب حروف الْقصيد بغصنكم صدَّاحه
الدُّموع اللَّي تخالط عبرتك مـع نوحـه=وين أَبا القى له دوا يادنيتي والرَّاحـه
ليتها بي / بس تعتق ناظرك مسموحـه=لو خذت من وسط عيني يالغلا مصباحه
فدوة ٍ لك هي وروحي لو غدت مذبوحه=بس أَشوفك في حياتك بعدهـا مرتاحـه
أذكر إني قلتها يوم الخفوق وسوحـه!!=مودعه بين / اليدين / الناعيه / الذبَّاحه
والا انا ماعاد تفرق جيتـك والروحـه=أقصد أنه قد تساوت جيتـه بْمرواحـه
أشربي فنجان وصله...لاعدمتي بوحـه=واحد ٍ من كثر حبـك بسمتـه نزَّاحـه
وافتحِي له باب قلبك يرتمي بصروحـه=وارسمي حلم السِّنين الموجعه وافراحه
بارك الله في سما البارح وبارق ضوحه=يوم طوَّح في مهب الملهمـه مسباحـه

[نجم العبدالله]

يامصعر خدك لْصفق الهبـوب=ياذكي كم قلتها لك حس حـس
لاتذم الشمس وتعيب الغـروب=ولاتنادي بالنقا وانت الأخـس
(الذكاء لو يلِّبس لك لبس ثوب)=كان تدري الحبل ماهو لك يمس
ياذكي ماادري متى ودك تتوب=وكل لعبه بعدهـا ينقـال بـس
إلزم العزله وكفـن يالرحـوب=بهرجة صدرك وعضها بالفلـس
مانفع حذف الحجاوي بالدروب=حاضرٍ لبَّس غبا الماضي دنس
هب ياذيك المظاهر والجـروب=خاويه لو ظاهر الهـده نفـس
من خذا عن ساتر ذْنوبه ذنوب=طاح في كف الرديه وانتكس

[نجم العبدالله]

أكتبوها مع اللي يوم أنا أقول بيـت=قال رجلي بدرب الهايفه ماغـوت
واشطبوها عن اللي يوم أنا أقول ليت=قال هذا الهوا منَّـه عروقـي روت

[نجم العبدالله]

وين قلبك يوم أجر الصوت ياروحي ونادي=وين يانبض الخفوق اللي تغنت لك سنينه
يعني عادي هالغياب وحيرتي والصمت عادي=ياثقل دم الحنين اللي بقلبك تحمليه
هاك قلبي والطعون الغبر من دون الثنادي=هدهديه الين تغفي قسوة الحظ وحنينه
سقم حالي وآعذاب القلب من جور التمادي=كيف تسقيني جفاك واذكرك واقول وينه

[نجم العبدالله]

ياهشيم المواني عن لذيـذ المبـات=أسال الليل هالقمراء وش اللي حوت
مابها الا انا واياه وسبع إ/جْمَـرات=من على راس عيطا نحذفه لاعوت
كل كبد ٍ نما به من كريـه النبـات=لين ماالارض تنفظ سمَّها لاهـوت

[نجم العبدالله]

توها عيني تهنَّت توها بالنومه=وتو ماارتاح الضمير وغردن أحلامي
يابعد نبض الخفوق ورجفته وحلومه=ويابعد روحي وياعيني وفيض إلهامي
جيت أغنيها هيام ونيِّتي مرسومه=باعذب حروف القصيد ولاجرحت صْيامي
بس قلي يامحمد جعل يومي يومه=لا عهد ياجعلها قبله تروح ايامي
يامحمد وش علاج التربه المسمومه=كيف تنبت زهرة اللوتس بقاع ٍ ظامي !!
ويش طبه والهبايب فوقها محمومه=قشرها طش الغمام وجوف بطنه حامي

[نجم العبدالله]

ودعتك الله ونبض الروح يامشقِّي=قلب ٍ ملكته عجز غيرك ولادقَّه
تعبت أنادي لطيفك وانت متوقِّي=لكن يالو جيت دمعة ناظرك وقِّه
تقول تقدر تغيب؟ أقول من حقِّي=أغيب عنك وهذي دقه بْدقَّه



:)

[نجم العبدالله]

توهـا عينـي تهنَّـت توهـا بالنومـه=وتو ماارتاح الضمير وغـردن أحلامـي
يابعد نبض الخفوق ورجفتـه وحلومـه=ويابعد روحي وياعيني وفيض إلهامي
جيت أغنيهـا هيـام ونيِّتـي مرسومـه=باعذب حروف القصيد ولاجرحت صْيامي
بس قلي يامحمـد جعـل يومـي يومـه=لاعهد ياجعلهـا قبلـه تـروح ايامـي
يامحمد وش علاج التربـه المسمومـه=كيف تنبت زهرة اللوتس بقاع ٍ ظامي !!
ويش طبه والهبايب حولهـا محمومـه=قشرها طش الغمام وجوف بطنه حامي
حالف ٍ ياكـل ريـح ٍ دونهـا ملطومـه=لين أشوف الارض تلفظ سمَّهـا قدَّامي
1...... 2 ...... و3 ...... و4 مختـومه=في ضرير ٍ مات دون الياسمين الشامـي
مبصرٍ مير البصيـره غرِّتـه بالسومـه=ضاحك ٍ سنه يحايل كـل عُـود ٍ نامـي

