بـــوح الــذكــرى..للذكرى

[علي الحزمي]

ليه تسألين ؟؟!!



وتساليني عن الالم .... اللي جرحني في الصميم
كنّك بغيتي تنبشي
جرحي القديم
وتنشدين الحال وربي ..صار في جرحي عليم
وليه تسألين؟
جرحي اللي في قلبي طرى ...جرحي الاليم
ليتك سألتيني السبب
كانك تشوفين العجب
ذنبي اني مره ,,, كنت احاول
بس احاول ... لو اصير بيوم
عاشق او محب
ولو تعرفين .... أو تذكرين
منهو الذي فينا حمل بإيده قلم
ومنهو بسكين الغدر يمسك بايده
ويذبح القلب البرئ
ولو تعرفين الفرق ما بين
القلم والا الألم
كانك بجرحي تشعرين
معقول قلبي ينجرح
والا غرامي ينذبح
معقول عهدي في غرامك
تــــــــــــــنكرين
ليه المواجع في غرامي
تزرعين؟
ليه الخفوق اللي باسمك ينشدك
لا ترحلين ؟
ليه الوله اللي بروحي
يعشقك عمر وسنين ؟
ليه يالغرام
تنسي غرامي والحنين؟
وتذكرين
يوم الرسائل زيّنتها احرفي
باحلى الكلام
والا القصايد يوم كانت في غرامك
ترسمك
او تذكرين
ذيك الورود اللي بايدي
زيّنت منك الخدود
وتذكرين
يوم التقينا .......... تذكرين؟
ويوم افترقنا ....... تذكرين ؟
ولا تساليني وشو السّبب
ضاقت عيوني من الدموع
وضاقت حروفي من القلم
والحسره في روحي علي
محبوب قلبي يوم خان
واليوم يسالني عن اللي في حياتي
اليوم يسالني السّبب
والله عجب ... اللي ذبحني
ما على قلبه ملام
لو هانت العشره عليه
وهان في قلبه الغرام
وجاء يسألني السبب
والله عجب ..... اللي قتلني
واعتني درب الغدر
باع المواثيق اللي كانت بيننا
احلامنا
وانغامنا
كل المودّه اللي بنيناها سنين
واليوم يسألني السبب
والله عجب...
ولا تسألين
لاني قبل اعطيك ردّي ,,,,, بأنــــتــــظر
........ قبل أعتذر............

[علي الحزمي]

فيها مانع....؟!!!


عصر يوم السبت .. جاني
مثل كل مره صداااااع
بس هالمره لقيته ...
صار متوحش وقاااسي
آآآآه يا راااااسي
شار لي اقرب رفيق وقال هذا
كرت مجاني بعيادة .. اسمها
يمكن مداوات الألم .. أو اسمها حسره وندم !!
(روح وتودّد للطبيب ولا تخاف .. ان كنت حاسس بالضياع)
...............
ويوم دشيت العياده .. ما لقيت الا موظف واسمه
((بالاعمال قايم ))
... كان نايم
آآآآآه يا رااااااااسي
فز من نومه يطالع في عيوني وفي جبيني
ايه قللي انت دكتور البلاوي ؟
رد لي وقال انت شكلك .. كنت لي يوم ٍ مخاوي
قلت ابد والله اني مااعرفك ولا عرفتك
اي وربي ... ولا ناوي

وين دكتور البلاوي ؟
وين صندوق الشكاوي ؟
قل ادخل : بس تراه الحين رايق!!
والمصيـــبه انه رايــق
ولو تبي مني المشوره ارجع بوقت الزعل
لأجل تغنم من مقصات الجراح ... او تفوز بشيء ما تلقاه الا وسط بطنك
بعد شهر
ولو كتب ربي لك العمر الجديد...
تلقى كل مره جديد !!!!
قلت : لا والله اني لازم اكشف
واعرف المستور فيني والمخبّى والقدر
وأسباب اهاتي وخوفي والكدر
آآآآه يا رااااااااااسي

قال وش رايك اطالع وسط ذا الفنجان بختك
والا هات ايدك لاشوف اشلون مكتوبك وحظّك

قلت : حدّك
ماني مهبول ومتيّم في كلام الزيف واوهام العجايز
والا ما تدري بان الكف
والفنجان
والابراج
يا اهبل حرام .....
قال يالله الحين دورك .. انت تدخل عالطبيب
وليت امالك تخيب ...!!!

