سعيد مقبل الأكلبي
05-11-2010, 03:10 PM
http://www.gazlaltmathel.com/up//uploads/files/g7b76da24d9.mp3
احدٍ يبيها تجي من غير مايدري=واحدٍ درا غير راحت عنه ما جاته
ماهيب من صيد من يمشي وهو عبْري=ولاهيب ترتاح للي طوّل سكاته
سر ياقلم وادْ مجهودك من الحبري=اللي لامنّه كتب بانت كتاباته
خل الحبر فوق مصقول الورق يجري=من شافه يقول يامجْمل عباراته
انا عرفت الكلام الزين من بدري=لكن مانيب آقوله غير باوقاته
مانيب في كل ديوانيه آهذري=وماجيبه الا ليامن قيل لي هاته
وان كان وجه القصيد مشوهه جدري=دكاتر الشعر يلْزمهم مداواته
ماهوب لامن نشدّته قَدّم العُذري=حتى طبيب الادب ضاعت اماناته
يانعنبو واحدٍ ذراه مايذري=لاكان بين العرب تكْثر علاقاته
لاصار ماغير فالمعطان وايهَدْري=واصغر قعودٍ على الما يقْطع لهاته
فان النبط مايبي دكْتورِه الفخري=وماهوب يحتاج للدكتور وابياته
والفلسفه فالشعر مفهومها عصري=والا الشعر من قديمٍ فاختراعاته
مافيه شيٍ يسمّى فالشعر حصري=كلٍ يقدّيه رايه واجتهاداته
احيان يطري علي واحيان مايطري=اللي يشوف العرب بعيون نّياته
مع كل موضوع تلقا مخّه ايحَدْري=ويجيب سيّاته اللي قبل حسْناته
يعني لو اني بغيت آقول ياعمري=يطلع علي سئ النيه بطلعاته
ويقول في داخله وسواسه القهري=وش قوم ابن مقبلٍ يضْهِر خفيّاته
مانيب فاجابة المتحدّث بمزري=لكن راعي النوايا كيف اجاباته
احدٍ يجي مع نفق واحدٍ على كبري=كلٍ على نيّته تبين غاياته
والحب سمّوه من سمّوه بالعذري=من كثر زلاّته وكثر اعتذاراته
مفهوم توّه جديد ومنتجه فكري=وآحب منتوج فكري وابتكاراته
يابُصر عقلي على تفكيره وبُصري=كلٍ مع التجربه تضهر قناعاته
لاكان مايعْجب المكتوب والمقري=راعي البهارات معْجبْته بهاراته
محدٍ بياخذ على وزره بعد وزري=من ضاقت ارضه فلا ينسى سماواته
كم واحدٍ فلْسفاته قد مشت جبري= وكتابه يخلّص وتنعاد طبعاته
مجاملات العرب والمبلغ المغْري=تصنع جماهير وتسوّق خرافاته
اما يجي حلّها عند العرب جذري=والا يكب المشرّه كثر شرهاته
والظاهر انها بعد جتني وانا مدري=وكم واحدٍ ودّه ابها غير ما جاته
احدٍ يبيها تجي من غير مايدري=واحدٍ درا غير راحت عنه ما جاته
ماهيب من صيد من يمشي وهو عبْري=ولاهيب ترتاح للي طوّل سكاته
سر ياقلم وادْ مجهودك من الحبري=اللي لامنّه كتب بانت كتاباته
خل الحبر فوق مصقول الورق يجري=من شافه يقول يامجْمل عباراته
انا عرفت الكلام الزين من بدري=لكن مانيب آقوله غير باوقاته
مانيب في كل ديوانيه آهذري=وماجيبه الا ليامن قيل لي هاته
وان كان وجه القصيد مشوهه جدري=دكاتر الشعر يلْزمهم مداواته
ماهوب لامن نشدّته قَدّم العُذري=حتى طبيب الادب ضاعت اماناته
يانعنبو واحدٍ ذراه مايذري=لاكان بين العرب تكْثر علاقاته
لاصار ماغير فالمعطان وايهَدْري=واصغر قعودٍ على الما يقْطع لهاته
فان النبط مايبي دكْتورِه الفخري=وماهوب يحتاج للدكتور وابياته
والفلسفه فالشعر مفهومها عصري=والا الشعر من قديمٍ فاختراعاته
مافيه شيٍ يسمّى فالشعر حصري=كلٍ يقدّيه رايه واجتهاداته
احيان يطري علي واحيان مايطري=اللي يشوف العرب بعيون نّياته
مع كل موضوع تلقا مخّه ايحَدْري=ويجيب سيّاته اللي قبل حسْناته
يعني لو اني بغيت آقول ياعمري=يطلع علي سئ النيه بطلعاته
ويقول في داخله وسواسه القهري=وش قوم ابن مقبلٍ يضْهِر خفيّاته
مانيب فاجابة المتحدّث بمزري=لكن راعي النوايا كيف اجاباته
احدٍ يجي مع نفق واحدٍ على كبري=كلٍ على نيّته تبين غاياته
والحب سمّوه من سمّوه بالعذري=من كثر زلاّته وكثر اعتذاراته
مفهوم توّه جديد ومنتجه فكري=وآحب منتوج فكري وابتكاراته
يابُصر عقلي على تفكيره وبُصري=كلٍ مع التجربه تضهر قناعاته
لاكان مايعْجب المكتوب والمقري=راعي البهارات معْجبْته بهاراته
محدٍ بياخذ على وزره بعد وزري=من ضاقت ارضه فلا ينسى سماواته
كم واحدٍ فلْسفاته قد مشت جبري= وكتابه يخلّص وتنعاد طبعاته
مجاملات العرب والمبلغ المغْري=تصنع جماهير وتسوّق خرافاته
اما يجي حلّها عند العرب جذري=والا يكب المشرّه كثر شرهاته
والظاهر انها بعد جتني وانا مدري=وكم واحدٍ ودّه ابها غير ما جاته