[نجم العبدالله]

ياعماااااار تقل هذا ركني

تقول لي سنه عنه

:)


ياهشيم المبانـي عن لذيـذ المبـات=أسال الليل هالقمرا وش اللي حوت
مابها الا انا واياه وسبع إ/جْمَـرات=من على راس عيطا نحذفه لاعوت
كل كبد ٍ نما به من كريـه النبـات=لين ماالارض تنفظ سمَّها لاهـوت
ياشتات الثبات وياثبـات الشتـات=وقف هناك واسمع ضيقة ٍ بي دوت
جمَّرت في ضلوعي غيِّبت للممـات=صافنه لو بوادرها بعينـك ضـوت
الردا والمطامع والخـزا والرفـات=في دهاليس صدر وكل نفس ٍ غوت
والتقا والمكارم والنقـا والفـرات=نبع روح ٍ سقاها ربهـا وارتـوت
لين بيَّن لها بالكف فعـل وسمـات=مثل مابان في كف الـردا مانـوت
إن ذبحنا السوالف إذبح الحايمـات=وان لفنِّك ظنونك أقهـره لاستـوت
قلها استغفر الله لوقضبنا العصاة ت=ماجهمنا نـدوِّر جـرة ٍ ماانـزوت
أو وطينا بروض وبه نـدوِّر سبـات=يوم انا جيت أعدِّل نيِّتـك والتـوت
ياهشيم المباني عن لذيـذ المبـات=أسال الليل هالقمراء وش اللي حوت

[نجم العبدالله]

خبِّروها قبل ترحـل والخطـى مدميَّـه=كان فاضت من عيونه دمعة ٍ مسكوبـه
يعلم اللَّه مامشـت رجلـي دروبٍ غيَّـه=ووَاللَّه إنِّي يوم جيته جيِّتـي محسوبـه
فاتحٍ لِه باب روحي من صفـات النِّيـه=يوم قلبِي دون غيـرِه مقفـلات ٍ بوبـه
كم تثنَّـى قـدم عينـي فلَّـه وجوريَّـه=ولا تملكنـي شـذاه ولاقطفـت ذنوبـه
لوسعيت لضيقته يومـه تزيـد الكيـه=كان لاهب الهوا جيته علـى مسحوبـه
أنثر أَحـلام السِّنيـن وضيقـة ٍمكميَّـه=وارسِم البسمه ولوهي من زمن مسلوبه
وآشمٍ خمسة حروفه داخلـي مـن نيَّـه=وكل حرفٍ ماكتب له واضح ٍ عذروبـه
أدري إنِّي يوم أَشوفه كل عـرقٍ فيَّـه=يرتجف له بس قلبي ماجهـل مطلوبـه
إيه أَحِبَّه أَعشقه أهـوا شهـد طاريَّـه=لوغدت كف الوفا في مقصله مصلوبـه
إيه أحبه والسنين الماضيـه / محميـه=في ضمير ٍ ماحمل غير النقا في ثوبـه
إيه أحبـه والصحايـف كلهـا مطويـه=يوم انا ابني من زمن طوبه وتهدم طوبه
ياحروفي وقفـي حطـي وفـاك هنيـه=سامح الله خاطري والله يِحَفْـظْ دْروبـه
خبِّروها قبل ترحـل والخطـى مدميَّـه=كان فاضت من عيونه دمعة ٍ مسكوبـه

[نجم العبدالله]

إيواللَّه إني سعيـد وطيبـه حالـي=أحيان أَهيجن فضا واحيان لي طربه
لو جيت صوب النهر واركيت تمثالي=ماجيت أَدوِّج ظما واركض ورا شربه
لكن تعال إْستمع مـادن فـي بالـي=واترك سهام الهوا والرمح والحربه
هي كلمة ٍ حايره عن مجمل أحوالى=وخذ منها ماتبـي واحذفـه للتربـه
حييت يوم الغـرام الـذرب حيالـي=وانكفت يوم إِختلط جمعه على ضربه
والاحروف الغـلا لا شلـت موالـي=لافرج الله علـي لوفرجـت كربـه
ماشفت غير العتب يسقى ويهدى لي=واقول حي التعب ماابيـك تشعربـه
ماكنك اللي عقـدت بْحلمـك آمالـي=ولاكنك اللي ثلاث سْنيـن تفخربـه
لاغبت كن الوجع مِنْك إ/يْتهادى لي=واغيب واذكر حنينك كيف تجهربه
الله يخلـف تعـب حلـك بترحالـي=اللي لاجل دمعتك حرفي تقاطـربه
حلم ورقيته يقيـن وكـان مقيالـي=حولت منه وخل البـوم تشهـربه

[نجم العبدالله]

