فالح البريكان
08-26-2007, 09:16 AM
سواتك تجرح الدنيا وفعلك ماحدن سوّاه=وتشهد للزمن بصمه تلم اذنوبه لراعيه
تبيعه والثمن غفله تحدد بالزمان اقصاه=تموت بعينك الصوره ويمسح شوفك اللي فيه
وهو يسعى لخاطر رمش عينك مجتهد لارضاه=يتابع حالة النزوه مزاج وغايته يرضيه
غدالك نور رغم انك تطفي نوره بظلماه=وصفالك واعتبر غدرك على قد الدلع والتيه
اخذ منك العتاب اسباب تاكل سيته حسناه=وعطيته بالذنوب اعذار جت في موته تعزيه
رواك بشوق وجدانه وهو منك الضما مارواه=وجا للباب والحفته سراب بظلمته تغديه
انا مالوم فيك الا شعورك كيف هذا ارضاه=اذا انه ماجحد ذكرى ومانكر بالزمن ماضيه
ذبحت بروحه الهمّه وحمّلته خطاماخطاه=على البهتان واذلاله عن اعزومه ربطت ايديه
وبعثرته شتات حروف مات الشرح عن معناه=واخذت السيطره مبدا ومركز خدمه وتوجيه
تعذّب من يبي قربك وهو كله عطاك اياه = ورغم انه عطاك اياه غير الهم ماتعطيه
غريب تعيش باحساسك ومالك بالوجود اشباه=اشوفك كأنك اسطورة خيال بفارق التشبيه
ملكت من الردى حزمة واخذت من العدو اسواه =وصرت الخاين اللي بالردى يملك ثمان اوجيه
ياليت العين في جثة ضميرك بالعدل تقراه=وحقي منك لو دمعة ندم وارضا بكلمة ليه
تبيعه والثمن غفله تحدد بالزمان اقصاه=تموت بعينك الصوره ويمسح شوفك اللي فيه
وهو يسعى لخاطر رمش عينك مجتهد لارضاه=يتابع حالة النزوه مزاج وغايته يرضيه
غدالك نور رغم انك تطفي نوره بظلماه=وصفالك واعتبر غدرك على قد الدلع والتيه
اخذ منك العتاب اسباب تاكل سيته حسناه=وعطيته بالذنوب اعذار جت في موته تعزيه
رواك بشوق وجدانه وهو منك الضما مارواه=وجا للباب والحفته سراب بظلمته تغديه
انا مالوم فيك الا شعورك كيف هذا ارضاه=اذا انه ماجحد ذكرى ومانكر بالزمن ماضيه
ذبحت بروحه الهمّه وحمّلته خطاماخطاه=على البهتان واذلاله عن اعزومه ربطت ايديه
وبعثرته شتات حروف مات الشرح عن معناه=واخذت السيطره مبدا ومركز خدمه وتوجيه
تعذّب من يبي قربك وهو كله عطاك اياه = ورغم انه عطاك اياه غير الهم ماتعطيه
غريب تعيش باحساسك ومالك بالوجود اشباه=اشوفك كأنك اسطورة خيال بفارق التشبيه
ملكت من الردى حزمة واخذت من العدو اسواه =وصرت الخاين اللي بالردى يملك ثمان اوجيه
ياليت العين في جثة ضميرك بالعدل تقراه=وحقي منك لو دمعة ندم وارضا بكلمة ليه