صالح الهلالي
05-23-2010, 07:53 PM
بعد طول غياب
/
\
موقف حدث لشخص عزيز
وقمت بترجمته في بويتات
اتمنى ان ترتقي للذائقه
وان ترسم البسمه
\
/
\
يا هاجسي / ارســـــــم ملامح دعابه
واطلق صخب بسمه على جــّو الاحباب
من شــان عين اللي تعـــب في شبابه
حاول / عسى يضحك من الناب للناب
واكسر قيودك يا سجيـــــن الرتابه
بس الحذر .. لا يصلبونك بمصلاب
السالفه : يا ليل / حزني زهابه
ما همني جورك وشمعك ليا ذاب
شايب صدم في بنت فيها ذرابه
حاول يبـــادر للبنيه بالاعجاب
واثر البنيه ما تطيق الشيّابه
وهو يعــّـد الشيب فاتن وجذّاب
قالت يا عمو .. قال مغرم صبابه
قالت وجع / قال ايه بالحيل منصاب
قالت بلا .. قال البلا / بي نصابه
ردت تأففف له / وهو خاطره طاب
شانت معاها .. بين ضيق وغرابه
ذا الشايب العاثر بعد ما كبر عاب؟
قالت توكل .. قال قلبي عذابه
طاف الضلوع وطال عينين واهداب
قالت ترى عزوة عيوني ذيابه
لولاك شايب جوك مغليني احزاب
قال الفضا / فيه الصقر والذبابه
وآنا كفو لا يخدعك وسم الاتعاب
اقنص عنود الريم واتقن صوابه
واذا فتحت الباب من يقفل الباب؟
اهناه في ليل ن عشيري هنا به
واقتل يهود الشوق لو قالوا ارهاب
واعرف لزوم المرجله والقرابه
وافي معى ربعي وجاري والاغراب
عندي ثلاث ورابعتهن مصابه
في ساقها كسرين والدمع صبّاب
طلقّتها .. واصبح كياني خرابه
دعت علّي .. وسهمها بالعنا صاب
والحين قلبي جاك حاسب حسابه
مبداه شرع الله وبالطيب طلاّب
ماشي على هدي النبي والصحابه
يسعى لقربك صدق ما جاك كذّاب
قالت يا ابو عكاز من أي / لابه؟
وكم رصيدك بين مكتوب وحساب؟
وان كان لك ثروه ولا انتا زلابه
هذي شروطي دون تفصيل واسهاب
ابي قصر ديلوكس ما فـّك بابه
وابي الحرس من دار عكفان الاشناب
وابي الخدم من مصر وآديس بابه
وابي الذهب يملا ثلاثين دولاب
وابي المواتر غاليه ما تشابه
معها ونيت وشاص وردي وقلاّب
وابي حديقه تحتوي الف دابه
في وسطها بيت الشعر ما له اطناب
وابي السفر من عقب مكه وطابه
في ديرةٍ ما حولها عج وتراب
ننسى عنا الديره وجوع الغلابه
ونعيش حريّه مع الجنز والكاب
ولا عاد نبلش بين زير وربابه
الا بعد ما نرقص البوب والراب
ذهاب ما يفرض علينا ايابه
في طايرتنا بس انا وانت ركّاب
قال القبيله يا الطويله/ عتابه
وافي من الهيلا وللنار شبّاب
صغيرنا للضيف ما صك بابه
وافعالنا ما تنتظر صرف واعراب
لكن شروطك سببت لي كئابه
لأن الفقر يا بنت الاجواد حطّاب
يفنى الموظف في مطارد سرابه
وبالتقاعد ظن حلم العمر خاب
واللي حصدته بعد طول الشقا به
ساهمت به واقفا معى فتحة القاب
ردت له انعم كلن اسمك يهابه
لكن يا ابو عكاز شرواك نصــّااااب
يعني على شيبتك لو ما انت آبه
تبي حلاي؟ومسكنك حفرة الداب
ياللي قرب حتفك وحظك / غرابه
نعق بشوم الفال من راس مرقاب
حكمك صدر / يزهاك حد الحرابه
لا عاد تاقف للغنادير حـــّـراب