كيبورد


والله اني حالف ٍ لاتي بغيرك=وسط عين وَّسط قلب ٍ مستحله
به لحاله لاعهد ماهو خشيرك=دون هم ودون غم ودون عله
كم لفتني من غرورك واستجيرك=بعد ربك بي ترفق لاتتله
قدرك اللي حافظه لكن سعيرك=أحرق اوراق الوفا بوسط سجله
واجد اللي قادر ٍ يمحي عبيرك=صادق ٍ ياكم حكت لي دمعة ٍ له
مثل دمعك لاذرفته من نظيرك=طاهر ٍ دمعه عساني فدوة ٍ له
والا انا حارم على ميراد بيرك=مثل ماهو حارم ٍ قلبي تحله
رح بمان الله في شرَّك وخيرك=وارفع كفوفك لربك واستظله
في صلاة الفجر والا في أخيرك=دامني بأدعي عليك (استغفر الله )

[نجم العبدالله]

النور نورك والبقـا فـي نـوَّك=والروض روضي والحلوم أَحلامي
يعني إذا مـالاح بـارق ضـوَّكْ=فكيت لك صدر الحروف إلزامـي
ماجيت جيَّت من ضميره حـوَّك=بسماته اللِّي ماحضـت بِيْهامـي
لوهو عرف جو الحروف وْجوِّك=يمديه يفهم وين رمـي الرامـي
هو شاف حلم وجا بعلـم ولـوَّك=وطاحت من الخافق لراس بْهامي
كلمه وجيت آقولهـا لـو شـوَّك=قلب ٍ يدوِّج فـي هيامـه ظامـي
لو نختلـف !! لامَفْترقنـا لـوِّك=في غفوتك قلت لعيونـي نامـي
البارحه نشكـي الفـراق وتـوِّك=من همستك طاح الحطب قدامي

[نجم العبدالله]

سلامي على وارد ثرا القلب والنزِّال=تركته قبل يومين وانقطعت أحواله
تركته قبل يومين مدري يجوز إهمال=عساه إ/تِدارك مابقابي من إهماله
عزاي بْغيابه لو غيابه يسم الحال=متى غاب عن عيني تحسسـت منزاله
احبه وابا احبه وله بالخفوق اجلال=الا ليت طاولني التعب بس ماطاله
أحِبه وابا احبه ولو حال دونـه حـال=فلا برت في وصله ولا بـار بوصاله
أجاذب سنا حبه وغني على الاطْـلالْ=وياكم شلت موالي على دمـع مواله
فلاني بعايل لا ولاني قصيـر أحبـال=ترفعتِ عن عمَّ الرديـه وعـن خاله
كميت العلوم وقلت ياتـي لهـا حـلال=بعد طالت القاله وسـط سـوق دلاله
عسى من يخون العهد للهم والسـلال=يصبح على همـه ويمسـي بسلاله

[نجم العبدالله]

سالفة عشق ٍ ولاهي بالخفا قامـت تنظَّـم=من على وضح النقا ماداست الرفه تنمَّـر
يامحمد لونوصِّف ساحة البيـت المعظَّـم=قالوا أقصر وش لقيت بمدحك العاهل معمَّر
مالقينا خير في وقت ٍ بـه العاقـل تقظَّـم=وسط غيظه يوم غيره ماشغلنـا لوتذمَّـر
كل مطعوم ٍ يجيبه طارف القوم إيتهضَّم ظ=البلا في موس والد لاعرض وابليس زمَّر
جعلها ياجعلها مني مـن المتـن إترظَّـم=للوطى لو قصَّرت كفي عن الطيب وتسمَّر
إن شربنا ماقربنا بير نوح ولا جرظَّـم=غير نبع ٍمن ثلاث أعوام كفي له تشمَّـر
جف واحيته اليدين الطاهرات اللي تعظَّم=قدرها يوم إدمعت لي عينها والقلب جمَّر
حايره ماتدري اني من لظى الشوق آتكظَّم=أقرب شويه وباعد خطوتي واهمس تأمَّر
غير ياقوت المعاني واليماني ماتلظَّم=أحبس انفاس القصايد لو حنيني فيه ثمَّر

[نجم العبدالله]

انت ياللي ماخذ ٍ من كم شهر تفكيري=قل لطيفك يافديت دموعك المنهله
لايجي صوب الضلوع الباليه ياطيري=مايكفي مر قلبي من شهور وتله
آتجلد لين ماطاح الرشا في بيري=وين قولك لاحرمت بجيتك هالطلَّه ؟
باح سدي يوم قلَّت حيلتي وتدبيري=بح صوتي وسألي عني بعد غرم الله




:)

[نجم العبدالله]

ول ياقلب ٍ حفظته ماحفـظ تقديـري=كيف طاعك يوم عيني ماغفت في حِلَّه
يعني البارح لفيت ومختلف تعبيري=وش حداني؟ ليه جيتك؟ ويش انا ساع ٍله؟
غير قلب ٍ محترق لك مارضا تخييري=لاجل اقول ان السكوت بْذِمتي أحسن له
ضايق ٍ صدري عليك وتشتكي تقصيري=أسالك بالله قلِّي وش تبي توصل له ؟

[نجم العبدالله]

يارب تدمح خطاي وتغفر ذنوبي=يالله وانت الذي عالم بزلاتي
لاحل يومي ولاصار الكفن ثوبي=رحماك لاتجزي أعمالي بسياتي

[نجم العبدالله]

لكل من مر من هنا

http://store2.up-00.com/Nov11/7bg90983.jpg (http://www.up-00.com/)



و



http://store2.up-00.com/Nov11/srl90983.jpg (http://www.up-00.com/)