آآآآه يا راسي


جاني الدكتور وقبل انه يحط اللي بها
اضحى يسمونه مداوي .. فوق صدري
قال : تدري قلت: سَمْ
قال : بدري قلت : من عمرك وعمري
قال : تدري قلت : ايوه
قال : خلَّك في غباااااااااك
ويوم اخذ من ايدي قطره ... ويمكن أكثر
قلت له عيـــــد النَّــــظر
قال : انت شكلك مغرم بحب الوطن
قلت له : حد الكفن
قال: اسمك ؟ قلت : حزمي
قال : رسمك قلت : نشمي
قال : رقمك قلت : ما عندي رقم !!!!
وبعد ساعة ...


قال : حامـــل قلت : منهو ؟!!!
قال : انت .. وما نطقت
قال : حاااااامل فيك فيروس الحياء أضحى كثير وصار
يجري في دمك مجرى العروق
ولا تجاااااادل !!!!!

وفيك آفات لكرم والذوق والاصل الحميد
وفيك من اهل الشهامه والمحاسن
وفيك طيب القلب وانك ما تحب اللي
يجااااامل


وفيك اخطر ما على هذا الزمان وكل خوفي
ان فيروسك يصير بيوم عدوى ينتقل للناس
والدنيا تصير بيوم واحد
قلب واااااااحد ..
لكن اسمع ...
والله ما عندي دواك ولا عرفته
حتى ما عمري درسته

ولو درسته ما فهمته

قلت : يكفي قال : جاهل
قلت : كيفي قال : عاااااقل !!!

لو لقينا اليوم كل واحد بكيفه
قول يا حسره سلام ...
قلت له : شكرا .. سلام
قال : يا ولدي بغيت اعطيك وصفه
لاجل تنسى ... وكيف تنسى
وانت قاموس الألم .؟؟!!!
لكن اسمع روح لامريكا وطالع في المدان
و الا في باريس تلقى ذوق من زود المحاسن
المهم انك تغادر كل ربعك وكل اهلك والزمن
قلت : الزمن ؟؟؟!!!
فردّ لي : انك بفيروس المحبة تقتل اشكال الفتن
واصير في يومين عااااااطل ..


قلت له : والحل يا دكتور شفني زاد في راسي الصداااااع
ومن كثر ما جيت ادور لي دوا
حسيت عمري من كلامك
اعلن الحين الودااااااع

آآآآه يا رااااسي

قال : ناسي ؟؟؟ قلت : راسي

قال : قاسي ؟؟ قلت رااااسي

قال راسك ماابد والله فيه اي حاجه

لكن الاوهام خلتك بدقيقه ..
تعتقد انك منااااضل
قلت : واااااااصل قال : حاصل
قلت يكفيني ترى هديت راسي
قال : شكلك مو سياسي
قلت له : ملعون من ذاق السياسة او عرفها
او طعم منها طعيمة
او شرب منها شراب
نعنبوها ...........
لى غدا الشاكي يعاني من فلاسه
والموظف ما عرف معنى الكياسه
والبلاوي في مداخلها حراسه

نعنبوها ........
لى غدا الدكتور طامع بالرياسه
والمريض يموت حسره بانتكاسه
والوطن والدار تعمرها النجاسه


نعنبوها ......

لى غدا الاستاذ متباهي لباسه
او غدا المسئول مملوك الخراسه
لو لقينا الف عاطل في شوارعنا تدوّر
اي وظيفه
ورغم هذا تستمع منهم سوالف
كلها مثل السوالف ..
والمجالس والحريم وصوت طلاب المدارس
لين توصل ... للجوامع

نعنبوها ....


لى غدا المجنون .... من فعل السياسه
والمشاكل كلها باسم السياسه
والسياسه كلها صارت سياسه


نعنبووووووووووهاااااااااااااااا

قال : ضـــايع قلت له : مليون صايع
والسلام ....
قال : وين؟؟؟؟ قلت له :
والله موادع
لكن اسمعني دقيقة
انا صوب الدار راجع
فيها ... مانع ؟


تقديري لكم

اخوكم
علي الحزمي