فرزانيات

[محمد بن فرزان]

أول النزف بيت يتيم من (12) سنه


يامن تقول أن حظي اليوم طايح = قلي متى هو قام حتى انه يطيح

[محمد بن فرزان]

البنت راحت قالت اتابـع ستـار = مدري وش اللي حبب البنت فيهم
وضع انحلالي للملا صاير جهـار = ماهمب من جنسي ولا نيب ابيهم
جابوا لنا في هاالزمن وصمة العار = ياخيبة اللـي جالسـن يحتريهـم

[محمد بن فرزان]

ثـلاث والله يشرحـن الخاطـر = ماء وطبيعة معهن الوجه الحسن

[محمد بن فرزان]

فيني حزن لَكنّها تشتت الحـزن = يكفخ لها قلبي مابيـن الحنايـا
ضحكاتها تنزل على خافقي مزن = ولها تجود الروح شوق وتحايـا
فـغيابها عيوني عن نعاسها قزن = من غيرها عندي بكـل البرايـا

[محمد بن فرزان]

دامك ابجنبي ما عليّه من الوقـت = لو جارت ضروف الليالي والايـام
ما غيرك احدن في زماني له اشتقت = انت الوحيد اللي لي آمال واحـلام

[محمد بن فرزان]

لو جمّعوا بنات حـوّا بهـا الكـون = والله ما يسوون عنـدي ولا شـي
الا انت يا اجمل رمش ظلّل له عيون = أحييت ميت مات في نظـرة الحـي

[محمد بن فرزان]

عاهدتها با للي خلقهـا وخلقنـي = أني فلا اخون العهد دامنـي حـي
أطهر بنات الكـون ربـي رزقنـي = يا ويش ابي في غيرها والغلا.. هي

[محمد بن فرزان]

الله يسّهل درب من سارت عصير = من يمّة الغربي على يمّة الشرق
بنتٍ غلاها غير وفراقهـا غيـر = من بينها وبين العذارى مية فرق

[محمد بن فرزان]

وينك حبيبي من لك شهور غايب = سحايبك ما جادت اليوم باسبـاب
يوم الصبر من عند ربّي وهايب = دلّى يوّديبـي لمـرّه ولا جـاب

[محمد بن فرزان]

الحب حاجة سامية يابراهيم*= مغروسةٍ في روح الانسان دايم
تكوينته تحتاج بعض المفاهيم = ذعذع بها حرفك بنفح النسايم
لقيت حرفٍ ماطرٍ كنّـه الديـم = على النقا والا الخنا منه شايم

[محمد بن فرزان]

ثلاث عندي فالزمن شانها شان = المرجله والصدق وايضا الكرامه
وثلاث عندي رايحه في خبر كان = الغدر هو والكذب وايضا النمامه

[محمد بن فرزان]

يا بسمة الدنيا تريّـث وشفنـي = قدّام عينك والسكن فـي خفوقـك
والا انت عانك بين رمشي وجفني = أن ما حفظتك كيف أوفّي حقوقك

[محمد بن فرزان]

تمسي بقلبي ثم تصبـح بعينـي = عطرك مساي ونور قلبي ومعناي
يا فجري الضاحك بمعتم سنيني = عز الله أنك كاسبٍ دايم رضـاي

[محمد بن فرزان]

تعال خلّك بقلبي وحدك العاهـل = ما دمت راضي بإنك انت سلطانه
منحتك القلب وآنا ماني بجاهـل = خلّك بقربه وتلقى منـه تحنانـه
من سيل حبه فلا غيرك احد ناهل = وان ما كفت جمّته ترويك وديانه

[محمد بن فرزان]

.

أبتسمِ لي ساعة
وأبتسم لكِ باقي العمر
لا تعلمين كم سفرٍ يأخذني لتلك الإبتسامة
فلا تبخلي بِها

.

[محمد بن فرزان]

.

سأظل كل الطرق
إلا طريقي إليكِ
لا لشي
سِوى إنكِ غدوتِ كل أتجاهاتي
فأنتِ
بسمة فجري
و
عطر مسائي
لذا أحببتكِ وسأبقى أحبكِ
إلى أن يحين موعد رحيلي
من هذه الحياة
وهذا هو وعدي الذي قطعته لكِ منذُ سنين
وسأبقى وفياً لوعدي
وإلا لن أستحق أن أكون
حبيبك

.