رسائل شامخ الشامخ (( هنا فقط ))..!

[شامخ الشامخ]

السلام عليكم ورحمة الله وبركاته

هنا ..

سأضع بعض الأبيات اللتي كانت مشروعا لقصيدة ..


وهذا آخرها ..




شهرين أدزه في رسايل وتقرير = و ترجع عليّ ارسالتي ..ما استلمها ..!
يا من يبشرني عنه .. هل هو بخير؟ = وليه الغياب .. ودولته وش علمها؟
مدري بعد غيبة حبيبي وش يصير = الصبر طال .. وحالتي طال ألمهاا .!



مع التقدير
ابو نايف

[شامخ الشامخ]

السلام عليكم ورحمة الله وبركاته

كنت اصدق مقولة ..
الصداقة تتطور لتصبح حبا ً ..
والحب لايمكن ان يتراجع ليصبح صداقه ..!






في واقع الحياة ..

يحدث الكثير خارج إرادة الأنسان ..
تعشق أنسان .. وتتعلق به ..
فتصبح المشاعر رهينة ذلك الشخص ..
وتصبح الحياة مبتسمة بوجوده ..
تتجاوز حدود العشق معه.. حتى تهييييييييييييم به حبا ً ..!

وفجأة ..!!!

يحدث مالم يكن بالحسبان ..!
يجبر ذلك الشخص ليبتعد عنك .. أو يصبح ملكا ً لغيرك ..!
بدون خيانة ٍ أو جروح ..!
فلا يجب أن تبتعد .. ولايجب ان تقترب .. بل إبتسم رغم الألم ..!

ضع يداك بيداه .. وأحفظ ذلك الحب في الصميم ..!
وأكمل ذلك الطريق :
( أخا ً ) .. بمعنى الأخوة ... و ( صديقا ً ) بمعنى الصداقه ..!

فلا يجب أن نخسر من أحببناه يوما ً ..
ولايجب أن نبقى تحت رهان القدر .. ونهدم جدار مستقبلنا ..!
فلم نخلق لذلك الشخص ..
فنموت عند فراقه ..!

فأهلا ً به كـ / صديق ..!
وإليه ..



حبيبي .. يوم حان أفراق مثلك ما قدرت أنساك = وأنا كنت أرسمك ( كل الحياة ) لنصفي الثاني..!
بأكون أقرب صديق ٍ لك .. وانا باقي على ذكراك = تبسم لعنبو جد الظروف .. وبعثر أحزاني ..!
بقلمي ..

ابو نايف

[شامخ الشامخ]

تبكي عليه ليه .. بعد اللـذي صـار=ما يهمنـي تـذرف دموعـك عليـه
((خسرتني)).. وأجمع ملفات الأعذار=وصوّر معاها .. جانب الفيصليـه..!



مع التقدير

ابو نايف

[شامخ الشامخ]

ماني بمقسم لك ب/عزى وب/اللات=بأقسم لك برب البشر ( جلّ شانه )
والله .. لو تخطف صورها المجلات=حطت لها .. في كل صفحة مكانـه



مع التقدير

ابو نايف

[شامخ الشامخ]

الوقت ضيق .. والأجازة قصيرة =وأنا حلفت اني لأعيد على النييييييييييل ..!


ابو نايف

[شامخ الشامخ]

على مد النظر جرح السنين .. ودمعتي .. والنور =على مد النظر .. حال السواد .. ولا طلعت صورة ..!



مع التقدير

ابو نايف

[شامخ الشامخ]

كـان بــه شــيء ٍ يسـمـى ( كـارثـه شعـريـه)=والله انــي غـيـر اسويـهـا .. وأســوي مـعـهـا
(معجزة)..مـثـل اكتـشـافـي ( قنـبـلـه ذريـــه)=حطهـا لـي الشعـر.. يـوم البحـور اصنعهـا..!
كن في راسي (مطارات الشعر) ((حصريه))=أكـبـر الـلـي مسـتـوي باليابـسـة وأوسعـهـا..!
يــوم شــاف الشـعـر مـالـه بالـهـرب مـولـيـه=اعلـن اخضوعـه .. وعينـه ذورفــت مدمعـهـا
قـلـت: صــادق يالشـعـر وألا مخـبـي نـيـه..؟=قـال جملـة .. وأرتجـي يـا سامـعـي تسمعـهـا
و الله انـي لـو مـا خفـت ( محـاربـة دولـيـه )=وخفـت شـيء ٍ مـن شــرار الحـاقـدة يولعـهـا
لأتـرك اي انـسـان غـيـرك ( وافتـتـح كلـيـه )=واسـمـهـا بـيـنـي وبـيـنـك .. بـيــن بمطـلـعـهـا


مع التقدير

ابو نايف

[شامخ الشامخ]

يا مرحبا فيك .. بشرني عن احوالك = بشر عساك ابتسمت .. وزانت اظروفك
وين انت .. قلي ..ترى مشتاق لوصالك = من يوم غبت .. وتلاشت عني احروفك
( الشوق ) ما هو مثل مايمر في بالك = اشتقت لك .. كثر ما قلك سكن جوفك
ان غبت عني .. تراي بغيبتك هاااالك = مقتول من ( خنجرك والجرح وسيوفك )
بدد همومي .. بصوتك واطيب افعالك = مع نسمة الصبح .. لا زارتني اطيوفك
ارسم لي الحب في شعرك وموالك = واتركني ارسلم خيالك .. واكشف اوصوفك
وان كان شوفك صعيب .. وصعب منوالك = إن رادها الله .. لغير اجيييك واشوفك
والعمر يمضي وانا فالي على فالك = يمكن يمر العمر .. وأرد معروفك ..!



مع التقدير

ابو نايف