@.@ ثلاث سنين ولا كنها جرت @.@

[وحيدة أبوها]

اصبحنا مجرد اثنين انتهت قصتهم من سنه !!
عشنا وعشنا ولا حد فينا عشق !
حتى العشق في دواخلنا انتهى !!
حتى المحبه في عيون حبنا انتهت !!

اصبحنا مجرد اثنين كل واحد منهم نسـى
ثلاث سنين عشناها ولا كأنها جرت !

شافني شفته ماتبسم لي ومشى
اللي نعرفه ان قصتنا انقضت !!

ماخنته لكنه خانني بالوفا ....
خلاني دنيا ماشافت هنـا .....

اصبحنا اثنين لكن قصتنا انتهت !!
عرفنا بعضنا ثلاث سنين وانتهينا من سنه !!

فيها واحد منا هو بس اللي وفا !!
والثاني خاين ولا كنه يحب !!

تقول من تحب !! يقول احب الفنــــا !!
ولا من سالته من بقلبك .. عدد لي عشر !!

اللي عرفته !!

انه ما شاف الوفا !!
ولا يوم تعرف به واعترف !!

يحسبه انتصار لامن طعني بالجفا !!

كنت احسبه وافي وشي مختلف !!
اثري انااا وحدي بس اللي وفاا !!

عشت له سنه اكتب له وأولف !!
له من قصيد لين قصيدي انتهى !

احبه يعني انه حبٍ مختلف !!

رووح ياعاشق الخيانه والفنـــا !!

روح وابدا حياتك من الألف !!

روح سامحك ربي ع الجفـا !!

روح بكره تجيني وبحبي بتعترف


بكره تلاقي من يعلمك وشهو " الفنا "

بكره تلاقي اللي يجرحك !!

سامحك ربي .. يا اللي اعطيتك " اسم الغلا "

وش نلت منك غير " قلبٍ محترق "






الحقوق محفوظة


وحيدة ابوها

[المستحـــيل]

دنيا غريبه وكل يوم لها حال
نضحك ونفرح والنهايه حزينه
إن قلت زانت إنكسر حظي ومال
وتناثرت أفراح قلبي وسنينه

وش بقى غير الألم
وذكريات قديمه
وش بقى غير القلم
يكتب حروفي الأليمه

دنيا غريبه وكل يوم لها حال ***

بنت أبوهــــا

عندمـا يكتب الحزن أنفاسه .. ويرسم آلامه بـ لوحه مليئه بالخيانه
تتعالي صرخــات القلوب المجروحه ..
يكفي ألم يكفي جراح
مابقى في العمر كثر اللي راح

وآه يالغدر عذب قلوب الناس

مررت من هنـا فتذكرت آلامي ..

كوني بخير ..

[النـدى بنت عبدالرحمن]

صح لسانك
كلمات شعريه رائعه
اتمنى من الله لكي التوفيق
دمتي بكل خير
اختك نجمـ الندىـة

[ثامر عبود]

وحيدة ابوها

كلمات جميله جدا
كلمات من الروائع والدرر الفارهه
سلمتي عزيزتي على روعتك وجمال حرفك


تحياتي

[غـروب]

http://groob654.jeeran.com/Alhawe_Graphic_com_Line%20(26).gif



(( وحيدة ابوها ))



صح لسانك ..


كلمات جميلة ..

و القادم أجمل بإذن الله ..




تشرفت بقرائتك ..




مودتي




http://groob654.jeeran.com/25.gif

[غانم الحمود]

وحيدة ابوها

كلاماتك في غاية الجمال
سطرتي بابداع وجمال حرف
سلمت يداك نص فاخر وراقي بحضورك
فاستمري بهذا الجمال والعطاء

تحياتي

[عزوف الليل]

السلام عليكم ورحمة الله وبركاته
الأخت العزيزة: وحيدة أبوها
مشاركه مميزة منك واستمتعت من اولها الى آخرها واتمنى لك دوام التوفيق

[وحيدة المشاعر]

فيها واحد منا هو بس اللي وفا !!
والثاني خاين ولا كنه يحب !!

بنت ابوها ..

صح لسانك ولاهنتي يالغاليه ..

الحب قصة ابطالها اثنين ..
................... واحد وفي والثاني يخون ..

ناسية لاي شاعر ..

المهم

انا مؤمنة بهذا البيت جدا ..

صح نبضك وصح قلبك ..

خاطرة مليئة بالم الخيانة ..

وكما ذكرت بخاطره لي سابقه تختص بالخيانة ..

الخيانه بس صدفه ماتجي يوم بمعاد ..

تمشي مفتح عيونك واثق انك بس تشوف ..

وبس لحظه ترمش عيونك تغمض ..

