اسود في ثغور الحرب

[سالم البشري]

أسودٍ في ثغور الحرب ضدت من يعاديها

http://www.alriyadh.com/2009/12/04/img/939023697054.jpg



سلامٍ من شذى نجد العذيه فاح بالريحان =سلام سلسبيله من زهور الورد نهديها
سلامٍ صادق من قلب مخلص يبلغ الشجعان =أسودٍ في ثغور الحرب ضدت من يعاديها
أسودٍ رزة الراية على قمة جبل دخان =جنود المملكة يشهد لفعل اليوم ماضيها
تقدم حامل الراية تقدم والعدو منهان =تقدم يالشجاع اللي رهن روحه لباريها
تقدم واطلق النيران واكسر شوكة العدوان =تقدم وأكشف أسرارٍ عدو الله مخفيها
شهيد اليوم هو والأمس يغفر له عظيم الشان =مع أول قطرةٍ ينزف وريده فوق أراضيها
كرامة نفس بنيادم حماية دين والأوطان =بعد من عاهده يحميه والأعراض يحميها
ولاهم والولاء لله ثم الحاكم اللي بان =أبو متعب ذرى شعبه عن الرمضى وصاليها
ملكنا خادم البيتين بعصر اليوم شانه شان =حبيب الشعب عز العرب ونار الشر يطفيها
جيوش المملكة والأمن تميز داخل الميدان =تساندهم صقور الجو والرحمن يحميها
وسلامٍ يبلغ الخوبه ويبلغ من سكن جازان =سلام يبلغ قراها وحاضرها وباديها
وسلام يبلغ مواطن سعودي مخلص وما خان =فداه اللي يخون الدار يبي يهدم مبانيها
سلام وندعي الخالق إله الأنس والأكوان =يحفظ موطن الإسلام وحرب اليوم ينهيها
جميل بن محمد العنزي

[مشعان الشملاني]

أبو حبيب

تسلم تسلم ولاهنت على الطرح الموفق والراقي

وصح لسااان الشاعر الجميل

تحياتي

[احسا سي غيرررر]

كلمات ولا اروع ولا اجمل
سلمت يمناك ودام لنا حضورك المميز

[اختزال]

صح السان الشاعر

وسلمت يمينك أخي سالم

وحفظ الله المملكة من كل مكروه

[سالم البشري]

أبو حبيب

تسلم تسلم ولاهنت على الطرح الموفق والراقي

وصح لسااان الشاعر الجميل

تحياتي

مرحبا ومسهلا
يامشعان الشملاني ولا انت