جميل العتيبي
04-25-2009, 12:25 AM
على درب الهوى جيتك وانا عاني قبل عامين=وأنا اللي من قبل عامين جيتك والهوى زله
تدينت الهوى لجلك وانا ماني فحاجة دين=وقلطتك على المفرود وعدّيتك على الدله
وانا ياغنوتي في عام تسعه تالي الألفين=أجر الصوت في فرقاك والعلّه هي العلّه
طعنتي حروة الضلعين وقفّيتي مع الضلعين=سرقتي حرمة الشاعر وعّديتي على حلّه
وأنا لو ينطوي ليلي ولا يبقى سوى الثلثين=ابترك لك دقاق الشعر وآخذ رهوه وجلّه
وبأكتب لك على بيتين واعقبها على بيتين=ابا ابداها وانا مسمي وألا يارب بسم الله
دخيلك من رداة الحظ والفال الردي والشين=ومدمع شاعرٍ هلّه وهو ماوده بهلّه
وأنا يارب ماني عبدك اللي ينحني للزين=أنا رجلٍ يسلّ السيف والسلّه هي السلّه
يجيني الهم من صوبين واجي له فاتح الصوبين=شجاعٍ ماحسبت الهم ولّا الضيق ذا كله
صحيبي لادخل فالعين اقفّل من بعده العين=وردي الصيت له ملّه وانا ماشي على ملّه
وصية والدي يالله إنك تحفظه آمين=ليا جاك الغلط من صاحبك لا تنتبه خلّه
ولامنّه عرف وشهو الخطا ثم اعتذر بعدين=ترى ما للخليل غناة لا منّه ترك خلّه
وانا ياغنوتي بجيك لاتسأل بجي من وين =بجيلك من دروبٍ ما حواها الضيم والذله
وانا يومي ذكرتك ماذكرتك من قبل يومين=ذكرتك من قبل عامين يومنّ الهوى زله
شعر / جميل العتيبي
تدينت الهوى لجلك وانا ماني فحاجة دين=وقلطتك على المفرود وعدّيتك على الدله
وانا ياغنوتي في عام تسعه تالي الألفين=أجر الصوت في فرقاك والعلّه هي العلّه
طعنتي حروة الضلعين وقفّيتي مع الضلعين=سرقتي حرمة الشاعر وعّديتي على حلّه
وأنا لو ينطوي ليلي ولا يبقى سوى الثلثين=ابترك لك دقاق الشعر وآخذ رهوه وجلّه
وبأكتب لك على بيتين واعقبها على بيتين=ابا ابداها وانا مسمي وألا يارب بسم الله
دخيلك من رداة الحظ والفال الردي والشين=ومدمع شاعرٍ هلّه وهو ماوده بهلّه
وأنا يارب ماني عبدك اللي ينحني للزين=أنا رجلٍ يسلّ السيف والسلّه هي السلّه
يجيني الهم من صوبين واجي له فاتح الصوبين=شجاعٍ ماحسبت الهم ولّا الضيق ذا كله
صحيبي لادخل فالعين اقفّل من بعده العين=وردي الصيت له ملّه وانا ماشي على ملّه
وصية والدي يالله إنك تحفظه آمين=ليا جاك الغلط من صاحبك لا تنتبه خلّه
ولامنّه عرف وشهو الخطا ثم اعتذر بعدين=ترى ما للخليل غناة لا منّه ترك خلّه
وانا ياغنوتي بجيك لاتسأل بجي من وين =بجيلك من دروبٍ ما حواها الضيم والذله
وانا يومي ذكرتك ماذكرتك من قبل يومين=ذكرتك من قبل عامين يومنّ الهوى زله
شعر / جميل العتيبي