والحب يفضحني وان اخفيته يويـق

[ابن زامل]

اعجبتني وان شاء الله تعجبكم



هين مردك للفرج يأكبـر الضيـق=دام الليـالـي تقتفيـهـا لـيـالـي
هي بس تبغى طول صبر وتوافيـق=وأشيل هـم النـاس كلـه لحالـي
وعمر المربط مايسـوق المطاليـق=والحر ماترضيـه غيـر المعالـي

الطيب يمحى العيب عرف ومواثيق=والا الخطا ماله على الطيب والـي
واللي جرحني بين حدب ومعاليـق=مأخفي عليك انه الى الحين غالـي
ياحلمي اللي مالـك اليـوم تحقيـق=حبك حقيقي بـس وصلـك خيالـي
والحب يفضحني وان اخفيته يويـق=وإن مامضالـي بالوفـا مابقـالـي
جرحتني مختـار ياحالـي الريـق=واسامحك مجبـور يـاراس مالـي
صوره ولا يحتاج الإحساس تعليـق=أركض رجا ويطيح ميّـس ظلالـي
وان كان بيبان المشاعـر مغاليـق=ماهو جديد ان الزمـن ماصفالـي
ليت الهوى جمعه ولا فيـه تفريـق=أوليـت ماللبعـد فالقلـب صالـي
ياصاحبي وان شلت لك فوق ماطيق=فأنا لحالي جيـت وأرحـل لحالـي

منقوووووووووووووووووووووووووول


تحياتي ابن زامل

[سالم البشري]

مرحبا بالناقل والمنقول
وصح لسانك ولسانه ولا هنت

[ابن زامل]

اخوي سالم بالنسبه للبيت اللي انحذف

لو اعدت قراءته مافيه شي بالعكس يدل على ان الشاعر من بيئه متدينه

وكل معناه ان الله يمهل ولا يهمل
وسالي معناها لاحسيب ولا رقيب

تحياتي لك اخوك ابن زامل

[مشعان الشملاني]

ياهلا يابن زامل

تحية طيبة

ويعطيك العافية على النقل الجميل

دمت بخير

تحياتي لك