حـصـل مـاجـهـلـنـاه ==@)

[مشعل بن عطالله]

السلام عليكم ورحمة الله وبركاتة

من له رآي أو ملاحظه فلا يبخل علينا
فلم نأتي هُنا إلا لنتعلم ونستفيد
من أهل الخبره .

الله يعيد أيـام حجـن قضينـاه=بنفس الدقايق والصدوف الجميله
كله لعين اللي جعل نبرة الـلآه=بين الضلوع اتقول لجـة قبيلـه
ماني بلاقي فالوصايـف حلايـاه=تتعب عيوني ماتوصـف مثيلـه
موتٍ نزع قلبي من أدناه وقصاه=بنظرة عيـونٍ تايهـاتٍ كحيلـه
الله يبيحه كـان سـوا سوايـاه=اللي بسلم الحب ماهـي قليلـه
يشرلي ابعينه وتضحكلي إشفـاه=ويحن لي حن الخليـل إلخليلـه
وجاني عجل يبغا يميني بيمنـاه=وأنا على لامـاه ميـت أجيلـه
لاكن في لحظه حصل ما جهلناه=لين الأمل خاوى دروب الفشيله
حالوا حجيج البيت عني بمبـداه=حتى إني ضيعته بدمعـه ثقيلـه
وناديتله بصـوت ياهيـه يايـاه=عطني عهد وايمان ربي لشيلـه
قال الوعد حذراك حذراك تنسـاه=في نفس موعدنا نجي ونعنيلـه
قلت أبشر ابعزك على ماتمنـاه=تلقانـي قدامـك وذا مايبيـلـه
ثم اختفى صوتـه ورددة ويـلاه=واصبحت جثه عقب فقده قتيلـه
ويارب عيد أيام حجن قضينـاه=بنفس الدقايق والصدوف الجميله

[ذوق.كوم]

مشعل

ياهلا والله فيك

صح لسانك شاعرنا القادم

قصيده رائعه


تحياتي

[سمية الظبي(ام فيصل)]

حتى إني ضيعته بدمعـه ثقيلـه

تلقانـي قدامـك وذا مايبيـلـه



اذا سمحت لي ملاحظات على ماسبق


وهذا الشطر لو كتبته هكذا كان جميل
ناديت له بالصوت ياهيه ياهاه


القصيده جميله وحرام يوجد بها أخلال تضيع نكهتها


تقبل مروري

[تركي بندر]

صح لسانك مليون يامشعل

[مبارك آل عمار الدوسري]

مشعل

ياهلا ومرحبابك بين اهل الذوق

متمنين لك قضاء اجمل الاوقات واسعدها


انت شاعر جميل ونصك ليس عليه ملاحظات من ناحية الوزن او القافيه

عدا الشطر اللي ذكرته القديره سمية الضبي


لكن لي ملاحظه بسيطه مع اني اشوف ان القصيده كتبت في موقف

ولكن هذا الموقف موقف حج !!

ولو عدلت الحج بالعيد لكان في نفس السياق والمضمون وافضل من وقت الحج كونه وقت عباده

حتى في قفلة الابيت الاخير بدل الحج .. العيد..

ولو حذفت هذا البيت من القصيده لن يختلف المعنى وراح يكون النص في نفس السياق

حالوا حجيج البيت عني بمبـداه
حتى إني ضيعته بدمعـه ثقيلـه


تقديري لك