[نجم العبدالله]

وينك لفيت أعايدك واستسمحك لاهنتِ ي=حفظت لك حاجه ولكني كفرت بْحاجه
حفظت لك معنى الوفا في حين به آمنتي=واسقيت لك نبع الهوا من كنت ِ لي هداجه
وكفرت في معنى الوفا ياليت لوماخنتي=دربٍ جهلتي مدخله ماضعت عن مخراجه
واليوم لاوالله يالو في داخلي عاينتي=تدرين عن طب الهوا ساعة جهلتي علاجه
خنتك قبل يومين عهد وقاطعه بس انتي=عساك تلقين العوض / واللي مضى بادراجه

[نجم العبدالله]

تعال واتهجنـي / يالقـاري العـايف=من أول طعون حرفك لاخر الخامس
واحد إثنين وثلاثه وْاربعه وْفايف=قلِّي هن الفجر والا ليلي الدامـس ؟
ياما على شانهن كم لافني لايف=كم طاولني وطالن صوتي الهامـس
بس أعترف لك وربك عالم وشايف=خمسة حروفك فلا يطمسهن الطامس
لوقلت خنتك وناظر خافقي كايف=نويت لكن!!عهد مامسَّه اللامس

[نجم العبدالله]

مشاركة كانت عن عقوق الوالدين عسى الله ان ينفع بها ،
فاحببت أن تكون بلسان الأب لابنه.
نسأل الله أن يجعلنا من البارين بوالديهم وان يصلح الذرية لنا جميعَا..


وآحر قلبـي عليـك وْمِنْـك وآحـرَّه=والعين نوم العرب ماصاحب أهدابـه
أسرح مع الوقت من خيرعلى شـرَّه=وارفع كفوف الدِعَاء من وسط محرابه
يالله ياللـي تعافـي العبـد واتضـرَّه=من عق في والـده لاترحـم ترابـه
ماكني اللـي لاهـي مـره ولا مـره=يوم انت توِّك ولاتدري وش اشقابـه
أمسي على بَحْرَها واصبح على بـرَّه=أدوِّر الرزق مـع ذيبـه ومـع دابـه
أتعب ورا المال واشقـى فيـه وآذرَّه=من فوق متنك ولاحسبـت لحسابـه
أبيك تخلـف تعـب وّالِـدْكْ وتبـرَّه=إن طاب وجه الزمان أو كشر بنابـه
ولا شفت غير الجفا والكبـد مجمـره=فتحت قبـري قبـل لاينفتـح بابـه
لاعاد تاتـي علـى قبـري ولاتمـره=تعال شف عقرتك بالصدر مضرابـه
لكنْ وانا ابوك أقضب علمي وصـرَّه=وصيتي لـك قبـل لاابـوك يسرابـه
من بر فـي والديـه الخالـق يبـرَّه=يرزقـه مـن يعقبـه وثيابـه ثيابـه
واللي عصى والده يِرزَقْ على الجرَّه=دينٍ تبـي تاخـذه مايقصـر نصابـه
لابـد ماتفهـم الـمـوال واتـجـرَّه=شيء ذكره الولي فـي محكـم كتابـه

[نجم العبدالله]

من روائع أخي المبدع :

( صالح الثبيتي )





ياذكريات الزمان وما طوته السنين=بروازك الصمت بوح الصمت في صورته
ودي وودك على البرواز تتمردين=الجرح .. لاتدفعين العمر فاتورته
من رحمة الله بخلقه كلَف محاسبين=محاسب الذنب والثاني لكفارته
آمنت بالله ومقسومي وخط الجبين=والغيب محدن قرا في رموز سبورته
بعثرت شك الليال ولا وصلت ليقين=البست همي قصيدي ما ستر عورته
ميزان الايام يفتح عين ويصك عين=يلعب بنا مثل لعب الماء ونافورته
الى متى والدم الحامي يجر الحنين=عيا يبيح الزمان ولا هدت فورته
باقي ياسود الليال وسود الايام دين=بركان كبت المشاعر ينذر بثورته
اما تعزوت يساري وانصرتها اليمين=وعديت بحر الجنون بعين سنيورته
ولا عليَ العذارى يصفقن اليدين=الموت ماضاقت البيدا من قبورته
طير القفص ماشدا باللحن دامه حزين=فكوه ينسج بحلمه عش عصفورته
يضحك بطير القفص جاهل ويبكي فطين=يطرب على الجرح من لاسد فاتورته




لله در الحرف وعنفوانه في أكف المبدعين
فحق لي الانبهار منه حين وقوعه

..

