أبوسفيان
10-10-2008, 09:54 PM
قصيدة بمناسبة اليوم الوطني للمملكة العربية السعوديه(78)، قالها عبد الله بن سعود المطوع (أبوسفيان)ــ القويعية.
على اسم الله عبرت القاف وانقاها جدادي=ولانيب أضرب السملة أنا انقاها جديده
سلام الله على دار العدل دار الرشادي=بلادٍ بالعدل والشرع في العالم فريده
سلام الله وأثني به لها خير البلادي=تحية بالوفا والخير غيمتها رعيده
حما الله دولة فيها الحلا دين ومبادي=بلاد المجد وأهل المجد في قلبي مجيده
بلادٍ تشغف القلب وتلاعب بالفوادي=محبتها من الدين وحمايتها عقيده
عسى الله يرحم الي فكّها عقب الطرادي=سليل المجد أبو تركي لها سل الحديده
خذا عهده ولايمها ودانت له تهادي=تروم له الوطى حب وجلال وجت وطيده
عطاها دلها مخلص اجهاٍد واجتهادي=فكر راس وحما باس ومواقيفٍ شديده
وحررها وهي حره على حد الهنادي=حميم النار فوق العسدي يجلى تليده
وعقب كثر الأسامي باسمها نادى المنادي=باسم عبد العزيز المملكه حره وليده
وعلى هذا أبحرت باقيادته عدل وسدادي=يمد لها مصافيطه ولا مد الزهيده
ومن عقبه خذوها أنجاله صقور الهدادي=توالو مجدهم والمجد هاماته بعيده
وعلى حفظ الأمانه والعهد نعم العوادي=على كبد البلد برد وبلا الحاقد تزيده
تلقاها سعود اللي مواقيفه شدادي=وسار ولا توانا السير والخطوات أكيده
سعود اسعود درع ٍ لاقدح ملح الزنادي=لها حظنه دفا واعداه في فرزه ضهيده
وسلمها لفصيل واسمه لفعله وكادي=حكيم وحاكم وحكم السلف يسعى يعيده
إمام العدل والحكمه عمد مجده اصلادي=شهيدٍ يشهد التاريخ له والله شهيده
وخذها خالد وجا الخير له سايس و حادي=تحت حكمه قطفنا حلوها نجني نضيده
حكم خالد غدى فال العرب روح وغوادي=سواة العسجدي في العقد يبهاه ويزيده
وعقبه جت مع الي ماهنا نوم ورقادي=فهد حلحيلها لو زاد بالوقت اتعقيده
قضبها والبحر متلاطم ولاهوب هادي=وبالحكمة وبالحنكه صفت رحله سعيده
فهد ضلع البلاد أن جالها هز وميادي=كعام العايل إن جا بالعيا ينبض وريده
وعقبه صارت لحرٍ له نمد الأيادي=على الطاعه نمد له اليدين ويبسط ايده
ابومتعب عطينا ه العهد حضر وبوادي=على هدي الله ينادي ويلقى ما يريده
ملكنا درعنا عن كل غّدار معادي=عطيب الظرب عند الكرب في ضربه مجيده
بابو متعب بشايرها غطاريف وتنادي=معه للخير وجه وخطوته دايم رشيده
معه والى العهد سلطان في الشده سنادي=كعام العايل إلياشبت ودارت وقيده
ابو خالد تراه الغيث عن وقت الرمادي=تراه الهاطل المدرار مده وتعضيده
سلمتي يابلدنا سالمه ظل وبرادي=تحت حكم السعود الله عساها لك مديده
سلمتي عن وجيه الغدر مزكية الفسادي=سلمتي دونك رجالٍ على الطوله حميده
هنيك ياوطن شعبك شدى بالعهد شادي=عهد ماتستباح أرضك ولايركل كديده
أقوله لك بيومك ما احسب الك اليوم ٍ عادي=أسجلها مشاعر صغتها لجلك قصيده
على الثمان والسبعين والطرقه ركادي=تسير ولا تلفت للورى نفسك عنيده
وعدد مانبتت الأرض وعدد ماسال وادي=صلاة الله على أفضل رسله وصوفة عبيده
عبد الله بن سعود بن سليمان المطوع (أبوسفيان).
