,,, نبض المشاعر ,,,

[مسفر الجعيد]

هلا بكم


في متصفحي الخاص





انتظروني

[مسفر الجعيد]

سلام الله على الاعضاء سلام الله على الزوار=تحيه وافيه مني من اولها لتاليها
احب الشعر واعشق له وادور طيب الافكار=واسويها قصيده والعرب تفهم معانيها
رساله تحكي الواقع و تبقى للزمن تذكار=تعبر عن محبه بين كاتبها وقاريها

[مسفر الجعيد]

قالو من انت وقلت انا انسان عادي=يكتب بيوت الشعر با احساس شاعر
قلبه من الايام يحداه حادي=ويترجم الواقع بنبض المشاعر

[مسفر الجعيد]

ماشكيت الوقت من شي ٍ بسيط= لين شفت الوقت تحداني عصاه
راحت الدنيا خبيط ٍ في خبيط=( وعنا القلب المعنا وعناه )
العباطه ما يخليها العبيط =لين ياكل له على زقمه حصاه

[مسفر الجعيد]

انا مقدر على بعّدك وقلبي مايطاوعني = يطول اليوم بغيابك وكنه عام ميلادي
انا ادري عنك لا تقدر تضر ولا انت نافعني =و لاكن صرت للقلب المعنا شف ومرادي

[مسفر الجعيد]

يا ملاك الكون منية كل ذيب =لو نسيتك يوم معناها فراق
لا تحريني بعد طال المغيب=قولي اني مت في حرب العراق

[مسفر الجعيد]

ما عاد تلقى فالزمن قلب صادق=القلب واحد والولايف ثلاثيـن
راحت قلوب الناس مثل الفنادق=تستقبل الزوار لو هم ملاييـن

[مسفر الجعيد]

كلا ٍ نهار العيد بالعيد فرحان=شخص وكشخ بالثياب الجميله
قلبه سليم ولا عرف هم واحزان=ولا كل خلق الله لحاله مثيله
عايد حبيبه ثم ضمه بالاحضان=لا وهنيه يوم يقدر يجيله
ماهوب مثلي قلبه ايشب نيران=على وليف ٍ شوفته مستحيله

[مسفر الجعيد]

ان كان بأول خطاء ودك تحاسبني=احسب حسابك على الماضي وغلطاته
ون كان زود الغلا دزّك تعاتبني=القلب ملكك وحبك زاد نبضاته

[مسفر الجعيد]

ودي اقول الحب كلمه رخيصه=استعملوها الناس في كل الاغراض
حرفين تفهمها العقول البخيصه=في وقت صار الحب من ضمن الامراض

[مسفر الجعيد]

تلعب على الحبلين وتقول احبك=لا والله الا ما تعرف المحبه
اللي مدحك اليوم بكره يسبك=لان الردي كل الاوادم تسبه

[مسفر الجعيد]

الليالي تعاندني وانا صابـر=والصبر باح والاسرار مكنونه
والبيوت الجزيله تشرح الخاطر=الوفاء نبعها والطيب مضمونه

[مسفر الجعيد]

والله لو عندي رصيد وملاييـن=لتشوف كل الناس تطلب رضايه
ناسٍ تقدم لـي بنـاتٍ مزاييـن=وناسٍ تقـدم للكرامـه نهايـه