/
\
لقلوبكم الورد
/
\
موقف حدث لشخص عزيز
وقمت بترجمته في بويتات
اتمنى ان ترتقي للذائقه
وان ترسم البسمه
\
/
\
يا هاجسي / ارســـــــم ملامح دعابه
واطلق صخب بسمه على جــّو الاحباب
من شــان عين اللي تعـــب في شبابه
حاول / عسى يضحك من الناب للناب
واكسر قيودك يا سجيـــــن الرتابه
بس الحذر .. لا يصلبونك بمصلاب
السالفه : يا ليل / حزني زهابه
ما همني جورك وشمعك ليا ذاب
شايب صدم في بنت فيها ذرابه
حاول يبـــادر للبنيه بالاعجاب
واثر البنيه ما تطيق الشيّابه
وهو يعــّـد الشيب فاتن وجذّاب
قالت يا عمو .. قال مغرم صبابه
قالت وجع / قال ايه بالحيل منصاب
قالت بلا .. قال البلا / بي نصابه
ردت تأففف له / وهو خاطره طاب
شانت معاها .. بين ضيق وغرابه
ذا الشايب العاثر بعد ما كبر عاب؟
قالت توكل .. قال قلبي عذابه
طاف الضلوع وطال عينين واهداب
قالت ترى عزوة عيوني ذيابه
لولاك شايب جوك مغليني احزاب
قال الفضا / فيه الصقر والذبابه
وآنا كفو لا يخدعك وسم الاتعاب
اقنص عنود الريم واتقن صوابه
واذا فتحت الباب من يقفل الباب؟
اهناه في ليل ن عشيري هنا به
واقتل يهود الشوق لو قالوا ارهاب
واعرف لزوم المرجله والقرابه
وافي معى ربعي وجاري والاغراب
عندي ثلاث ورابعتهن مصابه
في ساقها كسرين والدمع صبّاب
طلقّتها .. واصبح كياني خرابه
دعت علّي .. وسهمها بالعنا صاب
والحين قلبي جاك حاسب حسابه
مبداه شرع الله وبالطيب طلاّب
ماشي على هدي النبي والصحابه
يسعى لقربك صدق ما جاك كذّاب
قالت يا ابو عكاز من أي / لابه؟
وكم رصيدك بين مكتوب وحساب؟
وان كان لك ثروه ولا انتا زلابه
هذي شروطي دون تفصيل واسهاب
ابي قصر ديلوكس ما فـّك بابه
وابي الحرس من دار عكفان الاشناب
وابي الخدم من مصر وآديس بابه
وابي الذهب يملا ثلاثين دولاب
وابي المواتر غاليه ما تشابه
معها ونيت وشاص وردي وقلاّب
وابي حديقه تحتوي الف دابه
في وسطها بيت الشعر ما له اطناب
وابي السفر من عقب مكه وطابه
في ديرةٍ ما حولها عج وتراب
ننسى عنا الديره وجوع الغلابه
ونعيش حريّه مع الجنز والكاب
ولا عاد نبلش بين زير وربابه
الا بعد ما نرقص البوب والراب
ذهاب ما يفرض علينا ايابه
في طايرتنا بس انا وانت ركّاب
قال القبيله يا الطويله/ عتابه
وافي من الهيلا وللنار شبّاب
صغيرنا للضيف ما صك بابه
وافعالنا ما تنتظر صرف واعراب
لكن شروطك سببت لي كئابه
لأن الفقر يا بنت الاجواد حطّاب
يفنى الموظف في مطارد سرابه
وبالتقاعد ظن حلم العمر خاب
واللي حصدته بعد طول الشقا به
ساهمت به واقفا معى فتحة القاب
ردت له انعم كلن اسمك يهابه
لكن يا ابو عكاز شرواك نصــّااااب
يعني على شيبتك لو ما انت آبه
تبي حلاي؟ومسكنك حفرة الداب
ياللي قرب حتفك وحظك / غرابه
نعق بشوم الفال من راس مرقاب
حكمك صدر / يزهاك حد الحرابه
لا عاد تاقف للغنادير حـــّـراب
/
\
لقلوبكم الورد