على اسم الله عبرت القاف وانقاها جدادي=ولانيب أضرب السملة أنا انقاها جديده
سلام الله على دار العدل دار الرشادي=بلادٍ بالعدل والشرع في العالم فريده
سلام الله وأثني به لها خير البلادي=تحية بالوفا والخير غيمتها رعيده
حما الله دولة فيها الحلا دين ومبادي=بلاد المجد وأهل المجد في قلبي مجيده
بلادٍ تشغف القلب وتلاعب بالفوادي=محبتها من الدين وحمايتها عقيده
عسى الله يرحم الي فكّها عقب الطرادي=سليل المجد أبو تركي لها سل الحديده
خذا عهده ولايمها ودانت له تهادي=تروم له الوطى حب وجلال وجت وطيده
عطاها دلها مخلص اجهاٍد واجتهادي=فكر راس وحما باس ومواقيفٍ شديده
وحررها وهي حره على حد الهنادي=حميم النار فوق العسدي يجلى تليده
وعقب كثر الأسامي باسمها نادى المنادي=باسم عبد العزيز المملكه حره وليده
وعلى هذا أبحرت باقيادته عدل وسدادي=يمد لها مصافيطه ولا مد الزهيده
ومن عقبه خذوها أنجاله صقور الهدادي=توالو مجدهم والمجد هاماته بعيده
وعلى حفظ الأمانه والعهد نعم العوادي=على كبد البلد برد وبلا الحاقد تزيده
تلقاها سعود اللي مواقيفه شدادي=وسار ولا توانا السير والخطوات أكيده
سعود اسعود درع ٍ لاقدح ملح الزنادي=لها حظنه دفا واعداه في فرزه ضهيده
وسلمها لفصيل واسمه لفعله وكادي=حكيم وحاكم وحكم السلف يسعى يعيده
إمام العدل والحكمه عمد مجده اصلادي=شهيدٍ يشهد التاريخ له والله شهيده
وخذها خالد وجا الخير له سايس و حادي=تحت حكمه قطفنا حلوها نجني نضيده
حكم خالد غدى فال العرب روح وغوادي=سواة العسجدي في العقد يبهاه ويزيده
وعقبه جت مع الي ماهنا نوم ورقادي=فهد حلحيلها لو زاد بالوقت اتعقيده
قضبها والبحر متلاطم ولاهوب هادي=وبالحكمة وبالحنكه صفت رحله سعيده
فهد ضلع البلاد أن جالها هز وميادي=كعام العايل إن جا بالعيا ينبض وريده
وعقبه صارت لحرٍ له نمد الأيادي=على الطاعه نمد له اليدين ويبسط ايده
ابومتعب عطينا ه العهد حضر وبوادي=على هدي الله ينادي ويلقى ما يريده
ملكنا درعنا عن كل غّدار معادي=عطيب الظرب عند الكرب في ضربه مجيده
بابو متعب بشايرها غطاريف وتنادي=معه للخير وجه وخطوته دايم رشيده
معه والى العهد سلطان في الشده سنادي=كعام العايل إلياشبت ودارت وقيده
ابو خالد تراه الغيث عن وقت الرمادي=تراه الهاطل المدرار مده وتعضيده
سلمتي يابلدنا سالمه ظل وبرادي=تحت حكم السعود الله عساها لك مديده
سلمتي عن وجيه الغدر مزكية الفسادي=سلمتي دونك رجالٍ على الطوله حميده
هنيك ياوطن شعبك شدى بالعهد شادي=عهد ماتستباح أرضك ولايركل كديده
أقوله لك بيومك ما احسب الك اليوم ٍ عادي=أسجلها مشاعر صغتها لجلك قصيده
على الثمان والسبعين والطرقه ركادي=تسير ولا تلفت للورى نفسك عنيده
وعدد مانبتت الأرض وعدد ماسال وادي=صلاة الله على أفضل رسله وصوفة عبيده
عبد الله بن سعود بن سليمان المطوع (أبوسفيان).