مسفر بن منيف الدوسري
05-21-2008, 11:00 PM
بسم الله الرحمن الرحيم
اخواني الكرام
السلام عليكم ورحمة الله و بركاته
يسرني مشاركتكم بهذه القصيده
و هي في الشيخ : هادي بن سعد بن محمد المصارير (( رحمه الله ))
و طيبه و ذكره الطيب هو ما دفعني لكتابة القصيده فيه رحمه الله
و راع العلوم الغانمه ما ينسى حتى لو حصل مهما حصل
و هي قليلٍ في حقه الله يسكنه جنات النعيم
أقووووووووول فيها :
البارحه يـوم أن نـور القمـر مـال = وعيون خلـق الله غلبهـا الرقـادي
غارت علي همومي أنـواع وأشكـال = هجاد ... ياليـل العنـا والهجـادي
هاذي تعل القلب من عقـب الانهـال = وهاذيك تطعن في رهيـف الهنـادي
لين أقتلت في مهجتـي كـل الآمـال = وأعلنت فالقلـب الجريـح الحـدادي
ويوم أني خفت الهم يلحق على الحال = قدحت في جـوف القصيـد الزنـادي
وسويتلـي دلـه وصبيـت فنـجـال = لهل المثايل فيـه سبـع القنـادي
ألقابه السلـوان مـع راحـة البـال = كنـي هـل النـدّر نهـار الهـدادي
وعقب أرجهن البال فكـرّت فالحـال = واقع مرير .. إن قالت النـاس عـادي
ناسٍ تحسب الطيب في زيف الأقـوال = هاموا علـى ماقيـل فـي كـل وادي
هم يحسبون الناس تجهـل بالأفعـال = لاصـار ماللقـول ناتـج حـصـادي
يالله دخيلك من بلى بعـض الاحـوال = لاسلم .. لامذهب .. ولامـن مبـادي
وقامت هجوسي تحتضر بعض الازوال = بادوا لكَن الطيـب منهـم م.. بـادي
والطيـب يبقـى لوتقافـن الأجيـال = تفنا اليدين ويبقـى نقـش الأيـادي
وراعي الكرم والطيب تضرّبه أمثـال = في سيرتـه ماجـف حبـر المـدادي
مثل السخي شيخ الكرم طيـب الفـال = ألـي شهدولـه حضرهـا والبـوادي
شيخٍ لعينا الطيب يدعس على المـال = عنده كريم الناس صـار أقتصـادي!
له مجلسٍ للخلـق منـزل ومدهـال = وريـفٍ لربعـه فالسنيـن الشـدادي
وألا مواقيفـه مواقـيـف الأبـطـال = ياقف آلين يجلا البيـاض السـوادي
ولو تلحقه سـو المنايـا والأهـوال = عن موقفه ماأهتـز طرفـه وحـادي
أبوسعـد لاصكـت الجـال فالجـال = له فزعة مهلهـل وصبـر المهـادي
من روس لابه مجدها بروس الأقـذال = لاد الحبيبـي سقـم كبـد المعـادي
رحـل وقفّـى لكـن الطيـب مـازال = لاطروّا أسمـه فـاح عنبـر وكـادي
رحل وورّث عاطـر الذكـر وعيـال = ذخيرتـن تسـوا كنـوز الـبـلادي
ولوقيل مات الطيب من موت رجـال = لقول مات الطيب من مـوت هـادي
فيـاالله يامنـزل تبـارك والأنـفـال = محصي القرون المرمسه والجـدادي
ياباسط الارضيـن وأوتادهـا جبـال = ويارافعـن سبـعٍ بلـيـا عـمـادي
تمـد قبـره عشـرة أميـال بأميـال = مد البصر شـوق النظـر ياجـوادي
وتمطر عليه امـن الهماليـل همـاّل = نـوّنٍ ينثّـر مـاه رايـح وغــادي
وتجعل له الفردوس مـاوى ومنـزال = وتظلـه بظلـك بيـوم التـنـادي
مـع النبـي وأصحابـه الغـر والآل = آمين .. في جاهـك يـارب العبـادي
و سلامة الجميع
