سعيد مقبل الأكلبي
04-25-2010, 03:10 AM
http://www.gazlaltmathel.com/up//uploads/files/g01e47747e4.mp3
من نام ليله من العربان متغاني=هذاك كنّه خذا الدنيا وما فيها
لو كان يقعد سنين العمر وحداني=سيّات عمره تغطّيها حسانيها
ياصاحبي خلّها منّي وتعناني=انا احتملها ولو مانيب عانيها
خذيتها بالميانه والتميّاني=وارهيت في حق نفسي عند غاليها
واصبحت في حقّها اللي مذنب وجاني=دلّهتها لين تاهت عن خطاويها
واليوم مادامها من زلّة لساني=استاهل اللي يجيني من مساويها
وانت اعتبرها معك من كبوة حصاني=حصان ماعاد عُقب اليوم يثنيها
ياكم تحمّلتها من عند صدقاني=اضحك على شان صُحْبتنا وامشّيها
احيان اطنّش وكنّي مالي آذاني=واحيان اعجّل بحمّستها واعذّيها
مادامها من صديقي ماتعدّاني=ماهيب تنقَصّ من عُقبي مواطيها
لاصارني حاسبه من حِسّبة خواني=يفداه ماصار والشرهات مابيها
ماهمّني من كلام فلان وافلاني=الشور شوري وانا بوها واسمّيها
مادام شرّعت لاهل المزح بيباني=والناس دايم تماريني واماريها
ماهوب معقول امازحهم ولا اداني=هذي الطريقه ماهيب تسرّ راعيها
خل الثقة في ظميرك ياكحيلاني=لاتْصير حسّاس وتْفسّر معانيها
من راقب الناس مات بهمّ واحزاني=يبطي وهو علّته محدٍ يداويها
والخوة اللي على حقٍ وبرهاني=حنّا بنينا وجوّدنا مبانيها
لاصار من تحتها ساسٍ وعمداني=ماهيب تهتزّ من كلمة وتنهيها
وجهة نظر والتعامل برْ واحساني=والنيّه الطيّبه للي يبدّيها
من نام ليله من العربان متغاني=هذاك كنّه خذا الدنيا وما فيها
لو كان يقعد سنين العمر وحداني=سيّات عمره تغطّيها حسانيها
ياصاحبي خلّها منّي وتعناني=انا احتملها ولو مانيب عانيها
خذيتها بالميانه والتميّاني=وارهيت في حق نفسي عند غاليها
واصبحت في حقّها اللي مذنب وجاني=دلّهتها لين تاهت عن خطاويها
واليوم مادامها من زلّة لساني=استاهل اللي يجيني من مساويها
وانت اعتبرها معك من كبوة حصاني=حصان ماعاد عُقب اليوم يثنيها
ياكم تحمّلتها من عند صدقاني=اضحك على شان صُحْبتنا وامشّيها
احيان اطنّش وكنّي مالي آذاني=واحيان اعجّل بحمّستها واعذّيها
مادامها من صديقي ماتعدّاني=ماهيب تنقَصّ من عُقبي مواطيها
لاصارني حاسبه من حِسّبة خواني=يفداه ماصار والشرهات مابيها
ماهمّني من كلام فلان وافلاني=الشور شوري وانا بوها واسمّيها
مادام شرّعت لاهل المزح بيباني=والناس دايم تماريني واماريها
ماهوب معقول امازحهم ولا اداني=هذي الطريقه ماهيب تسرّ راعيها
خل الثقة في ظميرك ياكحيلاني=لاتْصير حسّاس وتْفسّر معانيها
من راقب الناس مات بهمّ واحزاني=يبطي وهو علّته محدٍ يداويها
والخوة اللي على حقٍ وبرهاني=حنّا بنينا وجوّدنا مبانيها
لاصار من تحتها ساسٍ وعمداني=ماهيب تهتزّ من كلمة وتنهيها
وجهة نظر والتعامل برْ واحساني=والنيّه الطيّبه للي يبدّيها