[نجم العبدالله]

منهو رقص للطار يامحرِّم الطـار=ضلع ٍ يصيح وضلع طاح امتهاوي
اهديتني نـار الشـواوي وقيتـار=ورديت عنك داخلي كـل عـاوي
لين اشتعل منك على ثلجهـا نـار=تبغى تداوي وانـت ودِّك مـداوي
اسقيتني دم ابرق الخلـق قنطـار=وسط الضلوع وفوق راس الندواي
حتى التوى عم الشياطين بالـزار=فوق الذبايح واللجـج والغنـاوي
لاعادها ليله بها الشيـخ سمسـار=الطير روَّح دون فرخـه سمـاوي
منهو يحب النار يرقص على النار=دم الدخيـل بْ ثـار دم الجـلاوي
باكر يدور الوقت واقول لـك دار=يوم التويبع جاك وامرح خـلاوي
ماقول انا لـك ثـار وآرده بثـار=ولاقول انا كم لي وانا لي رجاوي
احذف سواليف الحجـاوي لعمـار=اسمع ولاتكثـر عليـك الفتـاوي
الطير كانه بار فـي يـد صقـار=يطويه عن عين الصقاقير طـاوي
لو كان شبره بينهم عشرة اشبـار=راحت ورا الهقوه كثير الهقـاوي
لايلتوى ظنك ولاتضـرب اقطـار=مافاد في طير الهويـدي نخـاوي
سمَّار قم والعب على مود سمَّـار=عرق ٍ نمت روحه على قلب ذاوي
هذا هو اللي صار يوم الوحش طار=مافاد به قصر العلـف والدعـاوي
يموت في كبد السماء موتت احرار=يصبح على كفه ويمسي رهـاوي
أخير له من قولت الجار للجار=قم عش طيرك وش بلا الطير ثاوي

[نجم العبدالله]

من سجن القوافي
الشاعر خالد بن منشار

صباح الخير ياسجن الغلابـه=صباح ٍ ينتثر فـوق الجبينـا
ودام انّي انا المسجـون يآبـه=بجيب اللي على شانه سعينـا
هلا بالنجم ياللـي طـال نابـه=هلا به كل ّ مـا سيّـر علينـا
وماجد يا هلا بـه يـا هلابـه=رضى بالسجن واحنا به رضينا
وبن هادي ضحك ضحكة ذيابه=ولكـنّ بالكلبشـه لـه غدينـا
بسوقه للسجن واقفلـه بابـه=وارجّـه ليـن يتوسّـل إلينـا
شبابه يا شبابـه يـا شبابـه=نبي نختم على الجاني سنينـا
كفيله لا يجي يفقـد صوابـه=ويرجـع خالـي ٍ والاّ رهينـا



نجم العبدالله

هلا به ثم هلا باللي لفابـه=توقف له بحور الشعر مينا
نرسيها على سجنه رحابه=نفك الضيق من قبل ايحدينا
نرقيها سما مع من رقابـه=سقينا من زلاله واستقينـا
ولا نرجي من الوقفه ثوابه=عطينا قل عسانا ماخذينـا
مدام الكون وافراحه ومابه=يمين الله لو هو في يدينـا
تساوى مع جناحين الذبابه=ضحكنا من سبايِبْهْ وبكينـا
بعد غيبة هذاك اللي غيابه=(غياب الكون)..لكن ماعلينا
تعال اقول ياحضرة جنابـه=قبل لايلفي الهاجس يجينـا
ابي اسالك لكن دون اجابه=عسى ماسولت نفسك تبينا

الشاعر خالد بن منشار

هلا يامرحبا بك وانـت لابـه=نشد ابك الظهر لا من سرينـا
وانا نفسي معك فوق السحابه=وانا وياك قيف ن مـا يلينـا
قساة الروس ما نحسب حسابه=ندرجهـا ولا يخسـر حدينـا
والى من سولت نفس ن خرابه=نخربهـا ولكـن مـا نهيـنـا
نغوص البحر ونطامر شعابـه=ونصطاد اللذي صيـده ثمينـا
نعرف الدرب ودروب الغرابـه=وصاحبنا ترى عقلـه ذهينـا
يجينا والعرب تطلـب صعابـه=وصعبه سهل لا منا اشتهينـا
ودام ان الهوى كل ن مشى به=معك ماشـي وتاليهـا تزينـا

نجم العبدالله

سلام الله سـلام ٍ مانشابـه=سوا ريح البختري لاشدينـا
نسوقه لك وفا..عز..وذرابه=على الطاروق سمينا وجينـا
ننادم من سرا الهاجس وجابه=زرعنا بس تدري وش جنينا!!
سؤال ومات مانجهل جوابـه=مثل مامات حلم !! ومابنينـا
جعل ماهي بحقـه مستجابـه=يالو في يوم من ضيقه دعينا
نكمل !! لااااا يكفي مابقابـه=جحيم ولـه رمينـا مارمينـا
كريم الجرح لويبرا مصابه=بقى رسمه لك الله ماحيينـا
نعق وسط ابيض النيه غرابـه=عسى الاجواد تعطي ماعطينا
طوينا هالمعاني في ركابه=وباكر يحكي اللي ماحكينا

الشاعر خالد بن منشار

توّرط صاحبي واسمع عتابـه=يعض اصبع ويصفق باليدينـا
يقول اشطاحني في هالنشابـه=وصرت اليوم في سجني سجينا
عليك الله يانجم اعتـزى بـه=تفك ايديه من سجن ٍ حصينـا
تـراه اليـوم متولّـع شبابـه=واخاف ايشيب راسه لو كوينا
من البارح وحاله ما هنا بـه=مغرّز فوق طعس ٍ لـه قوينـا
واذا يانجم تنشد عـن ركابـه=ترى راكب على خيل ٍ حسينا
ويمشي درب تزداد الحصى به=لجل ما يلحقه جيـم ٍ وسينـا
وانا جنّبت عن سينك وما بـه=والفّ السالفـه قبـل اتعمينـا