أخوكم الشاعر : مسفر بن منيف الدوسري
أبو نايف
اخواني الكرام
السلام عليكم ورحمة الله و بركاته
يسرني مشاركتكم بهذه القصيده
و هي في الشيخ : هادي بن سعد بن محمد المصارير (( رحمه الله ))
و طيبه و ذكره الطيب هو ما دفعني لكتابة القصيده فيه رحمه الله
و راع العلوم الغانمه ما ينسى حتى لو حصل مهما حصل
و هي قليلٍ في حقه الله يسكنه جنات النعيم
أقووووووووول فيها :
البارحه يـوم أن نـور القمـر مـال = وعيون خلـق الله غلبهـا الرقـادي
غارت علي همومي أنـواع وأشكـال = هجاد ... ياليـل العنـا والهجـادي
هاذي تعل القلب من عقـب الانهـال = وهاذيك تطعن في رهيـف الهنـادي
لين أقتلت في مهجتـي كـل الآمـال = وأعلنت فالقلـب الجريـح الحـدادي
ويوم أني خفت الهم يلحق على الحال = قدحت في جـوف القصيـد الزنـادي
وسويتلـي دلـه وصبيـت فنـجـال = لهل المثايل فيـه سبـع القنـادي
ألقابه السلـوان مـع راحـة البـال = كنـي هـل النـدّر نهـار الهـدادي
وعقب أرجهن البال فكـرّت فالحـال = واقع مرير .. إن قالت النـاس عـادي
ناسٍ تحسب الطيب في زيف الأقـوال = هاموا علـى ماقيـل فـي كـل وادي
هم يحسبون الناس تجهـل بالأفعـال = لاصـار ماللقـول ناتـج حـصـادي
يالله دخيلك من بلى بعـض الاحـوال = لاسلم .. لامذهب .. ولامـن مبـادي
وقامت هجوسي تحتضر بعض الازوال = بادوا لكَن الطيـب منهـم م.. بـادي
والطيـب يبقـى لوتقافـن الأجيـال = تفنا اليدين ويبقـى نقـش الأيـادي
وراعي الكرم والطيب تضرّبه أمثـال = في سيرتـه ماجـف حبـر المـدادي
مثل السخي شيخ الكرم طيـب الفـال = ألـي شهدولـه حضرهـا والبـوادي
شيخٍ لعينا الطيب يدعس على المـال = عنده كريم الناس صـار أقتصـادي!
له مجلسٍ للخلـق منـزل ومدهـال = وريـفٍ لربعـه فالسنيـن الشـدادي
وألا مواقيفـه مواقـيـف الأبـطـال = ياقف آلين يجلا البيـاض السـوادي
ولو تلحقه سـو المنايـا والأهـوال = عن موقفه ماأهتـز طرفـه وحـادي
أبوسعـد لاصكـت الجـال فالجـال = له فزعة مهلهـل وصبـر المهـادي
من روس لابه مجدها بروس الأقـذال = لاد الحبيبـي سقـم كبـد المعـادي
رحـل وقفّـى لكـن الطيـب مـازال = لاطروّا أسمـه فـاح عنبـر وكـادي
رحل وورّث عاطـر الذكـر وعيـال = ذخيرتـن تسـوا كنـوز الـبـلادي
ولوقيل مات الطيب من موت رجـال = لقول مات الطيب من مـوت هـادي
فيـاالله يامنـزل تبـارك والأنـفـال = محصي القرون المرمسه والجـدادي
ياباسط الارضيـن وأوتادهـا جبـال = ويارافعـن سبـعٍ بلـيـا عـمـادي
تمـد قبـره عشـرة أميـال بأميـال = مد البصر شـوق النظـر ياجـوادي
وتمطر عليه امـن الهماليـل همـاّل = نـوّنٍ ينثّـر مـاه رايـح وغــادي
وتجعل له الفردوس مـاوى ومنـزال = وتظلـه بظلـك بيـوم التـنـادي
مـع النبـي وأصحابـه الغـر والآل = آمين .. في جاهـك يـارب العبـادي
و سلامة الجميع
أخوكم الشاعر : مسفر بن منيف الدوسري
أبو نايف