ماتلاقي غير سيفٍ موقعه وسط الخفوق ..

والله انك لو تخيلته معاي ..

ماوصلت لطعم جرحة مثل ماذاق الخفوق ..

الخيانه شي اكبر من مرض يكوي بروح ..

الخيانه بكل بساطة ..

قمة التحطيم بأنفاس العظيم ..

الخيانه ماهي بضد الوفا ..

الخيانة بحر يطمر كل معالم من وفا ..

لا تلوم اللي يعيش بوحدته ..

دام كل الخلق كانت له تخون ..

ولا تلوم اللي يعيش بدنيته خوفٍ بخوف ..

ماهي بصعبة نقول وش بها عادي يكمل ..

لكن الاصعب وقوف من بعد طول القعاد ..

واعرف الخوان يبحث عن ضحية ..

والضحية مو غزال بحضن امة ..

ولاهو مهرٍ تو يتعلم وقوف ..

الضحية انسان صادق ماتصفق له كفوف ..

الضحية انسان وافي كلهم خانوا وفاه ..

الضحية انسان صادق ماعرف زيف الحلوف ..

الخيانه بختصار كلمة من خمسة حروف ..

لو تطيح بأرض خاين صعب تتعلم وقوف ..

وإن وقف قلبك بيوم تندفن فيه الجروح ..


*****

اعذرني على الاطاله او اقتحام خصوصياتك الكتابية بحضور حروفي المتواضعه بحضور حروفك..


فلم يجذبني سوى الالم هنا .. والخيانة ..

غاليتي ..

كلمات عذبة .. حضور عذب .. والم بين سطور المحب ..

فلم تكوني ضحية الا لطهرك وصدقك ..

فلا اجد مايرقى بشموخك وجمال حرفك ..

لذا ورغم روعه حروفك ..

لا اقول سوى ..

ان السكوت في حرم الجمال جمال ..

دمتي بهذا الرقي والتميز .. والله يبعد عنك الخيانة يالغاليه ..

مع خالص تحياتي وتقديري لكي ولحرفك المبدع ..

اختك.. وحيدة المشاعر

[حزن العيون]

صح لسانك وتسلمين عالقصيده الجميله والمعبره ودمتي لتمتعينا

[وحيدة أبوها]

مساء الخير والاحسااس


اولا شكرا جميعا على الردود الحلوة !!


المستحيل ::

مشكور على ردك الرائع ...
وحبيت اضيف لرد بعض الكلمات ...

(( فعلا الدنيا كلها غريبة , وتحتضننا احيان بوفـا
بس أحيـان الاقيها جريئة , لما ينعدم فيها الهنـا
مثل ما ان شخص " ن " يحب ويخونه حبيبه , تحسه من حقه لو سأل دنيـاهـ :: وش سويت بك أنـا ؟؟ ))

مشكور مرة ثانيه :: لاعدمناك ..


**

نجمه الندى ::

مشكورة اختي نجمه وانتي الاروع !!
والله يوفقنا جميعا ...
نورتي الصفحه ..

**


ثامر عبود ::

مشكور اخوي على الرد ..
وردك الاجمل ...
احرجتني بكلامك ...

لاعدمناك ..



**

غروب ::

تسلمين .. وردك الاجمل ...

وانا ايضا تشرفت بردك ...

**

غانم الحمود ::

مشكور اخوي على هذا الاطراء ..
اتمنى دائما ان اقدم كل مايرضيكم ....

سلمت على كلماتك ... واسعدني وجودك

**

فارس الكلمه ::

استمعت انا كذلك بردك ومرورك وقرائتك لما اكتب ...
لاتحرمني من طلتك ..
يعطيك العافيه ..


**

وحيده المشاعر ::

كم احترت ماذا اكتب لك من الرد فـ لم اجد سوى ابيات تسعفني
علّها توفي حقك وتوصل الرد كما اريد ...

الخيـانه وش هي الخيـانه !!
بعض الجروح تبرى لكن جرحها يظل ينزف !
تحب تعشق تقول بحبه دامه وفي ومدامه .... حبيب ويحلف يظل معك ( يحلف )
فجأه ,, بدون سابق انذار
تلقـاه غير كلامـه !
وباعـك وشـرى غيرك ووعده لك " اخلف " ..
تسأل القدر علامه معبس " ن " في وجهك " علامه "
بس تنصدم لما :: لا انت ولا القدر بهالسبب : يعرف : ....

اسعدني ردك الجميل ...

همسه ::
( لا طولتي علينا ولا شي بالعكس اسعدني ردك )


يعطيك العافيه

**

حزن العيون ::

صح بدنك .. الله يسلمك على الرد
نورت الصفحه !!


****


شكرا للجميع على الردود ..




(((( وحيدة )))) أبوها