مبارك بن عمرو
12-22-2009, 04:18 AM
السلام عليكم ...قصيده متواضعه ارجو ان ترقى الى ذائقتكم الشعريه
تمضي الدنيا وتاليها على لول يعدي= لو عطاك الوصل محبوبك بدت رحلة بعاده
مادريت ان اللقا .. يخلف شقا..وان كان يجدي=كنت باوفر من اوقات اللقا حسبة نفاده
ياهمومي صرت في قبضة قيودك واستبدي= افرشي لي من تأنيب الضمير اقسى وساده
مزقي جلدي على شوك الندم وان صاح جلدي= او نزف لفي له القرطاس لجروحه ضماده
ذاب صلب الصبر...واستسلم لفيض الدمع سدي= والورد اليانعه نفذ بها حكم الاباده
امتطيت الريح بتوكل ولا ادري ويش سدي؟!!= المهم اخلى مع افكاري عن وجيه النكاده
رحلتي كل الدروب الموحشه والكون ضدي= والعرب قالو شرود الذهن من طبع البلاده
لو دروا عن فهقة ظلوعي وعن وجدي وسهدي= كان مالاموا ردي الحظ في عثرة جواده
يامتهيني وسط صحرا فراقك ضاع جهدي= ياحسوف الي حرث ماله ولا لحق حصاده
ياشذى روضه من الريحان يامسكي وندي=يا اختصار الشرح والتاليف في معنى السعاده
مانويت افارقك ساعه لو ان الود ودي= وش يبى الانسان في الدنيا سوا يقضي مراده؟؟!
وانته اقصى حلم في عمري عجز ياصلك حدي= كيف بفقد جاذبية واقعي ؟؟.. وامحي مداده
لجل احلق في فضا عينك واسجل فوق خدي= من دموع الفرح صرخة مغترب عاود بلاده
ياحبيبي مادريت ان الهوى طبعه تحدي= كل ما اكسر في البحر موجه يغرقني زياده
والجمتني كثرة امواجه ولا لوحت يدي= ماطلبت العون لني في الغرق كاسب شهاده
دام حظي فوق سطح اليابسه صابه تردي=كل مازرع في دروب الوصل تاكله الجراده
بحرث اعماق البحور الطم بافكاري وسهدي= لين اشكل من جواهرها على عنقك قلاده
ابتسم يافاتني دام الشقاء طيف ويعدي= العنا قسمي عسى قسمك من الحب السعاده
تمضي الدنيا وتاليها على لول يعدي= لو عطاك الوصل محبوبك بدت رحلة بعاده
مادريت ان اللقا .. يخلف شقا..وان كان يجدي=كنت باوفر من اوقات اللقا حسبة نفاده
ياهمومي صرت في قبضة قيودك واستبدي= افرشي لي من تأنيب الضمير اقسى وساده
مزقي جلدي على شوك الندم وان صاح جلدي= او نزف لفي له القرطاس لجروحه ضماده
ذاب صلب الصبر...واستسلم لفيض الدمع سدي= والورد اليانعه نفذ بها حكم الاباده
امتطيت الريح بتوكل ولا ادري ويش سدي؟!!= المهم اخلى مع افكاري عن وجيه النكاده
رحلتي كل الدروب الموحشه والكون ضدي= والعرب قالو شرود الذهن من طبع البلاده
لو دروا عن فهقة ظلوعي وعن وجدي وسهدي= كان مالاموا ردي الحظ في عثرة جواده
يامتهيني وسط صحرا فراقك ضاع جهدي= ياحسوف الي حرث ماله ولا لحق حصاده
ياشذى روضه من الريحان يامسكي وندي=يا اختصار الشرح والتاليف في معنى السعاده
مانويت افارقك ساعه لو ان الود ودي= وش يبى الانسان في الدنيا سوا يقضي مراده؟؟!
وانته اقصى حلم في عمري عجز ياصلك حدي= كيف بفقد جاذبية واقعي ؟؟.. وامحي مداده
لجل احلق في فضا عينك واسجل فوق خدي= من دموع الفرح صرخة مغترب عاود بلاده
ياحبيبي مادريت ان الهوى طبعه تحدي= كل ما اكسر في البحر موجه يغرقني زياده
والجمتني كثرة امواجه ولا لوحت يدي= ماطلبت العون لني في الغرق كاسب شهاده
دام حظي فوق سطح اليابسه صابه تردي=كل مازرع في دروب الوصل تاكله الجراده
بحرث اعماق البحور الطم بافكاري وسهدي= لين اشكل من جواهرها على عنقك قلاده
ابتسم يافاتني دام الشقاء طيف ويعدي= العنا قسمي عسى قسمك من الحب السعاده