ياخف دمك

[مشعل الذيابي]

ياورع ياللي فيك من طلة امك = من عينها وخدودها اللي كما الورد
ياورع ياحلوك وياخف دمك = وياشين ابوك اللي معك كنه القرد
ما كنه اشتالك بظهره وزمّك = ولا له على زولك حلايا ولا حرد
حسبي على خالك وجدك وعمك = يوم افردوني عن لطيف الحشا فرد
عقب احرموني صدرها اللي يضمك = يفوح صدري فوح وارجف من البرد

[عبدالرحمن المريسي]

ههههه

كلمات ولا أروع يا مشعل وماعليك زود وصح السانكـ...


دآآم عزكـ يآآخوي..


ودآم نزفـ قلمكـ,,


كلـ الود..


::المريسي::

[الراشدي]

ياورع ياللي فيك مـن طلـة امـك
من عينها وخدودها اللي كما الـورد
يـاورع ياحلـوك وياخـف دمـك
وياشين ابوك اللي معك كنه القـرد


خمسة ابيات فقط لكنها ذهب فيها امتزج الابداع بالروح المرحه النابعه من صدق المشاعر والمغلفه بلطافة التعبير

والله انني ضحكت من اعماقي على هذا البيت


يـاورع ياحلـوك وياخـف دمـك
وياشين ابوك اللي معك كنه القـرد

يمكن الرجل ما شكله مثل القرد لكن الحقد عليه اظهره في عيون شاعرنا المبدع مثل القرد

عين الرضى عن كل عيبا كليلة ولكن عين السخط تبدي المساويا

أعلان هام:
انا متابع مستمر من الان لكل ابداعات الاستاذ مشعل الذيابي

[مشعل الذيابي]

عبدالرحمن المريسي

ياهلا ومسهلا

وكل الشكر على كريم مرورك

[ابوخالد]

مشعل اسعد الله وقتك بكل خير
قصيده رااااائعه وملفته في كلماتها وكررت العوده لاتمعن في كلماتها الحلوه
ولاسلوب الرااائع
تحيااااااااااتي