الشيمة العنقريه.......

[نديم المجره]

كف الملامه مانت باللوم مـلــزوم
خل الجروح اللـي بقلبـي خفـيـه


تلومني كنك عـن العـدل مفطـوم
الحق لي وشلـون يصبـح عليـه


ليتك وقفت بموقفي لو ربـع يـوم
تشوف كيف الدار تصبـح وذيــه


كتمت أنا عنكم سواليـف وعلـوم
تزعل غريـبٍ مـا بقلبـه حميـه


كتمتها بالقلب وادعت بـه ثلـوم
اخفي خطاهـم لا تجيهـم رديـه

ارسلتها شمسٍ وعادت لي غيـوم
ادرى عليه وهـو يـزرى علِيـه


والله لولا الله واخشى مـن اللـوم
لاشـوم عنهـم شيمـةٍ عنقريـه


دارٍ رمتني في ضحى العيد بسهوم
اذمهـا لوهـي بقلبـي حظـيـه


من ربح بالاسواق يمدح على الدوم
ومن خسر يلعنها صباح وعشيـه


ارقد ملا عينك اذا جالك النوم
مادام مالك بالسهر مقدريه


احمد بن عبدالرحمن العريفي
(نديم المجره)

[ذيب الغداري]

نديم المجره

صح لسانك حتىالرضا


تحيااي

[الصريح العتيبي]

صح لسانك واعتلا شانك

لاهنت



دمت بخير حال

[فهد بن حنس]

العريفي
بيض الله وجهك
كثر المتشاعرين وانفردت القله من الشعراء
اعجبني اكلاسيكيتك واصالتك ونجديتك الواضحه
الف تحيه

[الحوراء بنت نجد]

والله لولا الله واخشى مـن اللـوم
لاشـوم عنهـم شيمـةٍ عنقريـه



دارٍ رمتني في ضحى العيد بسهوم
اذمهـا لوهـي بقلبـي حظـيـه



من ربح بالاسواق يمدح على الدوم
ومن خسر يلعنها صباح وعشيـه



ارقد ملا عينك اذا جالك النوم

مادام مالك بالسهر مقدريه



احمد بن عبدالرحمن العريفي

(نديم المجره)




كلمات رائعه ومعاني من صميم الواقع

صغت فأبدعت \ صح لسانك

لك تقديري

[ذوق.كوم]

نديم المجرة

صح لسانك شاعرنا الرائع


تحياتي

[متعب رجاء]

صح لسانك يالعريفي

جزل كعادتك

[نديم المجره]

اخواني واخواتي الاعزاء
اشكر لكم مروركم وتعليقاتكم
واسعدني ثنائكم
الله يسعدكم دنيا وآخره
دامت لكم المسرات
تحياتي

[ناشر العاطفي]

ابدعت يالعريفي وصح لسانك ودام حضورك الرائع شاعرنا

[أبوممدوح]

الله يعطيك العافيه على هذه القصيده الجميله

[نديم المجره]

ناشر العاطفي
ابو ممدوح

اشكر لكم مروركم
واسعدني ثنائكم
الله يسعدكم دنيا وآخره
دامت لكم المسرات
تحياتي