نجم العبدالله

عمت عين الرويبض وابتلابه=سلمت وخل عنـك ماشكينـا
طواري والهوا هب وْعدابـه=هجير الشوق هـم ومبتلينـا
سنين وراحت لعينـه نهابـه=غدينـا لاوربـك ماغديـنـا
نزعنا كل عرق ٍ قـد حيابـه=ولا بعنـا بغيـره او شرينـا
غناة النفس توْرِثْك المهابـه=شربناها شرف لين ارتوينـا
صباح الخير ياصبح ٍ غدابـه=رثينا قلـب او حتـى نعينـا
صباح الخير وسطور الكتابه=نبي نسلاه وادفـن مااشتكينـا
نبي نكفل سجينك والبقا بـه=تسـع ابيـات لكنـا نوينـا
نجيبك دون هوش ولاطلابـه=محط اللي بسجنـه يحترينـا

[نجم العبدالله]

نفتـح البـاب والا نغلقـه يالرتيـق=لاجديـد ونضيفـه او قديـم ويـقـال
شي واحد واظنـك تعرفـه يالعريـق=مكمنه وسط روحي ياعسـاه الـزوال
نوب يلفي بشوق ونوب يلفي بضيـق=يوم جمر المفارق له بروحي اشتعـال
ليت حلم ٍ غفى ياليت لو هـو يفيـق=كم لعب بالحنايـا كـم تربَّـع وجـال
طفلة وكن ربي خالقـه مـن رحيـق=جل منهو خلقهـا بيـن حسـن ودلال
كنهـا يـوم قالـت يالغـلا لاتضيـق=تلت القلب مني غصب بنـت الحـلال
راحت ايام عمري في يديهـا حريـق=ليتها يوم غابت غـاب معهـا سـؤال
ويش ذنب الخفوق اللي غدت له شقيق=ويش ذنب الرجل لاحب بنت الرجـال
حالف ٍ في غلاها يالخوي لَ استريـق=اعـذب الشعـر واصبـه لعينـه زلال
مانصـوغ المعانـي لالفظنـاه زيـق=يايجي نقد صافي . او ذبحت الخيـال
باطن الصوغ نار وظاهره لـه بريـق=مثل صوغ الذهب مابين حال ٍ وحـال
نار تلفظ زفير ونـار تلفـظ شهيـق=لين عقد الذهب يزهى بعيـن الجمـال
لوتشوف الصخر يحمل معالـم طويـق=اعرف انه يشيل اللي عهـد مايشـال
اترك الحرف خله في دموعه غريـق=لو يهمهم غيـاب ولويتمتـم وصـال
عل ضيق المحاني لو يـروِّح طليـق=نطرق القاف بسمه في جحيـم الليـال

[نجم العبدالله]

الله يرحـم كبيـري يـوم وصـانـي=حفظتها له وشفت اليـوم مصروفـه
(يقول اسمع) ولبـى عنـده السانـي=حبيت راسه وكفه..قـال مـن جوفـه
(يقول رافق) وقلت القاصـي الدانـي=نوفي مع اللي وفا لاشانـت ظروفـه
(يقول وقِّر) وقلت لسانـي حصانـي=نحفظ حقوق العرب ونـرد معروفـه
(يقول شاور) وقلت المـوت لاجانـي=من يضرب الخلق كله من ورا شوفـه
(يقول اصبر) وقلت ان شفت ماارداني=رفعت كفي عسـى النيـات مخلوفـه
(يقول تسلم) وضقـت وقـام نادانـي=قلت البقا بك فداك العمـر وصروفـه
انشهـد انـه هـذاك العـود ربانـي=صقرت طيري مثل ماتصقـر كْفوفـه
قل الحديث او كثـر ماقـل ميزانـي=العلم وافـي وكـف العـز مخطوفـه
بقيت يوم الولي من فضلـه ابقانـي=فوق الثريا وراس الجـدي واكتوفـه

[نجم العبدالله]

ياكبرهـا لاطـاح مِنْـك احتمـالـك=يطيح من بعده من عزومـك الحيـل
وياشينهـا لاصـار حتـى خيالـك=لاارتحت ساعه راح يسحب لك الويل
تطرد سـراب ٍ راح عنـك ولا لـك=غير التوجِّـد والسهـر والمواويـل
ياكم سهرته من لظى الضيق هالـك=وياكم بكاه الجدي وابكيت انا سهيـل
ارثيه حسـره لـو أقـول امتمالـك=وانعيه في وجـه الليالـي تراتيـل
ضاقت بعد ماغـاب كـل المسالـك=اسال عليه الليـل واجـاوب الليـل
ياليل!! لاغـاب القمـر مالفالـك!!=هو فيه احد غيره يسامِـرْك قنديـل
عليـه دمـام الحنـايـا امتهـالـك=لاتنشد اهل النيل وش يعنـي النيـل
الشوق مايعـرف حبيـس ٍ ومالـك=راحوا من اسبابه زحول الرجاجيـل
ياطول خيـط الليـل ليمـن طرالـك=فرقا تسوق الروح للضيـق تنكيـل
عليك ياللـي مـن عنـاه اشتكالـك=قلب ٍ يسريني على اربع محاصيـل
الطيب والنيَّـه وظـرف ارتحالـك=والرابعه جمره بْ صـدر المقابيـل
الله يبيـح الشـوق لاجـا مجالـك=والله يبيحـك ياعساهـا تساهـيـل
دام البقالـك والـوفـا والغـلالـك=ماهمني يوم ازفر الضيـق وآكيـل
ايوالله افـدى بسمتـك مـع دلالـك=وافدى دلع روحك ودمع المضاليـل
كلمه طرت لي يـوم قلبـي حكالـك=زيدي عذاب القلب (بلحيل بلحيـل)

