لاح لي وجه الرياض

[محمد بن سعد الرويضان]

جينما يكون العشق الرياض

والعاشق الامير الشاعر بدر بن عبدالمحسن


يتهادى العشق طرب وشعر

فاض الشعور به إلى أن تربع في قلبي


وله وللرياض


ستكون أول المشاركات في هذا القسم المنشاء خاصة


لــِ أحباب الذوق


فلهم المكان مساحة ولنا لملمت مشاعرهم بود كبير


الرياض
في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيدها .. ومشينا ..

***
يا نصيبي من الصور .. والرسايال
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

[عاشقة النيل]

حين يكون العشق وطن
وحين يكون حرف العشق لشاعر
فحتماً سيكون نهر متدفق جمالاً
وهنا وجدت عشق مُطرز بالإنتماء روحاً وهيام قلب
وحرف شاعر


هنا صمت حرفي إلا من شيئين إبتسامة ودقات متوالية لقلب الحرف
فما أجمل عشق الوطن

الرويضان
بداية جميلة ونقل أجمل
فما أجمل أن تكون البداية وطن

دمت بالخير ودام لنا قلبك الوفي

تحياتي

[محمد بن سعد الرويضان]

وما أجمل أن تكون أولى المشاركات


بروح ال عاشقة


دام تواصلكـ .. وهذا القسم نتاج فكرك وفكر الرائع ابراهيم العنزي


فقط انتظر هطول الجميع


وبود

[عبيد السراد]

ويبقى البدر مكتملاً أبا سعد كهذه المساحة التي أعتبرها ملااااذ آخر للقلب ..
*المحبة *

المحبة أرض .. والفرقا أراضي

والزمن كله ترى لا غبت ماضي

.. والله إني ما اشوف إلا عيونك

إن رحلت اليوم أو طوّل مراضي

.. والله إني مابكيت إلا عيونك



فوق خدي كحلها والدمع فاضي

قالوا العذّال .. والعذّال مرضى

وش بـلا حالك من الأشواق قاضي !!

قلت يهجرني حبيبـي لين يرضى

علّم الظـالم ترى المظـلوم راضي

وجرّحوني في هواك وقلت أبشكي

ماهو من جرحي .. ولكن لاعتراضي

وش عليّ لو قطعوا لجلك عروقي

من رضى بالحب يرضيه التغاضي

[إبراهيم آل لبّاد العنزي]

ذائقتك .. سامية
هو البدر .. وأنت المتذوق .. ونحن كذلك
فشكرآ لك
تحياتــِ