نــززززفي وو عــززززفي

[شجاع الوازعي البقمي]

بسم الله الرحمن الرحيم ..


أهلا وسهلا بمن مر وبمن سيمر على متصفحي الخاص

ومملكتي الخااااااصه ,,


اتمنى ان اقدم بها مايرضيكم



هنا ستجدون جميع قصائدي التي نشرتها على النت

والتي لم تنشر ايضاا

وهنا ستجدون مقالاتي الخاصه

وهنا ستجدون ايضا قصائدي الصوتيه التي سجلتهااا

وهنا ستجدون صورا من بعض قصائدي المنشوره عبر الاعلااام المقرووء



اتمنى ان تجدون مايسرررركم



اخوكم شجاع الوازعي البقمي

[شجاع الوازعي البقمي]

قد يتسائل البعض

ماهي اقرب قصائدي الى قلبي



هي قصيدة
احزاااااااااان سرييييييييييييييييييه

وهاهي بين ايديكم


ســــؤال حيــــــــرني



علامك

علامك يازمن

علامك يازمن تقسى

علامك

؟؟


...

..







علامك يازمن تقسى عليّه بأول المشوار=نسيت إن العروق الي وسط قلبي شبابيه

جرحت/ولا مسحت/وكم قدحت/بداخلي من نار=تشب النار في قلبي بأساليبٍ مهاريه

بكيت ودمعة عيوني على خدي كما الأنهار=ولا أحدٍ هزه شعوره وواساني على نيّه

انا أذكر يوم كنّا في زمان أول كثير صغار=همومي لعبتي يوم النوايا دايما حيّه

ضحكنا ضحكةٍ فيها براءة والقلوب احرار=ومشينا مشية الطفل الصغير يراقب الفيّه

أشيل دروسي بيدي ولا أعرف طمرة الأسوار=وأحل الواجب بسرعه وانا نفسي حماسيّه

ولا أعرف صالة الأسهم ولا أعرف نشرة الأخبار=ولا أعرف دورة الشارع ولا طلعه مسائيّه

أعرف إسمي شجاع ولامشيت بداخل الأخطار=وأعرف إني سعودي عايشِ بأرض السعوديّه

كبرت وكبرت الدنيا بعيني والأماني كثار=أخط أهدافي بعقلي بخطه حيلّ ناريّه

صدمت بداخل الدنيا جدارٍ ثم وراه جدار=حزين وخاطري ضايق وانا نفسي شقاويّه

كما شيخٍ كبيرٍ في مشيبه ينقض الاسرار=وحيله في يدينه لاصفق ذيّه على ذيّه

وكما رجلٍ معاقٍ شاله الكرسي عن الانظار=صواعيق الزمن فوقه يبي وقفات حنيّه

وكما ذاك الكفيف الي زمانه فوق راسه جار=يحسب اخطاه بالممشى ولا ماشى حراميّه

كما ذاك الصغير الي يتيمٍ جالّ وسط الدار=ينادي مامه وبابه وضاقتبه آراضيّه

كما ذاك الغريب الي سكن في آخر الأديار=قليله ناس تفهم له يخطّ أبيات شعريّه

كما ذاك الشجاع الي فقد عزمه بدون إنذار=فقد عزمه وسط قومه وضعفه صار ماريّه

كما ذاك المريض الي طبيبه بالمرض محتار=ولايعرف دواه ولو يجي شركه دوائيّه

وانا والله همومي لو بوصفها كثير كبار=أبكتم باقي همومي وفيه ( أحزان سريّه )

وانا والله من همي كتبت أشعار فوق أشعار=ولا ابغى سلم الشهره ولا حلقه فضائيّه

علامك يازمن تقسى عليّه بأول المشوار=نسيت إن العروق الي وسط قلبي شبابيه

وسلاااامت قلوووبكم

[شجاع الوازعي البقمي]

قصيدة اعتز بها كثيرا

السكني والكهف واعوووذ بالله العظيم ..!!


اترككم معها .

/
/


أحبتي...


يفقد الإنسان الواقع للحظات كي يعيش خيال واسع

هنا..


لقد عشت خيالي


آملا ان تحوز هذه البسيطه على استحسان ذائقتكم

:
/
:
/
:


القصيده تكتب الواقع وننطقها شعور=واقعٍ صعب ومحير توّه العقل الحكيم

جيت أبكتب ياخلايق قصةٍ فيها حضور=للمآسي والمصايب جابها قلبٍ رحيم

نفتح ستار القصيده والمعاني والبحور=والخطاوي في ثباتٍ في طريقٍ مستقيم

عائله منها تكوّن خمسة أفرادٍ زهور=أرمله معها ظناها فوق كرسيٍ هشيم

وعندها مريم وفاتن وفيهم الصغرى بدور=طفلةٍ في مهدها واللبس من لحفٍ قديم

لاخوال..ولاعمام..ولافلوس..ولاقصور=عايشين بكهف مظلم مايجي وسطه فهيم

والكهف كله دوابي مع متاهات الجحور=والعقارب سمّها يذبح ولا فيها عقيم

وحولهم غابه كبيره ماتحومبها الطيور=ولازئير..ولاصهيل..ولابها شيٍ يهيم

وشربهم من نهر واحد يقنع النفس الصبور=وأكلهم من نخلةٍ من قدرة الرب الكريم

ويسمعون أصوات دايم كنّها صفقة قدور=مصدره مايعرفونه والخبر عند العليم

وأمهم تسمع في طبلة إذنها صوتٍ جهور=تعرف الصوت وتناسى وقلبها ماهو سليم

وإبتدى هالصوت نفسه من ظهورٍ في ظهور=توّه الأم الضعيفه وإنطلق جرحٍ أليم

ولاصحت من نومها تلقى لها علبة عطور=صابها رعشه ودهشه وصار موقفها هزيم

وصابها بعض الجنون وصابها بعض الفتور=عقب ماشافت نجوم الليل بالظهر القويم

وتالي الليله تشاهد بالكهف نورٍ ونور=لاسراج.. ولارماد.. ومصدره يبقى عديم

وجاتها مريم وتسأل عن عواقيب الأمور=ويش في هالكهف يمه يفجع القلب اليتيم

آهٍ يامريم ترا بالكهف رجالٍ يدور=إسمه (( السكني )) وطبعه يحرق أعصاب الحريم

ثمّ صاحت بنتها فاتن وفزنّ الصدور=صيحةّ من قوّها رجت لها كهفٍ رميم

أسرعي يمه تعالي فيه قبر من القبور=وفيه هيكل آدمي واعوذ بالله العظيم

وفيه يايمه ظلوع وجمجمه فيها كسور=خايفه يمه تعالي ذكريني بالنعيم

وفيه يايمه سلاحٍ آه يمكنه يثور=ماسبق وإن شفت مثله يحمل الشكل الذميم

وشافت الأم السلاح الي على مرّ العصور=باقيٍ في قلبها ماطاح والذكرى جحيم

ذا سلاح أبوك يافاتن وانا قلبي غيور=ذابحينه مجرمينٍ مع هبايب النسيم

ودافنينه في جحور الكهف والكهف مهجور=وطاحت الأم الضعيفه من قهرها ياحليم

وفارقت دنيا الطفوله..والأمومه..والفجور=وإتركت أربع زهورٍ مالهم غير الحكيم

ونختم ستار القصيده والسطر آخر سطور=ونستعيذ الآنّ بالله كل شيطانٍ رجيم
:

/

:


وسلامتكم


شجاع الوازعي