[نجم العبدالله]

ياهلا بك ياعلي عز الخـوي يالصبـري=ماجهلت بْ طيب نفسك والله اللي خابـر
بس كلمه واستمعها واسبره من سبـري=وانت مثلـك أدري انـه للمعانـي سابـر
الشعر ساعة كتبتـه ماخذلنـي شبـري=لا ولاحتى كسرني فـي بحـوره شابـر
ماخذيته من خيـال المنطـوي المبـري=اكتبه حاضر بحاضر مااسهـره واكابر
يرحم الله من فتـح باعمق بحوره قبـري=بعد موته فـي محـط العابـره والعابـر
ذاك لوخالط غرامه من عرفتـه حبـري=ماحرمني نوم عيني يوم انـا لـه قابـر
ياعساه اكبر غنيمه في عيـون العبـري=مابقى له شيء واحـد يستحـق اثابـر
علها بعض الطـواري علهـا ماتبـري=من على سبع الجوارح والزمان الغابـر
لاجل تِشْرَبْه المحاني لانفذ بـي صبـري=واحلف الخاين يموت ولايموت الصابـر
من خذا حبل الوتين ومن سكن به جبري=لو يجي حد الكرامه لااقطعه مـن الدابـر
كيف اجل باللي وقف ضدي بصف اللبري=بعد ماكنت ال طعونه لازهمني جابر
لاحرام اني دفنته قبل يرخص تَبْرِي=في وسط سوق الرويبض لوعليه يْكابر
ياعيون البارحه نامي قريره / وابري=ياجروحه جعل ماله في زمانه ثابر
ياعلي جتْك المعاني واسبره من سبـري=دام مثلـك والله انـه للمعانـي سابـر

[نجم العبدالله]

ياهلا بالفارس اللـي مارمانـي مـن جـوادي=مادرى انـي للعبيـه جاسـر ٍ مانـي مجسَّـر
مرحبابـه والنوايـا ماضربـنـا فـيـه وادي=والمعاني الصافيه في صـدر اهلهـا ماتغسَّـر
جيت لك جيَّت هذاك اللي عهد ماهوب غـادي=لاطلع(كاشـف وحش،مطلـق عمد)لاماتوسَّـر
ماعرف غير النوايف وان هوى فوق الثنـادي=تشبعه يمناه من جدع اللحـم قبـل يْ تبسَّـر
ماخذ ٍ كف العقـاب وكـن ريشـه يالمنـادي=من ظهر دهم النسور الساطيه ساعـة تنسّـر
كيف لو وزنه بوزن الطير قلي هـو يفـادي؟=اعتقد ان المعانـي واضحـه لـو ماتفسَّـر!!
يعني اسمع لاعدمتك والقوافـي مـن زنـادي=جالبه لـك والكفالـه مـن يمينـك ماتعسّـر
ان كتبنا نفرق الصافي بياض امـن السـوادي=في وسط سوق القوافي نجلب المعنـي ميسَّـر
وان عزفنا نعزف المعني كما ريشـة عبـادي=لين يسري كل حرف بْ ثومة القلـب وْيفسَّـر
مانحيد عْنَ المبادي وانـت تـدري بالمبـادي=راسخه في قلب منهو له زمانيـن يْ تحسّـر
من غياب اللي خذت عرش الحنايا هي مرادي=ضلع صاح وضلع طاح وضلع بيديهـا تكسَّـر
لاطرت لي كل عرق بْ وسط قلبي له ينـادي=يرتجف له لين احسَّه من لظى الشوق يْ تمسَّر

[نجم العبدالله]

تدري وش يفرق خيالك عن خيالـي=كنت أسوقه لك سريَّـه مـع سريَّـه
وتدري وش يفرق حروفك وارتجالي=ألعبـه لاجيـت لـك فيَّـه وفـيَّـه
وتدري وش يفرق سؤالك عن سؤالي=لازفرت الشوق قـم واسمـع دوَّيـه
وتدري وش يفرق وصالك عن دلالي=شلت عَنْكَ الضيـق ورديتـه هديَّـه
وتدري وش يذبح عزيزين الرجالـي=لاطعنك الوقـت مـن كـف أجوديَّـه
وتدري وش تعني طعونك واحتمالـي=لو يشيب الراس تبقـى بـي نديَّـه
وتدري وش يعني وقوفك وارتحالـي=هذا تسأل عَنْـه قلـب العامريَّـه
وتدري وش يشفع لكفِّـي لاطرالـي=نفسي اللي من فضـل ربـي نقيِّـه
ماعرفـت العـب بقلـب ٍ مابكالـي=ولاتحايلـت النطيـحـه والـرديَّـه
كنت اظنـك في حياتي راس مالـي=وكنت اشوفك فرحت العمـر وسميَّـه
لين ماركَّـزت فـي ظهـر الليالـي=خنجـرك واليـوم لاتبكـي علـيَّـه
احـرق اوراق الغـلا لاجـا مجالـي=مثل ماروحـي عـن الماضي غنيِّـه
يرحم الله وقتك اللـي قـد مضالـي=ويرحم الله من لفاك بْ طيـب نيَّـه
لو كذبت وقلـت لـك مرتـاح بالـي=لاوربـي جمرتـك بالـروح حـيَّـه

