بدر الدخيل
11-23-2008, 12:56 AM
.
.
الإسناد لـ " ابو عُـلا " الأخ/ علي الدخيل !
كايدة يالعضيد ولا تكودك ..
ضيقتي يا علي لا تبحث اللي خفى=خلَّها يا زبون الكايدة في خفاه
من دَرَجْت الخطى م/ اذْكر زماني !!صفى=ويش ابرجي وجفني م/ اهتنى في غفاه ؟؟
كل ما جيت ابشرب وارتويه انكفى=قـَـدْم عيني ولا لي غير اعضض شفاه
ان سكتنا غدينا هرجة(ن) بالقفى=وان حكينا قليل العرف لقـّى قفاه
انتغانم على اللافي وهو ما لفى=وان لفى دون هقوتنا نوينا جفاه
وانت يا ولد ابوي ان كان حظَّك هفى=قد هفى حظّ اخوك وبار به ما وفاه
احدعش قل فهم ومثلها في حفى=راح ثلثينها والثلث الآخر سفاه
بين جرح(ن) عميق وبين قلّـة وفا=وبين تسع الفتوق اللي عجز ما رفاه
زد عليها حبيب ونار شوق وجفا=وعاذل(ن) لا كفا شرَّه ولا صك فاه
لا هو اللي معاي اصلح ولا هو عفى=ولا هو اللي خذا حقـَّه وليته كفاه
ايتفلـَّت وانا ما طَلـْت برد ودفى=ليتني متّ برده ولا منـَّة دفاه
عقب ذيك المودَّة والغلا والصفا=كدَّرَته الليالي لَينْ بدَّل صفاه
واعذابي وانا اردد .. شفا / ما شفا=ما دريت انّ جرح الروح طاول شفاه
يا علي .. يا علي لا بان لك ما خفى=خلَّها والخفا يلقى دواه بخفاه
.
الإسناد لـ " ابو عُـلا " الأخ/ علي الدخيل !
كايدة يالعضيد ولا تكودك ..
ضيقتي يا علي لا تبحث اللي خفى=خلَّها يا زبون الكايدة في خفاه
من دَرَجْت الخطى م/ اذْكر زماني !!صفى=ويش ابرجي وجفني م/ اهتنى في غفاه ؟؟
كل ما جيت ابشرب وارتويه انكفى=قـَـدْم عيني ولا لي غير اعضض شفاه
ان سكتنا غدينا هرجة(ن) بالقفى=وان حكينا قليل العرف لقـّى قفاه
انتغانم على اللافي وهو ما لفى=وان لفى دون هقوتنا نوينا جفاه
وانت يا ولد ابوي ان كان حظَّك هفى=قد هفى حظّ اخوك وبار به ما وفاه
احدعش قل فهم ومثلها في حفى=راح ثلثينها والثلث الآخر سفاه
بين جرح(ن) عميق وبين قلّـة وفا=وبين تسع الفتوق اللي عجز ما رفاه
زد عليها حبيب ونار شوق وجفا=وعاذل(ن) لا كفا شرَّه ولا صك فاه
لا هو اللي معاي اصلح ولا هو عفى=ولا هو اللي خذا حقـَّه وليته كفاه
ايتفلـَّت وانا ما طَلـْت برد ودفى=ليتني متّ برده ولا منـَّة دفاه
عقب ذيك المودَّة والغلا والصفا=كدَّرَته الليالي لَينْ بدَّل صفاه
واعذابي وانا اردد .. شفا / ما شفا=ما دريت انّ جرح الروح طاول شفاه
يا علي .. يا علي لا بان لك ما خفى=خلَّها والخفا يلقى دواه بخفاه