(((( لا تحاسبني ))))

[مشاري السعيد]

لا تحاسبني على غلطة غلاك
________غصب عني ماهو بيدي ابتليك

مبتلي بنبضي تنفس في هواك
________ وكل خليه تسكن بجسمي تبيك

كل ما بنسى الاقيني معاك
__________ وكل ما ببعد الاقيني اجيك

وكل ما امشي الاقيني وراك
_________ وكل ما اوقف الاقيني بيديك

لا تقبلت السماء شفته سماك
________كل كوني وكل حولي لك وفيك

احس كلي باعني فيك وشراك
_________ وانا لو بيدي ابيعه واشتريك

مقدر اشكي للملا حالي معاك
________ وانا جيتك بشتكي حالي عليك

انا مثلك هم بشر ماني ملاك
_________نخطي ونزعل وبالتالي ابيك

لا نبيع الحب في هذي وذاك
_______ اللي بيني وبينك اكبر من هذيك

القصايد والشعر كلهم فداك
__________ والقوافي والمعاني تفتديك

بهالقصيده اعتذر واطلب رضاك
________بعتذر لك واترك الباجي عليك





http://www.youtube.com/watch?v=bFHhQBz6gH0

[ذوق.كوم]

صح لسانك مشاري


ياهلا فيك نورتنا بعد الغياب

تحياتي

[سمية الظبي(ام فيصل)]

لا تقبلت السماء شفته سماك.... كل كوني وكل حولي لك وفيك

صح لسانك اخوي مشاري
قصيده جميله
تقبل مرورك لاهنت

[الحوراء بنت نجد]

مشاري السعيد

كلمات وجدانية تهامس الذائقه بكل عذوبه

صح الله لسانك00 وحياك الله بعد غياب

لك تقديري

[مشاري السعيد]

ذوق - كوم .... شكرا على الاطراء .
اما من ناحية الغياب انا غبت بكلماتي ولكن لم يغب وجداني .. ودمتم

[مشاري السعيد]

سمية الضبى .....
شكرا على المرور والاطراء .
ولو سمحتي اطلب منج تنسيق القصيده لاني ما نزلتها بالشكل اللي يناسب منتداكم .....ذوق
مع الشكر الجزيل . ودمتي

[مشاري السعيد]

الحوراء بنت نجد .. لا يسع التعبير قدره واجاده لما هو مرسوم بحروفك فمنكم نتعلم
مع الشكر الجزيل .. ودمتي

[مشاري السعيد]

شكرا على التعديل