أمير بكلمتي
02-22-2010, 06:30 PM
فتنة الحفل
فتنة الحفـل زيـدى مشيتـك بختـره
كل خطوة بروق وكـل لفحـه صهيـل
باقـيٍ بيـن عقـل والجنـون شعـره
اقطعيها يا شينـه عاشـق مـو هبيـل
خلى الارض تاخذ شكـل غيـر الكـره
خلى النار تاخـذ رمـز غيـر الفتيـل
من غدى الليل شعرك قلت انا بسهـره
ومن غدى الصبح وجهك قلت مالى مقيل
ارقصى بيـن حـد الذنـب والمغفـرة
ارحلى في سكونك واسكنى في الرحيـل
ارجفـي كنـك المـاء فززتـه حجـره
واثبتـى كنـك الفضـه بعيـن البخيـل
وانحنى مثل غصن فـى طرفـه ثمـره
وأوقفى مثـل فزعـات بدويـي اصيـل
والفحـى علمينـا كيـف تقـدر مـره
تزرع الليل صبح وتزرع الصبـح ليـل
فـي عيونـك سـواد يستحيـل اخـره
كامنـن فـي بيـاض اولـه يستحيـل
واحـد تخزريـن ومايجـيـك خـبـره
اشهد انه عزيـز واشهـد انـه ذليـل
اتـرك العقـد بيـن الجـد والغشمـره
يخبر الناس وش معنى جميلـك جميـل
كن في الصدر ظبـي عيوننـا تذعـره
ينتفض ينفـض الـي مذعرينـه قبيـل
ومفرق الصدر حبـات العـرق تجهـره
كن لك عقد در وعقـد مـن سلسبيـل
بينهـم حسـد ربـي مابعـد ماصـوره
عقـد وده يجـف وعقـد وده يسيـل
اه وليـا لمحـتـك مقبـلـه مـدبـره
شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره
دام ذا خصر وش اللي بالخواتـم بديـل
وسط ثوبٍ خيوطه صمت فـي ثرثـره
بـه قليـلٍ كثيـر وبـه كثيـرٍ قلـيـل
كـل شـي بجسمـك يفضحـه يستـره
فيه فتنة قصير وفيـه حشمـت طويـل
كنـه المخطـى اللـي يطلـب المعـذره
وكنه الدامح الزلـه عـن اللـي يعيـل
فـي ردونـه نقـوش لا سنـابـل ذره
الله اعلم لـو ان الريـح هبـت تميـل
كـل شـى ونقيضـه فيـك بالمسطـره
اقرب من النفس وابعد مـن المستحيـل
كنـك الكـذب لكـن مـاحـدٍ ينـكـره
وكنك الصدق لكن مافـي يدينـا دليـل
باشت الغيـد زيـدى مشيتـك بختـره
لجل اطاول بحرفـي شامخـات النخيـل
شاعـر تلمـس ايدينـك علـى دفتـره
تغرق فبأسـط اوزانـه بحـور الخليـل
الشاعر : فهد عافت
فتنة الحفـل زيـدى مشيتـك بختـره
كل خطوة بروق وكـل لفحـه صهيـل
باقـيٍ بيـن عقـل والجنـون شعـره
اقطعيها يا شينـه عاشـق مـو هبيـل
خلى الارض تاخذ شكـل غيـر الكـره
خلى النار تاخـذ رمـز غيـر الفتيـل
من غدى الليل شعرك قلت انا بسهـره
ومن غدى الصبح وجهك قلت مالى مقيل
ارقصى بيـن حـد الذنـب والمغفـرة
ارحلى في سكونك واسكنى في الرحيـل
ارجفـي كنـك المـاء فززتـه حجـره
واثبتـى كنـك الفضـه بعيـن البخيـل
وانحنى مثل غصن فـى طرفـه ثمـره
وأوقفى مثـل فزعـات بدويـي اصيـل
والفحـى علمينـا كيـف تقـدر مـره
تزرع الليل صبح وتزرع الصبـح ليـل
فـي عيونـك سـواد يستحيـل اخـره
كامنـن فـي بيـاض اولـه يستحيـل
واحـد تخزريـن ومايجـيـك خـبـره
اشهد انه عزيـز واشهـد انـه ذليـل
اتـرك العقـد بيـن الجـد والغشمـره
يخبر الناس وش معنى جميلـك جميـل
كن في الصدر ظبـي عيوننـا تذعـره
ينتفض ينفـض الـي مذعرينـه قبيـل
ومفرق الصدر حبـات العـرق تجهـره
كن لك عقد در وعقـد مـن سلسبيـل
بينهـم حسـد ربـي مابعـد ماصـوره
عقـد وده يجـف وعقـد وده يسيـل
اه وليـا لمحـتـك مقبـلـه مـدبـره
شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره
دام ذا خصر وش اللي بالخواتـم بديـل
وسط ثوبٍ خيوطه صمت فـي ثرثـره
بـه قليـلٍ كثيـر وبـه كثيـرٍ قلـيـل
كـل شـي بجسمـك يفضحـه يستـره
فيه فتنة قصير وفيـه حشمـت طويـل
كنـه المخطـى اللـي يطلـب المعـذره
وكنه الدامح الزلـه عـن اللـي يعيـل
فـي ردونـه نقـوش لا سنـابـل ذره
الله اعلم لـو ان الريـح هبـت تميـل
كـل شـى ونقيضـه فيـك بالمسطـره
اقرب من النفس وابعد مـن المستحيـل
كنـك الكـذب لكـن مـاحـدٍ ينـكـره
وكنك الصدق لكن مافـي يدينـا دليـل
باشت الغيـد زيـدى مشيتـك بختـره
لجل اطاول بحرفـي شامخـات النخيـل
شاعـر تلمـس ايدينـك علـى دفتـره
تغرق فبأسـط اوزانـه بحـور الخليـل
الشاعر : فهد عافت