[نجم العبدالله]

http://kll2.com/upfiles/Voz40713.jpg (http://kll2.com/)

[نجم العبدالله]

حي البيـوت وحـي منهـو طرشـه=جن غايمات وهـاك جنِّـك حايمـات
وش لك بـدولاب المحانـي تنبشـه=كانك تبي المكنون يامـال الغنـاة ت
وشوش لي الله لايضرك وشوشـه=من شان أبين لك علوم ٍ خافيـات
عن طب روحي عن حياتي ونعشـه=عمر وقضيته في متون العاديات
تسمع لهن مع جرهد البيـد اقرشـه=نار تقـادح مـن حوافرهـن فتـات
اغلاهن اللي يوم انا اجيهـا اغبشـه=طلقا يميـن ولـه ثـلاث محجـلات
كن الذهب في مفرعه ربـي انقشـه=أجمل بنات الريـح والوقفـه ثبـات
ولو خيروني قيل لك يـوم وعشـه=يعني امنيه ان كـان باقي امنيـات
قلت اخبروا خالـد يولِّم مفرشـه=بين الضلوع اثقل من جبال السراة ت
من ضيقةٍ وسـط السويـدا تنهشـه=امن الصباح اليـن ماعيني تبـات
نبغى نسج الرجل طوع وننعشه=الخاطر اللي بين ضيقات وشتـات
عساي اهيجن للسنافي وادوشه=في وسط سيحان الحماد المعشبات
مع خايع ٍ به لام سالم شولشه=لاجرِّت الموال في راس القتات

[نجم العبدالله]

الله يبيح الشعر والعـذب تحديـد=اللي رمى صـدر المغنـي وفلَّـه
الين عـاف النـوم ذاك المقيريـد=طرق ٍ يشل الروح وطرق ٍ يتلَّـه
غنى مع الهاجوس شوق اتلع الجيد=لاغمضت عينه طعونـه لفـن لـه
مايدري ان اربع من اربع مفاريـد=يوم الجمل يهدر لفن درهمن لـه
لولا هجار الزمل والثانـي القيـد=في كف من ساقه عن الروض كلَّه
يمدي رعن نبت الحيا دون تفريـد=بس العقـل لاحـل منهـو يحلَّـه
ماودي اذكر ماخذا الوقت واعيـد=والحق كانـك جاهـل ٍ بـه ندلَّـه
اللي بسوق الشعر يبغى المعاويد=نفاخ كير ومقعده في مَلَّه
واللي تغنى به يبي منه تمجيد=مزنة خياله ماروت غير ظلَّه
واللي سرق من كفتيـن القواصيـد=عمر القصايد عمرهن ماعون لـه
واللي تغنى بالشعـر يومـه وْلِيدْ=ماهو ابلا حاسـب الْ نقَّـال جلَّـه
ماحاد ياعوق المثايـل ولا يْحيد=عن طبعه اللي قبل شوفَـكْ جِبِلَّـه
يلعب مع النسناس قبل الجويريد=حتى الثريا من زمن عشقة(ن) له
ان غض طرفه عنْك لاجل الاجاويد=والاوله لمعزبـك حشمـة(ن) له

[نجم العبدالله]

ليه تشكي غن ياسالـم سـلام!!=وانت صاحب فكر وادراك وفهيم!!
العرب لوميـزوا روس النعـام!!=إختلاف الراي من وقت ٍ قديـم!!
لو تجاهد بالشعـر مليـون عـام=وسط ساحـات ٍ تـورِّدك النعيـم
اختلـف فيـه المـأذن والامـام=بين سين وجيم سين وسين جيـم
طبعهم من خلقـت آدام بانقسـام=وش ورى يوم انكروا رب رحيـم
والعـدو لامارجينـا لـه وئــام=واكبر احلام العدو حول الحطيـم
يمِّمَـو نيَّاتهـم قـبـل الفـطـام=مثل من ساقـه علـى أم الكليـم
الهَمَامْ الله علـى وقـت الهَمَـامْ=راح مع خالد وابن غنم الزعيـم
بعد بصرى غرب درعـا بالتمـام=بعد ذل الفرس من كـف العديـم
يوم جيش الروم روَّح به حطـام=الشجاع اللي بقـا منهـم سقيـم
قبل ماهي عـزة المسلـم تسـام=بين روس الكفر وابليس الرجيـم
(ياء..ميم..وواو..تاء) ولايضـام=من سرى في داخل عروقه حميم
اربع حروف ولها وقـع الحسـام=ماحسبها حامـل الفكـر العقيـم