صــوت وصــدى جديــــــد..

[فـــواز القثامي]

البدع
الشـاعــر
نواف أبراهيم السميري


جني بنات ألفكر وام العفاريت=تضرب على صدري وتظهر دررها

تقول أنا لاجل ألسماري ترا جيت=ألنادر اللي فكرته ما سررها

بنات فكره مادخلها تناهيت =حابكلها ألقيفان معنى بررها

ياألله تجيره من عيون ألسواحيت=الي على العربان بين ضررها

ياصاحبي فواز فالوقت تشتييت=ماعاد نعرف ضبها من وررها

جتنا رجال تدعي ألعرف والصيت=وأهل ألمعرفه عودت مع جررها

شبت شبايبها وتخلطلها الزيت=وأهل الفتن قامت تقادح شررها

يبرالها ألشيطان وأهل ألطواغيت=تظهر مفاتنها وتفتح أصررها

قصفتها ببيوت مثل ألدناميت=تصحي أقلوب غررت من غررها

لكن صخر ياصحيبي لها البيت=وأبرد أكبود"ولعت من حررها

الرد
الشاعر فواز القثامي



أبذكر الله فوق جني وعفريت=وأحبس بنات أفكارها في جررها

وأببدع القيفان عجله ترانزيت=تاصل لمن عفريتته محتضرها

ياللي تقول إن الزمن فيه تفويت=بقولها لك كلمتن وأختصرها

قد قالها رسول رب المواقيت=الهادي أمحمد وصفوة بشرها

ياتي زمانن تعتلي فيه بالصيب=رويبض الحيضان و نسمع خبرها

سج القدم ياصاحبي وأبنلك بيت=وسط الرياض اللي غزيرن مطرها

واليا أذن المذن وكبر وصليت=أطلب إله الكون يدفع شررها

هذي نصيحه من مجرب يابالفيت=يسامر النجمات ويتبع قمرها

[مبارك بن محيا]

فواز صح الله لسانك ولسان الشاعر نواف السميري
يا فواز قصيدته وافية ولا عليها كلام الا كلمة وررها أيقصد الورل؟؟ فهي تنطق ورلها لا وررها
أما قصيدتك فلي عليها ملاحظات
أولها عجز البيت قافية نواف ررها أما أنت فقد اكتفيت ب رها وهذا خلل
ثانيا
ياتـي زمانـن تعتـلـي فـيـه بالصـيـب(بالصيت..كيبوردي )
رويبض الحيضان و نسمـع خبرهـاحرف الواو يخل الوزن أو يثقله فلو استغنيت عنه أفضل

سـج القـدم ياصاحبـي وأبنـلـك بـيـت
وسط الرياض اللي غزيرن مطرها
أتقصد أن الرياض أهلها ملائكة ولن يكتفي شر الأشرار الا بالسكن بالرياض؟؟
وسط الرياض اللي غزيرن مطرها
الرياض لا توصف بغزارة المطر ..ماتقول لمن قرأ قصيدتك بعد شهر من الآن؟؟

هذي نصيحه مـن مجـرب يابالفيـت(كلمة يبالفيت تقال عند الاستهزاء وأتوقع أنك لا تقصدها ..
يـسـامـر النـجـمـات ويـتـبـع قـمـرهـا
حرف الواو أثقل البيت

[الحوراء بنت نجد]

فواز القثامي

شكرآ لهذا الحضور المعبر

لك تقديري

[ذوق.كوم]

فواز

صح لسانك وصح لسان السميري


تحياتي

[فـــواز القثامي]

فواز صح الله لسانك ولسان الشاعر نواف السميري
يا فواز قصيدته وافية ولا عليها كلام الا كلمة وررها أيقصد الورل؟؟ فهي تنطق ورلها لا وررها
أما قصيدتك فلي عليها ملاحظات
أولها عجز البيت قافية نواف ررها أما أنت فقد اكتفيت ب رها وهذا خلل
ثانيا
ياتـي زمانـن تعتـلـي فـيـه بالصـيـب(بالصيت..كيبوردي )
رويبض الحيضان و نسمـع خبرهـاحرف الواو يخل الوزن أو يثقله فلو استغنيت عنه أفضل

سـج القـدم ياصاحبـي وأبنـلـك بـيـت
وسط الرياض اللي غزيرن مطرها
أتقصد أن الرياض أهلها ملائكة ولن يكتفي شر الأشرار الا بالسكن بالرياض؟؟
وسط الرياض اللي غزيرن مطرها
الرياض لا توصف بغزارة المطر ..ماتقول لمن قرأ قصيدتك بعد شهر من الآن؟؟

هذي نصيحه مـن مجـرب يابالفيـت(كلمة يبالفيت تقال عند الاستهزاء وأتوقع أنك لا تقصدها ..
يـسـامـر النـجـمـات ويـتـبـع قـمـرهـا
حرف الواو أثقل البيت



هلا يابن محيا وصــــــح بدنك

وليتك تقراء القصيدة مرة ثانيه بركاده عشان تظهر صورتها الصحيحة لك


وشكلك قريتها مستعجل يابعدي
والدليل على هذا تفسيرك لكلمة الرياض !!

تحيتي.

[ترانيم المطر]

صوت وصدى ولااااااا أروع

الرياض على ما اعتقد يقصد بها المكان الملتف بالأشجار

ومفرده روضه وجمعه رياض

تحياتي

[سمية الظبي(ام فيصل)]

سـج القـدم ياصاحبـي وأبنلـك بـيـت...وسط الرياض اللي غزيرن مطرها


أعتقد ان البيت واضح
الشاعر يقصد الخروج من المدينه وغثاها
ويقصد البر والروض الأخضر ويبني بيت الشعر ولا الخيمه
ويزين الدلال وينسى هم المدينه
عساني مهتديه عالصحيح
صح لسانك ياخوي فواز
قصيده جميله ومعبره
تحياتي لك